ကိုးကန့်ဒေသ ဘာ့ကြောင့်၊ ဘယ်လို
ကိုးကန့်ဒေသ၏ ရာဇ၀င်ကို ပြန်လှန်ကြည့်လျှင် ဗမာပြည်ကွန်မြူနစ်ပါတီ(ဗကပ)၏ သံလွင် အရှေ့ခြမ်း သိမ်းပိုက်ရေး စစ်ရေးမဟာဗျူဟာနှင့် စတင်လာခဲ့ခြင်း ဖြစ်သည်။ ဖုန်ကြားရှင်နှင့် ၄င်း၏ ကိုး ကန့်ကာကွယ်ရေးတပ်သည် ဗကပ၏ စစ်ရေးရည်မှန်းချက်အရ ကနဦးအခြေပြုရာ အရေးကြီးသော ပေါင်းကူးခြေကုတ် တစ်ခု ဖြစ်ခဲ့သည်။ ၁၉၆၈ ခုနှစ်တွင် မုန်းကိုးဒေသကို တိုက်ခိုက်ခဲ့ပြီး ၁၉၇၁ ခုနှစ် တွင် ကွမ်းလုံသိမ်းပိုက်ရေး တိုက်ပွဲများဆင်နွှဲခဲ့ကာ ကွမ်းလုံရက်လေးဆယ်တိုက်ပွဲ ဟု ထင်ရှားကျော်ကြား ခဲ့သည်။ ကွမ်းလုံကို အမိအရသိမ်းပိုက်နိုင်ခဲ့လျှင် သံလွင်အရှေ့ခြမ်းတစ်ခုလုံး ဗကပတို့၏လက်ဝယ်သို့ ကျရောက်သွားတော့မည့် အခြေအနေတွင် တပ်မတော်က ခုခံကာကွယ်နိုင်ခဲ့သည်။ ၁၉၈၈ ခုနှစ်တွင် ဗကပတို့၏ ပြည်တွင်း-ပြည်ပ မြေပေါ်မြေအောက် နှစ်ဘက်ညှပ်ပိတ်သည့် မဟာဗျူဟာအရ ထိုးစစ်ဆင် တိုက်ခိုက်ခဲ့ရာ မိုင်းယန်းတိုက်ပွဲ ဟူ၍ ထင်ရှားကျော်ကြားခဲ့သည်။ ၁၉၈၈ ခုနှစ်တွင် တပ်မတော်က အာဏာရယူပြီးနောက် ဖုန်ကြားရှင်၏တပ်ဖွဲ့သည် ဗကပလက်အောက်မှ ခွဲထွက်၍ ငြိမ်းချမ်းရေး ဆွေးနွေး ညှိနှိုင်းခဲ့ပြီး ၁၉၈၉ ခုနှစ်၌ ငြိမ်းချမ်းရေး ရယူနိုင်ခဲ့သည်။ ယင်းနောက် ကိုးကန့်ဒေသကို ကိုးကန့် အထူး ဒေသ(၁) အဖြစ် သတ်မှတ်ခဲ့ပြီး ဖုန်ကြားရှင်၏ တပ်သည်လည်း မြန်မာအမျိုးသားဒီမိုကရက်တစ် မဟာမိတ် တပ်မတော် Myanmar National Democratic Alliance Army(MNDAA) ဟူ၍ ပြောင်းလဲ ဖွဲ့စည်းခဲ့သည်။
