ပဲခူးတိုင်းဒေသကြီး၊ ဖြူးမြို့အနီးကို ဗဟိုပြု၍ ယနေ့ (ဇန်နဝါရီ ၂၈ ရက်) နံနက် ၁၀ နာရီ ၂၂ မိနစ်ခန့်က အင်အားအနည်းငယ်ရှိသော မြေငလျင်တစ်ခုလှုပ်ခတ်ခဲ့ကြောင်း မိုးလေဝသနှင့် ဇလဗေဒညွှန်ကြားမှု ဦးစီးဌာနက သတင်းထုတ်ပြန်သည်။
အဆိုပါမြေငလျင်သည် ဖြူးမြို့၏ အနောက်တောင်ဘက် မိုင် ၄၀ ခန့်အကွာကို ဗဟိုပြု၍ လှုပ်ခတ်ခဲ့ခြင်းဖြစ်ပြီး အင်အားရစ် (ခ်) တာစကေး ၄ ဒသမ ၅ အဆင့်ရှိကြောင်း မြေငလျင်ဌာနခွဲထံမှ သိရသည်။
ယခုရက်ပိုင်း၌ စစ်ကိုင်းတိုင်းဒေသကြီးအတွင်း အင်အားအနည်းရှိသော မြေငလျင်များဆက်တိုက်လှုပ်ခတ်လျက်ရှိသည်။
ပြီးခဲ့သည့် ၂၀၁၈ ခုနှစ်၊ ဇန်နဝါရီလ ၁၂ ရက်နေ့ကလည်း ပဲခူးတိုင်းဒေသကြီး၊ ဖြူးမြို့အနီး (ပဲခူးရိုးမအတွင်း) ဗဟိုပြု၍ အင်အားရစ်ခ်စတာစကေး ၆ ဒသမ ၈ အဆင့်ရှိ မြေငလျင်လှုပ်ခတ်ခဲ့သည်။
#The_Voice_Daily
0 comments:
Post a Comment