နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်ကို လူမှုကွန်ရက်စာမျက်နှာတွင် ကြမ်းတမ်းစွာဝေဖန်ရေး သားသည့် ထားဝယ်တက္ကသိုလ်ဘူမိဗေဒဌာနမှ ကထိကဒေါက်တာခိုင်ခိုင်သက်လွင်သည် စိတ်ကျန်းမာရေး ချို့တဲ့သူဖြစ်ကြောင်း သိရသည်။
”ဟုတ်ကဲရှင့်၊ အခုလောလောဆယ်တော့လေ ကျွန်မတို့တွေတဆင့်ပြီး တဆင့်သွားဖို့ရှိပါတယ်။ နံပါတ်တစ်က တော့ သူတင်ထားတဲ့ပို့စ်တွေ ပြန်ဖြုတ်ခိုင်း ရမယ်။ နံပါတ်နှစ်ကတော့ သူကိုဆေးပြ ဖို့ပေါ့နော်။ အဲဒါတွေမှ မရဘူးဆိုရင် ကျွန်မတို့တွေအနေနဲ့ ဝန်ထမ်းစည်းမျဉ်းစည်းကမ်းအရ အရေးယူဆောင်ရွက်ရတော့မှာ ပေါ့နော်”ဟု ထားဝယ်တက္ကသိုလ် ဒုတိယပါမောက္ခချုပ်ဒေါက်တာချိုချိုမြင့်က ပြောသည်။
နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို လူမူကွန်ရက်စာမျက်နှာတွင် ဝေဖန်ရေးသားသူ ဒေါက် တာခိုင်ခိုင်သက်လွင်သည် စိတ်ရောဂါ ခံစားနေရသည့်အတွက် ကိုင်တွယ်ရခက်ခဲကြောင်း၊ ၎င်းလူမှုကွန်ရက် တွင်တင်သည့် ပို့စ်များကို မသိရှိခဲ့သည့်အတွက် အချိန်မီတားဆီးနိုင်မှုအားနည်းခဲ့ရခြင်း ဖြစ်ကြောင်း၊ ယခင်တကြိမ် ဝေဖန်ချိန်က ဒေါက်တာခိုင်ခိုင်သက်လွင်၏ အမျိုးသားကိုခေါ်ယူ၍သတိပေးခဲ့ပြီး ထိန်းသိမ်းရန် ပြောကြားခဲ့ ကြောင်း၊ ယခုဒုတိယအကြိမ် ပြန်လည်ဖြစ်ပေါ်ခြင်းဖြစ်သည့်အတွက် ပါမောက္ခချုပ်နှင့် ညှိနှိုင်းတိုင်ပင်ကာလုပ်ဆောင်မည်ဖြစ်ကြောင်း ၎င်းကပြောသည်။
”ကျွန်တော်တို့ ဒီကိစ္စနဲ့ပတ်သက်ပြီး ဆရာများသမဂ္ဂထံကိုလည်း တိုင်ဖို့ရှိပါတယ်။ ဘယ်လိုဆက်လက် ဆောင်ရွက်မလဲဆိုတာကိုလဲ လူကြီးတွေနဲ့ တိုင်ပင်နေပါတယ်”ဟု ထားဝယ်တက္ကသိုလ်ကျောင်း သားသမဂ္ဂဥက္ကဋ္ဌကိုကောင်းဝေယံထွန်းက ပြောသည်။
ဒေါက်တာခိုင်ခိုင်သက်လွင်သည် ၎င်း၏လူမှုကွန်ရက်စာမျက်နှာတွင် နိုင်ငံတော်အတိုင်ပင်ခံ ဒေါ်အောင်ဆန်းစုကြည်ထံ အိတ်ဖွင့်ပေးစာဟုဆိုကာ ပို့စ်တင်ခဲ့ခြင်းဖြစ်ပြီး ၎င်းကိုယ်၎င်းဘုရင်မကြီးရှင်စောပုနှင့် ခိုင်းနှိုင်းခဲ့ကာ ဝေဖန်ရေးသားခဲ့ခြင်းဖြစ်သည်။ နိုင်ငံတော်အတိုင်ပင်ခံပုဂ္ဂိုလ်ထံကို မည်သည်အတွက်ကြောင့် ဝေဖန်ရေးသားရသည်ဆိုသော အကြောင်းရင်းကို ကာယကံရှင်ဒေါက်တာခိုင်ခိုင်သက်လွင်အား ဆက်သွယ် မေးမြန်းသော်လည်း ပြန်လည်ဖြေကြားခြင်းမပြုခဲ့ပေ။
The Lifestyle Myanmar
0 comments:
Post a Comment