သံသေတ္တာထဲမှ မေးခွန်းလွှာများ ကပြောသည့် ပညာရေးအပြောင်းအလဲ

ဦးသိန်းစိန်အစိုးရနှင့် ဦးထင်ကျော် အစိုးရနှစ်ရပ် စွမ်းဆောင်မှုများကို နှိုင်းယှဉ်ချိန်ထိုးပါက အလွန်အမင်း သိသာသော ပြောင်းလဲမှုတစ်ရပ်မှာ ပညာရေးကဏ္ဍဖြစ်သည်။ အဆင့်မြင့်ပညာရေး၊ အခြေခံပညာရေးဟူ၍ ကဏ္ဍအသီးသီးအနက် အထင်ရှားဆုံး တိုးတက်မှုတစ်ရပ်မှာ စတုတ္ထတန်း၊ အဋ္ဌမတန်း အစိုးရစစ်စာမေးပွဲ အောင်ချက်ရာခိုင်နှုန်း ဖြစ်သည်။


NLD အစိုးရလက်ထက်တွင် ဦးသိန်းစိန်အစိုးရလက်ထက် လေးတန်း၊ ရှစ်တန်းအောင်ချက်ရာခိုင်နှုန်းထက် များစွာတိုးတက်ပြောင်းလဲလာခဲ့သည်ကို တွေ့ရှိပြီး ဆက်လက်တိုးတက်ဦးမည့် လက္ခဏာများကိုလည်း အထင်အရှား တွေ့နေရသည်။

ထပ်မံပြောင်းလဲလာတဲ့ စာမေးပွဲ စစ်မေးပုံစနစ်

၂၀၁၇-၂၀၁၈ ပညာသင်နှစ်တွင် မူလတန်း၊ အလယ်တန်း၊ အထက်တန်းကျောင်းသား စုစုပေါင်း ကိုးသန်းကျော် (၉၁၈၇၁၈၂) ရှိကာ မန္တလေးတိုင်းဒေသကြီးအတွင်း အဋ္ဌမတန်းအတွက် စာစစ်ဌာန တစ်ထောင့်တစ်ရာကျော် (၁၁၀၅) အထိ ဖွင့်လှစ်ခဲ့ရပြီး ဖြေဆိုသည့် ကျောင်းသားကျောင်းသူပေါင်း ရှစ်သောင်းခြောက်ထောင်ကျော် (၈၆၉၂၄) ရှိခဲ့ကြောင်း ပညာရေးဝန်ကြီးဌာန၏ စာရင်းဇယားများအရ သိရသည်။

