မြန်မာ့ပညာရေးရုပ်မြင်သံကြားလိုင်းကို ယနေ့တွင် စတင်ထုတ်လွှင်ပြသ

ပညာရေးဝန်ကြီးဌာန၏ မြန်မာ့ပညာရေး ရုပ်မြင်သံကြားလိုင်းကို အများပြည်သူ ဖမ်းယူ ကြည့်ရှုနိုင်ရန်အတွက် လိုင်းအဖြစ် စမ်းသပ်ထုတ်လွှင့်သွားမည် ဖြစ်ပါသည်။

မြန်မာ့ပညာရေး ရုပ်သံလိုင်း (Myanmar Education Channel) ကို ၂၀၂၀ ပြည့်နှစ်၊ မေလ (၄)ရက်၊ ယနေ့မှ စတင်ကာ ရုံးဖွင့်ရက်များတွင် နံနက် (၁၀:၀၀) နာရီမှ ညနေ (၄:၀၀) နာရီအထိ ထုတ်လွှင့်သွားမည် ဖြစ်ပါသည်။ အဆိုပါ မြန်မာ့ပညာရေးရုပ်သံ (Myanmar Education Channel)ကို MRTV Platform ၏ Channel အမှတ် (၇)တွင် ဖမ်းယူကြည့်ရှုနိုင်မည် ဖြစ်ပါသည်။

ဖမ်းယူကြည့်ရှုနိုင်မည့် စက်အမျိုးအစားများမှာ DVB-T2 Set-top Box ဖြင့်လည်းကောင်း၊ DVB-T2 Tuner ပါရှိသော LCD, LED Flat TV များတွင် အင်တင်နာဖြင့်လည်းကောင်း၊ Analog TV များတွင် Set-top Box ဖြင့် ချိတ်ဆက်ကြည့်ရှုပါက Aspect Ratio ရွေးချယ်၍လည်းကောင်း ကြည့်ရှုနိုင်မည် ဖြစ်ပါသည်။

မြန်မာ့ပညာရေး ရုပ်မြင်သံကြားလိုင်း (Myanmar Education Channel) ၏ ထုတ်လွှင့်မှု အစီအစဉ်များကို အဆင့်ဆင့် တိုးချဲ့ ထုတ်လွှင့်သွားမည် ဖြစ်ပါသည်။

ပညာရေးဝန်ကြီးဌာန