ဒေါ်အောင်ဆန်းစုကြည် အနှေးနှင့်အမြန် သမ္မတဖြစ်မည်ဟု ဦးဝင်းထိန်က ဆုိုသည်။ (ဓာတ်ပုံ-ဧရာဝတီ)
ပြည်ထောင်စုလွှတ်တော်က သမ္မတ ရွေးချယ်ရမည့် ရက်ကုို မတ်လ ၁၇ ရက်နေ့အစား မတ် ၁၀ ရက်နေ့ အဖြစ် ပြင်ဆင်သတ်မှတ်ရှေ့တုိုးပြီးနောက် အမျိုးသားဒီမုိုကရေစီအဖွဲ့ချုပ်(NLD) ဥက္ကဋ္ဌ ဒေါ်အောင်ဆန်းစုကြည်သည် သမ္မတ ဖြစ်ရမည်ဖြစ်ပြီး ချက်ချင်း အမြန် သမ္မတဖြစ်မည်လော၊ နောက်ပုိုင်းမှ သမ္မတ ဖြစ်ခွင့်ရမည်လော ဆုိုသည့် အနှေး၊ အမြန်ကိုသာ စောင့်ဆုိုင်း ရမည်ဖြစ်ကြောင်း NLD ဗဟုိုအလုပ်အမှုဆောင် ဦးဝင်းထိန်က ပြောသည်။ယနေ့ နေပြည်တော် လွှတ်တော်အဆောက်အအုံတွင် သတင်းမီဒီယာများ၏ မေးမြန်းမှုကုို အထက်ပါ အတုိုင်း ပြောကြားခြင်းဖြစ်ပြီး RFAသတင်းဌာန (မြန်မာပုိုင်း) က ထုတ်လွှင့်ထားသည့် ဗီဒီယိုဖုိုင်တွင် သတင်း မီဒီယာ များသုို့ ဦးဝင်းထိန်က ဒေါ်အောင်ဆန်းစုကြည် သမ္မတဖြစ်ရေး လုပ်ဆောင်နေကြောင်း ပြောဆုိုသည်။
“ဒေါ်အောင်ဆန်းစုကြည် သမ္မတဖြစ်မယ့် ကိစ္စဖြစ်ကိုဖြစ်မယ်၊ ရှိတာ၊ မရှိတာနဲ့ ဘာမှမဆိုင်ဘူး၊ နှေးတာနဲ့ မြန်တာ ဒီနှစ်ခုပဲ၊ ကိုယ့်ဘာသာတွက်၊ ဖွဲ့စည်းပုံ အုပ်ချုပ်မှုအခြေခံဥပဒေဖတ်၊ နည်းဥပဒေတွေဖတ်၊ ဖြစ်လာမှာ၊ အခုဖြစ်ဖို့လုပ်နေတယ်” ဟု ဦးဝင်းထိန်က ပြောသည်။
ယနေ့ ကျင်းပသော ပြည်ထောင်စု လွှတ်တော်အစည်းအဝေးတွင် နုိုင်ငံတော်သမ္မတလောင်း၊ ဒုသမ္မတစိစစ် တင်မြှောက်မည့်ရက်ကုို မတ်လ ၁၀ ရက်နေ့ အဖြစ် ပြောင်းလဲ သတ်မှတ်လိုက်ပြီဖြစ်ကြောင်း၊ မူလက မတ်လ ၁၇ ရက်နေ့တွင် နုိုင်ငံတော်သမ္မတလောင်း၊ ဒုတိယသမ္မတများ တင်မြှောက်ရန် လျာထားခဲ့ရာမှယခုကဲ့သုို့ ပြောင်းလဲပြင်ဆင်သတ်မှတ်ဖြစ်ကြောင်း သိရှိရသည်။
လတ်တလော အခြေခံ ဥပဒေ သမ္မတ အရည်အချင်း သတ်မှတ်ချက် ပုဒ်မ ၅၉ (စ) ကို ပြင်ဆင်ရန် အလား အလာ မရှိ၍ ဒေါ်အောင်ဆန်းစုကြည် အစား ယာယီသမ္မတ ၁ ဦး ရွေးချယ် တင်မြှောက်ရမည့် အခြေအနေ ဖြစ်ပေါ် နေကြောင်း NLD လွှတ်တော်ကုိုယ်စားလှယ်တချို့က ဧရာဝတီသုို့ သုံးသပ်ပြောဆုိုကြသည်။
ဧရာဝတီ
0 comments:
Post a Comment