ဘားအံမြို့သို့ သွား ရောက်အလုပ်လုပ်ကိုင်နေသည့် ကုမ္ပဏီဝန်ထမ်း ဇနီးမောင်နှံက ထီဆိုင်၏လက်ကျန်ထီ ၁၀ စောင်ကို ဝယ်ယူကံစမ်းရာမှ ကျပ်သိန်းတစ်သောင်းဆုကံထူးခဲ့သည်။
(၁၄)ကြိမ်မြောက် အောင် ဘာလေထီကျပ်တစ်သောင်းဆု ထီလက်မှတ်ကို ဘားအံမြို့ ရတနာသိန်းထိုက်အောင်ထီဆိုင် တွင် ဧပြီ ၃၀ ရက်ညက ကံစမ်းခဲ့ ပြီး ‘ဃ-၃၆၃၁၁၁’ ထီလက်မှတ် ဖြင့် ကံထူးခဲ့ကြောင်း ကျပ်သိန်း တစ်သောင်းဆုရှင် ကိုဉာဏ်လင်း ဦးက ပြောသည်။
‘‘ည (ဧပြီ ၃၀) က အပြင် သွားရင်း ရုံးက အပြန်ဝင်ထိုးလိုက် တာ ဘားအံမှာပဲ။ ထီက ရွေးစရာ မရှိတော့ဘူး။ အဲဒီ ၁၀ စောင်တွဲပဲ ကျန်တယ်’’ ဟု ၎င်းက ဆိုသည်။
ကိုဉာဏ်လင်းဦးနှင့် ဇနီး မအေးမြသန္တာတို့သည် ဧရာဝတီ တိုင်း ဘိုကလေးမြို့ဇာတိဖြစ်ပြီး ရန်ကုန်မြို့တွင် အိမ်ငှားနေထိုင် သူများဖြစ်ကာ အလုပ်တာဝန် အရ ဘားအံမြို့သို့ ရောက်ရှိနေ သည်မှာ ခြောက်လခန့်ကြာပြီဖြစ် သည်။
အောင်ဘာလေထီကို လစဉ် ကံစမ်းလေ့ရှိပြီး လွန်ခဲ့သည့်ဆယ် နှစ်က ကျပ်နှစ်သောင်းဆုတစ် ကြိမ်ပေါက်ဖူးသည်ဟု ကိုဉာဏ် လင်းဦးက ပြောသည်။
‘‘အလှူအတန်းလုပ်မယ်။ မိဘတွေကို ကန်တော့မယ်။ အခု လုပ်ငန်းထဲကို ရှယ်ယာထည့် မယ်။ အိမ်ဝယ်မယ်’’ ဟု Lotus Bridge Microfinance ကုမ္ပဏီ တွင် Chif Operation Officer ရာထူးဖြင့် တာဝန်ထမ်းဆောင်နေသည့် ကိုဉာဏ်လင်းဦး က ပြောသည်။
7Day
No comments:
Post a Comment