ဗြိတိန်ရေပိုင်နက်ထဲမှာ ပြင်သစ်ငါးဖမ်းသမားတွေကို ငါးဖမ်းခွင့် မပိတ်ပင်ဖို့ ပြင်သစ် လယ်ယာစိုက်ပျိုးရေးဝန်ကြီး ဒီဒီယေး ဂီယမ်က ရွေးကောက်ခံ ဗြိတိန်ဝန်ကြီးချုပ်သစ် ဘောရစ်ဂျွန်ဆင်ကို ဇူလိုင် ၂၄ ရက်နေ့မှာ သတိပေးလိုက်ပါတယ်။
ဗြိတိန်အနေနဲ့ ဥရောပသမဂ္ဂ (အီးယူ) ကနေ ဘာသဘောတူညီချက်မှ မရဘဲ နုတ်ထွက်လိုက်မယ်ဆိုရင် ဗြိတိန်ရေပိုင်နက်ထဲကို အီးယူသင်္ဘောတွေ ဝင်ရောက်ခွင့်မရှိသလို ဗြိတိန်သင်္ဘောတွေဟာလည်း အီးယူရေပိုင်နက်ထဲကို ဝင်ရောက်ခွင့်ရှိမှာ မဟုတ်ပါဘူး။
ဒါ့ကြောင့် ငါးဖမ်းလုပ်ငန်းအပေါ် ဘရက်ဇစ်အရေး ရိုက်ခတ်မှုဟာ ပြင်သစ်အတွက် အရေးပါတဲ့ ကိစ္စတခု ဖြစ်ပါတယ်။
လက်ရှိမှာတော့ ဗြိတိန်ရေပိုင်နက်ထဲကို တခြား အီးယူအဖွဲ့ဝင်နိုင်ငံတွေ ဝင်ခွင့်ရှိနေပါသေးတယ်။
ဒါပေမယ့် လွန်ခဲ့တဲ့ ဆယ်စုနှစ်တွေက ပြင်သစ်ငါးဖမ်းသမားတွေနဲ့ ဗြိတိန် ငါးဖမ်းသမားတွေအကြား ရေပိုင်နက် အငြင်းပွားမှုတွေ အရှိန်မြင့်တက်ခဲ့ပါတယ်။
၂၀၁၈ သြဂုတ်လကလည်း နော်မန်ဒီကမ်းရိုးတန်း ပင်လယ်ပြင်မှာ ပြင်သစ်သင်္ဘောတွေဟာ ဗြိတိန်ပိုက်ချသင်္ဘောတွေကို ဝင်တိုက်မိခဲ့ပါသေးတယ်။
DVB
0 comments:
Post a Comment