ဤစာအုပ်သည် ရန်ကုန် ဘဆွေ၏ တစ်ကြိမ်တစ်ခါမျှ ပုံနှိပ်ထုတ်ဝေဖူးခြင်း မရှိသေးသည့် စာအုပ်အသစ် တစ်အုပ်လည်း ဖြစ်သည်။ ထိုစာအုပ်ကို ငါတို့စာပေက တန်ဖိုး (၃၀၀၀) ကျပ်ဖြင့် ဒီဇင်ဘာလ အတွင်း၌ ဖြန့်ဝေခြင်း ဖြစ်သည်။ရန်ကုန်ဘဆွေသည် စာရေးဆရာ၊ ပန်းချီဆရာ တစ်ဦးလည်း ဖြစ်သည့်အပြင် မြစ်ဝကျွန်းပေါ်တွင် လက်နက်ကိုင် ပြောက်ကြား ခေါင်းဆောင် တစ်ဦးလည်း ဖြစ်ပြီး တိုက်ပွဲပေါင်းများစွာကို ဦးဆောင် တိုက်ခဲ့သူ ဖြစ်သည်။
အမှာစာတွင် စာရေးသူက ယခုကဲ့သို့ ရေးသားထားသည်။
ဤ ပြည်သူ့ အရေးတော်ပုံပါတီ ဆိုသည်မှာ ဘ၀ဇာတ်ကြောင်းတွင် အရေးကြီးသော ဇာတ်ကောင် အချို့ ပါဝင်လျက်ရှိရာ စာရေးသူ ကိုယ်တိုင်လည်း ထိုအချို့ထဲမှ ဇာတ်ကောင် တစ်ကောင် ဖြစ်ခဲ့ကြောင်း ခပ်ပြောင်ပြောင် ၀န်ခံပါသည်။ ထို့အပြင် ထိုအချို့ဆိုသည့် အရေးကြီး ဇာတ်ကောင်များ အနက်၊ သူတို့အတွက် ကြိုတင်မိတ်ဆက် ပေးလိုသည့် ဇာတ်ကောင်သုံးဦး ရှိပါသေးသည်။
'ထိုသုံးဦး အနက် ပထမတစ်ဦး ဖြစ်သော ဇာတ်ကောင်သည် အလံနီ သခင်စိုးကြီး ဖြစ်ပါသည်။ ထိုပုဂ္ဂိုလ်ကြီးသည် ပြည်သူ့ အရေးတော်ပုံပါတီ ပျက်စီးရေး အတွက် ထက်ထက်မြက်မြက် အသုံးတော် ခံပြမည့် လူကြမ်း 'ဗီလိမ်' ဇာတ်လိုက်ကြီး အဖြစ် ပါဝင်လာပါလိမ့်မည်'။
'ဒုတိယ တစ်ဦးသော ဇာတ်ကောင်သည် လွတ်လပ်ရေး၏ ဖခင်ကြီး ဗိုလ်ချုပ်အောင်ဆန်း ဖြစ်ပါသည်။ ထိုပုဂ္ဂိုလ်ကြီးသည် လူငယ်တွေက လှုပ်ရှား တောင်းဆိုပါလျက် ပါဝင် အားပေးမှု မပြုဘဲ တပ်မတော်နှင့် ပြည်သူတို့ကပါ ထိန်းမနိုင် သိမ်းမရ ဖြစ်လာတော့မှ 'မည်ကဲ့သို့ ဖြစ်အောင် ပြုလုပ်ပေးနိုင်လျှင် ငါပါဝင် ခေါင်းဆောင်မှု ပေးမည်' ဟု ထပ်ဆင့် အကျပ်ကိုင်ရက်သော၊ တွေးကြံရခက်သည့် နက်နဲသော ဇာတ်ဆောင် တစ်ဦးအဖြစ် ပါဝင်လာပါလိမ့်မည်'။
