(၈)ကြိမ်မြောက် ကျပ်သိန်း ၅၀၀၀ ဆုကြီးကို ပဲခူးတိုင်းဒေသကြီး၊ ကျောက်တံခါးမြို့နယ်၊ အောင်မြင်မြို့ တောကျွဲအင်းနေ ကိုထွန်းအောင် + မသွယ်သွယ်ဦး မိသားစုက ဦးအောင်မြင့်ထီဆိုင်ကြီးမှ ဆွတ်ခူးရရှိသွားကြောင်း သိရှိရပါသည်။
Tuesday, October 1, 2019
မြန်မာ Unicode စံစနစ် ကူးပြောင်းရေးအတွက် သံတမန်ဖြစ်ရတာ အများကြီးဂုဏ်ယူမိပါကြောင်း မြန်မာ့ကြက်တောင်မယ် သက်ထားသူဇာပြော
မြန်မာ့ကြက်တောင်မယ် သက်ထားသူဇာဟာ ယူနီကတ်စံစနစ် ကူပြောင်းရေးတွင် သံတမန်အဖြစ်ခန့်အပ်ခြင်းခံရတာ အများကြီး ဂုဏ်ယူဝမ်းမြောက်ကြောင်း ရေးသားဖော်ပြထားကြောင်းတွေ့ရှိရပါတယ်။
ပြည်ခိုင်ဖြိုးအစိုးရလက်ထက်၌ တည်ဆောက်ခဲ့သော ကုတင် ၅၀၀ ဆံ့ ဆေးရုံကို NLD အစိုးရမှ ဆက်လက် အကောင်အထည်ဖော်ရန် တိုင်းဝန်ကြီးဟောင်း တောင်းဆို
ပြည်ခိုင်ဖြိုးပါတီအစိုးရလက်ထက်တွင် ဧရာဝတီတိုင်း၊ ပုသိမ်မြို့၌ ကုတင် ၅၀၀ ဆံ့ ဆေးရုံကြီးကို အကောင်အထည်ဖော်တည်ဆောက်ခဲ့သည်။
တပ်မတော်ကာကွယ်ရေးဦးစီးချုပ်အား အမျိုးဘာသာ သာသနာဆောင်ရွက်ခြင်းကြောင့် YMBA အသင်းမှ အမြင့်ဆုံး ဘွဲ့တံဆိပ်ချီးမြှင့်မည်
တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်ကို အမျိုးဘာသာ သာသနာဆောင်ရွက်ခြင်းကြောင့် ဗုဒ္ဓဘာသာကလျာဏယုဝအသင်း(YMBA)မှ အမြင့်ဆုံး ဘွဲ့တံဆိပ်ဖြစ်သည့် မင်္ဂလဓမ္မဇောတိကဓဇဘွဲ့ပေးအပ်ချီးမြှင့်သွားမည်ဖြစ်ကြောင်း သိရသည်။
မလိမ္မာတဲ့ မီဒီယာတွကို ပညာသားပါပါ ပြောဆိုလိုက်တဲ့ နန္ဒာလှိုင်
အနုပညာအလုပ်တွေကိုရပ်နားလိုက်ပြီး ပျော်ရွှင်စရာမိသားစုလေးနဲ့အတူ ရိုးရှင်းစွာနေထိုင်နေတဲ့ နန္ဒာလှိုင်ကတော့ စီးပွားရေးမှာလည်းအောင်မြင်သလို အလှူအတန်းတွေဆိုလည်း ကြုံရင်ကြုံသလိုလှူဒါန်းနေတာကိုတွေ့ရပါတယ်။
ဖားကန့်မြို့နယ်၌ ဘိန်းဖြူ ၁၀၅ ဂရမ်နဲ့ဘိန်းစိမ်း ၃၄၈ ဂရမ် ဖမ်းဆီးရမိ
