လူအများ ကန့်ကွက်မှု ရှိနေသော်လည်း ကန်တော်ကြီး အတွင်းရှိ ယခင်ငါးပြတိုက်ဟောင်း နေရာတွင် ပြုလုပ်မည့် မိုးပျံပူဖောင်း စီမံကိန်းအား ရန်ကုန်မြို့တော် စည်ပင်က ခွင့်ပြုပေးခဲ့

ကန်တော်ကြီး အတွင်းရှိ မိုးပျံပူဖောင်း စီမံကိန်း ပြုလုပ်မည့် နေရာအား တွေ့ရစဉ်

လူအများ ကန့်ကွက်မှုများ ရှိနေသော်လည်း ယခင်ကန်တော်ကြီး ငါးပြတိုက်ဟောင်း နေရာတွင် ရန်ကုန်မြို့၏ မြင်ကွင်းအား အပေါ်စီးမှ ကြည့်ရှုနိုင်မည်ဆိုသည့် Hydrogen Ballon မိုးပျံပူဖောင်း စီမံကိန်းအား ရန်ကုန်မြို့တော် စည်ပင်သာယာရေး ကော်မတီက ခွင့်ပြုပေးခဲ့ကြောင်း သတင်းရရှိသည်။

အဆိုပါ စီမံကိန်းသည် ကန်တော်ကြီး ယခင်ငါးပြတိုက်ဟောင်း နေရာရှိ ပေ ၂၀၀ ပတ်လည် (စတုရန်းပေ ၄၀၀၀၀) ရှိ ဧရိယာတွင် လုပ်ဆောင်မည်ဖြစ်ပြီး ယင်းဧရိယာသည် လက်ရှိပန်းများကို အလှဆင်ကာ ပုံဖော်ထားခြင်းကြောင့် အများပြည်သူ စိတ်ဝင်စားသည့် နေရာတစ်ခုဖြစ်ပြီး အလှဓာတ်ပုံများ ရိုက်ခြင်း၊ မင်္ဂလာဆောင် အလှဓာတ်ပုံများလည်း ရိုက်ကူးလေ့ရှိသည့် နေရာတစ်ခု ဖြစ်ကြောင်း သိရသည်။

ယင်းစီမံကိန်းကို လုပ်ဆောင်လိုသည်ဟု Myanmar Voyages International Tourism Co.,Ltd က တင်ပြလာခဲ့ခြင်းဖြစ်ပြီး အဆိုပါ ကုမ္ပဏီအနေဖြင့် ပုဂံတွင် လက်ရှိဝန်ဆောင်မှု ပေးနေသည့် ပုံစံအတိုင်း လုပ်ဆောင်ရန် တင်ပြခဲ့ခြင်းဖြစ်ကြောင်း၊ ၎င်းတို့က ရန်ကုန်တိုင်း ဒေသကြီး အစိုးရအဖွဲ့ထံ ယင်းသို့လုပ်ကိုင်လိုကြောင်း တင်ပြလာသည့်အတွက် ရန်ကုန်တိုင်းဒေသကြီး အစိုးရအဖွဲ့က ရန်ကုန်မြို့တော် စည်ပင်သာယာရေး ကော်မတီကို စိစစ်ခိုင်းခဲ့ကြောင်း သိရသည်။

သို့ဖြစ်၍ ယင်းကိစ္စကို ရန်ကုန်မြို့တော် စည်ပင်သာယာရေး ကော်မတီဝင်များ အစည်းအဝေး (EC) သို့တင်ပြရာ (EC) က ခွင့်ပြုခဲ့ခြင်းဖြစ်ပြီး ယင်းစိမံကိန်းကို ခွင့်ပြုကြောင်း ကုမ္ပဏီထံသို့ စည်ပင်က စာထုတ်ပေးခဲ့ပြီး ဖြစ်ကြောင်း သိရသည်။

အဆိုပါ စီမံကိန်းအား မြေငှားရမ်းခ မည်သည့်နှုန်းထားများဖြင့် ခွင့်ပြုမည် ဆိုသည်မှာ ပြန်လည် ညှိနှိုင်းနေပြီး ကုမ္ပဏီနှင့် စာချုပ်ချုပ်ရန် ပြင်ဆင်နေသည်ဟု သိရသည်။

စည်ပင်နှင့် ကုမ္ပဏီတို့ ညှိနှိုင်းမှု အဆင်ပြေပါက စာချုပ်ချုပ်ကာ လုပ်ငန်းများကို လုပ်ဆောင်ခွင့် ပြုတော့မည်ဖြစ်ပြီး ယင်းသို့ ရန်ကုန်မြို့နှင့် မသင့်လျော်သည့်၊ လူထုအပန်းဖြေ အနားယူနိုင်မည့်နေရာ နည်းပါးလာမှုများအတွက် အဘက်ဘက်က ဝေဖန်ကန့်ကွက်မှုများစွာ ထွက်ပေါ်လာခဲ့သည်။

ယင်းကိစ္စသည် လူနည်းစု ချမ်းသာရေးအတွက် ပန်းခြံထဲတွင် လုပ်ကိုင်ခွင့်ပြုလိုက်သည့် စီမံကိန်းအပေါ် သဘောမတူကြောင်း၊ ယင်းကိစ္စအပေါ် စိတ်မသက်မသာ ခံစားရကြောင်း မင်္ဂလာတောင်ညွန့်မြို့နယ် မဲဆန္ဒနယ် အမှတ် (၁) ရန်ကုန်တိုင်းဒေသကြီး လွှတ်တော်ကိုယ်စားလှယ် ဦးရန်အောင်က ဆိုသည်။

“ဒီစီမံကိန်းလုပ်မယ့် နယ်မြေက ကျွန်တော့်မဲဆန္ဒနယ်ထဲမှာ ဖြစ်ပါတယ်။ ကျွန်တော့်အနေနဲ့ ပြောရရင် ဒါကိုကျွန်တော် သဘောမကျဘူး။ လူနည်းစု ချမ်းသာရေးအတွက် ဖြစ်နေတယ်။ ပြီးတော့ ဒီလိုရန်ကုန်မြို့ ရှုခင်းကို ကြည့်ဖို့လုပ်တယ် ဆိုပေမယ့် လူတိုင်းကြည့်နိုင်မှလေ။ ရန်ကုန်မှာ အခုက အပန်းဖြေနေရာ တော်တော်များများ ရှားပါးနေပြီ။ မလုပ်သင့် မလုပ်ထိုက်တဲ့ နေရာပါ။ ဒီမှာမဟုတ်ဘဲ အခြားနေရာမှာပဲ ရွေးချယ်လုပ်သင့်တယ်လို့ မြင်ပါတယ်” ဟု ဦးရန်အောင်က ပြောကြားသည်။

အဆိုပါ စီမံကိန်းသည် လက်ရှိ လူထုအပန်းဖြေရာ ဧရိယာတွင် လုပ်ဆောင်နေခြင်းကြောင့် လူထုအတွက် စိတ်အနှောင့်အယှက် များစွာရှိနိုင်ပြီး ယခုရွေးချယ်ထားသည့် မြေနေရာသည် လက်ရှိသစ်ပင် အလှပင်များစွာ ရှိနေခြင်းကြောင့် အဆိုပါ အပင်များကို ခုတ်ထွင်ရမည့် အနေအထား ရှိနေသည့်အတွက် သဘာဝ ပတ်ဝန်းကျင် ထိန်းသိမ်းရေး အမြင်မှ ကြည့်လျှင်လည်း များစွာထိခိုက် စေနိုင်ကြောင်း သုံးသပ်မှုများ ထွက်ပေါ်နေသည်။

