တင်းနစ်လောကသို့ တစ်ကျော့ပြန်လည်ဝင်ရောက်မည်ဟု ရှာရာပိုဗာ ကတိပြု၊၊ လေးနှစ်ကျော် ပွဲပယ်ခံရဖွယ်ရှိ

မယ်လ်ဒိုနီယမ်တားမြစ်ဆေးဝါးကို သတိလက်လွတ် အသုံးပြုခဲ့မိသည့်အတွက် တားမြစ်ဆေးစစ်ဆေးမှုကျရှုံးခဲ့ရသော ရှာရာပိုဗာသည် သူမအနေနှင့် ပွဲပယ်ပြစ်ဒဏ်ကာလ လွန်မြောက်ချိန်တွင် တင်းနစ်လောကသို့ တစ်ကျော့ပြန်လည်ဝင်ရောက်လာမည်ဟု ဖေ့စ်ဘွတ်ခ်လူမှုကွန်ရက်စာမျက်နှာကတစ်ဆင့် သူမ၏ပရိသတ်များကို ကတိပြု ပြောကြားလိုက်ကြောင်း Daily Mail က ဖော်ပြထားသည်။တားမြစ်ဆေးကျရှုံးသည့်အတွက် သူမအနေနှင့် ပြိုင်ပွဲများပါဝင်ကစားခွင့်ပိတ်ပင်ခံရတော့မည်ဖြစ်ကြောင်း ရှာရာပိုဗာက သတင်းစာရှင်းလင်းပွဲကျင်းပ၍ တရားဝင်ထုတ်ပြန်အသိပေးလိုက်အပြီးတွင် သူမကို ထောက်ခံအားပေးသူများက အီးမေးလ်များပေးပို့၍ စိတ်ဓာတ်မကျဘဲ အခြေအနေအရပ်ရပ်ကို တွန်းလှန်ရင်ဆိုင်ရန် ရှာရာပိုဗာကို နှစ်သိမ့်ခဲ့ကြပြီး ကာယကံရှင် ရှာရာပိုဗာကလည်း ယခုအခြေအနေကို ကစားသမားဘ၀၏အဆုံးသတ်အဖြစ် သူမအနေနှင့် လက်မခံနိုင်ကြောင်း ဖွင့်ဟပြောဆိုသွားခဲ့သည်။

အပြည်ပြည်ဆိုင်ရာ တင်းနစ်အစည်းအရုံး(ITF)နှင့် ကမ္ဘာ့တားမြစ်ဆေးဝါး ထိန်းချုပ်ကန့်သတ်ရေးအဖွဲ့(WADA)တို့သည် လက်ရှိတွင် ရှာရာပိုဗာကို ပြစ်ဒဏ်ချမှတ်ရန်အတွက် ဖြစ်စဉ်အသေးစိတ်ကို ပြန်လည်စစ်ဆေးလေ့လာနေပြီဖြစ်ပြီး ယခုဖြစ်စဉ်အတွက် အမြင့်ဆုံးချမှတ်နိုင်သည့်ပြစ်ဒဏ်ပမာဏမှာ ပြိုင်ပွဲများပါဝင်ကစားခွင့် လေးနှစ်ကျော်ပိတ်ပင်ခြင်းဖြစ်သည်ဟုလည်း သတင်းများထွက်ပေါ်နေသည်။

အသက် ၂၈ နှစ်အရွယ်ရှိ ရှာရာပိုဗာသည် လက်ရှိတွင် လော့စ်အိန်ဂျလိစ်ကမ်းခြေ၌ ပုံမှန်အတိုင်းပင် လေ့ကျင့်ရေးအစီအစဉ်များ ဆောင်ရွက်လျက်ရှိပြီး သူမအနေနှင့် အကောင်းဆုံးကိုမျှော်လင့်၍ အဆိုးဆုံးအခြေအနေကိုရင်ဆိုင်ရန်လည်း အသင့်ပြင်ထားသည်ဟု ရှာရာပိုဗာက အသိပေးထားသည်။

မယ်လ်ဒိုနီယမ်သည် သွေးအားနည်းဝေဒနာကိုကုသရာတွင် လွန်စွာအရေးပါသည့် ဆေးဝါးတစ်ရပ်ဖြစ်ကာ သူမအနေနှင့် အမျိုးမျိုးသော ကျန်းမာရေးပြဿနာများကြောင့် မယ်လ်ဒိုနီယမ်ဆေးဝါးကို မှီဝဲနေခဲ့ရသည်မှာ လွန်ခဲ့သည့် ၂၀၀၆ ခုနှစ်ကတည်းကဖြစ်ကြောင်းလည်း ရှာရာပိုဗာက ၀န်ခံထားသည်။

ITF သည် ရှာရာပိုဗာကို လာမည့်မတ်လ ၁၂ ရက်နေ့မှစတင်၍ ပြိုင်ပွဲများ ပါဝင်ကစားခြင်းမပြုရဟု တားမြစ်ကန့်သတ်လိုက်ပြီဖြစ်ပြီး ပွဲပယ်ပြစ်ဒဏ်စီရင်ရာတွင် အဆိုပါမတ်လ ၁၂ ရက်နေ့မှစတင်၍ အကျုံးဝင်လိမ့်မည်ဟု ITF က ဆိုသည်။

The Voice Weekly