ရန်ကုန်မိုးပျံအမြန်လမ်းစီမံကိန်း ကို ၂၀၂၀ ဇူလိုင်လတွင် စတင်ရန်ရည်မှန်းထား၊ သုံးနှစ်အတွင်းပြီးစီးမည်ဟုခန့်မှန်း

ရန်ကုန်မိုးပျံအမြန်လမ်း စီမံကိန်းကို ၂၀၂၀ခုနှစ်ဇူလိုင်လတွင်စတင်၍ တည်ဆောက်ရန်ရည်မှန်းထားပြီး (၃) နှစ်အတွင်းပြီးစီး နိုင်မည်ဟု ခန့်မှန်းထားကြောင်း သိရသည်။ 

ဆောက်လုပ်ရေးဝန်ကြီးဌာနနှင့် ရန်ကုန်တိုင်းဒေသကြီး အစိုးရအဖွဲ့တို့ပူးပေါင်း၍ အကောင် အထည်ဖော် ဆောင်ရွက်နေသော ရန်ကုန် မိုးပျံအမြန်လမ်းစီမံကိန်း အပိုင်း(၁)၏ Pre-Bid Conference ကို မေလ ၂ ရက်က နေပြည်တော်တွင်ကျင်းပပြုလုပ်ခဲ့သည်။ 

အဆိုပါအခမ်းအနားတွင် စီမံကိန်းအကြံပေးအဖွဲ့အစည်းဖြစ်သည့် IFC မှရန်ကုန်မိုးပျံအမြန်လမ်း စီမံကိန်း အပိုင်း(၁)နှင့် ပတ်သက်၍ ရှင်းလင်းတင်ပြသည်။ ယင်းနောက် တက်ရောက်လာကြသော ရင်းနှီး မြှုပ်နှံမည့်ကုမ္ပဏီ အဖွဲ့အစည်းများနှင့် နိုင်ငံတကာငွေကြေးဆိုင်ရာအဖွဲ့အစည်းက သိလိုသည်များကို မေးမြန်ရာတာဝန် ရှိသူများက ပြန်လည်ဖြေကြားခဲ့ကြောင်း ပြန်ကြားရေးဝန်ကြီးဌာနက သတင်းထုတ်ပြန်ခဲ့သည်။ 

ရန်ကုန်မြို့၏ ယာဉ်ကြောပိတ်ဆို့မှုကိုလျှော့ချနိုင်ရန်အတွက် အဓိကရည်ရွယ် တည်ဆောက် မည်ဖြစ်သော ရန် ကုန်မိုးပျံအမြန်လမ်းစီမံကိန်းကို ဆောက်လုပ်ရေးဝန်ကြီးဌာနနှင့် ရန်ကုန်တိုင်း ဒေသကြီးအစိုးရအဖွဲ့တို့ ပူးပေါင်း၍ အကောင်အထည်ဖော်ဆောင်ရွက်နေခြင်းဖြစ်သည်။ အဆိုပါ စီမံကိန်းကို Public Private Partnership (PPP)ဖြင့်အကောင်အထည်ဖော်ဆောင်ရွက် သွားမည် ဖြစ်ပြီး စုစုပေါင်း အရှည်မှာ ၄၇ ဒသမ ၅ ကီလိုမီတာဖြစ်သည်။ Phase-1 အဖြစ်အရှေ့ ဘက်ခြမ်း လေးလမ်းသွားလမ်းမကြီး ၁၉ ကီလို မီတာ၊အရှေ့နှင့်အနောက်ချိတ်ဆက်ထားသော လေးလမ်းသွား ၆ ကီလိုမီတာ၊ ရန်ကုန်အပြည်ပြည်ဆိုင်ရာ လေဆိပ်ဆက်သွယ်ထားသော နှစ်လမ်းသွား ၂ ဒသမ ၅ ကီလိုမီတာ စုစုပေါင်း ၂၇ ဒသမ ၅ ကီလိုမီတာ အရှည်ရှိသည်။ 

ယခုအခါ အဆိုပါစီမံကိန်းအတွက်တင်ဒါဝင်ရောက်ယှဉ်ပြိုင်လိုသူများကို ရွေးချယ်ရန် စကာတင်အရည် အသွေးပြည့်မီသည့်လျှောက်လွှာများ Request for Qualification (RFQ) တင်သွင်း စေပြီး လျှောက်လွှာ (၁၂) စောင်ကိုလက်ခံရရှိခဲ့သည်။ ၂၀၁၈ခုနှစ်၊နိုဝင်ဘာလတွင်လက်ခံရရှိထား သော လျှောက်လွှာ (၁၂) စောင်အား နိုဝင်ဘာလတွင် စကာတင်အရည် အသွေးပြည့်မီမှုကိုမူတည်၍ အကဲဖြတ်ခဲ့ရာ စီမံကိန်း အတွက် ဝင်ရောက်ယှဉ်ပြိုင်နိုင်သော အကျိုးတူအဖွဲ့အစည်း (၁၀) ခုကို ဒီဇင်ဘာလတွင် စကာတင် ရွေးချယ်ခဲ့သည်။ ၂၀၁၈ ခုနှစ်ဒီဇင်ဘာလတွင် ကြိုတင်အရည်အချင်း ပြည့်မီသည့် တင်ဒါယှဉ်ပြိုင်သူများ အတွက် Request for Proposal (RFP) ကိုဆောင်ရွက်ခဲ့သည်။ 

ဆက်လက်ပြီး ၂၀၁၉ခုနှစ်၊မေလ (၇) ၊ (၈) နှင့် (၉) ရက်နေ့များတွင်ဆောက်လုပ်ရေး ဝန်ကြီးဌာန၊ IFC နှင့်အရည်အချင်းပြည့်မီသည့်တင်ဒါယှဉ်ပြိုင်သူများသည် One on One Meeting များဆောင်ရွက်မည်ဖြစ် သည်။ ဇွန်လတွင်တင်ဒါယှဉ်ပြိုင်သူများသည် ရင်းနှီးမြှုပ်နှံမှုဆိုင်ရာ စီမံကိန်း အဆိုပြုလွှာကို တင်သွင်းရ မည်ဖြစ်ပြီး ဇူလိုင်/ဩဂုတ်လတွင် တင်ဒါအောင်မြင်သည့်ရင်းနှီးမြှုပ်နှံ မည့် ကုမ္ပဏီကိုထုတ်ပြန်သွား မည်ဖြစ်သည်။ 

အဆိုပါ စီမံကိန်းဆောင်ရွက်ခြင်းအားဖြင့် ရန်ကုန်မြို့ တွင်း၌ တွေ့ကြုံနေရသော ယာဉ်ကြောပိတ်ဆို့မှုပြဿနာများကို လျှော့ချပေးနိုင်မည့်အပြင် နိုင်ငံတော်၏ စီးပွားရေးအခွင့်အလမ်းများ ဖွံ့ဖြိုးတိုးတက်ကာ ပြည်သူလူထု၏ လူမှုဘဝလည်း မြင့်မားလာ မည်ဖြစ်ကြောင်းပြန်ကြားရေးဝန်ကြီးဌာနက သတင်းထုတ်ပြန်ထားသည်။ 

The Ladies News