မသန်စွမ်းသူများအဆင့်သတ်မှတ်ခြင်းနှင့်မှတ်ပုံတင်ခြင်းစနစ်တစ်ရပ်ပေါ်ထွက်လာစေရေးအတွက်အလေးအနက်ထားဆောင်ရွက်ရန်ရှိကြောင်းလူမှုဝန်ထမ်း၊ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာနဒုတိယ၀န်ကြီးဦးစိုးအောင်ကပြောကြားခဲ့သည်။
“မသန်စွမ်းသူများအနေနဲ့လည်းနိုင်ငံတော်အစိုးရနဲ့အခြားမိတ်ဖက်အဖွဲ့အစည်းတွေကနေပံ့ပိုးပေးတဲ့သင်တန်းများနဲ့ဖွံ့ဖြိုးတိုးတက်မှုအစီအစဉ်တွေမှာပါဝင်ပြီးအများနည်းတူအကျိုးကျေးဇူးများကိုရရှိခံစားစေနိုင်ဖို့အရေးပါတဲ့မသန်စွမ်းမှုအဆင့်သတ်မှတ်ခြင်းနဲ့မှတ်ပုံတင်ခြင်းစနစ်တစ်ရပ်ပေါ်ထွက်လာရေးအတွက်ဟာကျွန်တော်တို့အလေးအနက်ထားဆောင်ရွက်ဖို့ရှိနေပါတယ်”ဟုဦးစိုးအောင်ကဆိုသည်။
နေပြည်တော်MGalleryဟိုတယ်တွင်ယနေ့နံနက်ပိုင်းကကျင်းပခဲ့သောမသန်စွမ်းမှုအဆင့်သတ်မှတ်ခြင်းနှင့်မသန်စွမ်းသူများမှတ်ပုံတင်ခြင်းအစည်းအဝေးအဖွင့်မိန့်ခွန်းတွင်ယင်းကဲ့သို့ပြောကြားခဲ့ခြင်းဖြစ်သည်။
မသန်စွမ်းသူများအရေးဆောင်ရွက်ရာတွင်သိသာထင်ရှားသောအောင်မြင်မှုအချို့ကိုတွေ့နိုင်ပြီဖြစ်သော်လည်းမသန်စွမ်းသူများ၏စိတ်ပိုင်း၊ရုပ်ပိုင်း၊လူမှုရေးပိုင်း၊စီးပွားရေးပိုင်းဆိုင်ရာအတားအဆီးများကိုဖယ်ရှားပေးရန်နှင့်ဖွံ့ဖြိုးတိုးတက်မှုလုပ်ငန်းစဉ်များတွင်ပေါင်းစည်းပါဝင်နိုင်ရန်အတွက်မသန်စွမ်းသူအဆင့်သတ်မှတ်ခြင်းနှင့်မသန်စွမ်းသူများမှတ်ပုံတင်ခြင်းလုပ်ငန်းစဉ်မှာကျန်ရှိနေသေးကြောင်းသူကဆိုသည်။
မသန်စွမ်းမှုအဆင့်သတ်မှတ်ခြင်းနှင့်မသန်စွမ်းသူများကိုမှတ်ပုံတင်ထုတ်ပေးခြင်းဖြင့်မသန်စွမ်းများအနေဖြင့်ပညာသင်ကြားခွင့်၊ဆေးကုသခွင့်၊အလုပ်အကိုင်အခွင့်အလမ်းများရရှိခွင့်၊ပုဂ္ဂလိကလွတ်လပ်ခွင့်၊တရားမျှတမှုရရှိခွင့်၊အမှီအခိုကင်းစွာသွားလာနေထိုင်ခွင့်နှင့်လူမှုဘ၀တွင်ပူးပေါင်းပါဝင်ခွင့်များကိုသေချာစွာရရှိနိုင်စေရန်အထောက်အကူပြုနိုင်မည်ဖြစ်ကြောင်းသိရသည်။
ဖူးဖူးအောင်
Popular News Journal
0 comments:
Post a Comment