'တတိယ တစ်ဦးသော ဇာတ်ကောင်သည် မြန်မာပြည်အဖို့ ကမ္ဘာက သိထားသော ယခုလမ်းစဉ်ပါတီ ဥက္ကဋ္ဌကြီး ဖြစ်ပါသည်။ ထိုပုဂ္ဂိုလ်ကြီးသည် ထိုစဉ်အချိန်က နိုင်ငံရေး အရ အနည်းဆုံး နှစ်ကြိမ်မျှ နေရာပေး အသုံးချမှုကို ရုပ်ပြအဖြစ် ဓားစားခံ' လာခဲ့ရသည့်၊ ခံနိုင်ရည်ကို စိတ်ရှည်ရှည်ဖြင့် ပြုနိုင်စွမ်းသော ဇာတ်ဆောင် တစ်ဦး အဖြစ် ပါဝင်လာပါလိမ့်မည်' ဟု ရေးထားသည်။
ပြည်သူ့ အရေးတော်ပုံ ပါတီသည် လွတ်လပ်ရေး ရရှိရေးကို ဦးတည်ကြိုးပမ်းရန် ရည်ရွယ်ချက်ဖြင့် ဖွဲ့စည်းထားသော အဖွဲ့အစည်း တစ်ရပ်လည်း ဖြစ်သည်။ နောက်ပိုင်းတွင် ဖတပလတွင်လည်း ပါဝင်ခဲ့ပြီး ဖတပလ စတင် ဖွဲ့စည်းပုံကို စာရေးသူက အခုလို ရေးထားသည်။
'ကိုမောင်မောင်တို့ တစ်တွေ က သခင်စိုးကြီးနှင့် သဘောတူ တွေ့ဆုံ ဆွေးနွေးလာချက်များကို စစ်ဝန်ကြီး ဗိုလ်ချုပ်အောင်ဆန်းအား သွားရောက် တင်ပြကြသောအခါ စစ်ဝန်ကြီး ဗိုလ်ချုပ်အောင်ဆန်းသည် ထိုစစ်ဗိုလ် ကလေးများကိုပင် ဖိတ်ကြားခိုင်း၍ လူမျိုးစုများ၊ အစိုးရ အရာရှိဟောင်းများ၊ ရှေးနိုင်ငံရေး သမားဟောင်းကြီးများ စသည် စသည် တို့ကို တစ်နေ့စီ တစ်ချိန်စီ တစ်ဖွဲ့စီ ကြိတ်ဝိုင်း ဆွေးနွေးသည်။
ထိုသို့ ဆွေးနွေး၍ အလွန်သေချာပြီးမှ ၁၉၄၄ ခု ၊ သြဂုတ်လ စတုတ္ထရက်ပတ် အစလောက်တွင် ကွန်မြူနစ် ပါတီဝင် ခေါင်းဆောင်များနှင့် ပြည်သူ့ အရေးတော်ပုံ ပါတီများ ဖြစ်လာကြ သူတို့ အပါအ၀င် အခြားသော အဖွဲ့ခေါင်းဆောင် တို့နှင့်အတူ ပတ်လမ်း နှင့် ဦးထွန်းမြတ်လမ်းထောင့်ရှိ ဗိုလ်ချုပ်အောင်ဆန်း၏ နေအိမ်တွင် 'ဖက်ဆစ် တိုက်ဖျက်ရေး ပြည်သူ့ လွတ်လပ်ရေး' အမည်ရှိသော ဖတပလ အဖွဲ့အစည်းကို ဖွဲ့သည်။
ဗိုလ်ချုပ်အောင်ဆန်း ထိုသို့ မဖွဲ့မီ ၁၉၄၄ ခု၊ သြဂုတ်လ ပထမပတ် အတွင်း၌ပင် ပဲခူးမြို့ မြန်မာ့တပ်မတော်တိုင်း လေးစခန်း၌ ဗိုလ်ချုပ်အောင်ဆန်း၏ ဖတပလ သဘော သက်ဝင်သော အဖွဲ့အစည်း တစ်ခုကို ထိုတိုင်းလေးရှိ စစ်ဗိုလ်အကြပ်တို့က ဗိုလ်ချုပ် အောင်ဆန်း မသိလိုက်ရဘဲ ဖွဲ့ပြီးခဲ့ပြီ' ဟု ရေးထားသည်။
