နိုင်ငံခြားသားများရွှေဝယ်ယူရေးအဆင်ပြေစေရန် ငွေကြေးလဲလှယ်ရေးကောင်တာ (Money Changer) တစ်ခုဖွင့်လှစ်ရန် ရန်ကုန်တိုင်းဒေသကြီးရွှေလုပ်ငန်းရှင်များအသင်းမှ စီစဉ်ဆောင်ရွက်သွားမည်ဖြစ်ကြောင်း သိရသည်။
ရန်ကုန်တိုင်းဒေသကြီးရွှေလုပ်ငန်းရှင်များအသင်း၌ ဇန်နဝါရီလ ၂၆ ရက်က ကျင်းပသည့် YGEA ကွန်ပျူတာ အရောင်းအ၀ယ်စနစ်နှင့် YGEA Mobile Application ဖွင့်ပွဲအခမ်းအနားတွင် ယခုကဲ့သို့ ပြောခဲ့ခြင်းဖြစ်သည်။
“နေ့စဉ် နိုင်ငံခြားသားတွေလည်းလာပြီး တက်လိုက်ဆင်းလိုက်၊ ဈေးနှုန်းမေးလိုက်နဲ့ နမူနာဝယ်သွားချင်တာတို့ ဒါမျိုးတွေ ရှိပါတယ်။ အဲဒီအခါမှာလည်းဒေါ်လာနဲ့ လက်ငင်းရောင်းပေးတဲ့အခါမှာ ဒေါ်လာကိုကိုင်နိုင်တဲ့ Money Changer တစ်ခုကိုလည်းလုပ်ကိုင်ဆောင်ရွက်ဖို့ အစီအစဉ်ရှိပါတယ်။ Money Changer ရှိမှ ဒေါ်လာကိုင်နိုင်၊ ရောင်းနိုင်သွင်းနိုင်မှာ ဖြစ်တဲ့အတွက် Money Changer တစ်ခုကိုလည်း အသင်းကဆက်လက်လုပ်ကိုင်သွားမှာ ဖြစ်ပါတယ်”ဟု ရန်ကုန်တိုင်းဒေသကြီးရွှေလုပ်ငန်းရှင်များအသင်းမှ ဥက္ကဋ္ဌ ဦးမျိုးမြင့်က ပြောသည်။
ရန်ကုန်တိုင်းဒေသကြီးရွှေလုပ်ငန်းရှင်များအသင်းရှိ ရွှေအရောင်းအဝယ်ဈေးကွက်သို့ မြန်မာနိုင်ငံသားများ အပြင် နိုင်ငံခြားသားများလည်းရွှေဝယ်ယူရန် နေ့စဉ်လာရောက်လေ့ရှိသဖြင့် အရောင်းအဝယ် ငွေလဲလှယ်မှု အဆင်ပြေစေရန် ဆောင်ရွက်ခြင်းဖြစ်ကြောင်း သိရသည်။
ထို့အပြင် ရန်ကုန်တိုင်းဒေသကြီးရွှေလုပ်ငန်းရှင်များအသင်းရုံးခန်းကိုပန်းဘဲတန်းမြို့နယ်ရှိ ရွှေဘုံသာ အလယ်လမ်းတွင်သာဆက်လက်ဖွင့်လှစ်သွားမည်ဖြစ်ပြီး မြန်မာ့ရွှေလုပ်ငန်းကဏ္ဍ ရေရှည်ဖွံ့ဖြိုးတိုးတက်ရန် လိုအပ်ချက်များ ဆက်လက်ဆောင်ရွက်မည်ဖြစ်ကြောင်း သိရသည်။
သင်းသင်းလှိုင်(အကုန်သိသတင်းဌာန)
No comments:
Post a Comment