ရန်ကုန်တက္ကသိုလ်၊မန္တလေးတက္ကသိုလ်တို့အပြင်အခြားဝိဇ္ဇာ၊သိပ္ပံတက္ကသိုလ်အချို့တွင်နိုင်ငံရေးသိပ္ပံပညာကိုအထူးပြုဘာသာအဖြစ်သင်ကြားပေးရန်အစီအစဉ်ရှိ၊မရှိနှင့်စပ်လျဉ်းသည့်မေးခွန်းကိုမန္တလေးတိုင်းဒေသကြီးမဲဆန္ဒနယ်အမှတ်(၇)မှဦးကျော်တုတ်ကယနေ့ကျင်းပသောအမျိုးသားလွှတ်တော်တွင်မေးမြန်းခဲ့သည်။
ဦးကျော်တုတ်က”ဒီမိုကရက်တစ်အပြောင်းအလဲအမြစ်တွယ်ခိုင်မာရှင်သန်ဖို့အရေးကြီးတဲ့လုပ်ငန်းများထဲကတစ်ခုမှာProfessionalနိုင်ငံရေးသမားများမွေးမြူတည်ဆောက်ရေးဖြစ်ပါတယ်။ ဒီမိုကရက်တစ်အပြောင်းအလဲအောင်မြင်ဖို့ဆိုရင်Professionalနိုင်ငံရေးသမားများများစွာရှိဖို့လိုပါတယ်”ဟုတင်ပြခဲ့သည်။
နိုင်ငံရေးပါတီများ၊ပြင်ပအဖွဲ့အစည်းများမှနိုင်ငံရေးသင်တန်းများဖွင့်လှစ်ပို့ချခြင်းများရှိသော်လည်းပါတီစုံဒီမိုကရေစီစနစ်ခိုင်ခိုင်မာမာအောင်မြင်စွာဖော်ဆောင်နိုင်ရန်အတွက်လူငယ်များအနေဖြင့်နိုင်ငံရေးသိပ္ပံဘာသာရပ်ကိုကျယ်ပြန့်နှံ့စပ်စွာလေ့လာသင်ယူနိုင်ခွင့်ပိုမိုလိုအပ်လာပြီဟုယုံကြည်သဖြင့်မေးခွန်းမေးမြန်းရခြင်းဖြစ်ကြောင်းသူကဆိုသည်။
အဆိုပါမေးခွန်းကိုပညာရေးဝန်ကြီးဌာနဒုတိယ၀န်ကြီးဦးဝင်းမော်ထွန်းကပြန်လည်ဖြေကြားခဲ့ခြင်းဖြစ်သည်။
နိုင်ငံရေးသိပ္ပံပညာရပ်ကိုစနစ်တကျလေ့လာလိုသူများအတွက်(၂၀၁၃-၁၄)ပညာသင်နှစ်မှစပြီးရန်ကုန်တက္ကသိုလ်နှင့်မန္တလေးတက္ကသိုလ်တို့တွင်နိုင်ငံရေးပညာကိုအထူးပြုဘာသာရပ်အဖြစ်သင်ကြားပေးလျက်ရှိကြောင်း၊နိုင်ငံရေးသိပ္ပံဘာသာရပ်၏သင်ရိုးများမှာကျယ်ပြန့်ခက်ခဲကြောင်းဦးဝင်းမော်ထွန်းကဆိုသည်။
“ဘာသာရပ်ကျွမ်းကျင်သောပညာရှင်များထွက်ပေါ်လာစေရန်အတွက်ဒီသင်ကြားပြသပေးတဲ့ဆရာ၊ဆရာမများရဲ့အတွေ့အကြုံနဲ့အရည်အချင်းဟာအထူးပဲအရေးကြီးပါတယ်။ဒါကြောင့်မလို့သင်ကြားရေးမှာထိရောက်နိုင်စေရေးအတွက်နိုင်ငံတကာဆက်ဆံရေးပညာဌာနမှဆရာ၊ဆရာမများအားနိုင်ငံတကာတက္ကသိုလ်များသို့ဦးစွာသင်တန်းများတက်စေပြီးမှဆောင်ရွက်လျက်ရှိပါတယ်”ဟု၎င်းကပြောကြားခဲ့သည်။
ထို့ကြောင့်လက်ရှိအခြေအနေတွင်ယင်းဘာသာရပ်ကိုရန်ကုန်တက္ကသိုလ်နှင့်မန္တလေးတက္ကသိုလ်တို့တွင်သာဖွင့်လှစ်ထားရှိပြီးပညာရှင်များနှင့်ဆရာ၊ဆရာမများအလုံအလောက်လေ့ကျင့်ရရှိပြီးမှသာဆက်လက်တိုးချဲ့ဆောင်ရွက်ပေးမည်ဖြစ်ကြောင်းနှင့်လတ်တလောတွင်အခြားသောဝိဇ္ဇာ၊သိပ္ပံတက္ကသိုလ်အချို့တွင်ဖွင့်လှစ်ပေးရန်အစီအစဉ်မရှိပါကြောင်းဖြေကြားခဲ့သည်။
ဖူးဖူးအောင်
Popular News Journal
0 comments:
Post a Comment