နိုင်ငံခြား ရင်းနှီးမြှုပ်နှံသူများအတွက် တရုတ်အစိုးရက ဈေးကွက် ချဲ့ထွင်သွားမည်ဖြစ်ကာ ဉာဏ ပစ္စည်း မူပိုင်ခွင့် ကာကွယ်ခြင်းလည်း လုပ်ဆောင်သွားမည်ဖြစ်ကြောင်း အာဂျင်တီးနားနိုင်ငံတွင် ကျင်းပမည့် G 20 ကမ္ဘာ့ခေါင်းဆောင်များ အစည်းအဝေးကို ဦးတည်၍ တရုတ်သမ္မတ ရှီကျင့်ဖျင်က ပြောကြားသည်။
စပိန်နိုင်ငံ၊ မက်ဒရစ်မြို့သို့ ၂ ရက်ကြာ ခရီးစဉ်အတွင်း စပိန်အထက်လွှတ်တော်တွင် မိန့်ခွန်းပြော ကြားရာတွင်လည်း သမ္မတ ရှီကျင့်ဖျင်က နောက်ထပ် ၅ နှစ်အတွက် ဒေါ်လာ ၁၀ ထရီလီယံတန်ဖိုးရှိ သွင်းကုန်များကို တင်သွင်းသွားရန် တရုတ်အနေဖြင့် စီစဉ်ထားကြောင်းလည်း ထည့်သွင်းပြော ကြားသည်။
“ပြင်ပကမ္ဘာကို တံခါးပိုပြီး ကျယ်ကျယ်ပြန့်ပြန့် ဖွင့်နိုင်ဖို့ တရုတ်က ကြိုးပမ်းသွားမှာဖြစ်ပါတယ်။ ရင်းနှီးမြှုပ်နှံမှုနယ်ပယ်မှာ ဈေးကွက် ပိုထိတွေ့နိုင်ဖို့လည်း ကျနော်တို့ အားသွန်ခွန်စိုက် ဆောင်ရွက် သွားမှာပါ။ ဉာဏပစ္စည်းမူပိုင်ခွင့် ကာကွယ် ဖို့လည်း ပါပါတယ်” ဟု ၎င်းက ပြောသည်။
အမေရိကန်သမ္မတ ဒေါ်နယ်ထရမ့်ကို ကိုးကားပြောဆိုခြင်း မရှိသော်လည်း တရုတ်သွင်းကုန်များ ဒေါ်လာ ၂၀၀ ဘီလီယံ တန်ဖိုးအပေါ် အခွန်တိုးမြှင့်စည်းကြပ်ထားရာ လက်ရှိ ၁၀ ရာခိုင်နှုန်းမှ ၂၅ ရာခိုင်နှုန်းအထိ ပြောင်းလဲနိုင်ရန် မျှော်မှန်း ထားကြောင်းလည်း ဆက်လက်ပြောသည်။
သို့သော် စပိန်ဝန်ကြီးချုပ် ပီဒရိုဆန်းချက်ဇ် နှင့်တွေ့ဆုံပြီးနောက် ပူးတွဲကြေညာချက် ထုတ်ပြန်ရာတွင် တရုတ်နှင့် စပိန် တို့က ကမ္ဘာ့ကုန်သွယ်ရေးအဖွဲ့(WTO) စည်းမျဉ်းအပေါ် အခြေခံ၍ ကမ္ဘာ့စီးပွားရေး ပွင့်လင်းမှုနှင့် မျှတမှုရှိစေရေးအတွက် မိမိတို့က ကျောထောက်နောက်ခံ ပြုသွားမည်ဖြစ်ကြောင်း၊ တဖက်သတ်ဝါဒနှင့် ကိုယ်ကျိုးစီးပွား ကာကွယ်မှုဝါဒတို့ကို တိုက်ဖျက်ရေး ကတိကဝတ်ထားရှိမှုကို ထပ်လောင်း အတည်ပြုခဲ့ကြကြောင်း ကြေညာခဲ့သည်။
တရုတ်ခေါင်းဆောင် မိန့်ခွန်းပြောသည့် လွှတ်တော်အဆောက်အအုံ ပြင်ပတွင် ဒီမိုကရေစီအရေး လှုပ်ရှားသူအဖွဲ့ငယ် ၂ ဖွဲ့တို့က စုရုံးနေကြရာ တဖွဲ့က တရုတ်လူ့အခွင့်အရေးမှတ်တမ်းကို ကန့်ကွက် ကြောင်း ဆန္ဒထုတ်ဖော်ခဲ့ကြသလို ကျန်တဖွဲ့က “ကြိုဆိုပါ၏” ဟူသော စာတန်းကို ကိုင်ဆောင်ကာ ဝှေ့ယမ်းပြနေခဲ့ကြသည်။
သမ္မတ ရှီကျင့်ဖျင် နှင့် ဇနီးဖြစ်သူ ပင်လီယွမ်တို့သည် စပိန်ဘုရင် ဖိလစ်နှင့် မိဖုရား လက်တီဇီယာ တို့နှင့်အတူ ဘေးချင်း ယှဉ်ရပ်၍ တော်ဝင်နန်းတော်၊ မက်ဒရစ်မြို့၏ ဆောင်းရာသီ နေရောင်အောက် တွင် ဘုရင့်ကိုယ်ရံတော်တပ်ဖွဲ့၏ အလေး ပြုမှု ခံယူကြသည်။
အီဘာရီယန် ဝက်ပေါင်ခြောက်တင်ပို့ရေး သဘောတူညီချက်ကို ယခု နိုင်ငံတော်ခရီးစဉ်အတွင်း ရရှိခဲ့သော နှစ်ဘက်နား လည်မှုများ၏ အစိတ်အပိုင်းတခုအနေဖြင့် စပိန်နှင့် တရုတ်တို့ ဗုဒ္ဒဟူးနေ့က လက်မှတ်ရေးထိုးခဲ့ကြသည်။
သို့သော် ဘေဂျင်း၏ “စီးပွားရေး ရပ်ဝန်းအစပျိုးခြင်း” Belt and Road Initiative ကိုမူ စပိန်က ပါဝင်ခြင်းမရှိကြောင်း စပိန်အစိုးရ သတင်းရင်းမြစ်တခုက ဆိုသည်။ အဆိုပါ Belt and Road စီးပွားရေးရပ်ဝန်း ဖော်ဆောင်ခြင်းသည် ကမ္ဘာ့ အခြေခံအဆောက်အအုံ စီမံကိန်းများတွင် တရုတ် အဓိက ပါဝင်ပတ်သက်သော ကျယ်ပြန့်သည့်ဖွံ့ဖြိုးရေး မဟာဗျူဟာ တရပ် ဖြစ်သည်။
Irrawaddy
No comments:
Post a Comment