မန္တလေးမြို့ဝင်ကြေးကောက်ခံခြင်းလုပ်ငန်းများအားလုံးကို ဧပြီ ၁ ရက်နေ့မှစပြီး မန္တလေးမြို့တော်စည်ပင်သာယာရေးကော်မတီဝန်ထမ်းတွေနဲ့ ပြန်လည်ကောက်ခံသွားတော့ မှာဖြစ်တယ်လို့ မန္တလေးမြို့တော်စည်ပင်သာယာရေးကော်မတီဆီကသိရပါတယ်။
”စည်ပင်ဝန်ထမ်းတွေနဲ့ပဲ မြို့ဝင်ဂိတ်အားလုံးကိုတာဝန်ယူဆောင်ရွက်သွားတော့မှာပါ၊ အသစ်ခန့်မယ့်စည်ပင်ဝန်ထမ်းတွေကို သင်တန်းတွေပေးသွားမယ်၊ ၀န်ထမ်း ၁၅၀ ကျော်နဲ့ကြီး ကြပ်မယ့်ဝန်ထမ်းတွေနဲ့တွဲလုပ်သွားရမှာပါ” လို့ မန္တလေးမြို့တော်စည်ပင်သာယာရေးကော်မတီမှ ကော်မတီဝင်ဦးကျော်ဇောအောင်ကပြောပါတယ်။
လမ်းအသုံးပြုခနဲ့မြို့ဝင်ကြေးကောက်ခံခြင်းလုပ်ငန်းများအားလုံးကို မန္တလေးစည်ပင်သာယာဝန်ထမ်းတွေနဲ့ပဲ ပြန်လည်ကောက်ခံသွားဖို့စီစဉ်လိုက်တာဖြစ်ပြီး ကောက်ခံရရှိတဲ့အခွန်အခတွေနဲ့ မြို့တော်ဖွံ့ဖြိုးရေးကိုဆောင်ရွက်သွားဖို့ဖြစ်ကြောင်း၊ မြို့အ၀င်ဂိတ်တွေမှာ လမ်းအသုံးပြုခနဲ့ဘီးခွန်ကောက်ခံရရှိငွေမှာ အဓိကကျတဲ့အခွန်အခ၀င်ငွေဖြစ်တဲ့အ တွက် အလေအလွင့်မရှိအပြည့်အ၀ရရှိဖို့ဆောင်ရွက်တာဖြစ်ကြောင်းလည်းသိရပါတယ်။
ကောက်ခံရရှိတဲ့လမ်းအသုံးပြုခနဲ့မြို့ဝင်ကြေးတွေကိုတော့ အချိန်နဲ့တပြေးညီသိရစေဖို့ အွန်လိုင်းနဲ့ချိတ်ဆက်ဆောင်ရွက်သတင်းထုတ်ပြန်ပေးသွားမှာဖြစ်တယ်လို့လည်းသိရပြီး ဒါနဲ့ပတ်သက်လို့လည်း လမ်းအသုံးပြုခနဲ့ မြို့ဝင်ကြေးကောက်ခံခြင်းအား ယာဉ်အ၀င်အထွက်မှတ်တမ်းအား ယာဉ်နံပါတ်ဖတ်နိုင်တဲ့ကင်မ ရာတွေနဲ့ မှတ်တမ်းတင်တာတွေ၊ ယာဉ်နံပါတ်နဲ့အတူ ယာဉ်အမျိုးအစားအလိုက် စည်းကြပ်ကောက်ခံနိုင်တာ၊ အလိုအလျောက်အဖွင့်အပိတ်လုပ်နိုင်တဲ့မောင်းတံစနစ်ပါဝင်တာ၊ အချက်ပြမီးနီ၊ မီးစိမ်းပါဝင်တာ၊ LED ဘုတ်နဲ့စည်းကြပ်တဲ့ယာဉ်အတန်းအစားနဲ့စည်းကြပ်ငွေနဲ့ကားနံပါတ်ကို ဖော်ပြပေးတာတွေနဲ့ ၀န်ထမ်းတွေကိုကြီးကြပ်သွားမှာဖြစ်ကြောင်း၊ ကတ္တားရှိတဲ့နေရာတွေမှာ လက်ရှိကတ္တားကိုအသုံးပြပြီး တန်ချိန်နဲ့ကောက်ခံနိုင်တဲ့စနစ်နဲ့ကောက်ခံပြီး ကတ္တားမရှိတဲ့နေရာတွေမှာလည်း ယာဉ်အမျိုးအစားအလိုက်ခွဲခြားကောက်ခံနိုင်တဲ့စနစ်ပါဝင်တဲ့ ကတ္တားတွေတပ်ဆင်သွားမှာဖြစ်ကြောင်း၊ ကောက်ခံရရှိတဲ့ငွေတွေကို အချိန်နဲ့တပြေးညီသိစေဖို့ အွန်လိုင်းနဲ့ချိတ်ဆက်ဆောင်ရွက်မှာဖြစ်ကြောင်း မန္တလေးမြို့တော်ဝန်ဒေါက်တာရဲလွင်က သူ့ရဲ့တရားဝင်ဖေ့စ်ဘွတ်စာမျက်နှာမှာရေးသားဖော်ပြထားပါတယ်။
”အဓိကကတော့ ၀င်ငွေတိုးလာမယ်၊ မြို့ကိုဝင်လာတဲ့ယာဉ်တွေအခက်အခဲမဖြစ်စေဖို့လည်းကျွန်တော်တို့ဆောင်ရွက်တာပါ”လို့ ဦးကျော်ဇောအောင်ကပြောပါတယ်။
မန္တလေးမြို့ကိုလာရင် ထုံးဘို-မြစ်ငယ်ဂိတ်၊ ရွှေကျင်ဂိတ်၊ အောင်ပင်လယ်ဂိတ် နဲ့ ရွှေကြက်ယက်ဂိတ်တို့ကိုဖြတ်ရမှာဖြစ်ပါတယ်။
စောထွေး
Photo - မန်းမြို့တော်ဝန်ဒေါက်တာရဲလွင် facebook မှ
Popular News Journal
No comments:
Post a Comment