တောင်ကိုရီးယားအစိုးရက ပြီးခဲ့တဲ့ ၁၉၆ဝ ကနေ ၁၉၈ဝ ပြည့်လွန်နှစ်တွေအတွင်း နိုင်ငံသား ထောင်သောင်းများစွာကို အိမ်မဲ့ယာမဲ့ ထိန်းသိမ်းရေးစခန်းတွေမှာ ကျေးကျွန်တွေသဖွယ် နှိပ်စက်ညှင်းပမ်းခဲ့မှုအတွက် ဒီကနေ့ ဝန်ချတောင်းပန်လိုက်ပါတယ်။
အဲဒီကာလက တောင်ကိုရီးယားစစ်အာဏာရှင်တွေဟာ လမ်းပေါ်က ကလေးသူငယ်တွေ၊ အိမ်ခြေမဲ့တွေနဲ့ သက်ကြီးရွယ်အို ထောင်ပေါင်းများစွာကို အမိန့်ထုတ်ဖမ်းဆီးပြီး ထိန်းသိမ်းရေးစခန်းတွေကို ပို့ဆောင်ကာ အလုပ်ကြမ်းတွေ ခိုင်းစေခဲ့ပါတယ်။
အဲဒီ အကျဉ်းစခန်းတွေမှာ သေဆုံးမှု၊ မုဒိမ်းကျင့်မှုနဲ့ ရိုက်နှက်ညှင်းပန်းခဲ့မှုတွေအတွက် အခုအချိန်အထိ် ဘယ်သူ့ကိုမှ အရးယူခဲ့ခြင်းမရှိပါဘူး။ ဒီကိစ္စကို AP သတင်းဌာနက ၂ဝ၁၆ ခုနှစ်မှာ ဖော်ထုတ်ခဲ့ပါတယ်။
နိုင်ငံ့တောင်ပိုင်း ဘူဆန်မြို့မှာရှိတဲ့ အဲဒီ Brothers Home ညီအစ်ကိုတွေရဲ့အိမ်လို့ အမည်ပေးထားတဲ့ အကျဉ်းစခန်းမှာ ၅ နှစ်ကြာနေခဲ့ရတဲ့ ပတ်ဆွန်ရီ(Park Sun-yi)ဆိုတဲ့ ကလေးမက သူ့မှာ အခုသူငယ်ချင်းလည်းမရှိ ဆွေမျိုးလည်းမရှိဖူးလို့ ပြောပါတယ်။သူ့ကို အသက် ၉ နှစ်အရွယ်မှာ လမ်းပေါ်က ဖမ်းသွားခဲ့တာပါ။
တောင်ကိုရီးယား အစိုးရရှေ့နေချုပ်က ပြည်သူတွေကို ဒီကနေ့ ဝန်ချတောင်းပန်ခဲ့ရာမှာ အရင်အစိုးရအနေနဲ့ ပြည်သူတွေကို အခုလို ဥပဒေမဲ့ ဖမ်းဆီးညှင်းပန်းဖို့ ဘယ်လိုဥပဒေနဲ့မှ ကိုက်ညီခြင်းမရှိပါဘူး။
လူအခွင့်အရေးကို ပြင်းထန်စွာ ချိုးဖောက်မှုဖြစ်တယ်လို့ ပြောပါတယ်။
ဒီကိစ္စကို ကျယ်ကျယ်ပြန့်ပြန့် ဆက်လက်စုံစမ်းဖို့ တောင်ကိုရီးယား လွတ်တော်က အခုစီစဉ်နေပါတယ်။
တောင်ကိုရီးယား အစိုးရရှေ့နေချုပ်က ပြည်သူတွေကို ဝန်ချတောင်းပန်နေစဉ်။
(Photo-AP)
RFA
0 comments:
Post a Comment