လတ်တလော ပြည်တွင်းငွေကြေးဈေးကွက်အတွင်း ဒေါ်လာအရောင်းအဝယ်မှာ ကြိုက်ရောင်းကြိုက်ဝယ်စနစ်နဲ့ အရောင်းအဝယ်အေးနေဆဲဖြစ်တယ်လို့ ပြင်ပနိုင်ငံခြားငွေကြေးလဲလှယ်သူတွေဆီက သိရပါတယ်။
Tuesday, January 17, 2023
တရုတ်ရွှေလီလေကြောင်းလိုင်းက မန်စီ-မန္တလေး လေကြောင်းခရီးစဉ် ပြန်လည်ပြေးဆွဲတော့မည်
တရုတ်ပြည်သူ့သမ္မတနိုင်ငံ မန်စီမြို့နှင့်မြန်မာနိုင်ငံ မန္တလေးမြို့ကို တိုက်ရိုက်ပြေးဆွဲနေတဲ့ မန်စီ-မန္တလေးလေကြောင်းခရီးစဉ်ကို ဇန်နဝါရီလ၂၁ရက်မှစတင် ပြန်လည်ပြေးဆွဲပေးမှာဖြစ်တယ်လို့ တရုတ်ပြည်သူ့သမ္မတနိုင်ငံ၊ တဟုန်းပြည်နယ်ခွဲကုန်သည်ကြီးများအသင်း မြန်မာနိုင်ငံကိုယ်စားလှယ်ရုံးမှ သိရပါတယ်။
ရန်ကုန်မြို့ သင်္ဃန်းကျွန်းမှာ နေ့လယ်ပိုင်းအချိန် နေအိမ်တစ်အိမ် ဖောက်ထွင်းခံရပြီး တန်ဖိုးငွေကျပ် ၂၅သိန်းခန့်ပါသွား
ရန်ကုန်တိုင်း သင်္ဃန်းကျွန်းမြို့နယ်အတွင်းမှာ နေ့လယ်ပိုင်းအချိန် နေအိမ်တစ်အိမ်အား လူတစ်စုက ဖောက်ထွင်းမှုပြုလုပ်ခဲ့တာကြောင့် ငွေကျပ်သိန်း ၂၀ကျော်တန်ဖိုးရှိ ပစ္စည်းများ ပါသွားခဲ့တယ်လို့ ဒေသခံများရဲ့ ပြောဆိုချက်အရ သိရပါတယ်။
မြန်မာ-ဘင်္ဂလားဒေ့ရှ် နယ်စပ်မှာ အာဆာနဲ့ ဘင်္ဂလားဒေ့ရှ် အထူးတပ်ဖွဲ့တို့ တိုက်ပွဲဖြစ်
မြန်မာ-ဘင်္ဂလားဒေ့ရှ် နယ်စပ်၊ ရခိုင်ပြည်နယ် တောင်ပြိုလက်ဝဲမြို့၊ အမှတ်(၃)နယ်မြေ၊ တောင်ပြိုလက်ယာ အနီးမှာရှိတဲ့ ဒုက္ခသည်စခန်းတွေနားမှာ၊ ဇန်နဝါရီလ ၁၈ရက်၊ ဒီကနေ့ မနက် ၇နာရီလောက်က အာရကန် ရိုဟင်ဂျာကယ်တင်ရေးတပ်လို့ အမည် ပေးထားတဲ့ ARSA နဲ့ ဘင်္ဂလားဒေ့ရှ်ရဲတပ်ဖွဲ့လက်အောက်က RAB အထူးတပ်ဖွဲ့တို့အကြား တိုက်ပွဲတစ်နာရီ နီးပါးကြာအောင် ဖြစ်ပွား ခဲ့တယ်လို့ သိရပါတယ်။
အိုးဘိုထောင်တွင်းက နိုင်ငံရေးအကျဥ်းသားတချို့ တိုက်ပိတ်ခံထားရ
နိုင်ငံရေးအကျဥ်းသားအများစုရှိတဲ့ မန္တလေးအိုးဘိုထောင်အတွင်းက နိုင်ငံရေးအကျဥ်းသားတချို့ကို တိုက်ပိတ်ပြစ်ဒဏ်တွေပေးထားတယ်လို့ တိုက်ပိတ်ခံရတဲ့အကြောင်းအရာကိုသိရှိထားတဲ့ ထောင်နဲ့ နီးစပ်သူတွေက ဘီဘီစီကိုပြောပါတယ်။
ထိုင်းတွင် ရေနံတင်သင်္ဘောပေါက်ကွဲ၊ မြန်မာနိုင်ငံသားများ ပါဝင်နေ
