အီရတ်နိုင်ငံတွင် အမေရိကန်တပ်ဖွဲ့များတည်ရှိရာ ဧရိယာတို့ကို ဒုံးကျည်များဖြင့် ပစ်ခတ်ခံရခြင်းကြောင့် အပျက်အစီးများဖြစ်ပေါ်ခဲ့ပုံနှင့် ပစ်ခတ်ခံရစဉ် ဘဂ္ဂဒက်ဝေဟင်၌ အမေရိကန်စစ်ရဟတ်ယာဉ် အများအပြား ဥဒဟို ပျံသန်းနေပုံ ဓါတ်ပုံနှင့် ဗွီဒီယိုဖိုင်များ လူမှု့ကွန်ယက်တွင် ပြန့်နှံ့လျှက်ရှိရာ ဘဂ္ဂဒက်လေဆိပ်အနီး၌ အီရန်စစ်ဦးစီး ကာဆင်စူလမန်နီအား အမေရိကန်က လုပ်ကြံသတ်ဖြတ်ပြီး နောက်တစ်ရက်၌ဖြစ်သည်။
ဘဂ္ဂဒက်မြို့တော်၏ “ အစိမ်းရောင်ဇုံ “ အဖြစ် ပြောဆိုကြသည့် အမေရိကန်သံရုံးတည်ရှိရာ ဧရိယာနှင့် ဘဂ္ဂဒက် မြောက်ဖက် မိုင် ၅၀-ခန့်အကွာ အယ်လ်ဆူမားရီးယန်း လေတပ်အခြေစိုက်စခန်းတို့မှာ ဒုံးကျည်အများအပြား ဖြင့် ပစ်ခတ်ခြင်းခံခဲ့ရသည်ဆို၏။ ဒုံးကျည်အချို့မှာ အမေရိကန်သံရုံးတည်ရှိရာအဆောက်အအုံနှင့် များစွာမဝေးလှနေရာ၌ ကျရောက်ပေါက်ကွဲခဲ့ကြောင်း သိရှိရသည်။ ထို့ပြင် ဒုံးကျည်ထိမှန်သဖြင့် ပျက်စီးနေသော အဆောက်အအုံတစ်ခုကိုလည်း Twitter ၌ တွေ့မြင်ကြရသည်။ အမေရိကန်အခြေစိုက်စခန်းတွင် ဒုံးကျည် ၃-စင်း ထိမှန်ခဲ့ကြောင်းလည်း ပြောဆိုလျှက်ရှိသည်။
ထိခိုက်ပျက်စီးမှု့ တရားဝင်သတင်းမရရှိသော်လည်း ဗွီဒီယိုမှတ်တမ်းအရ အရပ်သားအချို့ ထိခိုက်ဒဏ်ရာရှိသည်ကို တွေ့ရှိရသည်။ သို့သော် အမေရိကန်စစ်ဖက်တပ်ဖွဲ့ဝင်များတွင် ထိခိုက်ပျက်စီးမှု့မရှိကြောင်း ပင်တာဂွန်က ယနေ့ကြေညာသည်။
လက်တုန့်ပြန်လာနိုင်သဖြင့် အမေရိကန် စစ်အခြေစိုက်စခန်း သို့မဟုတ် အမေရိကန်တပ်ဖွဲ့များတည်ရှိရာ အဆောက်အအုံတို့နှင့် အနည်းဆုံး ၁-မိုင်အကွာအတွင်း တပ်တည်-တပ်လှုပ်ခြင်း မပြုရန် အီရတ် “ ခါတက်ဗ်ဟဇ် ဘိုလာ” စစ်ဋ္ဌာချုပ်က ၎င်း၏ လက်အောက်ခံတပ်များအား ညွှန်ကြားချက်ထုတ်ပြန်လိုက်သည်။ ခါတက်ဗ် ဟဇ်ဘိုလာတို့သည် ၂၀၀၃-ခုနှစ် အီရတ်သို့ အမေရိကန်ကျူးကျော်စဉ်မှ စတင်၍ အမေရိကန်ဆန့်ကျင်ရေး ပုန်ကန်မှု့များဖြင့် နှစ်ပေါင်းများစွာ တိုက်ပွဲဝင်ခဲ့သူ ရှီယိုက်မွတ်စလင်ပြည်သူ့စစ်များဖြစ်သည်။ ၎င်းတို့သည် ၂၀၁၄-ခုနှစ် အိုင်စစ် ( ISIS, ယခင် ISIL ) အစွန်းရောက်-အကြမ်းဖက်တို့၏ အစ္စလာမ်မစ်နိုင်ငံတော် ထူထောင်ရေးကို အမေရိကန်နှင့် အီရတ်အစိုးရတို့က ချေမှုန်းရာ၌ အခြားသော လက်နက်ကိုင်အဖွဲ့များနှင့်အတူ အစိုးရ၏ ကူညီထောက်ပံ့မှု့ ရရှိခဲ့သည်။ ( PMF ) ခေါ် အီရတ် လူထုစည်းရုံးရေး ပြည်သူ့စစ်တပ်တော်၏ အစိတ်အပိုင်းတစ်ရပ်လည်း ဖြစ်သည်။ သောကြာနေ့ ဘဂ္ဂဒက်လေဆိပ်အနီး အမေရိကန်၏ လေကြောင်းတိုက်ခိုက်မှု့တွင် အီရန်အစ္စလာမ်မစ်တော်လှန်အစောင့်တပ်မတော်၏ ထောက်လှမ်းရေးနှင့် ပြည်ပစစ်ဆင်ရေးစစ်ဦးချုပ် ဗိုလ်ချုပ်ကာဆင်စူလမန်နီနှင့်အတူ PMF ဒုတိယတပ်မှူးအပါအဝင် ၇-ဦး သေဆုံးသည်။
လတ်တလောတွင် အမေရိကန်နှင့် အီရတ်တို့မှာ တစ်ဖက်နှင့် တစ်ဖက် အပြန်အလှန်ခြိမ်းခြောက်လျှက်ရှိ သည်ကိုတွေ့ရသည်။ အမေရိကန်နှင့် အစ္စရေးပစ်မှတ် ၃၅-ခုတို့သည် မိမိတို့ အလွယ်တကူ ချေမှုန်းနိုင်သော လက်တကမ်းအကွာတွင်ရှိကြောင်း အီရန်က ခြိမ်းခြောက်လိုက်ပြီး အီရန်က စလာခဲ့လျှင် အမေရိကန်က အီရတ်ပစ်မှတ် ၅၂-ခုတို့ကို အချိန်တိုအတွင်း အထိနာသွားအောင် လက်တုန့်ပြန်တိုက်ခိုက်နိုင်ကြောင်း ဒေါ်နယ် ထရမ့်က ချေပပြောဆိုထားကြောင်း သိရှိရသည်။
Source- Htay Oung #Myanmar_Online_News
<zawgyi>
ဘဂ္ဂဒက်တွင် အမေရိကန်တပ်ဖွဲ့များတည်ရှိရာ ဧရိယာများ ဒုံးကျည်ဖြင့် ပစ်ခတ်ခံရ
Sunday, January 5, 2020
အီရတ်နိုင်ငံတွင် အမေရိကန်တပ်ဖွဲ့များတည်ရှိရာ ဧရိယာတို့ကို ဒုံးကျည်များဖြင့် ပစ်ခတ်ခံရခြင်းကြောင့် အပျက်အစီးများဖြစ်ပေါ်ခဲ့ပုံနှင့် ပစ်ခတ်ခံရစဉ် ဘဂ္ဂဒက်ဝေဟင်၌ အမေရိကန်စစ်ရဟတ်ယာဉ် အများအပြား ဥဒဟို ပျံသန်းနေပုံ ဓါတ်ပုံနှင့် ဗွီဒီယိုဖိုင်များ လူမှု့ကွန်ယက်တွင် ပြန့်နှံ့လျှက်ရှိရာ ဘဂ္ဂဒက်လေဆိပ်အနီး၌ အီရန်စစ်ဦးစီး ကာဆင်စူလမန်နီအား အမေရိကန်က လုပ်ကြံသတ်ဖြတ်ပြီး နောက်တစ်ရက်၌ဖြစ်သည်။
ဘဂ္ဂဒက်မြို့တော်၏ “ အစိမ်းရောင်ဇုံ “ အဖြစ် ပြောဆိုကြသည့် အမေရိကန်သံရုံးတည်ရှိရာ ဧရိယာနှင့် ဘဂ္ဂဒက် မြောက်ဖက် မိုင် ၅၀-ခန့်အကွာ အယ်လ်ဆူမားရီးယန်း လေတပ်အခြေစိုက်စခန်းတို့မှာ ဒုံးကျည်အများအပြား ဖြင့် ပစ်ခတ်ခြင်းခံခဲ့ရသည်ဆို၏။ ဒုံးကျည်အချို့မှာ အမေရိကန်သံရုံးတည်ရှိရာအဆောက်အအုံနှင့် များစွာမဝေးလှနေရာ၌ ကျရောက်ပေါက်ကွဲခဲ့ကြောင်း သိရှိရသည်။ ထို့ပြင် ဒုံးကျည်ထိမှန်သဖြင့် ပျက်စီးနေသော အဆောက်အအုံတစ်ခုကိုလည်း Twitter ၌ တွေ့မြင်ကြရသည်။ အမေရိကန်အခြေစိုက်စခန်းတွင် ဒုံးကျည် ၃-စင်း ထိမှန်ခဲ့ကြောင်းလည်း ပြောဆိုလျှက်ရှိသည်။