ထို့အပြင် ထိုစဉ်ကာလ၌ ဂျပန်တော်လှန်ရေး လုပ်ရန်အတွက် မဟာမိတ်များထံမှ လက်နက် အကူအညီ တောင်းထားပြီး လက်နက်များ ခွဲဝေရေးနှင့် ပတ်သက်၍ သခင်စိုး၏ သဘောထားကိုလည်း ယခုကဲ့သို့ ရေးသားထားသေးသည်။
'ဂျပန်တော်လှန်ရေး တပ်ဖွဲ့၏ အကြီးဆုံးသော နိုင်ငံရေး ခေါင်ဆောင်ဖြစ်သည့် သခင်စိုးကြီးသည် မဟာမိတ်တို့မှ ချပေးသော လက်နက် ကိရိယာတို့ကို ဗမာ့တပ်မတော်ကိုလည်း မပေးနိုင်၊ ပြည်သူ့ အရေးတော်ပုံ ပါတီကိုလည်း မပေးနိုင်ပါ' ဟု အတိအလင်း ပြောသည်။ ထိုကိစ္စတို့ကို ပြောဆိုရန် အတွက် ဗိုလ်တင်ဖေကို စာရေးသူတို့က လိုအပ်နေသော်လည်း ဗိုလ်တင်ဖေက အရေးပေါ် ကိစ္စတစ်ခုအတွက် ဘိုကလေး နယ်ဘက်သို့ ခရီးဆက်သွားရသည်။
ဗိုလ်တင်ဖေ မရှိလျှင် အနည်းဆုံး ဗိုလ်အောင်ကြီးက တပ်မတော် တစ်ခုလုံး အတွက် တာဝန်ယူ ပြောကြားရပါမည်။ သို့သော် စာရေးသူနှင့် ဗိုလ်ကြည်ဝင်းတို့ နှစ်ဦး သဘောတူညီချက် အရ အားနာတတ်သော ဗိုလ်အောင်ကြီးနှင့် သခင်စိုးကဲ့သို့သော ပုဂ္ဂိလ်ကြီးကို ရင်မဆိုင်စေလိုပါ။ ထို့ကြောင့် စာရေးသူနှင့် ဗိုလ်ကြည်ဝင်းတို့က ခပ်ပြောင်ပြောင်ပင် သခင်စိုးနှင့် ရင်ဆိုင်တွေ့ကြသည်။
ထိုကဲ့သို့ တွေ့ကြချိန်၌ သခင်စိုးက 'မဟာမိတ်တို့ ချပေးသည့် လက်နက် ရိက္ခာများကို တပ်မတော်နှင့်သာ တစ်ဝက်စီ ဝေယူမည်။ ပြည်သူ့ အရေးတော်ပုံ ပါတီသည် တပ်မတော်နှင့် တွဲနေသည့် အတွက် တပ်မတော်ကရလျှင် ပြည်သူ့ အရေးတော်ပုံ ပါတီက ရမည် ဖြစ်သောကြောင့် သီးသန့် မပေးလိုပါ' ဟု အတိအလင်း ပြောကြားသည်။
ထို့နောက် လေးထီးချ လက်နက်တို့ကို သခင်းစိုးကြီးက အကြောင်း အမျိုးမျိုးပြပြီး တပ်မတော်သို့ သုံးပုံ တစ်ပုံမျှသာ ပေးသည် နောက်ပိုင်းတွင် လုံးဝမပေးတော့' ဟု ရေးသားထားသည်။
