စစ်ကိုင်းတိုင်းဒေသကြီး၊ ကသာခရိုင်၊ အင်းတော်မြို့မှာ ဖေဖော်ဝါရီ ၂၅ ရက် ညနေ ၃ နာရီက မိုးသက်လေပြင်းတိုက်ခတ်လို့ လူ ၁ ဦးသေဆုံး၊ ၂ ဦး ဒဏ်ရာရရှိပြီး လူနေအိမ် ၅ လုံး ပျက်စီးခဲ့တယ်လို့ အင်းတော်မြို့နယ် အထွေထွေအုပ်ချုပ်ရေး ဦးစီးဌာနရုံးက သိရပါတယ်။
မနေ့ညနေက မိုးသက်လေပြင်းတိုက်ခတ်တဲ့အတွက် သက္ကယ်ကျင်းကျေးရွာနေ ဦးကျော်မြင့်ရဲ့ လယ်တဲပေါ်ကို မကျည်းပင်ပြိုကျပြီး ဦးကျော်မြင့်နဲ့အတူ ဇနီးသည် ဒေါ်နှင်းရီတို့ ထိခိုက်ဒဏ်ရာတွေရရှိကာ အင်းတော်မြို့ ပြည်သူ့ဆေးရုံမှာ ဆေးကုသမှု ခံယူနေရပါတယ်။
ဒါ့အပြင် နန့်ခင့်ကျေးရွာ အနောက်မြောက်ဘက်လယ်ကွင်းမှာ လယ်ထဲမှာ ရေစုပ်စက်နဲ့ ရေတင်ပြီးပြန်လာတဲ့ ကိုသိန်းနိုင်ဟာ လယ်ကွင်းအတွင်း မိုးကြိုးထိမှန်သေဆုံးခဲ့တာကြောင့် အင်းတော်မြို့မ ရဲစခန်းမှ သေမှုသေခင်းနဲ့ အမှုဖွင့်ထားတယ်လို့ အင်းတော်မြို့မရဲစခန်းက သိရပါတယ်။
လေပြင်းတွေကြောင့် အင်းတော်မြို့ အောင်ချမ်းသာရပ်ကွက်၊ အောင်ဇေယျရပ်ကွက်၊ နားနောင်ကျေးရွာတို့ရှိ လူနေအိမ် ၅ လုံး နေအိမ်အမိုးတွေ ပျက်စီးခဲ့ပါတယ်။
အနောက်ဖက်မှ ရွေ့လျားလာနေတဲ့ လေဖိအားနည်းရပ်ဝန်းတခုကြောင့် ဖေဖော်ဝါရီ ၂၅ ရက် မနက် ၉ နာရီခွဲမှ ၂၄ နာရီအတွင်း ချင်းပြည်နယ်၊ စစ်ကိုင်းတိုင်း၊ ကချင်ပြည်နယ်၊ မကွေးတိုင်း(မြောက်ပိုင်း)တို့မှာ နေရာကွက်ကျားမှ ကျဲကျဲ မိုးထစ်ချုန်း ရွာသွန်းနိုင်တယ်လို့ မိုးလေဝသပညာရှင် ဦးထွန်းလွင်က ခန့်မှန်းပါတယ်။
မိုးတိမ်တောင်တွေကြောင့် မိုးခြိမ်းတာ၊ လျှပ်စီးလက်တာ၊ လေပြင်းတိုက်ခတ်တာ၊ မိုးသီး ကြွေတာ၊ မိုးကြိုးပစ်တာတို့ ဖြစ်ပေါ်နိုင်ပါတယ်လို့လည်း ခန့်မှန်းထုတ်ပြန်ထားပါတယ်။
ကိုကိုလင်း(အင်းတော်)
DVB
0 comments:
Post a Comment