နိုဝင်ဘာလ(၂၈)ရက် ဒီနေ့မနက်အစောပိုင်းမှာ တရုတ်နိုင်ငံမြောက်ပိုင်းဟီပေးပြည်နယ်က ကျန်းဂျာကူးမြို့မှာရှိတဲ့ဓာတုစက်ရုံတစ်ခုပေါက်ကွဲခဲ့တာကြောင့် လူ(၂၂)ဦးသေဆုံးပြီး နောက်ထပ်လူအနည်းဆုံး(၂၂)ဦးဒဏ်ရာရခဲ့တယ်လို့ ဒေသအာဏာပိုင်တွေကပြောပါတယ်။
တရုတ်အစိုးရပိုင်ရုပ်သံမှာဖော်ပြထားတဲ့ရုပ်သံဖိုင်တွေမှာတော့ ပေါက်ကွဲမှုကြောင့် မီးခိုးလုံးတွေနဲ့မီးတောက်တွေဖောင်းကြွနေတာကိုမြင်ရပြီး ပုံတွေမှာတော့ မီးလောင်ထားတဲ့ကားတွေ လမ်းပေါ်ရောက်နေတာကိုတွေ့ရပါတယ်။
မီးတွေက ကားအစီး(၅၀)လောက်ကို ဝါးမြိုသွားတယ်လို့ အာဏာပိုင်သတင်းရင်းမြစ်တွေကိုကိုးကားပြီး ရှင်ဟွာသတင်းအေဂျင်စီကဖော်ပြပါတယ်။မီးထိန်းနိုင်ပြီလို့လည်းသိရပါတယ်။
ပေါက်ကွဲမှုဖြစ်ခဲ့တဲ့အနားက ဟီဘေးရှန်းဟွာဓာတုစက်ရုံမှာ ထုတ်လုပ်မှုရပ်ဆိုင်းထားပြီး ပေါက်ကွဲမှုဖြစ်ခဲ့တဲ့အထဲမှာ ဟီဘေးရှန်ဟွာစက်ရုံမပါဘူးလို့ ကုမ္မဏီပြောခွင့်ရသူကအတည်ပြုပါတယ်။
တရုတ်နိုင်ငံမြို့တော်ပေကျင်းရဲ့အနောက်မြောက်ဘက်(၉၉)မိုင်အကွာမှာရှိတဲ့ကျန်းဂျာကူးမြို့ဟာ (၂၀၂၂)ဆောင်းရာသီအိုလံပစ်ကို ပေကျင်းနဲ့အတူလက်ခံကျင်းပမှာပါ။
နိုဝင်ဘာလ(၂၄)ရက်ကလည်း ဂျီလင်းပြည်နယ်က စက်မှုလုပ်ငန်းသုံးစက်ရုံတစ်ရုံပေါက်ကွဲခဲ့တာကြောင့် လူ(၂)ဦးသေဆုံးခဲ့ပါတယ်။
စက်ရုံတွေမှာ ဘေးကင်းလုံခြုံစေရမယ်လို့ တရုတ်နိုင်ငံကကတိပြုထားပေမဲ့ စည်းကမ်းထိန်းသိမ်းရေးပိုင်းကတော့ အားနည်းနေပါတယ်။









0 comments:
Post a Comment