၂၀၁၉ ခုနှစ်၊ စက်တင်ဘာလ ၃၀ ရက်နေ့ ည ၇ နာရီ ၁၅ မိနစ်တွင် မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့ဝင်များသည် သတင်းအရ ဖားကန့်မြို့နယ်၊ ဝှေခါကျေးရွာနေ မြင့်ထွန်း၏နေအိမ်အား ဝင်ရောက်ရှာဖွေရာ အိပ်ယာနှင့် မီးဖိုဆောင်တို့အတွင်းမှ ဆပ်ပြာခွက်/ပလပ်စတစ်အိတ်များဖြင့်ထည့်လျက် ဘိန်းဖြူ ၁၀၅ ဂရမ်၊ ဘိန်းစိမ်း ၃၄၈ ဂရမ်၊ ငွေ ၅၃၀,၀၀၀ ကျပ်တို့နှင့်အတူ တွေ့ရှိဖမ်းဆီးရမိခဲ့ကြောင်း ပြည်ထဲရေးဝန်ကြီးဌာနမှ သိရှိရပါသည်။
Yangon Airways ကိုအမည်ပြောင်းထားသည့် Air Thanlwin လေကြောင်းလိုင်းစတင်ပျံသန်း
အောက်တိုဘာလ ၁ ရက်တွင် Yangon Airways အားအမည်ပြောင်းထားသည့် Air Thanlwin လေကြောင်းလိုင်းအနေဖြင့် ပွင့်လင်းရာသီမှစ၍ ပြည်တွင်းခရီးစဉ်များကို ATR 72 လေယာဉ်လေးစီးနဲ့အတူစတင်ပျံသန်းမှာဖြစ်ကြောင်း ရန်ကုန်အပြည်ပြည်ဆိုင်ရာလေဆိပ် Terminal 3 တွင် ပြုလုပ်ခဲ့သည့်သတင်းစာရှင်းလင်းပွဲတွင် Air Thanlwin Limited မှ General Manager ဦးသုတအောင်မှပြောကြားခဲ့သည်။
အခါပေးလို့ ထိုးခဲ့တာကြောင့် ပေါက်ခဲ့ကြောင်း သိန်းတစ်သောင်းခွဲကံထူးရှင်ပြော
မန္တလေးတိုင်းဒေသကြီး၊ မိတ္တီလာမြို့၊ အောင်ဇေယျာရပ်ကွက်၊နယ်မြေ(၇) ကညနရုံးဟောင်းအနီးနေ ဦးစိုးနိုင်+ဒေါ်ရွှေရည် စိုးရည်နန္ဒာဝပ်လျှော့လုပ်ငန်းမှ ယနေ့ အောက်တိုဘာ(၁)ရက်နေ့တွင်ဖွင့်လှစ်သော(၈)ကြိမ်မြောက် အောင်ဘာလေထီသိန်း(၁၅၀၀၀)ဆုကြီးအား ဆွတ်ခူးရ ရှိခဲ့ကြောင်းသိရသည်။
သာယာဝတီတွင် တောင်သူလယ်သမား ၂၀၀၀ ကျော် ဆန္ဒပြ
ယနေ့အောက်တိုဘာ ၁ ရက် နံနက် (၈) နာရီခွဲခန့်တွင် ပဲခူးတိုင်းဒေသကြီး၊ သာယာဝတီခရိုင်၊ သာယာဝတီမြို့၊ အားကစားကွင်းရှေ့တွင် လယ်သမားအသင်းက ဦးဆောင်ပြီး စပါးဈေး နိမ့်ကျခြင်း၊ သွင်းအားစု ဈေးနှုန်း ကြီးမြင့်ခြင်း၊ စံနှုန်းသတ်မှတ်ချက်အတိုင်း ဝယ်ယူခြင်းမရှိဘဲ နှိမ်ချဝယ်ယူခံရခြင်း စသည့် စပါးစိုက်ပျိုးသည့် တောင်သူလယ်သမားများ၏ အထွေထွေ အကြပ်အတည်းများကြောင့် အစိုးရအနေဖြင့် ဖြေရှင်းပေးစေလိုကြောင်း ဆန္ဒဖော်ထုတ်သည့် တောင်သူလယ်သမား အကျိုးစီးပွားမြှင့်တင်ရေး လူထုဆန္ဒဖော်ထုတ်ပွဲတစ်ရပ်ကို တောင်သူလယ်သမား ၂၀၀၀ ကျော်ဖြင့် ပြုလုပ်ခဲ့သည်။