မန္တလေးတိုင်းဒေသကြီးအတွင်း တိုင်းစစ်ဖြစ်သော အဋ္ဌမတန်းဖြေဆိုသည့် အရေအတွက်မှာ စာရင်းရှိကျောင်းသားရှစ်သောင်း ခုနစ်ထောင် (၈၇၇၉၂) ကျော်၏ ၉၉ ရာခိုင်နှုန်း ဖြစ်သည်။ ဤမျှများပြားသော ကျောင်းသားအရေအတွက်၏ စာမေးပွဲအဖြေလွှာများကို နှစ်ရက်အတွင်း အပြီးစစ်ရန် ညွှန်ကြားချက် ထုတ်ခြင်းမှာလည်း စာမေးပွဲစောင့် ဆရာ၊ ဆရာမများအတွက် ကြီးမားသော ဖိအားကြီးတစ်ခုဖြစ်ခဲ့သည်။ မေးခွန်းတစ်စုံတစ်ရာ အမှားအယွင်းရှိခဲ့လျှင် အရေးယူခံရဦးမည်ဖြစ်သကဲ့သို့ အချိန်မီ မပြီးစီးလျှင်လည်း အစီရင်ခံစာ ပြန်ရေးရဦးမည်သာ ဖြစ်သည်။ ဆရာ၊ ဆရာမများအဖို့ စာမေးပွဲ မစစ်မီကတည်းက ဖိအားများရှိခဲ့ပြီး ဖြစ်ပါသည်။ ခရိုင်စစ်၊ တိုင်းစစ် စာမေးပွဲတွင် စစ်မေးမည့် မေးခွန်းလွှာများကို သယ်ဆောင်ရမည့် သံသေတ္တာများကို မြို့နယ်ပညာရေးဌာနသို့ လာရောက်ထုတ်ယူကာ မိမိတာဝန်ကျရာကျောင်းသို့ ပြန်လည်သယ်ဆောင်သွားရန်အတွက် ခေါင်းပေါ်တွင် ရွက်သူက ရွက်၊ ဆိုင်ကယ်နောက်ခုံတွင် ကြိုးဖြင့်ချည်ကာ ပင်ပန်းခံသယ်ယူနေသည့် ဆရာ၊ ဆရာမတို့၏ ဓာတ်ပုံများမှာလည်း အင်တာနက်တွင် အများအပြားပျံ့နှံ့နေသည်ကို တွေ့မြင်ကြပြီး ဖြစ်ပါသည်။
မေးခွန်းများ ဖွင့်ဖောက်ရာတွင်လည်း မသမာမှုကင်းရှင်းစေရန်အတွက် သေတ္တာသော့နှစ်ချောင်းထား၍ ခွဲကိုင်စေပါသည်။ မြို့ပေါ်တွင် မထောင်းသာသော်လည်း နယ်၊ ကျေးရွာများတွင်မူ သော့တစ်ချောင်း ကိုင်ခိုင်းထားရသည့် ကျေးရွာလူကြီးများကို စာမေးပွဲစစ်သည့်နေ့ နံနက်ခင်းတိုင်း သော့ဖွင့်ကာ မေးခွန်းလွှာယူရန်အတွက် အရောက်လာရန် နှိုးဆော်ရသည်မှာ ဆရာ၊ ဆရာမ တစ်ဦးအတွက် လွယ်ကူလှသောအလုပ်တော့ မဟုတ်ပါ။

ယခုကဲ့သို့ လေးတန်း၊ ရှစ်တန်းအစိုးရစစ် စာမေးပွဲများကို ပညာရေးဝန်ကြီးဌာနက အထူးတလည် ငွေကုန်ကြေးကျခံဆောင်ရွက်ထား၊ ဆရာ၊ ဆရာမများ အလွန်တစ်ရာ အလုပ်ရှုပ်၊ အလုပ်များအောင် စီမံထားသော်လည်း စတုတ္ထတန်း၊ အဋ္ဌမတန်းစာမေးပွဲ စစ်ဆေးရာတွင် ကျင့်သုံးရမည့်စနစ်နှင့် စပ်လျဉ်း၍ မေးခွန်းထုတ်စရာ အများအပြား ထွက်ပေါ်လာခဲ့သည်။

ပထမအချက်မှာ ယခုဖြေဆိုပြီးသွားသည့် ခရိုင်စစ်၊ တိုင်းစစ် စာမေးပွဲမေးခွန်းများ၏ နမူနာပုံစံငယ်သည် စာမေးပွဲမဖြေဆိုခင်ကတည်းက ကျောင်းများသို့ တရားဝင်ဖြန့်ချိ သင်ကြားထားပြီး ဖြစ်ပါသည်။ နမူနာမေးခွန်း ဟုဆိုသော်လည်း အဆိုပါ နမူနာပုံစံငယ်ထဲမှာ စာမေးပွဲတွင် အမှတ် ၆၀ ကျော်ဖိုးကွက် တိပြန်ပါလာခြင်း ဖြစ်သည်။

ထိုမျှမကသေးပါ။ ကျောင်းတွင်းစစ်မေးသည့် ဒါပေး၊ ဒါကျက်၊ ဒါဖြေ စနစ်အတိုင်း မေးခွန်းထုတ်ထားသည့် ဇူလိုင်၊ အောက်တိုဘာ၊ ဒီဇင်ဘာလများက ဖြေဆိုထားသည့် စာမေးပွဲများ၏ အမှတ်စာရင်းသုံးခုနှင့် ယခုနောက်ဆုံးဖြေဆိုသည့် ခရိုင်၊ တိုင်းစစ် စာမေးပွဲများ၏ အမှတ်စာရင်း စုစုပေါင်းလေးခု ကိုပေါင်းကာ လေးဖြင့်စားပြီးမှ ရလာသော အမှတ်ကို အောင်စာရင်းထုတ်ပြန်ခြင်း ဖြစ်သည်။