ယင်းစီမံကိန်းအား တင်ဒါခေါ်ယူခဲ့ခြင်း မဟုတ်ဘဲ ယင်းကုမ္ပဏီဘက်က လုပ်ကိုင်လိုကြောင်း တင်ပြခဲ့ခြင်းသာ ဖြစ်ကြောင်း၊ ယင်းစီမံကိန်းသည် မိုးပျံပူဖောင်းကို အသေထားကာ ရန်ကုန်မြို့၏ မြင်ကွင်းကို အပေါ်စီးမှ ကြည့်ရှုနိုင်ရန် ရည်ရွယ်ခြင်းဖြစ်ကြောင်း၊ အဆိုပါစီမံကိန်း လုပ်ဆောင်မည် ဖြစ်သော ကြောင့် ကန်တော်ကြီး အတွင်းရှိ သစ်ပင်များ ခုတ်ထွင်ရှင်းလင်း ရမည်ဆိုသည့် ကိစ္စနှင့်ပတ်သက်၍ှSurvey လုပ်ထားချက်အရ ကန်တော်ကြီး အတွင်းရှိ ပန်းအလှပင် ၄၀ ခန့် ပြောင်းရွှေ့ စိုက်ရမည် ဖြစ်သည့်အပေါ် ဝေဖန်မှုများ ရှိနေသည်။

“အဲဒီနေရာက အရင်ကတော့ အုပ်အုပ်ဆိုင်းဆိုင်းနဲ့ သစ်ပင်တွေ အများကြီးရှိတယ်။ အခုနောက်ပိုင်းတော့ အငှားချထားတာတွေ ဘာတွေလုပ်တော့ မူရင်းသဘာဝ အပင်ကြီးတွေ၊ သက်တမ်းရာချီရှိတဲ့ အပင်ကြီးတွေကိုခုတ်ပြီး အလှပင်တွေ စိုက်ကြတယ်။ အဲဒါမျိုးလေးတွေတော့ တွေ့ရတယ်။ ပတ်ဝန်းကျင် ထိန်းသိမ်းရေး အမြင်နဲ့ ပြောရရင်တော့ ဒီစီမံကိန်းကို အားမပေးသင့်ဘူး။ ဘာကြောင့်လဲဆိုတော့ မိုးပျံပူဖောင်းဆိုတာ ရန်ကုန်မြို့နဲ့လည်း မသင့်တော်ဘူး။ တောတောင်တွေ ရှုမျှော်ခင်းကောင်းတဲ့ နေရာတွေမှာ လုပ်တာမျိုးက မကန့်ကွက်ဘူး။ အခုကန်တော်ကြီးလို နေရာမျိုးမှာ ဒါမျိုးကို လာလုပ်မယ်။ အပင်တွေကို ဖယ်မယ်ဆိုတော့ မဖြစ်စေချင်ဘူး။ ရန်ကုန်မြို့က လူတွေက ကွန်ကရစ် ဘလောက်တုံးတွေ ကြားထဲမှာ တော်တော်ကို မွန်းကျပ်နေပါပြီ။ အများပြည်သူ ဧရိယာက အရမ်းကို ရှားလာပါပြီ။ သဘာဝပတ်ဝန်းကျင် ရှုထောင့်အနေနဲ့ ကြည့်ရင် အကျိုးသက်ရောက်မှုကောင်း မရှိနိုင်ပါဘူး။ ဒါကြောင့် အဲဒီစီမံကိန်းကို ပြန်ပြီးစဉ်းစား စေချင်တယ်။ အခြားနေရာကို ရွှေ့ပေးစေချင်တယ်။ ဒီနေရာလေးကိုတော့ မွန်းကျပ်နေတဲ့ သူတွေအတွက် နေရာလေးအဖြစ် ထားပေးပါလို့။ လူငယ်တွေ၊ ကလေးတွေ လွတ်လွတ်လပ်လပ် အန္တရာယ်ကင်းကင်း နေထိုင်နိုင်တဲ့ အခမဲ့နေရာတွေ ဖြစ်စေချင်ပါတယ်။ ဒီစီမံကိန်းကို သဘောမတူပါဘူး” ဟု သဘာဝ ပတ်ဝန်းကျင် ထိန်းသိမ်းရေး ပညာရှင် ဒေါက်တာစောမွန်သိမ့်က ပြောကြားသည်။

