ရန်ကုန်အခြေစိုက် တက်ကြွလှုပ်ရှားသူတွေ၊ လူငယ်အဖွဲ့တွေနဲ့ အရပ်ဘက် အဖွဲ့အစည်းတွေ ပူးပေါင်းပြီး “ငြိမ်းချမ်းရေးအတွက်လူထုလှုပ်ရှားမှု” ခေါင်းစဉ်နဲ့ ငြိမ်းချမ်းရေး ချီတက်ပွဲကို မေလ ၁၂ ရက်နေ့မှာ ပြုလုပ်သွားဖို့ ရှိပါတယ်။
အဲဒီလူထုလှုပ်ရှားမှုကို မေလ ၁၂ ရက်နေ့ ညနေ ၅ နာရီက စတင်ပြီး တာမွေမြို့နယ် Ocean Center အရှေ့ကနေ ဆူးလေအထိ စုဝေးချီတက် ဆန္ဒထုတ်ဖော်ကြမှာ ဖြစ်ပါတယ်။
ဒီလှုပ်ရှားမှုကို တောင်းဆိုချက် ၄ ချက်နဲ့ ပြုလုပ်မှာဖြစ်ပြီး ‘စစ်ပွဲများ ချက်ချင်းရပ်၊ စစ်ပွဲများ ချုပ်ငြိမ်းရေး တွေ့ဆုံဆွေးနွေး အဖြေရှာပေး၊ စစ်ဘေးသင့် ပြည်သူများကို လွတ်လပ်စွာ ကူညီထောက်ပံ့ခွင့်ရရှိရေးနှင့် အကာအကွယ်ပေးရေး၊ ပိတ်မိနေသော စစ်ဘေးသင့်ပြည်သူများကို ချက်ချင်းလွှတ်’ စတဲ့ တောင်းဆိုချက်တွေနဲ့ ငြိမ်းချမ်းစွာ စုဝေးချီတက် ဆန္ဒထုတ်ဖော်ကြမယ်လို့ ဦးဆောင်သူတွေဆီက သိရပါတယ်။
ငြိမ်းချမ်းစွာ ဆန္ဒထုတ်ဖော်တာနဲ့ပတ်သတ်ပြီး အကြောင်းကြားစာကိုလည်း သက်ဆိုင်ရာ မြို့နယ်တွေကို တင်ပြသွားမယ်လို့လည်း သိရပါတယ်။
DVB
0 comments:
Post a Comment