မြန်မာနိုင်ငံသားများ သွားရောက်လုပ်ကိုင်နေသော ထိုင်းနိုင်ငံ အနောက်တောင်ပိုင်း စမွတ်စွန်ခရမ်ခရိုင်ရှိ မဲခေါင်မြစ်တွင် ရေနံတင်သင်္ဘောတစ်စင်းသည် ဇန်နဝါရီလ ၁၇ ရက် အင်္ဂါနေ့အစောပိုင်းက ပေါက်ကွဲခဲ့ရာ လူတစ်ဦး သေဆုံးပြီး လေးဦး ဒဏ်ရာရရှိခဲ့ကြောင်း သိရသည်။
သုံးနှစ်ခန့်ပိတ်ထားသည့် တာချီလိတ်-မယ်ဆိုင် အမှတ်(၁)တံတားကို ယခုလအတွင်းပြန်ဖွင့်နိုင်ရန် သန့်ရှင်းရေးလုပ်ငန်းများစတင်
မြန်မာ-ထိုင်းနယ်စပ်၊ တာချီလိတ်-မယ်ဆိုင် ချစ်ကြည်ရေးအမှတ်(၁)တံတားကို ယခုလအတွင်းပြန်ဖွင့်နိုင်ရန် သန့်ရှင်းရေးလုပ်ငန်းများစတင်နေပြီဖြစ်ကြောင်း စီးပွားရေးနှင့် ကူးသန်း ရောင်းဝယ်ရေးဝန်ကြီးဌာန၏ အဆင့်မြင့်အရာရှိတစ်ဦးက MT News သို့ ပြောသည်။
Bar များ KTV များကို PDF ဗုံးခွဲနေသော်လည်း နေ့စဥ်သောက်စားပျော်ပါးနေသည့်ပြည်သူများကို အပြစ်မတင်ဟု NUG ယာယီသမ္မတ ပြော
စစ်ဘေးကြုံနေသည့် ပြည်သူအမြောက်အမြားရှိသလို နေ့စဥ်သောက်စားပျော်ပါးနေသည့် ပြည်သူများလည်း အမြောက်အမြားရှိနေသည်ဟု NUG ယာယီသမ္မတ ဒူဝါလရှီးလက ယနေ့ပြုလုပ်သည့် အစည်းအဝေးတွင် ပြောသည်။
ပြည်ပနိုင်ငံများတွင် ဒုက္ခသည်ခံယူရန်နှင့် နိုင်ငံရေးခိုလှုံခွင့်ရရန် ကြိုးပမ်းနေသူ မြန်မာ ၁ သန်းကျော် ရှိနေ
မြန်မာနိုင်ငံမှ နေရပ်စွန့်ခွာထွက်ပြေးသူဦးရေမှာ ၂၀၂၃ ခုနှစ် ဇန်နဝါရီ ၉ ရက်အထိ လူပေါင်း ၁၅၄၅၀၀၀ (၁ဒသမ၅သန်း)ကျော်အထိ မြင့်တက်လာခဲ့ပြီး အဆိုပါအရေအတွက်ထဲမှ ၁၂၁၅၀၀၀ (၁ ဒသမ ၂သန်း) သည် ၂၀၂၁ ခုနှစ် ဖေဖော်ဝါရီ ၁ညရက် ဖြစ်စဥ်ကြောင့် နေရပ်စွန့်ခွာထွက်ပြေးခဲ့သူများဖြစ်ကြောင်း ကုလသမဂ္ဂ ဒုက္ခသည်များ မဟာမင်းကြီးရုံး UNHCR ၏ ဖော်ပြချက်များအရ သိရသည်။
မြန်မာ-တရုတ် နယ်စပ်ကုန်သွယ်ရေးတွင် အစားထိုးယာဉ်မောင်းစနစ် ဖျက်သိမ်း
မြန်မာ - တရုတ် နယ်စပ်ကုန်သွယ်ရေးဂိတ် တစ်ခုဖြစ်သည့် မူဆယ်-ကျင်စန်းကျော့ဂိတ်၌ ကျင့်သုံးနေသည့် အစား ထိုးယာဉ်မောင်းစနစ်(ရှန်တိန်) ၃ ဆင့်ကို ဖျက်သိမ်းလိုက်ပြီဖြစ်ကြောင်း မူဆယ်နယ်စပ်ကုန်သည်များထံမှ သိရသည်။
စစ်တွေမြို့နယ်တွင် ၄ လောင်းပြိုင် လူသတ်မှုဖြစ်