ရခိုင်ပြည်နယ်အရေးကိစ္စဖြေရှင်းရာ၌ အာဆီယံနှင့်ပူးပေါင်းဆောင်ရွက်နေမှု အခြေအနေများ ပြည်ထောင်စုဝန်ကြီး ဦးကျော်တင် ရှင်းလင်း
(၇၄)ကြိမ်မြောက် ကုလသမဂ္ဂအထွေထွေညီလာခံသို့ တက်ရောက်လျက်ရှိသော မြန်မာကိုယ်စားလှယ်အဖွဲ့ ကိုယ်ခွဲ ခေါင်းဆောင် အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီးဌာန ပြည်ထောင်စုဝန်ကြီး ဦးကျော်တင်က ရခိုင်ပြည်နယ် အရေးကိစ္စဖြေရှင်းရာ၌ အာဆီယံနှင့်ပူးပေါင်းဆောင်ရွက်နေမှု အခြေအနေများကို စက်တင်ဘာ ၂၈ ရက်တွင် ကုလသမဂ္ဂဌာနချုပ်၌ ကျင်းပခဲ့သည့် အာဆီယံ-ကုလသမဂ္ဂ ဝန်ကြီး အဆင့်အစည်းအဝေးတွင် ရှင်းလင်း ပြောကြားခဲ့ခြင်း ဖြစ်ကြောင်း သိရသည်။
နာရီဝက်အတွင်း အမေရိကန်သို့ ရောက်ရှိနိုင်သည့် နူကလီးယား ဒုံးကျည်များကို တရုတ်ပြသ
တရုတ်နိုင်ငံ ပေကျင်းမြို့၌ အောက်တိုဘာ ၁ ရက်တွင်ကျင်းပသည့် အမျိုးသားနေ့ စစ်ရေးပြအခမ်းအနားတွင် နိုင်ငံ၏ နောက်ဆုံးပေါ်နည်းပညာနှင့် စွမ်းအားအမြင့်ဆုံးဖြစ်သော Dongfeng-41 တာဝေးပစ် တိုက်ချင်းပစ် မဟာဗျူဟာမြောက် နျူကလီးယားထိပ်ဖူးတပ် ဒုံးကျည်များကို ထုတ်ဖော်ပြသခဲ့ကြောင်း သိရသည်။
ဂရိနိုင်ငံဒုက္ခသည်စခန်းတွင် မီးလောင်ကျွမ်းမှုဖြစ်ပွားစဉ် ရွှေ့ပြောင်းနေထိုင်သူများမှ ရဲနှင့် မီးသတ်သမားတို့အား တိုက်ခိုက်မှုဖြစ်ပွား
စက်တင်ဘာလလ ၃၀ ရက်နေ့တွင် ဂရိနိုင်ငံအတွင်း လူအမြောက်အများစုပြုံပြွတ်သိပ်နေထိုင်ပြီး အာရုံစိုက်ဖွယ် ရက်စက်ကြမ်းကြုတ်မှုများ၌ နာမည်ဆိုးနှင့်ကျော်ကြားသော လက်ဘော့စ်ကျွန်း မော်ရီယာဒုက္ခသည်စခန်း၌ မီးလောင်မှုဖြစ်ပွားနေစဉ် ဆူပူသောင်းကျန်းသူများက ရဲနှင့် မီးသတ်တပ်ဖွဲ့ဝင်များအား တိုက်ခိုက်မှုုဖြစ်ပွားကြောင်းနှင့် အမျိုးသမီးတစ်ဦးနှင့် ကလေးတစ်ဦၤးသေဆုံးခဲ့ကြောင်းသိရှိရသည်။