ကန်တော်ကြီး အတွင်းရှိ ယခင်ငါးပြတိုက်ဟောင်း နေရာကို တွေ့ရစဉ် (ဓာတ်ပုံ-ကျော်ဇင်ဖြိုး)

ရန်ကုန်မြို့တွင် ယခင်က လူထုအနားယူ အပန်းဖြေနိုင်သည့် ဥယျာဉ်ကြီးများအဖြစ် ပြည်သူ့ရင်ပြင်၊ ကန်တော်ကြီး၊ မြကျွန်းသာ စသည့်နေရာကြီးများ ရှိခဲ့သော်လည်း ယခင်အစိုးရ လက်ထက်များက မြကျွန်းသာ၊ ပြည်သူ့ရင်ပြင်စသည့် ဥယျာဉ်ကြီးများကို ပုဂ္ဂလိကသို့ လုပ်ကိုင်ခွင့် ပြုလိုက်ခြင်းကြောင့် လူထုအမှန်တကယ် အနားယူ အပန်းဖြေနိုင်သည့်နေရာ သိသာစွာ လျော့ကျလာခဲ့ပြီး ကန်တော်ကြီး တစ်ခုသာ ရှိတော့ကြောင်း၊ ယခုမိုးပျံပူဖောင်း စီမံကိန်း လုပ်ဆောင်မည့်နေရာ အပါအ၀င် ငါးပြတိုက်ဟောင်း ဧရိယာသည် နံနက်ခင်းပိုင်းများ၊ ညနေပိုင်းများတွင် အားကစား လုပ်သူများ လာရောက်သည့် နေရာတစ်ခု ဖြစ်ကြောင်း သိရသည်။

အဆိုပါ ကိစ္စကို ငွေရရှိသည့် တစ်ခုတည်းဖြင့် ကြည့်ရှုတာ ခွင့်မပြုစေချင်ကြောင်း မှတ်ချက်ပေးမှုများ ရှိသည်။

“ပိုက်ဆံရတာ တစ်ခုတည်းနဲ့လည်း မကြည့်ပါနဲ့ဦး။ လူထုရဲ့ စိတ်ပိုင်းဆိုင်ရာ မွန်းကျပ်မှုတွေကို စိတ်ထွက်ပေါက်တွေ မရှိတော့ဘူး။ စိတ်ထွက်ပေါက်တွေက အခြားနေရာတွေ ဖြစ်ဖြစ်ကုန်တဲ့အတွက် လူငယ်တွေမှာလည်း လွဲကုန်တယ်။ အဲဒါမျိုးတွေ ဖြစ်လာတော့ ရန်ကုန်တိုင်းဒေသကြီး အစိုးရအဖွဲ့ အနေနဲ့လည်း စဉ်းစားပေးပါလို့ ပြောချင်ပါတယ်” ဟု သဘာဝပတ်ဝန်းကျင် ထိန်းသိမ်းရေး ပညာရှင် ဒေါက်တာစောမွန်သိမ့်က ဆက်လက် ပြောကြားသည်။

