မိုင်းကြောင့်ထိခိုက်ဒဏ်ရာရသူများကိုပြီးခဲ့သည့်(၂၀၁၇)ခုနှစ်မှစတင်ကာယနေ့အထိကျပ်သိန်း(၁၀၀၀)နီးပါးထောက်ပံ့ပေးနိုင်ခဲ့ကြောင်းလူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာနဒုတိယ၀န်ကြီးဦးစိုးအောင်ကပြောကြားခဲ့သည်။
နေပြည်တော်မင်္ဂလာသီရိဟိုတယ်တွင်ယနေ့နံနက်ပိုင်းကကျင်းပခဲ့သောအပြည်ပြည်ဆိုင်ရာမိုင်းအန္တရာယ်အသိပညာပေးရေးနှင့်မိုင်းလုပ်ငန်းဆိုင်ရာအကူအညီပေးရေးနေ့အခမ်းအနားအဖွင့်မိန့်တွင်ယင်းကဲ့သို့ထည့်သွင်းပြောကြားခဲ့ခြင်းဖြစ်သည်။
“မိုင်းကြောင့်ထိခိုက်ခံစားရသူတွေကိုကူညီထောက်ပံ့ပေးခြင်းကဏ္ဍအနေနဲ့မြန်မာနိုင်ငံတစ်ဝှမ်းလုံးမှာ(၂၀၁၇)ခုနှစ်ကစတင်ပြီးဒီနေ့အထိမိုင်းကြောင့်ထိခိုက်ဒဏ်ရာရရှိသူ(၄၉၉)ဦးအတွက်တစ်ဦးကိုထောက်ပံ့ကြေးငွေ(၂)သိန်းနှုန်းဖြင့်စုစုပေါင်း(၉၉၈)သိန်းတိတိကိုကျွန်တော်တို့ဝန်ကြီးဌာနပြည်ထောင်စုဝန်ကြီးကိုယ်တိုင်လိုက်လံပြီးတော့မှနိုင်ငံတော်ဘတ်ဂျက်ရန်ပုံငွေနဲ့ထောက်ပံ့ပေးခဲ့ပြီးဖြစ်ပါတယ်”ဟုဒုဝန်ကြီးကဆိုသည်။
ထို့ပြင်(၂၀၁၈)ခုနှစ်အတွင်းပြည်နယ်(၆)ခုနှင့်တိုင်းဒေသကြီး(၂)ခုမှလူဦးရေ(၃)သိန်းနီးပါးကိုမိုင်းအန္တရာယ်အသိပညာပေးနိုင်ခဲ့ကြောင်းသိရသည်။
တိုက်ပွဲများ၏အကျိုးဆက်များကြောင့်ပြည်နယ်၊တိုင်းဒေသကြီး(၉)ခုနှင့်မြို့နယ်(၅၀)ကျော်ခန့်တွင်မြေမြှပ်မိုင်းနှင့်မပေါက်ကွဲသေးသောစစ်ကျန်လက်နက်ပစ္စည်းများ၏အန္တရာယ်နှင့်ရင်ဆိုင်နေရဆဲဖြစ်ကြောင်းဦးစိုးအောင်ကဆိုသည်။
အထူးသဖြင့်ကချင်ပြည်နယ်၊ရှမ်းပြည်နယ်(မြောက်ပိုင်း)၊ကရင်ပြည်နယ်၊ကယားပြည်နယ်နှင့်ပဲခူးတိုင်းဒေသကြီး(အရှေ့ခြမ်း)တို့တွင်မိုင်းကြောင့်ထိခိုက်ခံစားရမှုများအများအပြားရှိနေဆဲဖြစ်ကြောင်းသိရသည်။
ဖူးဖူးအောင်
Popular News Journal
0 comments:
Post a Comment