စိတ်ဖောက်ပြန်သူက မိခင်ဖြစ်သူကို ဓါးဖြင့် ထိုးသတ်
စစ်ကိုင်းတိုင်းဒေသကြီး ကန့်ဘလူမြို့နယ် ကျောက်တိုင်ကျေးရွာတွင် သားဖြစ်သူ မှ စိတ်ဖောက်ပြန်ပြီး ဓါးဖြင့် ထိုးသဖြင့် မိခင်ဖြစ်သူ သေဆုံးသည့်ဖြစ်စဉ်ခဲ့ကြောင်း ကန့်ဘလူမြို့မရဲစခန်း မှသိရသည်။
တူးဖော်ခွင့် ယာယီပိတ်ပင်ထားသည့် ဖားကန့်နှင့်လုံးခင်းကျောက်စိမ်းတွင်းများအားယနေ့တွင် ပြန်လည်တူးဖော်ခွင့်ပေးခဲ့
အောက်တိုဘာလ ၁ ရက် နေ့မှ စ၍ ယာယီပိတ်ပင်ထားသည့် ဖားကန့်နှင့်လုံးခင်းကျောက်စိမ်းတွင်းများအား သက်ဆိုင်ရာက ယနေ့မှစပြီး ပြန်လည်တူးဖော်ခွင့် ပေးလိုက်ကြောင်း၊ ကျောက်မျက်ကုမ္ပဏီ အသီးသီးထံသို့ ပြန်လည်ခွင့်ပြုသည့်စာအား ပေးပို့ထားပြီး၊ကုမ္ပဏီအချို့က လုပ်ငန်းများပင် လုပ်နေကြပြီဖြစ်ကြောင်း ကချင်ပြည်နယ်အစိုးရအဖွဲ့ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဦးလဆိုင်းက “ရပ်ဆိုင်းခိုင်းခဲ့တာက အချိန်ပြည့်သွားပြီလေ။ဒီတော့ ဒီနေ့က စပြီး စတူးလို့ ရသွားပြီ။အဲ့ဒါဟုတ်တယ်“ဟု ပြောကြားခဲ့ကြောင်းသိရှိရသည်။
ပုပ်ရဟန်းမင်းကြီးဖရန်စစ် ဗာတီကန်တွင် ရွှေ့ပြောင်းနေထိုင်သူများအားဂုဏ်ပြုသည့်ရုပ်ထုကိုဖွင့်လှစ်ပေး
စက်တင်ဘာ ၃၀ ရက်တွင် ကမ္ဘာ့ရွှေ့ပြောင်းနေထိုင်သူများနှင့်ဒုက္ခသည်များနေ့အတွက် ပုပ်ရဟန်းမင်းကြီးမှ ဗာတီကန်တွင် ရွှေ့ပြောင်းနေထိုင်သူများအားဂုဏ်ပြုသည့်ရုပ်ထုကြီးကို ဖွင့်လှစ်ပေးခဲ့သည်ကြောင်းသိရသည်။
အိန္ဒိယနိုင်ငံတွင် တစ်ခါသုံး ပလတ်စတစ်ပစ္စည်းများ အသုံးပြုမှု တားမြစ်
အိန္ဒိယနိုင်ငံတွင် အောက်တိုဘာ ၂ ရက်နေ့မှစတင်ကာ ပလတ်စတစ်အိတ်များ ၊ ခွက်များ နှင့် အအေးပိုက် အစရှိသည့် တစ်ခါသုံး ပလတ်စတစ်ပစ္စည်း အတော်များများကို တစ်နိုင်ငံလုံးမှာ အသုံးပြုခွင့် တားမြစ်သွားမှာဖြစ်ကြောင်းသိရှိရသည်။