ရခိုင်ပြည်နယ်၊ စစ်တွေမြို့နယ်၊ အောင်တိုင်ကျေးရွာအုပ်စု၊ ပလ္လင်ပြင်ကျေးရွာမှာ ဇန်နဝါရီ ၁၇ ရက် မနက် ၈ နာရီလောက်က မိသားစု အမွေကိစ္စ စကားအချေအတင်စကားများကြရာကနေ ၄ လောင်းပြိုင် လူသတ်မှုဖြစ်ပွားခဲ့တယ်လို့ ရွှေရောင်မေတ္တာဖောင်းဒေးရှင်း တာဝန်ရှိသူတွေက ဒီဗွီဘီကို ပြောပါတယ်။
ဒဂုံမြို့သစ်(တောင်ပိုင်း)မြို့နယ်ရှိ အောင်မြင့်မိုရ်အိမ်ရာနှင့် သန်လျင်-ကျောက်တန်းမြို့နယ်ရှိ သီလဝါအိမ်ရာမှ တန်ဖိုးနည်း/တန်ဖိုသင့်အခန်း ၂၀၄ ခန်းကို ဇန်နဝါရီလအတွင်း ရောင်းချမည်
ဒဂုံမြို့သစ်(တောင်ပိုင်း)မြို့နယ်ရှိ အောင်မြင့်မိုရ်အိမ်ရာနှင့် သန်လျင်-ကျောက်တန်းမြို့နယ်ရှိ သီလဝါအိမ်ရာမှ တန်ဖိုးနည်း/တန်ဖိုသင့်အခန်း ၂၀၄ ခန်းကို ဇန်နဝါရီလအတွင်း ရောင်းချမည်ဖြစ်ကြောင်း မြို့ပြနှင့်အိမ်ရာဖွံ့ဖြိုးရေးဦးစီးဌာနက ထုတ်ပြန်ထားသည်။
ကရင်ပြည်နယ် သံတောင်ကြီးမြို့နယ်ရှိ သပြေညွန့်-မုတ္တိမြောင်-ဇင်းတိုင်ကျေးရွာများသို့ ဆက်သွယ်ထားသည့် ယောက်တဝချောင်းကူးတံတား မိုင်းထောင်ဖောက်ခွဲဖျက်ဆီးခံရ
ကရင်ပြည်နယ် သံတောင်ကြီးမြို့နယ်ရှိ သပြေညွန့်-မုတ္တိမြောင်-ဇင်းတိုင်ကျေးရွာများသို့ ဆက်သွယ်ထားသည့် ယောက်တဝချောင်း ကူးတံတား မိုင်းထောင်ဖောက်ခွဲဖျက်ဆီးခံရ ကြောင်း ဇန်နဝါရီ ၁၇ ရက်ညပိုင်းတွင် နိုင် ငံတော်စီမံအုပ်ချုပ်ရေးကောင်စီ သတင်းထုတ် ပြန်ရေးအဖွဲ့၏ထုတ်ပြန်ချက်အရ သိရသည်။
စိုက်ပျိုးမွေးမြူရေးကို အခြေခံသည့် ကုန်ထုတ်လုပ်ငန်းများနှင့် MSME လုပ်ငန်းများ အားပေးဆောင်ရွက်ခဲ့ခြင်းကြောင့် နိုင်ငံ့စီးပွားရေး အတိုင်းအတာတစ်ခုအထိ တိုးတက်လာပြီဖြစ်ကြောင်း နစကဥက္ကဋ္ဌ ပြောကြား
စိုက်ပျိုးမွေးမြူရေးကို အခြေခံသည့်ကုန်ထုတ်လုပ်ငန်းများနှင့် MSME လုပ်ငန်းများကို အားပေးဆောင်ရွက်ခဲ့ခြင်းကြောင့် နိုင်ငံ့စီးပွားရေးအတိုင်းအတာတစ်ခုအထိ တိုးတက်လာပြီဖြစ်ကြောင်း နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်က ပြောကြားသည်။
‘၀’ နှင့် ကိုးကန့်ဒေသတို့တွင် အိမ်ထောင်စုလူဦးရေစာရင်း လေးထောင်ကျော်နှင့် နိုင်ငံသားစိစစ်ရေးကတ် တစ်သောင်းကျော် ထုတ်ပေး
