စင်ကာပူမှ ပြန်လာသော အိမ်အကူ မနော်သော့သွဲ့ထူးတွင် ငွေကျပ် ၁၀၀၀၀ တန်ငွေတုများ တွေ့ရှိမှုဖြင့် အရေးယူခံထားမှုမှ လွတ်မြောက်နုိုင်ရေးအတွက် နုိုင်ငံတော်သမ္မတ ဦးဝင်းမြင့်ထံ မြန်မာနုိုင်ငံအမျိုးသားလူ့အခွင့်အရေးကော်မရှင်က စာရေးသား တင်ပြလုိုက်ပြီဖြစ်ကြောင်း ကော်မရှင်အတွင်းရေးမှူး ဦးဘုန်းကြွယ်က ရန်ကုန်ခေတ်သစ်သတင်းဌာနသုို့ပြောသည်။
၂၀၁၈ ခုနှစ် ဒီဇင်ဘာလ ၆ ရက်နေ့တွင် စင်ကာပူမှ ပြန်လာသော အိမ်အကူ မနော်သော့သွဲ့ထူးသည် စင်ကာပူနိုင်ငံတွင်ပင် လဲလှယ်ခဲ့သော ငွေကျပ် ၂၉ ၆၀၀၀၀ ကျပ်ကို ယူဆောင်ခဲ့ပြီး ရဲတပ်ဖွဲ့က စစ်ဆေးရာတွင် ၁၀၀၀၀ တန် ၁၅၄ ရွက်မှာ အတုများဖြစ်နေသည်ကို တွေ့ရှိခဲ့ရကာ မြန်မာနိုင်ငံတော်ဗဟိုဘဏ် ဥပဒေ ပုဒ်မ ၁၀၅/၁၀၆ ဖြင့် အရေးယူခဲ့ကြောင်း၊ ယင်းနောက် မနော်သော့သွဲ့ထူး ကိစ္စကို မြန်မာနုိုင်ငံ အမျိုးသားလူ့အခွင့်အရေးကော်မရှင်က ၀င်ရောက်စုံစမ်းခဲ့ရာ မနော်သော့သွဲ့ထူး ရုိုးရုိုးသားသားဖြင့် ငွေတုများ သက်ဆုိုင်ရာသုို့ အပ်နှံရန် ကြိုးစားခဲ့သည်ကုို တွေ့ရှိရ ကြောင်း ဦးဘုန်းကြွယ်က ဆုိုသည်။
"စုံစမ်းစစ်ဆေးချက်တွေအရ ကလေးမလေးက ရုိုးရုိုးသားသားဆိုတာ ပေါ်လွင်လာတယ်။ ငွေတုတွေကို သက်ဆုိုင်ရာဆီကို အပ်ဖုို့ ရယက ကုို အကြောင်းကြားထားပြီးသား။ ဒါကလည်း ပေါ်လွင်တယ်။ စစ်ဆေးမှုတွေအရ ငွေတုမှန်း မသိဘဲ သုံးမိတယ်။ သိတော့ ချက်ချင်း အပ်ဖုို့ ကြိုးစားနေရင်း အဖမ်းခံရတာ။ ဒါလေးကလည်း ပေါ်လွင်တယ်။ အခု ပုဒ်မ ၁၀၆ လည်းပြုတ်သွားပြီ။ သမ္မတဆီကုို ဒီကိစ္စ ကျနော်တုို့ ကော်မရှင် စာတင်လုိုက်ပြီ" ဟု ဦးဘုန်းကြွယ်က ဆုိုသည်။
မူလက မနော်သော့သွဲ့ထူး ကို ဗဟုိုဘဏ်ဥပဒေ ပုဒ်မ-၁၀၅၊ ပုဒ်မ ၁၀၆ ဖြင့် အရေးယူထားခြင်းဖြစ်ပြီး ပုဒ်မ ၁၀၅ သည် ငွေဒဏ်ဖြစ်စေ၊ သုံးနှစ်ထက်မပိုသောထောင်ဒဏ်ဖြစ်စေ၊ ဒဏ်နှစ်ရပ်လုံးဖြစ်စေ ကျခံနုိုင်သော ပုဒ်မဖြစ်ပြီး ပုဒ်မ-၁၀၆ အနည်းဆုံးထောင်ဒဏ် ၁၀ နှစ်မှ အများဆုံး ထောင်ဒဏ် နှစ် ၂၀ အထိ ချမှတ်နုိုင်သော ပုဒ်မဖြစ်ကာ အမှုတွင် ပုဒ်မ ၁၀၆ ဖြုတ်ပယ်လိုက်သည့်အတွက် ထောင်ဒဏ်နှစ်ရှည်ကျခံနုိုင်ရသည့် အခြေအနေမှ လွတ်မြောက်သွားပြီဖြစ်သည်။
မြန်မာနုိုင်ငံအမျိုးသားလူ့အခွင့်အရေးကော်မရှင်အနေဖြင့် မနော်သော့သွဲ့ထူး လွတ်မြောက်ရေးနှင့် လုပ်ခလစာများ ပြန်လည်ရရှိရေးအတွက် သက်ဆုိုင်ရာ ၀န်ကြီးဌာနများထံလည်း စာရေးသား ပေးပုို့ထားကြောင်း သိရှိရသည်။
"တရားရေးဘက်ကုိုလည်း စာရေးထားတယ်။ နောက်တစ်ခုက ကလေးမလေးက စင်ကာပူမှာ ပင်ပင်ပန်းပန်းအလုပ်လုပ်ပြီး ငွေ သိန်း ၃၀ လောက်ပြန်ပါလာတာ ငွေတုဖြစ်နေတော့ သူရဲ့ လုပ်ခ လစာ မဆုံးရှုံးရအောင် အလုပ်သမားဝန်ကြီးဌာနနဲ့ ILO ကိုလည်း စာရေးသားပေးပုို့ပြီး သူရဲ့ လုပ်ခလစာပြန်ရအောင်လည်း လုပ်ပေးနေတယ်။ အဓိကက ရုိုးရုိုးသားသား မသိဘဲနဲ့ ဖြစ်သွားတဲ့ကိစ္စ ဖြစ်တယ်ဆိုတာက ပေါ်လွင်နေတာကြောင့် သူရသင့်ရထုိုက်တာ ပြန်ရဖို့ပါ " ဟု ဦးဘုန်းကြွယ်က ဆုိုသည်။
မနော်သော့သွဲ့ထူးသည် လာမည့် ရုံးချိန်းတွင် အာမခံရရှိရေး လျှောက်ထားမည်ဖြစ်ပြီး လွှတ်တော်ကိုယ်စားလှယ်များနှင့် သက်ဆုိုင်ရာ တုိုင်းဒေသကြီးအစုိုးရအဖွဲ့ကလည်း ကူညီမှုများ ပေးနေကြောင်း သိရှိရသည်။
Khit Thit Media
0 comments:
Post a Comment