နောက်ပိုင်းတွင် ကွန်မြူနစ်ပါတီကို ဖဆပလ အဖွဲ့ကြီးမှ ဗိုလ်ချုပ်အောင်ဆန်း ကိုယ်တိုင် ထုတ်ပယ် ပစ်ခဲ့သည်ကို စာဖတ်သူများ အသိပင်ဖြစ်သည်။ ကွန်မြူနစ်ပါတီ နှင့် ပြည်သူ့ အရေးတော်ပုံပါတီ တို့အပေါ် ဗိုလ်ချုပ်အောင်ဆန်း၏ သဘောထားကို စာရေးသူက ယခုကဲ့သို့ ရေးသားထားသည်။
ထိုအချိန်က ဗိုလ်ချုပ်အောင်ဆန်းသည် ကွန်မြူနစ် ပါတီလည်း မဟုတ်၊ ပြည်သူ့ အရေးတော်ပုံပါတီ ဘက်ကလည်း မဟုတ်။ သို့သော် ကွန်မြူနစ်ပါတီနှင့် ပြည်သူ့ အရေးတော်ပုံ ပါတီတို့၏ အထက်မှ နင်က ဘာလုပ်၊ နင်က ဘယ်လိုနေ စသဖြင့် အမိန့်ပေးသူ နေရာ၌ရှိသည်။
'သို့သော် ပထမပိုင်းတွင် ကွန်မြူနစ်ပါတီဘက်မှ နေ၍ ပြည်သူ့ အရေးတော်ပုံပါတီ ဘက်သားတို့ကို နှိမ်သည်။ နောက်ပိုင်းတွင် ကွန်မြူနစ်ပါတီမှ အန်တုလာသောအခါ ပြည်သူ့ အရေးတော်ပုံ ပါတီဘက်သားတို့ကို လက်ကိုင်ပြု၍ ကွန်မြူနစ် ပါတီကို အပြတ် နှိမ်ပစ်လိုက်သည်' ဟု စာရေးသူက ဆိုသည်။
ဗိုလ်ချုပ်အောင်ဆန်း လုပ်ကြံခံရပြီးနောက် ဦးနုက ၀န်ကြီးချုပ် အဖြစ် တာဝန်ယူသည့်အခါ တပ်မတော် ဗိုလ်ချုပ်ကြီး ခန့်အပ်ရန် အတွက် ဗိုလ်မူးနေ၀င်း၊ ဗိုလ်မူးလကျာ်၊ ဗိုလ်မူးဇေယျ တို့ကို ဦးနုထံ ခေါ်သွားသည့် ကိစ္စနှင့် ပတ်သက်၍ စာရေးသူက ယခုကဲ့သို့ ရေးထားသည်။
ဦးသိန်းဖေမြင့် အပါအ၀င် ပြုလုပ်ချင်ကြသည့် လူတစ်စုသည် ဗိုလ်မူးလကျာ်၊ ဗိုလ်မူးဇေယျ၊ ဗိုလ်မူးနေ၀င်း တို့ကိုပါ ခေါ်ဆောင်လျက် ၀န်ကြီးချုပ် ဥက္ကဋ္ဌ ဦးနုနှင့် သွားရောက် တွေ့ဆုံကြပါသတဲ့။ ပုရောဟိတ်ကြီးများက အဖွဲ့အားလုံးတို့ရဲ့ ရွေးချယ်ပေးချက် အရ ဟောဒီ တပ်မတော် ဗိုလ်ချုပ်ကြီးလောင်း သုံးဦးကိုပါ ကျွန်တော်တို့ ခေါ်လာပါတယ်။ ဒီသုံးဦးအနက် ၀န်ကြီးချုပ် ကိုယ်တိုင် ဖြည်းဖြည်း ဆေးဆေး စဉ်းစားပြီး တစ်ယောက်ယောက်ကို ရွေးချယ်ပေးပါ။ အချိန်သုံးရက် ပေးပါ့မယ်ဟု ပြောကြသည်ဆို၏။