ထိခိုက်ပျက်စီးမှု့ တရားဝင်သတင်းမရရှိသော်လည်း ဗွီဒီယိုမှတ်တမ်းအရ အရပ်သားအချို့ ထိခိုက်ဒဏ်ရာရှိသည်ကို တွေ့ရှိရသည်။ သို့သော် အမေရိကန်စစ်ဖက်တပ်ဖွဲ့ဝင်များတွင် ထိခိုက်ပျက်စီးမှု့မရှိကြောင်း ပင်တာဂွန်က ယနေ့ကြေညာသည်။
လက်တုန့်ပြန်လာနိုင်သဖြင့် အမေရိကန် စစ်အခြေစိုက်စခန်း သို့မဟုတ် အမေရိကန်တပ်ဖွဲ့များတည်ရှိရာ အဆောက်အအုံတို့နှင့် အနည်းဆုံး ၁-မိုင်အကွာအတွင်း တပ်တည်-တပ်လှုပ်ခြင်း မပြုရန် အီရတ် “ ခါတက်ဗ်ဟဇ် ဘိုလာ” စစ်ဋ္ဌာချုပ်က ၎င်း၏ လက်အောက်ခံတပ်များအား ညွှန်ကြားချက်ထုတ်ပြန်လိုက်သည်။ ခါတက်ဗ် ဟဇ်ဘိုလာတို့သည် ၂၀၀၃-ခုနှစ် အီရတ်သို့ အမေရိကန်ကျူးကျော်စဉ်မှ စတင်၍ အမေရိကန်ဆန့်ကျင်ရေး ပုန်ကန်မှု့များဖြင့် နှစ်ပေါင်းများစွာ တိုက်ပွဲဝင်ခဲ့သူ ရှီယိုက်မွတ်စလင်ပြည်သူ့စစ်များဖြစ်သည်။ ၎င်းတို့သည် ၂၀၁၄-ခုနှစ် အိုင်စစ် ( ISIS, ယခင် ISIL ) အစွန်းရောက်-အကြမ်းဖက်တို့၏ အစ္စလာမ်မစ်နိုင်ငံတော် ထူထောင်ရေးကို အမေရိကန်နှင့် အီရတ်အစိုးရတို့က ချေမှုန်းရာ၌ အခြားသော လက်နက်ကိုင်အဖွဲ့များနှင့်အတူ အစိုးရ၏ ကူညီထောက်ပံ့မှု့ ရရှိခဲ့သည်။ ( PMF ) ခေါ် အီရတ် လူထုစည်းရုံးရေး ပြည်သူ့စစ်တပ်တော်၏ အစိတ်အပိုင်းတစ်ရပ်လည်း ဖြစ်သည်။ သောကြာနေ့ ဘဂ္ဂဒက်လေဆိပ်အနီး အမေရိကန်၏ လေကြောင်းတိုက်ခိုက်မှု့တွင် အီရန်အစ္စလာမ်မစ်တော်လှန်အစောင့်တပ်မတော်၏ ထောက်လှမ်းရေးနှင့် ပြည်ပစစ်ဆင်ရေးစစ်ဦးချုပ် ဗိုလ်ချုပ်ကာဆင်စူလမန်နီနှင့်အတူ PMF ဒုတိယတပ်မှူးအပါအဝင် ၇-ဦး သေဆုံးသည်။
လတ်တလောတွင် အမေရိကန်နှင့် အီရတ်တို့မှာ တစ်ဖက်နှင့် တစ်ဖက် အပြန်အလှန်ခြိမ်းခြောက်လျှက်ရှိ သည်ကိုတွေ့ရသည်။ အမေရိကန်နှင့် အစ္စရေးပစ်မှတ် ၃၅-ခုတို့သည် မိမိတို့ အလွယ်တကူ ချေမှုန်းနိုင်သော လက်တကမ်းအကွာတွင်ရှိကြောင်း အီရန်က ခြိမ်းခြောက်လိုက်ပြီး အီရန်က စလာခဲ့လျှင် အမေရိကန်က အီရတ်ပစ်မှတ် ၅၂-ခုတို့ကို အချိန်တိုအတွင်း အထိနာသွားအောင် လက်တုန့်ပြန်တိုက်ခိုက်နိုင်ကြောင်း ဒေါ်နယ် ထရမ့်က ချေပပြောဆိုထားကြောင်း သိရှိရသည်။
Source- Htay Oung #Myanmar_Online_News
0 comments:
Post a Comment