အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာနဥက္ကဋ္ဌ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က တိုင်းရင်းသားလက်နက်ကိုင်အဖွဲ့အစည်းတွေနဲ့ နိုင်ငံရေးပါတီ ကိုယ်စားလှယ်တွေထံ နှစ်သစ်ကူးသ၀ဏ်လွှာ ပေးပို့လိုက်တယ်လို့ နိုင်ငံတော်အတိုင်ပင်ခံရုံး သတင်းထုတ်ပြန်ချက်အရ သိရပါတယ်။
ပါတီအမည်နဲ့ လိပ်မူပေးပို့တာဖြစ်ပြီး သက်ဆိုင်ရာပါတီက ခေါင်းဆောင်တွေဆီကို ပေးပို့တာလို့ ပအို့ဝ်အမျိုးသား လွတ်မြောက်ရေးအဖွဲ့ချုပ်(PNO) ဒုဥက္ကဋ္ဌခွန်မြင့်ထွန်းက ပြောပါတယ်။
ရှမ်းတိုင်းရင်းသားများ ဒီမိုကရေစီအဖွဲ့ချုပ် ပြောခွင့်ရပုဂ္ဂိုလ် ဦးစိုင်းလိတ်ကတော့ အခုလို နှစ်သစ်ကူးအခါသမယမှာ နှစ်သစ် ဆုတောင်းပေးပို့တာဟာကောင်းတဲ့ အစဉ်အလာတစ်ခုဖြစ်တယ်လို့ ပြောပါတယ်။
၂၁-ရာစု ပင်လုံညီလာခံကို ၂၀၁၈ ခုနှစ်ထဲမှာ ရည်မှန်းချက်ပြည့်မီ အောင် မကျင်းပနိုင်ခဲ့ပေမယ့် ၂၀၁၉-ခုနှစ်ထဲမှာအောင်မြင်မှုရအောင် အားလုံးအတူလက်တွဲပြီး ဆက်လက်ကြိုးပမ်းကြရမှာဖြစ်တယ် လို့လည်း ဦးစိုင်းလိတ်ကပြောပါတယ်။
နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ဟာ နှစ်သစ်ကူးသ၀ဏ်လွှာကို NCA ငြိမ်းချမ်းရေးလက်မှတ်ထိုးထားတဲ့ တိုင်းရင်းသားအဖွဲ့တွေရော လက်မှတ်မထိုးရသေးတဲ့ အဖွဲ့တွေဆီကိုပါပေးပို့တာလို့လည်း သိရပါတယ်။
One News Myanmar
0 comments:
Post a Comment