မြန်မာ-ဘင်္ဂလားဒေ့ရှ် နှစ်နိုင်ငံ နှစ်ဖက်ညှိနှိုင်း၍ ကင်းလှည့်

၂၀၁၈ ခုနှစ်၊ ဖေဖော်ဝါရီလ ၄ ရက်မှ ၂၆ ရက်ထိ မြန်မာ-ဘင်္ဂလားဒေ့ရှ် နှစ်နိုင်ငံ နှစ်ဖက် ညှိနှိုင်း၍ ကင်းလှည့်ခြင်းကို မြန်မာနိုင်ငံနယ်ခြားစောင့်ရဲတပ်ဖွဲ့ BGP နှင့်ဘင်္ဂလားဒေ့ရ်ှနိုင်ငံ နယ်ခြားစောင့်ရဲတပ်ဖွဲ့ BGB တို့ ပူးပေါင်း၍ နယ်စပ်မှတ်တိုင် (၄၂)မှ (၅၅)ထိ ၁၄ ကြိမ် ကင်းလှည့် ဆောင်ရွက်ခဲ့ကြသည်။

ထိုသို့ဆောင်ရွက်ခဲ့ကြသဖြင့် နယ်စပ်တစ်လျောက် အကြမ်းဖက်သမားများခိုအောင်းလှုပ်ရှားမှု မရှိစေရေးနှင့် တရားမဝင် လူခိုးဝင်/ခိုးထွက်ခြင်းများကိုလည်းကောင်း၊ တရားမဝင်အကောက်ခွန်မဲ့ ကုန်ပစ္စည်းများ ခိုးသွင်း/ ခိုးထုတ်ခြင်းများကို လည်းကောင်း တားဆီးနိုင်သည့်အပြင် နှစ်နိုင်ငံ နယ်ခြားစောင့် ရဲတပ်ဖွဲ့အချင်းချင်း ချစ်ခင်ယုံကြည်မှုရရှိကာ နယ်ခြားမျဉ်း နယ်နိမိတ်တစ်လျောက်တွင် ဖြစ်ပေါ် လာသည့် ကိစ္စရပ်များအား အချိန်နှင့်တစ်ပြေးညီ သတင်း ညှိနှိုင်းဖလှယ်နိုင်ခြင်းဖြင့် တရားဥပဒေ စိုးမိုးရေးနှင့် မှုခင်းကျဆင်းရေး လုပ်ငန်းများအတွက် ထိရောက်ကောင်းမွန်သော လုပ်ငန်းများအား အကောင်အထည်ဖော်ဆောင်ရွက်နိုင် ခဲ့ကြောင်း သိရှိရပါသည်။

Source - မြန်မာနိုင်ငံရဲတပ်ဖွဲ့
ပုံစာ - နှစ်နိုင်ငံဟန်ချက်ညီကင်းလှည့်ဆောင်ရွက်ခဲ့ကြသည့် မှတ်တမ်းဓာတ်ပုံများ
Popular News Journal