အကယ်၍ ကျောင်းသားတစ်ဦးသည် ကျောင်းတွင်းစာမေးပွဲများတွင်လည်း ရလဒ်မကောင်း၊ နောက်ဆုံးဖြေဆို ထားသော အစိုးရစစ်စာမေးပွဲတွင်လည်း ရလဒ်မကောင်းသောကြောင့် အောင်မှတ်ရရန် အမှတ် ၄၀ မပြည့် ပါက ကျရှုံးစာရင်းဝင်ရမည်ဖြစ်ကာ ကျောင်းပြန်တက်ရမည်ဖြစ်သည်။ သို့သော်လည်း ယခုပညာရေးဝန်ကြီး သည် ကျောင်းသားများကျရှုံးသည်ဆိုသည့်အသံကို ကြားချင်ပုံမပေါ်ပါ။ အောင်မှတ်မပြည့်သော ကျောင်းသား များအား ကျောင်းတွင်း စာရိတ္တအမှတ်ဟု အလွယ်ခေါ်ကြသော Comprehensive အမှတ်ဖြင့် ပေါင်းထည့်ပေး ကာ အောင်စာရင်း ထုတ်ပြန်ပေးရမည်ဟု ညွှန်ကြားထားပြန်ပါသည်။ ကျောင်းသားတစ်ယောက် မည်မျှပင် စာမကြိုးစားစေကာမူ အောင်မြင်သွားစေမည့် စနစ်ဟု ယူဆစရာရှိပါသည်။

ဤကဲ့သို့ မဖြစ်မနေ အအောင်ပေးမည်ဆိုလျှင်လည်း အဘယ်ကြောင့် လေးတန်း၊ ရှစ်တန်းကို အစိုးရစစ်၊ တိုင်းစစ်ဟု သတ်မှတ်ကာ ကျောင်းဆရာ၊ ဆရာမများကို ကရိကထများအောင်၊ အလုပ်ရှုပ်အောင် လုပ်နေပါသနည်းဟု မေးခွန်းထုတ်ရမည် ဖြစ်သည်။

အခြေခံပညာ ဆရာ၊ ဆရာမများလက်ရှိ ကြုံတွေ့ခံစားနေရသည့် ဖြစ်ရပ်များကို Facebook ပေါ်ရှိ ပညာရေးဆိုင်ရာ ဆရာ၊ ဆရာမများဆုံစည်းရာ ဆိုသည့်ဂရု(ပ်) တွင် ဆရာဘ၀တွင် မလွဲမသွေကြုံတွေ့ရ မည့် အရာများဆိုသည့် စာစုလေးရေးထားသည်ကို တွေ့ရသည်။

မလှုပ်နိုင်သော အနှောင်အဖွဲ့-တပည့်သံယောဇဉ်
မပြီးဆုံးနိုင်သော သင်တန်း-မွမ်းမံသင်တန်း
မဆုံးနိုင်သော ဘ၀-အနှိမ်ခံဘ၀
မယုံနိုင်သော အရာ-လူကြီးပါးစပ်
မအေးနိုင်သော အပူ-စားဝတ်နေရေး
မပြည့်နိုင်သော ဆန္ဒ-အပြောင်းအရွှေ့
မ၀နိုင်သော အာသာ-သင်ကြားမှု
မညှာတာသော သူ-ပညာရေးအာဏာရှင်များ
မမျှော်မှန်းနိုင်သောနေ့-လစာတိုးမည့်နေ့
မရေရာသော လမ်း-ဆရာ့ဘ၀နောင်ရေး
ဟူသည့် စာစုလေးမှာ အခြေခံပညာ ဆရာ၊ ဆရာမများ၏ ပကတိဘ၀အခြေအနေ ကို ဖော်ကျူးနေပါသည်။
လေးတန်း၊ ရှစ်တန်း အစိုးရစစ်စာမေးပွဲအစ ဦးသိန်းစိန်လက်ထက်က ဦးသိန်းစိန်အစိုးရလက်ထက်တွင် သူငယ်တန်းမှ ကိုးတန်းအထိကို ကျောင်းစစ် စာမေးပွဲစနစ်ဖြင့် စစ်မေးနေခြင်းအစား လေးတန်းကို ခရိုင်စစ်၊ ရှစ်တန်းကို တိုင်းစစ် စာမေးပွဲဟူ၍ ပြောင်းလဲခဲ့ပါသည်။

