(၆၃)နှစ်မြောက် ကရင်ပြည်နယ်နေ့ အထိမ်းအမှတ်ပွဲတော်ကို နိုဝင်ဘာလ ၇ ရက်မှ ၁၁ ရက်အထိ (၅)ရက်တိုင်တိုင် စည်ကား သိုက်မြိုက်စွာ ကျင်းပသွားမည်ဖြစ်ကြောင်း ပြည်နယ်အစိုးရအဖွဲ့ရုံး၊ အစည်းအဝေးခန်းမ၌ ကျင်းပသည့် ကရင်ပြည်နယ်နေ့ အ ခမ်းအနားနှင့် ပွဲတော်ကျင်းပရေးဆိုင်ရာ လုပ်ငန်းညှိနှိုင်းအစည်းအဝေးမှ သိရသည်။
"ကျွန်တော်တို့ အစိုးရလက်ထက်မှာ ပြည်နယ်နေ့ကို ပိုပြီးစည်ကားသိုက်မြိုက် ပျော်ရွင်စရာဖြစ်အောင် လုပ်ဆောင်ကျင်းပနေ တာပါ။ ဒုံးယိမ်းဆုတွေလည်း ဆုကြေးပိုပေးဖို့တွေ အားကစားပြိုင်ပွဲတွေ အစုံကျင်းပပေးတာတွေအပြင် ပြည်နယ်နေ့ရဲ့ ကရင့် ရိုးရာ အစားအသောက် ကရင်တော ထမင်းတောဟင်းနဲ့ ကရင်မုန့်တွေ ရောင်းတဲ့ဈေးတန်းကိုလည်း ပွဲတော်လာသူတွေ သက် သောင့်သက်သာ စားသောက်နိုင်အောင် စီစဉ်ထားတယ်။ လူငယ်တွေအတွက် နိုင်ငံကျော် အဆိုတော်တွေနဲ့ အခမဲ့ စတိတ်ရှိုး။ လူကြီးတွေအတွက် အငြိမ့်တွေ ကရင်ဇာတ်သဘင် ဗလာပွဲတွေနဲ့ ဖျော်ဖြေသွားမှာပါ။ ပွဲတော် ဈေးတင်ဒါရရှိငွေတွေကိုလည်း ပြည်နယ်နေ့ အထိမ်းအမှတ် ပြိုင်ပွဲတွေ ပြပွဲတွေမှာ ပြန်ပြီးထိုက်ထိုက်တန်တန်ဆု ချီးမြှင့် သွားမှာပါ” ဟု ပြည်နယ် စီမံ/ ဘဏ္ဍာ/ စည်ပင်သာယာဝန်ကြီး ဦသန်းနိုင် က ပြောသည်။
ကရင်ပြည်နယ်နေ့ ကျင်းပရေးစီမံခန့်ခွဲမှု ကော်မတီဥက္ကဋ္ဌ၊ ပြည်နယ်ဝန်ကြီးချုပ် နန်းခင်ထွေးမြင့် ထံသို့ ပွဲတော်ကျင်းပရေး အထောက်အကူပြု လုပ်ငန်းကော်မတီများမှ မိမိတို့ကော်မတီအလိုက် ဆောင်ရွက်မည့် လုပ်ငန်းစဉ်များကို တင်ပြခဲ့ကြောင်း သိရသည်။
(၆၃)နှစ်ပြည့် ကရင်ပြည်နယ်နေ့ပွဲတော်တွင် JMC-S (ကရင်) ပြခန်း၊ ကရင်စာပေနှင့် ယဉ်ကျေးမှုပြခန်း၊ သစ်သီးဝလံနှင့် ပန်းမန် ပြခန်းတို့နှင့်အတူ ဌာနဆိုင်ရာပြခန်းများ၊ NGO၊INGO ပြခန်းများအပါအ၀င် ပြခန်းပေါင်း ၃၃ ခန်းကို ဖွင့်လှစ်ပြသသွားမည် ဖြစ်ပြီး လူသုံးကုန်ပစ္စည်းများ၊ လျှပ်စစ်ပစ္စည်းများ၊ စားသောက်ကုန်ပစ္စည်းများ၊ တိုင်းရင်းဆေးအမျိုးမျိုး၊ အ၀တ် အထည်နှင့် အလှကုန် ပစ္စည်းများ၊ လယ်ယာသုံးစက်ကိရိယာပစ္စည်းများ အစရှိသောကုန်စည်များရောင်းချသည့် ဆိုင်ခန်း ပေါင်း ၃၀၀ ကျော်ပါဝင်သည့် ကုန်စည်ပြပွဲကြီး ပါဝင်မည်ဖြစ်သည်။
