မြန်မာ့အမျိုးသမီးကြက်တောင်အားကစားသမား သက်ထားသူဇာသည် အာဖရိကတိုက် ဘီနင်နိုင်ငံတွင် ကျင်းပသည့် International Series 2019 အမျိုးသမီးတဦးချင်းကြက်တောင်ပြိုင်ပွဲတွင် ပီရှူးကြက်တောင်မယ် ကို အနိုင်ကစားခဲ့ပြီး ချန်ပီယံဆု ဆွတ်ခူးနိုင်ခဲ့သည်ဟု သိရသည်။
သက်ထားသူဇာသည် ၂၀၁၉ခုနစ်တွင် ပြိုင်ပွဲပေါင်း ၄ပွဲ ယှဉ်ပြိုင်ခဲ့ပြီး ရွှေတံဆိပ် ၄ခုရယူနိုင်ခဲ့သကဲ့သို့ ၂၀၁၈ခုနစ်၌ အီဂျစ်နိုင်ငံက အိမ်ရှင်အဖြစ်လက်ခံ ကျင်းခဲ့သည့် Egypt International Series 2018 ပြိုင်ပွဲတွင်လည်း ရွှေတံဆိပ် ဆွတ်ခူးနိုင်ခဲ့သဖြင့် လက်ရှိတွင် ရွှေတံဆိပ် ၅ဆုရရှိထားသူဖြစ်သည်။
“ပီရှူးကစားသမားကို အနိုင်ရပြီး ရွှေထပ်ရသွားပြန်ပြီ။ နောက်ပြိုင်မယ့်ပွဲမှာလည်း သူရွှေထပ်ရနိုင်ပါတယ်”ဟု မြန်မာနိုင်ငံ ကြက်တောင်အဖွဲ့ချုပ် တွဲဖက်အတွင်းရေးမှူး၊ တွဲဖက်နည်းပြ ဦးမိုးကျော်သူက ဧရာဝတီသို့ ပြောသည်။
သက်ထားသူဇာက ၂၀၂၀ ဂျပန်နိုင်ငံ တိုကျိုအိုလံပစ်ပြိုင်ပွဲတွင် ဝင်ရောက်ယှဉ်ပြိုင်နိုင်ရန် ပြင်ဆင်နေသူလည်း ဖြစ်သည်။ ၎င်းသည် နိုင်ငံတကာ စီးရီးပြိုင်ပွဲများမှ တဆင့် ကမ္ဘာအဆင့် သတ်မှတ်ချက် ရောက်ရှိရန် လုပ်ဆောင် နေပြီး ထိုမှတဆင့် အိုလံပစ်ပြိုင်ပွဲ ဖိုင်နယ်အဆင့်ပွဲစဉ်များ ယှဉ်ပြိုင်ခွင့်ရရန် ရည်မှန်းထားသူ ဖြစ်သည်။
အိုလံပစ်ပြိုင်ပွဲဝင်ပြိုင်နိုင်ရန်အတွက် အနည်းဆုံး ကမ္ဘာအဆင့် ၁၀၀အတွင်း ရှိရန်လိုအပ်နေသည့် သက်ထားသူဇာသည် ပြီးခဲ့သည့် Mauritius International Championship 2019 ကြက်တောင်ရိုက်ပွဲ၌ ဖင်လန်နိုင်ငံသူကို အနိုင်ရပြီး ကမ္ဘာအဆင့် ၁၂၆မှ အဆင့် ၁၁၄သို့ ခုန်တက်နိုင်ခဲ့ပြီ ဖြစ်သည်။
သက်ထားသူဇာသည် အိုင်ဗရီကို့စ်နိုင်ငံက အိမ်ရှင်အဖြစ် ဇူလိုင်လ( ၄ ) ရက်နေ့မှ ( ၇ )ရက်နေ့အထိ ကျင်းပမည့် Cote d’ivoire International 2019ကို သွားရောက်ယှဉ်ပြိုင်မည်ဖြစ်ပြီး ထိုမှတဆင့် ဒိန်းမတ် နိုင်ငံသို့ ၂လကြာ သွားရောက်လေ့ကျင့်မည်ဖြစ်သည်ဟု သိရသည်။
ဧရာဝတိ
0 comments:
Post a Comment