လေးတန်း၊ ရှစ်တန်းကျောင်းသားများကို မေးခွန်းကြိုမပေးတော့ဘဲ ခရိုင်၊ တိုင်းမှထုတ်သော မေးခွန်းများ ကိုသာ ဖြေဆိုခိုင်းပြီး ကျရှုံးသော ကျောင်းသားများကို ပြန်လည်ကုစားဆိုသည့်စနစ်ဖြင့် နောက်တစ်ကြိမ် အခွင့်အရေးပေးခဲ့ပါသည်။ အောင်ချက်ရာခိုင်နှုန်းမှာ ဦးသိန်းစိန်အစိုးရလက်ထက်က ပုံမှန်အားဖြင့် ၇၅ ရာခိုင်နှုန်းဝန်းကျင်သာ ရှိပါသည်။

အစိုးရစစ်စာမေးပွဲ စနစ်ဖြင့်၂၀၁၄- ၂၀၁၅ ပညာသင်နှစ်တွင် စတင်ဖြေဆိုခဲ့ရသည့် စတုတ္ထတန်းနှင့် အဋ္ဌမတန်း အတန်းတင်စာမေးပွဲ အောင်ချက်ရာခိုင်နှုန်းကို တစ်နိုင်ငံလုံး အတိုင်းအတာအနေဖြင့်ပြောရလျှင် စတုတ္ထတန်းအောင်ချက် ၇၅ ဒသမ ၈၆ ရာခိုင်နှုန်းကျော်နှင့် အဋ္ဌမတန်းအောင်ချက် ၅၄ ဒသမ ၁၁ ရာခိုင်နှုန်းရှိကြောင်း အခြေခံပညာဦးစီးဌာနက ထုတ်ပြန်ခဲ့သည်။

ထိုစဉ်က တစ်ဘာသာ၊ နှစ်ဘာသာကျသည့် ကျောင်းသားများမှာ ကုစားပြန်ဖြေဆိုရာတွင် အလွယ်တကူ အောင်မြင်ကြသော်လည်း ဘာသာစုံပြန်ဖြေရသည့် ကျောင်းသားများမှာ အောင်မြင်မှု တော်တော်နည်း ပါးပါသည်။ ကျောင်းများမှာလည်း ဧပြီလ နှောင်းပိုင်းတွင် ကုစားဖြေဆိုရမည့် ကျောင်းသားများအတွက် ကျောင်းပြန်ဖွင့်ကာ ပြန်လည်သင်ကြားပေးရပါသည်။ လေးတန်း၊ ရှစ်တန်း ဆရာ၊ ဆရာမများ အတော် အလုပ်ရှုပ်ရ၊ ပင်ပန်းရပါသည်။

NLD အစိုးရလက်ထက်တွင်မူ ပြန်လည်ကုစားဆိုသည့် စနစ်မရှိအောင်တီထွင် ဖန်တီးလိုက်သောကြောင့် အောင်ချက်ရာခိုင်နှုန်းများသည် တန်းလုံးကျွတ်အောင်မြင်သည့် နှုန်းထားဖြစ်သော ဖြေဆိုသူများ၏ ၉၉ ဒသမ ၇ ရာခိုင်နှုန်းအထိ ကြောက်ခမန်းလိလိ မြင့်မားလာသည်ကို တွေ့ရပါသည်။ အဘယ့်ကြောင့်နည်း…။
ဆရာ၊ ဆရာမများ စာမေးပွဲအဖြေလွှာများကို စတင်စစ်ဆေးစဉ်ကတည်းကပင် ကုစားမရှိအောင် စစ်ကြပါဆိုသည့် ညွှန်ကြားချက်နှင့်အတူ အကျများလျှင် ထုချေလွှာတင်ရမည်ဆိုသည့် နှုတ်မိန့်ဖြင့်ပါ ညွှန်ကြားထားသေးသည်။ ထိုထက်ဆိုးသည်မှာ လာမဖြေသည့်သူများကိုပါ အအောင်ပေးသည့်စနစ်ကို ထပ်မံကျင့်သုံးလိုက်ခြင်း ဖြစ်ပါသည်။

