မန္တလေးတိုင်းဒေသကြီးမှာ ၂၀၁၈ ခုနှစ်အတွင်း ဓာတ်လိုက်သေဆုံးသူ စုစုပေါင်း လူအယောက် ၄၀ ကျော် ရှိတယ်လို့ မန္တလေးလျှပ်စစ်ဓာတ်အားပေးရေးကော်ပိုရေးရှင်းက ပြောပါတယ်။
၂၀၁၈ ခု ဇန်နဝါရီ ၁ ရက်နေ့ကစပြီး ဒီဇင်ဘာ ၃၁ ရက်နေ့အထိ ဓာတ်လိုက်မှု အကြိမ်ရေပေါင်း ၄၆ ကြိမ်အထိ ဖြစ်ပွားခဲ့ကာ သေဆုံးသူ အရပ်သား ၄၁ ဦး ဝန်ထမ်း ၁ ဦးအပါအ၀င် ၉ ဦးဒဏ်ရာ ရရှိခဲ့ပါတယ်။
“လျှပ်စစ်အန္တရာယ်နဲ့ပတ်သက်ပြီး အများပြည်သူတွေကို သတိပေးတာတွေ အမြဲလုပ်ဖြစ်တယ်။ အဓိကကတော့ ပြည်သူတွေအနေနဲ့လည်း လျှပ်စစ်အန္တရာယ်ကိုသိပြီး နားလည်ရင် ဓာတ်လိုက်တာ လျော့သွားမယ်လေ။ လျှပ်စစ်ပြတ်တောက်မှု တခုခုဖြစ်ရင် သက်ဆိုင်ရာ မြို့နယ်လျှပ်စစ်ကို အကြောင်းကြားပြီး ကျွမ်းကျင်သူတွေ လုပ်ပေးတာ အန္တရာယ်အကင်းဆုံးပါပဲ” လို့ မန္တလေးလျှပ်စစ်ဓာတ်အားပေးရေးကော်ပိုရေးရှင်း တာဝန်ရှိသူ တဦးက ပြောပါတယ်။
လျှပ်စစ်အန္တရာယ် ဖြစ်ပွားတာမှာ အိမ်တွင်းသုံးလျှပ်စစ်ပစ္စည်းတွေကြောင့် အများဆုံးဖြစ်ပြီး ၈၀ ရာခိုင်နှုန်းအထိ ရှိတယ်လို့ ဆိုပါတယ်။
၂၀၁၆ ခုနှစ်မှာ တနိုင်ငံလုံးအနေနဲ့ ဓာတ်လိုက်မှုပေါင်း ၂၁၁ ကြိမ်၊ သေဆုံးသူ ၁၈၆ ယောက်၊ ဒဏ်ရာရရှိသူ အရောက် ၇၀ ရှိခဲ့ပါတယ်။ ၂၀၁၇ ခုနှစ်မှာတော့ ဓာတ်လိုက်မှုပေါင်း ၁၉၉ မှု၊ သေဆုံးသူ ၁၇၂ ယောက်၊ ဒဏ်ရာရရှိသူ ၅၃ ယောက် ရှိခဲ့ပါတယ်။
DVB
No comments:
Post a Comment