ယခု ၂၀၁၉ ခုနှစ်၊ ဇွန်လမှ သြဂုတ်လအတွင်း မြန်မာတစ်နိုင်ငံလုံးရှိ မဲဆန္ဒရှင်မူကြမ်းစာရင်းကို သက်ဆိုင်ရာ အဖွဲ့အစည်းများနှင့်ပူးပေါင်းကောက်ယူသွားမည်ဖြစ်ကြောင်း ပြည်ထောင်စုရွေးကောက်ပွဲကော်မရှင်အဖွဲ့မှ အဖွဲ့ဝင် ဦးမြင့်နိုင်က ပြောသည်။
ရန်ကုန်တိုင်းဒေသကြီးရွေးကောက်ပွဲကော်မရှင်ရုံးတွင် ဇွန်လ၂၄ ရက်ကကျင်းပသော ကဏ္ဍစုံမှ ပါဝင်ပတ်သက်သူများနှင့်တွေ့ဆုံပွဲတွင် ယခုကဲ့သို့ပြောခြင်းဖြစ်သည်။
“ အခုတော့ မဟာဗျူဟာဆောင်ရွက်မှုတွေထဲက အချက်တစ်ချက်က မဲစာရင်းပြုစုရေးပေါ့။ အဲဒီတော့ မဲစာရင်းပြုစုတဲ့အခက်အခဲတွေ၊ မဲစာရင်းကြည့်ရှုတဲ့အခြေအနေအားလုံး သိထားပြီးသားပါ။ ဒီအခက်အခဲတွေကို ကျွန်တော်တို့လည်း ကောင်းသထက်ကောင်းအောင်၊ တိုးတက်သထက်တိုးတက်အောင်ပိုပြီးတော့ ပြုစုနေတာပေါ့။ အဲဒီတော့ ပထမဦးဆုံးမူကြမ်းမဲစာရင်းကို ၃ လအတွင်းပြုစုသွားပါမယ်။ တစ်နိုင်ငံလုံး အတိုင်းအတာနဲ့ပေါ့။ရွေးကောက်ပွဲကိုလည်း မြို့နယ်အားလုံးကျင်းပသွားနိုင်အောင် ရည်မှန်းပါတယ်’’ ဟု ပြည်ထောင်စုရွေးကောက်ပွဲ ကော်မရှင်အဖွဲ့မှအဖွဲ့ဝင် ဦးမြင့်နိုင်ကပြောသည်။
မဲစာရင်းများကောက်ယူရာတွင် လူဦးရေစာရင်းကို လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန အပါအ၀င် အထွေထွေအုပ်ချုပ်ရေးဦးစီးဌာနတို့မှ လူဦးရေစာရင်းများနှင့်တိုက်ဆိုင်စစ်ဆေးကာ ကနဦးကြည့်ရှု၍ ရပ်ကွက်အတွင်း အမှန်တကယ်နေထိုင်ခြင်းရှိမရှိကိုပါ ကောက်ယူသွားမည်ဖြစ်ကြောင်း သိရသည်။
“ မဲစာရင်းကိုကောက်တာမှာအရင်ဆုံးလူဦးရေစာရင်းကို ကျွန်တော်တို့ကောက်ပါမယ်။ လူဦးရေစာရင်းထဲမှာမှ မသန်စွမ်းသူများကိုလည်း မဲဆန္ဒရှင်စာရင်းထဲမှာကောက်သွားမှာဖြစ်ပါတယ်။ အမြင်အာရုံမသန်စွမ်းလား၊ အကြားအာရုံမသန်စွမ်းလား စသဖြင့်ကောက်ယူပြီး ဒီအမျိုးမျိုးမသန်စွမ်းစာရင်းကို ကောက်ယူပြီးတော့ သူတို့ မဲပေးတဲ့အခါမှာ ၀ှီးချဲနဲ့လာတဲ့သူကို မဲပေးနိုင်တဲ့အနေအထားဖြစ်အောင်ကျွန်တော်တို့ စီစဉ်ပေးမှာ ဖြစ်ပါတယ်’’ဟု ရန်ကုန်တိုင်းဒေသကြီးရွေးကောက်ပွဲကော်မရှင်အဖွဲ့မှ အတွင်းရေးမှူး ဦးတင်မောင်အေးက ပြောသည်။
ပြီးခဲ့သော ၂၀၁၅ ခုနှစ်အထွေထွေရွေးကောက်ပွဲတွင် အမျိုးသားဒီမိုကရေစီအဖွဲ့ချုပ်(NLD) ပါတီမှ အနိုင်ရရှိခဲ့ကာ အစိုးရတစ်ရပ်ဖွဲ့စည်းနိုင်ခဲ့သည်။
မင်းသီဟန်(အကုန်သိသတင်းဌာန)
0 comments:
Post a Comment