စာမေးပွဲ လာမဖြေသူများ၊ စာမေးပွဲကို ပြီးဆုံးအောင် မဖြေသူများကို အောင်စာရင်း မထုတ်ပြန်ခင်က ကျောင်းအုပ်ကြီးများက ခေါ်တွေ့ကာ ဗိုင်ဗာ (လူတွေ့ နှုတ်ဖြေ) စစ်မေးသည်ဆိုကာ ဟန်ပြလုပ်ရပါသည်။ ပြီးမှ ထိုကျောင်းသားများအား ကုစားပြီးပါကြောင်းဆိုကာ အောင်စာရင်းတွင် ထည့်သွင်းလိုက်ခြင်း ဖြစ်ပါ သည်။ ရလဒ်အနေဖြင့်ကား ၂၀၁၆-၂၀၁၇ ပညာသင်နှစ်အတွင်း မြန်မာတစ်နိုင်ငံလုံးတွင် လေးတန်းဖြေ သည့် ကျောင်းသား ကိုးသိန်းနှစ်သောင်းကျော် (၉၂၅ç၀၁၄) အနက် ကျရှုံးသည့်ကျောင်းသား နှစ်ထောင့် ခုနစ်ရာကျော် (၂,၇၂၄) သာရှိကာ အောင်မြင်သည့် ကျောင်းသားပေါင်း ကိုးသိန်းနှစ်သောင်းကျော် (၉၂၂,၂၉၀) ဖြစ်ပါသည်။ ထို့အတူပင် ရှစ်တန်းဖြေသည့် ကျောင်းသား ခြောက်သိန်းနှစ်သောင်းကျော် (၆၂၇,၆၁၂) အနက် ကျရှုံးကျောင်းသား တစ်ထောင့်ရှစ်ရာကျော် (၁,၈၆၉) သာရှိခဲ့ပြီး ခြောက်သိန်းနှစ်သောင်းကျော် (၆၂၅,၇၄၃) အောင်မြင်ခဲ့ခြင်း ဖြစ်သည်။

ထို့ကြောင့် ယမန်နှစ် (၂၀၁၆-၂၀၁၇ ပညာသင်နှစ်) အစိုးရစစ်စာမေးပွဲများဖြစ်သည့် လေးတန်း၊ ရှစ်တန်းအောင်ချက်သည် ရာနှုန်းပြည့်နီးပါး (၉၉.၇%) ဖြစ်ပေါ်လာခြင်းသာ ဖြစ်သည်။

ယခုနှစ် (၂၀၁၇-၂၀၁၈) ခရိုင်စစ်/ တိုင်းစစ် စတုတ္ထတန်း၊ အဋ္ဌမတန်း စာမေးပွဲရလဒ်များ ထုတ်ပြန်လျှင်လည်း ယမန်နှစ်ရလဒ် ကဲ့သို့ပင် အောင်ချက်များ ကောင်းမွန်ဦးမည်ဖြစ်ကြောင်း ဆရာ၊ဆရာမများက ခန့်မှန်း ထားကြသည်။

အခြေခံမပါသည့် ကျောင်းသားများနှင့် သင်ကြားရေးအခက်အခဲ
ရှစ်တန်း အောင်လာခဲ့သည်ဆိုသော်လည်း သုံးအလီကိုပင် ဖြောင့်အောင်မရသူ၊ မြန်မာစာကိုပင် ဖြောင့်အောင်မဖတ်နိုင်သူ၊ Boy ၏အဓိပ္ပာယ်ကိုပင် မသိသူများကို မည်သို့သော ဆရာ၊ ဆရာမများသည် အထက်တန်းအဆင့် ပြဋ္ဌာန်းစာများကိုနားလည်အောင် ရှင်းပြနိုင်ပါမည်နည်းဆိုသည့်အချက်ကို ကျောင်းသားအားလုံးကို မဖြစ်မနေ အတန်းတင်ပေးချင်သည့် ပညာရေးဝန်ကြီးဌာန တာဝန်ရှိသူများ သုံးသပ်သင့်ပေသည်။