ထို့ပြင် ကရင်ရိုးရာယဉ်ကျေးမှုဒုံးအကအဖွဲ့ ၁၃ ဖွဲ့ ၀င်ရောက်ယှဉ်ပြိုင်ကြမည်ဖြစ်ပြီး ကရင်ပြည်နယ်နေ့အထိမ်းအမှတ် အား ကစားပြိုင်ပွဲများကို နိုဝင်ဘာလ ၂ ရက်တွင် မြို့တော်ခန်းမ၌ ကာယဗလမောင်နှင့် ကာယအလှမယ်ပြိုင်ပွဲ၊ နိုဝင်ဘာ ၄ ရက်တွင် ဘားအံဂေါက် ကလပ်၌ ဂေါက်သီးရိုက်ပြိုင်ပွဲ၊ နိုဝင်ဘာ ၃ ရက်နှင့် ၄ ရက်တို့တွင် ခြင်းလုံးလေ့ကျင့်ရေးရုံ၌ ရိုးရာခြင်းလုံး ခတ် ပြိုင်ပွဲ၊ နိုဝင်ဘာ ၇ ရက်နှင့် ၈ ရက်တို့တွင် သီရိကွင်း၌ ရိုးရာခြင်းလုံးအလှခတ်ပြိုင်ပွဲ၊ နိုဝင်ဘာ ၅၊ ၆၊ ၇ ရက်များတွင် ကန်သာ ယာ၌ ရိုးရာလှေလှော်ပြိုင်ပွဲ၊ နိုဝင်ဘာ ၇ ရက်မှ ၁၁ ရက်ထိ ရိုးရာလက်ဝှေ့ပြိုင်ပွဲ၊ ၁၀ ရက်မှ ၁၁ ရက်ထိ ဘားအံမြို့မ တင်းနစ် ကလပ်၌ ဖိတ်ခေါ်တင်းနစ်ပြိုင်ပွဲများကို ကျင်းပပေးသွားမည်ဖြစ်ကြောင်း သိရသည်။
ရိုးရာ လက်ဝှေ့ပြိုင်ပွဲတွင် မြန်မာအထူးစာချုပ်စိန်ခေါ်ပွဲ ၃၈ ပွဲ၊ ၁၀ သိန်း အောင်လံ၊ ၇ သိန်းအောင်လံတို့အပြင် မျိုးဆက်သစ် တို့၏ အထူးကြားပွဲများ ပါဝင်ကာ ဆုကြေးငွေအဖြစ် စုစုပေါင်း သိန်း ၁၀၀၀ ခန့် ချီးမြှင့်ပေးသွားရန် မျှော်မှန်းထားကြောင်းနှင့် ရိုးရာလှေလှော်ပြိုင်ပွဲကို အမျိုးသား ၃ တက် လှော်နှင့် ၅ တက်လှော်ပြိုင်ပွဲ၊ အမျိုးသမီး ၃ တက်လှော်နှင့် ၅ တက်လှော်ပြိုင်ပွဲဟူ၍ ကျင်းပသွားမည်ဖြစ်ကြောင်း ပွဲတော်ကျင်းပရေး ကော်မတီမှ ပြည်နယ် ဝန်ကြီးချုပ်ထံတင်ပြ ဆွေးနွေးအတည်ပြုချက်များ အရ သိရသည်။
တေးဂီတဖျော်ဖြေပွဲများအဖြစ် နိုဝင်ဘာ ၇၊ ၈၊ ၉ ရက် များတွင် နိုင်ငံကျော်တေးသံရှင်များဖြစ်သည့် ၀န၊ အောင်လ၊ လွမ်းပိုင်၊ ၀ိုင်းစုခိုင်သိန်း၊ Bobby Soxer တို့နှင့် ဒေသခံ တိုင်းရင်းသားတေးသံရှင်များမှ သီဆိုဖျော်ဖြေသွားမည်ဖြစ်သည်။
စောဘောသိုလ်(အကုန်သိသတင်းဌာန)
0 comments:
Post a Comment