ရခိုင်ပြည်နယ်၊ ဘူးသီးတောင်မြို့နယ်၊ ဖုန်ညိုလိပ်ကျေးရွာ၏ အရှေ့တောင်ဘက် မီတာ ၁၂၀၀၀ ခန့်အကွာ၌ AA အကြမ်းဖက်သောင်းကျန်းသူများ၏ ယာယီလေ့ကျင့်ရေး စခန်းနေရာတစ်ခုအား ဧပြီ ၂၈ ရက်တွင် တပ်မတော်စစ်ကြောင်း များက သိမ်းပိုက်ရရှိခဲ့ပြီး WFP တံဆိပ်ပါရိက္ခာထုပ်များ သိမ်းဆည်းရမိခဲ့ကြောင်း ဧပြီ ၃၀ ရက်နှင့် မေ ၁ ရက် တို့တွင် သတင်းထုတ်ပြန်ပြီးဖြစ်သည်။
အဆိုပါဖြစ်စဉ်တွင် လေ့ကျင့်ရေးစခန်းမှ ဆုတ်ခွာထွက်ပြေး သွားသော AA အကြမ်းဖက်သောင်း ကျန်းသူ များသည် ဖြစ်စဉ်နေရာ၏ တောင်ဘက် မီတာ ၁၇၀၀၀ ခန့်အကွာရှိ ကျောက်တန်းကျေးရွာ နှင့် အနောက် တောင်ဘက် မီတာ ၈၀၀၀ ခန့်အကွာရှိ စေတီတောင်ကျေးရွာတို့အတွင်း၌ ဒေသခံပြည်သူများအသွင်ဖြင့် ၀င်ရောက်ပုံဖျက်လှုပ်ရှား လျက်ရှိကြောင်း သတင်းအရ မြန်မာနိုင်ငံရဲတပ်ဖွဲ့ဝင်များသည် တပ်မတော် စစ် ကြောင်းများ လုံခြုံရေးလိုက်ပါလျက် ဧပြီ ၃၀ ရက်တွင် အဆိုပါကျေးရွာများသို့ သွားရောက်၍ သတင်းဖော် ထုတ်စစ်ဆေးမေးမြန်းမှုများ ဆောင်ရွက်ခဲ့သည်။
ထိုသို့ဆောင်ရွက်ခဲ့ရာ ကျောက်တန်းကျေးရွာရှိ အိမ်ထောင်စု ၄၇၇ စုအား အိမ်ထောင်စုစာရင်းနှင့်ကိုက်ညီမှု ရှိ/မရှိ စစ်ဆေးခဲ့ရာ အသက် ၁၅ နှစ်မှ ၅၀ နှစ်အတွင်းရှိ မသင်္ကာဖွယ်ရာအမျိုးသား ၂၇၅ ဦးအား တွေ့ရှိခဲ့သဖြင့် ကျေးရွာစာသင်ကျောင်းတွင် ခေတ္တထိန်းသိမ်းထားရှိပြီး တရားဥပဒေအရအရေးယူနိုင်ရေး အတွက် လိုအပ်သည့် စစ်ဆေးမေးမြန်းမှုများ ဆောင်ရွက်လျက်ရှိသည်။
တပ်မတော်စစ်ကြောင်းများအနေဖြင့် မြန်မာနိုင်ငံရဲတပ်ဖွဲ့ဝင်များ၊ ဌာနဆိုင်ရာတာဝန်ရှိသူများ၊ ဒေသခံပြည် သူများနှင့်ပူးပေါင်းကာ သတင်းများရယူဖော်ထုတ်ပြီး AA အကြမ်းဖက်သောင်းကျန်းသူ များ၏ ရခိုင်ပြည်နယ် အတွင်း ဥပဒေမဲ့အကြမ်းဖက်တိုက်ခိုက်မှု များနှင့် ကျေးရွာများအတွင်း ပုံဖျက်စိမ့်ဝင်လှုပ်ရှားမှုများ မရှိစေရေး အတွက် နယ်မြေ လုံခြုံရေးလုပ်ငန်းများ ဆက်လက် ဆောင်ရွက်လျက်ရှိကြောင်း သိရသည်။
Credit - တပ်မတော်ကာကွယ်ရေးဦးစီးချုပ်ရုံး
The Ladies News
No comments:
Post a Comment