“အခုလို မဖြစ်မနေ အအောင်ပေးမယ်ဆိုရင် အစကတည်းက အားလုံးအအောင်ပေးလိုက်။ အခုကျ ဆရာ၊ ဆရာမတွေ အလုပ်ရှုပ်တာပဲ အဖတ်တင်တယ်။ ဘာမှ မထူးပါဘူး။ ဒီပုံစံသာ ဆက်ကျင့်သုံးရင် ဘာမှလည်း ထူးလာမှာ မဟုတ်ပါဘူး။ မဖြစ်မနေ အအောင် ပေးလိုက်တဲ့အခါ ကိုးတန်းတက်ရမယ့် တချို့ကလေးတွေက ဘာအခြေခံမှပါမလာတဲ့အ တွက် သူ့အတွက်လည်း စာသင်ရတာ ဒုက္ခရောက်တယ်၊ ဆရာအတွက်လည်း ဒုက္ခရောက်တယ်။ စာမေးပွဲအကျများတဲ့ပြဿနာကို ပညာရေးဝန်ကြီးဌာနဖြေရှင်းပုံက လူ့စွမ်းအားအရင်း အမြစ် မပြုန်းတီးအောင်လို့အကြောင်းပြပြီး အကုန်နီးပါး အအောင်ပေးပစ်တာပဲ။ အဲဒီတော့ နင်စာကြိုး စားနော်။ ဒီနှစ်က တိုင်းစစ်ရှိတယ်။ မဖြေနိုင်ရင်ကျမှာပဲလို့ ကလေးတွေကို စာကြိုးစားအောင် တွန်းအားပေး ရတဲ့ ကျွန်တော်တို့က ငပေါတွေဖြစ်တာပေါ့။ မကြိုးစားလည်း အောင်နေတာကိုး” ဟု အမရပူရ မြို့နယ် အတွင်းရှိ ကျောင်းဆရာတစ်ဦးက ညည်းတွားသည်။

ကျောင်းပညာရေးအား တစ်စက်ကလေးမျှ မကြိုးစားသော်လည်း အချိန်တန်လျှင် အအောင်ပေးသော စနစ်အောက်တွင် အောင်မြင်လာသည့် ကျောင်းသားကျောင်းသူများအား စာကြိုးစားပါ။ စာကျက်ပါ။ စာမကျက်လျှင် စာမေးပွဲကျလိမ့်မည်ဟု ဆရာ ဆရာမများ မည်သို့ တွန်းအားပေးကြပါမည်နည်း။ မည်သို့ သင်ကြားပေးပါမည်နည်းဆိုသည့် မေးခွန်းများကို မူဝါဒချမှတ်သူများ ဖြေဆိုစေချင်ပါသည်။

စာမေးပွဲဆိုသည်မှာ စိန်ခေါ်မှုတစ်ရပ် ဖြစ်သည်။ ကြိုးစားသည့် ကျောင်းသားများကိုသာမက မကြိုးစား သည့်ကျောင်းသားများကိုပါ အားလုံးအအောင်ပေးလိုက်ခြင်းသည် ကျောင်းသားထုများအကြား စိတ်ဝမ်းကွဲစေပါသည်။ ဆရာ၊ ဆရာမများအနေဖြင့် ကလေးငယ်များ စာကျက်ချင်စိတ်ရှိအောင်၊ ပညာကို ကြိုးကြိုးစားစား သင်ယူလိုစိတ်ရှိအောင်မည်သို့ ဖိအားပေးတော့မည်နည်း။ အချိန်တန်ရင် အောင်မှာပဲဆို သည့် စိတ်အခံရှိသွားသည့် ကျောင်းသားများကို စာကျက်အောင်မည်သူက စည်းရုံးနိုင်တော့မည်နည်းဆို သည့် မေးခွန်းများကို ပညာရေးဝန်ကြီးဌာန တာဝန်ရှိသူများ ဖြေဆိုရန်လိုပါသည်။

အခြေခံမကျေဘဲတက်လာသည့် ကလေးငယ်များ တက္ကသိုလ်ဝင်ခွင့်စာမေးပွဲတွင် စုပြုံနေသည် ကိစ္စရပ် များကို ပညာရေးဝန်ကြီးဌာန အနေဖြင့် ရေရှည်ထည့်သွင်းစဉ်းစားဖို့ လိုပါသည်။