စီမံကိန်းပြုလုပ်ရန် မြေနေရာကို ငှားရမ်းခ စည်ပင်က ရရှိမည် ဆိုသော်လည်း မည်မျှရရှိမည်ကို ညှိနှိုင်းနေဆဲဖြစ်ကြောင်း၊ သို့သော် ယခင်အတွေ့အကြုံများအရ ကန်တော်ကြီး အတွင်းရှိ မြေ ၂၅ ဧက ကျယ်ဝန်းသော ကရ၀ိက်ဥယျာဉ်ကမ္ဘာအား ဇေကမ္ဘာ ကုမ္ပဏီသို့ ငှားရမ်းရာတွင် တစ်နှစ်လျှင် ကျပ်သိန်း ၃၀၀ သာရရှိ၍ နိုင်ငံတော်အတွက် နစ်နာနေကြောင်း၊ ကရ၀ိက်ဥယျာဉ်အား ၂၀၁၀ ပြည့် နှစ်မှ စတင်၍ နှစ် ၃၀ ငှားရမ်းခြင်းဖြစ်၍ ပထမငါးနှစ်အထိ ငှားရမ်းခ တစ်နှစ်လျှင် တစ်ဧကအတွက် ကျပ် ၁၂ သိန်းနှုန်းဖြင့် စုစုပေါင်း ကျပ်သိန်း ၃၀၀ ဖြင့် ငှားရမ်းခြင်းဖြစ်ပြီး စာချုပ်တွင် ငှားရမ်းခများအား နှစ်စဉ်တိုးမြှင့်လာသည့် ကာလပေါက်ဈေးနှင့် ဆီလျော်သည့် ငှားရမ်းခနှုန်းထားနှင့် ချိန်ထိုး၍ တိုးမြှင့်ရန် သင့်သော်လည်း မတိုးမြှင့်ခဲ့ကြောင်း၊ နောက်ထပ်မံချုပ်ဆိုမည့် စာချုပ်များတွင် နိုင်ငံတော်အတွက် မနစ်နာစေရန် နှုန်းထားတိုးမြှင့် ချုပ်ဆိုသင့်ကြောင်း ပြီးခဲ့သည့် အစိုးရ လက်ထက်က ၂၀၁၅ ခုနှစ် နိုဝင်ဘာ ၃၀ ရက်တွင် ပြုလုပ်ခဲ့သည့် ရန်ကုန်တိုင်းဒေသကြီး လွှတ်တော် အထူးအစည်းအဝေး (၃/၂၀၁၅)တွင် တင်သွင်းခဲ့ခြင်းသော ရန်ကုန်တိုင်းဒေသကြီး စာရင်းစစ်ချုပ် အစီရင်ခံစာက ဖော်ပြခဲ့သည်။

“အခုရှိတဲ့ မြင်ကွင်းလေးအတိုင်းပဲ ရှိစေချင်ပါတယ်။ အခုအတိုင်းလေးပဲ ထားစေချင်ပါတယ်။ မိုးပျံဖူဖောင်းကြီးလည်း မစီးချင်ပါဘူး” ဟု စီမံကိန်း လုပ်ဆောင်မည့် ငါးပြတိုက်ဟောင်းနေရာသို့ မန္တလေးမြို့မှ လာရောက်လည်ပတ်သူ ကိုညီညီအောင်က ဆိုသည်။

“ပြီးခဲ့တဲ့ အစိုးရသက်တမ်း မကုန်ခင်လေးမှာ ပြည်သူ့ရင်ပြင်ထဲက ဧရိယာ အချို့ကိုလည်း ပုဂ္ဂလိကကို လုပ်ကိုင်ခွင့်ပေးခဲ့တယ်။ ဒါကလည်း မဖြစ်သင့်တဲ့ကိစ္စပါ။ အခုလည်း ကန်တော်ကြီးမှာ ဒီလိုမျိုး စီမံကိန်း လုပ်ဦးမယ်ဆိုတော့ လူထုမျက်နှာကို မကြည့်ဘူး ဖြစ်နေတယ်။ ဟုတ်ပါပြီ တစ်နေ့တစ်နေ့ စားဝတ်နေရေးအတွက် လုံးပန်းနေရတာကို အခုလိုမျိုး ရန်ကုန်မြို့ရှုခင်းကို ဘယ်သူက တက်ကြည့်မှာလဲ။ ပြီးတော့ အလကား ကြည့်ရမှာလား။ ဒီကိစ္စကို ရန်ကုန်တိုင်းအစိုးရက ပြန်ပြီးစဉ်းစား ဆုံးဖြတ်စေချင်တယ်။ ဒီကိစ္စကို လုံးဝကန့်ကွက်ပါတယ်” ဟု ရန်ကုန်တိုင်းဒေသကြီး လွှတ်တော်ကိုယ်စားလှယ် တစ်ဦးက ဆိုသည်။

ယင်းစီမံကိန်းနှင့် ပတ်သက်၍ လူမှုကွန်ရက် စာမျက်နှာများတွင်လည်း ဝေဖန်ကန့်ကွက်မှုများ ရှိခဲ့သည်။

Writer:

ကျော်ထင်

ဧရာဝတီ