မြဝတီမင်းကြီးဆရာတော် အမှု လက်ခံ၊ မခံ ဆုံးဖြတ်မည့်နေ့ တရားရုံးရွှေ့ဆိုင်း
မြဝတီမင်းကြီးကျောင်းတိုက်ဆရာတော် အရှင်အရိယာဝံသဘိဝံသအား တပ်မတော်ကို ဂုဏ်သိက္ခာညိုးနွမ်းစေမှုဖြင့် တရားစွဲဆိုရန် တရားရုံး ဦးတိုက်လျှောက်ထားမှုကို အမှု လက်ခံ၊ မခံ အောက်တိုဘာလ ၁၆ ရက်နေ့တွင်မှ ပြည်ကြီးတံခွန်မြို့နယ် တရားရုံးက ဆုံးဖြတ်မည်ဖြစ်ကြောင်း သိရှိရသည်။
အိန္ဒိယနိုင်ငံတွင် ပြစ်ဒဏ်ကာလ ပြီးဆုံးသည့် မြန်မာရေလုပ်သား ၁၂ ဉီး မြန်မာနိုင်ငံသို့ ပြန်လည် ရောက်ရှိ
အိန္ဒိယနိုင်ငံ၊ ပို့ဘလဲအကျဉ်းထောင်တွင် ပြစ်ဒဏ်ကာလ ပြီးဆုံး၍ Open Distress Camp တွင် ထိန်းသိမ်းခံထားရသော မြန်မာရေလုပ်သား ၁၂ ဦးသည် မြန်မာနိုင်ငံ ၊ ရန်ကုန်မြို့သို့ ပြန်လည် ရောက်ရှိလာခဲ့ရာ သက်ဆိုင်ရာ တာဝန်ရှိ သူများက လိုအပ်သည်များအား ကူညီဆောင်ရွက်ပေးခဲ့ကြောင်း ပြန်ကြားရေးဝန်ကြီးဌာန၏ ထုတ်ပြန်သော သတင်း အရ သိရသည်။
မူးယစ်ရမ်းကားသူမှရဲတပ်ဖွဲ့ဝင်၏သေနတ်အားလုယက်ရာကကျည်ထွက်ပြီးနှဖူးမှန်သေဆုံး
စက်တင်ဘာလ ၃ဝရက် ည၉း၃၀ ခန့်တွင် ပဲခူးမြို့နန်းတော်ရာရပ်ကွက်ဥသာ(၁၃) နေ ဒေါ်သန်းဌေး(၄၉)နှစ်(ဘ)ဦးသန်းမြင့် မှ ၎င်း၏ ခင်ပွန်းဖြစ်သူဦးခင်ဝင်း(၄၉) နှစ်(ဘ)ဦးစိန်အေးသည်အရက်သေစာသောက်စားပြီးသားဖြစ်သူအားထိုးကြိတ်နေသဖြင့် နန်းတော်ရာရဲကင်း သို့ရာအိမ်မှုးမှတစ်ဆင့်အကြောင်းကြားခဲ့ရာရဲကင်းမှူ းရဲတကကဇော်မြင့်တင်လတ်နှင့်အဖွဲ့မှသွားရောက်ထိန်းသိမ်းစဉ်ခင်ဝင်း မှရဲတကကဇော်မြင့်တင်လတ်ကိုင်ဆောင် သည့်သေနတ်အားပြန်လည်ဆွဲလုခဲ့သဖြင့်ခလုတ်အား ထိခဲ့ရာ သေနတ်ကျည်(၂)ချက် ထွက်ခဲ့ရာခင်ဝင်း၏ဝဲဘက်နဖူးတစ်ချက်ထိမှန်ခဲ့ပြီးနေရာတွင်သေဆုံးခဲ့သဖြင့် ၂၃၀၅ချိန်ပဲခူးမြို့မရဲ စခန်းမှသေမှုသေခင်းအမှတ်စဉ် ၃၇/၂၀၁၉ဖြင့်အမှုဖွင့်ဆောင်ရွက်ထားရှိကြောင်းသတင်းရရှိသည်။
Subscribe to:
Posts (Atom)
