ရန်ကုန်အပြည်ပြည်ဆိုင်ရာလေဆိပ်ကို ဟံသာဝတီလေဆိပ်နှင့်ချိတ်ဆက်အသုံးပြုသွားမည်ဖြစ်ကြောင်း လေကြောင်းပို့ဆောင်ရေးညွှန်ကြားမှုဦးစီးဌာနမှ ဒုတိယညွှန်ကြားရေးမှူးချုပ် ဦးရဲထွဋ်အောင်က ပြောသည်။
ဟံသာဝတီအပြည်ပြည်ဆိုင်ရာလေဆိပ်စီမံကိန်းသည် နိုင်ငံတော်အဆင့်စီမံက်ိန်းဖြစ်သည့်အတွက် ဦးစားပေးဆောင်ရွက်သွားမည်ဖြစ်ပြီး လက်ရှိတွင် ဂျပန်နိုင်ငံမှ သက်ဆိုင်ရာဝန်ကြီးဌာနနှင့် ပြည်တွင်းရှိ လေကြောင်းဦးစီးဌာနတို့မှ ဆွေးနွေးနေကြောင်း သိရသည်။
ထို့ကြောင့် ရန်ကုန်အပြည်ပြည်ဆိုင်ရာလေဆိပ်ကိုတာဝန်ယူအဆင့်မြှင့်တင်နေသည့် Yangon Aerodrome Co.,Ltd (YACL) ကုမ္ပဏီကို ဆွေးနွေးမှုတွင် ထည့်သွင်းထားကြောင်း သိရသည်။
“ ၃ ကြိမ်မြောက်ဆွေးနွေးတဲ့အခါမှာ သူ့ကိုထည့်ပြီးဆွေးနွေးတယ်။ သူတို့နဲ့ပါ ညှိနှိုင်းရမယ့်ကိစ္စလေးတွေ ရှိလာတော့ သူတို့ကိုပါထည့်ပြီးဆွေးနွေးတာပါ။ နောက်ပိုင်းကျရင်တော့ သူတို့နှစ်ခုကို ချိတ်ဆက်သွားမှာပါ။ ဘယ်လိုပုံစံနဲ့ ချိတ်ဆက်သွားမလဲဆိုတာကိုတော့ ပြောလို့မရသေးဘူး” ဟု လေကြောင်းပို့ဆောင်ရေး ညွှန်ကြားမှုဦးစီးဌာနမှဒုတိယညွှန်ကြားရေးမှူးချုပ် ဦးရဲထွဋ်အောင်က ပြောသည်။
ဟံသာဝတီအပြည်ပြည်ဆိုင်ရာလေဆိပ်စီမံကိန်းအတွက် မြန်မာနှင့် ဂျပန်နှစ်နိုင်ငံညှိနှိုင်းနေပြီး ၂၀၂၀ ခုနှစ်တွင် ညှိနှိုင်းသဘောတူညီချက်ရရှိမည်ဟု ခန့်မှန်းထားကြောင်း သိရသည်။
အဆိုပါ စီမံကိန်းပြီးစီးပါက ဟံသာဝတီလေဆိပ်တွင် ပြည်ပလေကြောင်းလိုင်းတစ်မျိုးတည်းသာ ဆင်းသက်မည် ဖြစ်ပြီး ရန်ကုန်အပြည်ပြည်ဆိုင်ရာလေဆိပ်တွင် ပြည်တွင်းလေကြောင်းလိုင်း၊ စင်းလုံးငှားလေယာဉ်၊ Medical Flight အပါအဝင် အထွေထွေပို့ဆောင်ပေးသည့်လေယာဉ်များ ဆင်းသက်မည်ဖြစ်ကြောင်း သိရသည်။
စုသက်နှင်း(အကုန်သိသတင်းဌာန)
0 comments:
Post a Comment