‘၀’ ကိုယ်ပိုင်အုပ်ချုပ်ခွင့်ရဒေသ မိုင်းမောနှင့် နမ့်တစ်မြို့နယ်အပါအဝင် ကိုးကန့်ကိုယ်ပိုင်အုပ်ချုပ်ခွင့်ရဒေသ လောက်ကိုင်မြို့နယ်တို့တွင် အိမ်ထောင်စုလူဦးရေစာရင်း လေးထောင်ကျော်နှင့် နိုင်ငံသားစိစစ်ရေးကတ် တစ်သောင်းကျော်ကို လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနက ဇန်နဝါရီ ၁၅ ရက်နှင့် ၁၆ ရက်တွင် ထုတ်ပေးခဲ့ကြောင်း သတင်းရရှိသည်။
မြန်မာနိုင်ငံရှိ ဒေသအများအပြားသို့ ခရီးသွားလာခြင်းမပြုကြရန် ဗြိတိန်အစိုးရက အကြံပြုချက် ထုတ်ပြန်
မြန်မာနိုင်ငံရှိ ဒေသအများအပြားသို့ ခရီးသွားလာခြင်း မပြုကြရန် ဗြိတိန်အစိုးရက ဇန်နဝါရီ ၁၆ ရက်တွင် အကြံပြုချက်ထုတ်ပြန်ခဲ့ကြောင်း သိရသည်။
ရုရှားစစ်တပ် အပြောင်းအလဲများ ပြုလုပ်ပြီး ပြန်လည်ဖွဲ့စည်းမည်
ရုရှားဟာ ၂၀၂၃ ခုနှစ်ကနေ ၂၀၂၆ ခုနှစ်အထိ သူ့ရဲ့ လက်နက်ကိုင်တပ်ဖွဲ့တွေအတွက် ကြီးကြီးမားမား အပြောင်းအလဲတွေ လုပ်မှာဖြစ်ပြီး ယူကရိန်းစစ်မြေပြင်မှာ လနဲ့ချီ အဆင်မပြေမှုတွေ ကြုံလာရပြီးနောက် သူ့ရဲ့ စစ်တပ်ဖွဲ့စည်းပုံကိုလည်း ပြန်ဖွဲ့စည်းသွားမယ်လို့ ကာကွယ်ရေးဝန်ကြီးဌာနက ဇန်နဝါရီ ၁၇ ရက်မှာ ပြောပါတယ်။
ဆိပ်ကမ်းသာလမ်း ကမ္ဘောဇဘဏ်ခွဲကို ဓားပြတိုက်သူ ဖမ်းဆီးခံရ
ရန်ကုန်၊ ကျောက်တံတားမြို့နယ်၊ ကုန်သည်လမ်းနဲ့ ဆိပ်ကမ်းသာလမ်းထောင့်ရှိ ကမ္ဘောဇဘဏ်ခွဲ (၃၅)ကို ဇန်နဝါရီ ၁၇ ရက် ဒီနေ့ မနက်ပိုင်းက သေနတ်ကိုင် အမျိုးသားတယောက် ဓားပြတိုက်ရာမှာ ဘဏ်ဝန်ထမ်းနဲ့ ပြည်သူတွေက ဝိုင်းဝန်းဖမ်းဆီးခဲ့တယ်လို့ မြို့ခံတွေဆီက သိရပါတယ်။
မြန်မာတွင် တရက်တည်း ကိုဗစ်-၁၉ အတည်ပြုလူနာသစ် ၁၀ ဦး ထပ်မံတွေ့
မြန်မာနိုင်ငံမှာ တရက်တည်း ကိုဗစ်-၁၉ အတည်ပြုလူနာသစ် ၁၀ ယောက် ထပ်မံပြီးတော့ စစ်ဆေးတွေ့ရှိခဲ့ရတယ်လို့ စစ်ကောင်စီလက်အောက်ခံ ကျန်းမာရေးဝန်ကြီးဌာနက ဇန်နဝါရီ ၁၇ ရက် ညပိုင်းမှာ ထုတ်ပြန်ပါတယ်။
MOU အလုပ်သမားများကို ပတ်စ်ပို့ထုတ်ပေးမှု ရပ်ဆိုင်းလိုက်သဖြင့် တရားမဝင်သွားရောက်သူ ပိုများလာနိုင်
မြန်မာနိုင်ငံကနေ MOU စနစ်နဲ့ ပြည်ပမှာ တရားဝင်သွားရောက်လုပ်ကိုင်မယ့် ရွှေ့ပြောင်းလုပ်သားတွေကို ခြွင်းချက်အနေနဲ့ နိုင်ငံကူးလက်မှတ် ပြုလုပ်ခွင့် ပေးထားတာကို ရပ်ဆိုင်းလိုက်တဲ့အတွက် တရားမဝင်သွားရောက်မှုတွေ ပိုများလာနိုင်တယ်လို့ ပြည်ပ အလုပ်အကိုင်ရှာဖွေရေးဝန်ဆောင်မှုလုပ်ငန်းရှင်တွေက ပြောပါတယ်။
Subscribe to:
Posts (Atom)
