ဗိုလ်ချုပ်အောင်ဆန်း နှစ် ၁ဝဝ ပြည့် အထိမ်းအမှတ် အဖြစ် ကပြခဲ့သော နှင်းဆီအငြိမ့်တွင် လူရွှင်တော်အဖြစ် ပါဝင်ကပြရင်း ကွမ်းလုံ ရက်လေးဆယ် တိုက်ပွဲအား ပြက်လုံးအတွင်း ထည့်သွင်း ပြက်မိခဲ့ခြင်းနှင့် ပတ်သက် ၍သရုပ်ဆောင် မင်းမော်ကွန်းက တပ်မတော်သားများ အပေါ် ယခုကဲ့သို့ ဖြေရှင်း တောင်းပန်ခဲ့ကြောင်း သိရသည်။မင်းမော်ကွန်းက ''စင်ပေါ်တွင် ပြက်လုံးပြက်သည့် အချိန်၌ သူသည် လူရွှင်တော်အစစ် မဟုတ်ကြောင်း၊ ထို့ကြောင့် ပြက်လုံးတိုင်းကို အမြဲ ကြိုးစား၍ ပြက်ရကြောင်း၊ အဆိုပါ ပြက်လုံးကို ပြက်သွားဖြစ်ပုံမှာလည်း ရုပ်ရှင် ပဟေဠိ ပြက်လုံး ဖြစ်သဖြင့် ကြိုတင် ညှိနှိုင်းထားခြင်း မဟုတ်ဘဲ လူရွှင်တော် တစ်ဦးနှင့်တစ်ဦး အပြန်အလှန် ပြက်ရာမှ ခေါင်းထဲတွင် တန်းစီထားပြီး ပေါ်လာသမျှကို ပြက်ရခြင်းဖြစ်ကြောင်း၊ သူ့အနေဖြင့် အဆိုပါ ပြက်လုံးကို ရုပ်ရှင်ဇာတ်ကား တစ်ကား အနေဖြင့်သာ ပြက်လုံးထုတ်ခဲ့ခြင်း ဖြစ်ကြောင်း အဆိုပါ တိုက်ပွဲတွင် ပါဝင်ခဲ့သော စစ်သည်ဟောင်းကြီးများကိုလည်း စော်ကားလိုစိတ် မရှိပါကြောင်း၊ သူ၏ အဘိုးမှာ လည်းတပ်မတော်သား တစ်ဦး ဖြစ်ခဲ့ပြီး အဆိုပါ တိုက်ပွဲတွင် ပါဝင်ခဲ့သူတစ်ဦး ဖြစ်ကြောင်း၊ တပ်မတော်တွင် သူ၏ အဘိုးကဲ့သို့ တိုင်းပြည်ကိုချစ်သော စစ်သားကောင်းများ အများကြီး ရှိနေသည်ကို ယုံကြည်ကြောင်း၊ ထို့ကြောင့် တပ်မတော်ကို စော်ကားရန် စိတ်မျိုးလည်း မရှိကြောင်း၊ စစ်ကားပေါင်း များစွာကိုလည်း ရိုက်ကူး ခဲ့ကြောင်း၊
အဆိုပါ ပြက်လုံး ပြက်ခဲ့သည့် အချိန်တွင် သူ့အနေဖြင့် လောက်ကိုင်တွင် တိုက်ပွဲများ ဖြစ်ပေါ် နေသည်ကို လုံးဝ မသိရှိခဲ့ကြောင်း၊ သူပြောခဲ့သော စကားတစ်ခွန်းအတွက် အင်မတန် စိတ်မကောင်းဖြစ်ကာ ခံစားခဲ့ ရကြောင်း၊ အချိန်ကိုက် တိုက်တိုက်ဆိုင်ဆိုင် ဖြစ်သွားခြင်း ဖြစ်ကြောင်း၊ နောက်တစ်ရက် ပြဿနာ ဖြစ်ပြီးခဲ့ချိန်မှ စ၍ ပြန်လည်စဉ်းစားချိန်တွင် ညကပြက်လုံးကို ပြန်သတိရမိခဲ့ပြီး သူအနေဖြင့် စေတနာ အမှား၊ စေတနာ ဆိုးဖြင့် ပြက်ခဲ့ခြင်း မဟုတ်ပါကြောင်း၊ ထို့ကြောင့် ရှေ့တန်းတွင် အသက်ပေးခဲ့သော တပ်မတော် သားများ၊ ၎င်းတို့၏ မိသားစုများ၊ လက်ရှိ တိုက်ပွဲဝင်နေသော တပ်မတော်သားများ အားလုံးကို သူ့အနေဖြင့် အနူး အညွတ် တောင်းပန်ပါကြောင်း၊ တပ်မတော်သားများ အနေဖြင့် သူ့အပေါ် အထင် မလွှဲစေချင်ကြောင်း၊ တပ်မတော်သားများ အသက်စွန့် တိုက်ပွဲဝင်နေခြင်းကို ၎င်းအနေဖြင့် လှောင်ပြောင် ရယ်စရာလုပ်၍ ပြောခြင်း မဟုတ်ကြောင်း၊ သူအနေဖြင့် တိုင်းပြည်အတွက် စွန့်လွှတ် တိုက်ပွဲဝင်နေသော တပ်မတော်သားများကိုလည်း လေးစား ဂုဏ်ယူမိပါကြောင်း'' ပြောကြားခဲ့ကြောင်း သိရသည်။
ဝေယံ
မြ၀တီ
0 comments:
Post a Comment