စာမလိုက်နိုင်တဲ့ ကျောင်းသားတွေကို စာမေးပွဲချရမည်လား … မဟုတ်ပါ
Stem Education ဆိုသည့် ကလေးငယ်များ၏ ဗီဇအလိုက်ပျိုးထောင်ပေးသည့် ပညာရေးကို ဖွံ့ဖြိုးပြီးအနောက်နိုင်ငံများတွင် ကျင့်သုံးနေရုံသာမက မြန်မာနိုင်ငံ၏ အိမ်နီးချင်းနိုင်ငံများတွင်ပါ ကျင့်သုံးနေပြီဖြစ်ပါသည်။ ကလေးငယ်များတွင် ကျောင်းပညာရေးကို သင်ကြားပေး၍ရသော ကလေးငယ် များ ရှိသကဲ့သို့ အဆင့်မြင့်ပညာရေးကို တစ်စက်ကလေးမှ စိတ်မ၀င်စားသော၊ သင်ကြားပေး၍မရသော ကလေးငယ်များလည်း မြန်မာနိုင်ငံတွင်သာမက နိုင်ငံတကာတွင် ရှိနေပါသည်။ အဆိုပါ ကလေးငယ်များကို ကျောင်းထွက်မသွားစေရန်၊ လမ်းပေါ်သို့ရောက်မသွားစေရန်အတွက် မရမကဆွဲခေါ်ကာ အတန်းတင် သည့်စနစ်ကို ကျင့်သုံးသောနိုင်ငံမှာမူ ကျွန်တော်တို့တစ်နိုင်ငံတည်းတွင်သာ ရှိပါလိမ့်မည်။ နိုင်ငံတကာ တွင်မူ ကျောင်းသားငယ်များကို ငယ်စဉ်ကတည်းက သေချာစောင့်ကြည့်ပါသည်။

အဆိုပါကျောင်းသားများ၏ ၀ါသနာ၊ ဗီဇကို ဆရာ၊ ဆရာမများက အကဲဖြတ်လေ့လာကာ ကျောင်းပညာရေးနှင့် မကိုက်ညီသော ကလေးငယ်များကို အသက်မွေးဝမ်းကျောင်း ပညာရပ်များသင်ပေးရန် မိဘ၊ ဆရာ တိုင်ပင်ကြပါသည်။ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် မကြာခဏ ပြောကြားနေသည့် အသက်မွေးဝမ်းကျောင်း သင်တန်းများကို ကျယ်ကျယ်ပြန့်ပြန့် ဖွင့်လှစ်ရတော့မည့် အချိန်ဖြစ်ပါသည်။ ကျောင်းပညာရေးကို လုံးဝစိတ်မ၀င်စားသော ကလေးငယ်များ၊ သင်ကြားပေးရန်အလွန် ခဲယဉ်းလှသော ကလေးငယ်များသည် လက်မှု၊ စက်မှုပညာရပ်များတွင်မူ ထူးချွန်တတ်ကြသည့် သာဓက အများအပြားရှိသည်။ ကျောင်းစာလုံးဝ မလိုက်နိုင်သော ကလေးငယ်များအား အတန်းတက်အောင် မရမက ဆွဲခေါ်ကာ အောင်ချက်ရာခိုင်နှုန်း ကောင်းအောင်လုပ်နေသည့်စနစ်ထက် အဆိုပါကလေးငယ်များအား ၎င်းတို့အားသန်သည့်၊ ၀ါသနာပါသည့်၊ အစိုးရက ဖွင့်လှစ်သော စက်မှု၊ လက်မှု အသက်မွေးဝမ်းကျောင်းသင် တန်းများထံ သင်ယူစေခြင်းက ပိုမိုသင့်လျော်လိမ့်မည် ဖြစ်ပါသည်။ ယခုကဲ့သို့ မဖြေသည့်သူနှင့် သေသည့် သူသာ အကျပေးသည့်စနစ်ဖြင့် မြန်မာလူငယ်များ နိုင်ငံတကာအဆင့်ကို ထိုးဖောက်ရန်မှာမူ လေထဲတွင် တိုက်အိမ်ဆောက်သကဲ့သို့ ရှိလိမ့်မည်ဖြစ်ကြောင်း အသိပေးအပ်ပါသည်။

မင်းမင်းစိုး
Eleven Media Group