ဤတွင် ထိုပုရောဟိတ်ကြီး တို့၏စကားသည် လူပါးဝလွန်းသည်။ မိမိကို အကျပ်ကိုင်သည်ဟု သိမြင်လိုက်သော ဥက္ကဋ္ဌကြီး ဦးနုက 'ဟေ့မင်းတို့ ပြဿနာကို ငါသုံးရက် စဉ်းစားရန် မလိုဘူး။ အခုသုံးမိနစ် အတွင်း အဖြေပေးမယ်။ ငါ့အနေနဲ့ အဲဒီသုံးယောက် ဘယ်သူ့မှမရွေးဘူး။ တပ်ဗိုလ်တပ်သားနဲ့ ပြည်သူတွေရဲ့ သဘောအတိုင်း တပ်ထဲက ဘယ်သူ့ကိုဖြစ်ဖြစ် သူတို့ ရွေးချယ်ပေးတာကိုပဲ ငါလက်ခံလိုက်မယ်' ဟု ပြောလိုက်သည်ဆို၏။
ဤတွင် ဦးသိန်းဖေမြင့်တို့ လူစုနှင့် ဗိုလ်ချုပ်ကြီးလောင်း သုံးယောက်တို့ တပ်ခေါက် ပြန်လာရပါသတဲ့။ တစ်နည်းအားဖြင့် မိမိတို့လူစုထက်ပို၍ သတ္တိပြောင်သော၊ သို့မဟုတ် ပို၍မိုက်သော ဥက္ကဋ္ဌကြီး ဦးနုက ထိုသို့ပြောလိုက်သောအခါ အားလုံးတို့သည် ဘာပြုလုပ်ရမှန်း မသိဖြစ်နေစဉ် ဗိုလ်မူးဇေယျသည် မည်သူ့ကိုမျှ အသိမပေးဘဲ ဥက္ကဋ္ဌကြီး ဦးနုကို တစ်ယောက်တည်း သွားတွေ့ ဆွေးနွေးသည်ဟု ရေးထားသည်။
ထိုသို့ ဆွေးနွေးသည့်အခါ နောင်အခါတွင် အကြောင်းပြန်မည်ဟု ပြောဆိုခဲ့သော်လည်း နောက်ဆုံးတွင် ဗိုလ်ချုပ်နေ၀င်း ကိုသာ ဗမာ့တပ်မတော်၏ ဗိုလ်ချုပ်ကြီးနေရာကို ပေးခဲ့သည်။ နောက်ပိုင်းတွင် ဖဆပလသည်လည်း သန့်ရှင်း၊ တည်မြဲဟူ၍ ကွဲလာကြသော်လည်း ဗိုလ်ချုပ်ကြီး နေ၀င်းက ၎င်း၏ တပ်မတော်သားများကို မည်သည့်ဘက်မှ မလိုက်ရန် ညွှန်ကြားထားသည်ဟုဆိုသည်။ ထို့အပြင် တပ်မတော်သားများ ကလည်း တည်မြဲအဖွဲ့ကို မထောက်ခံလိုကြဟု ဆိုသည်။
'ဤသည်ကို သန့်ရှင်း ဥက္ကဋ္ဌကြီး ဦးနုက တပ်မတော်သား အကြီးအကဲများကို ခနဲ့သည်။ 'မင်းတို့ ဘယ်လောက် ခြိမ်းခြောက် ခြိမ်းခြောက် မရပါ' ဟူသည့်သဘော။
ဤသည်ကို ဗိုလ်ချုပ်နေ၀င်း၊ ဗိုလ်မူးချုပ် မောင်မောင်၊ ဗိုလ်မူးချုပ် အောင်ကြီးတို့က လုံးဝ မခံမရပ်နိုင်။
အကြောင်းမူ သူတို့သည် ဤကိစ္စ၌ အကယ်ပင်လျှင် ပါဝင်စွက်ဖက်မှု မရှိဘဲ ကြားနေခဲ့ကြသည်။ တည်မြဲတွေကို အမြင်ကပ်၍ ဖြစ်၏။ သို့ပါလျက် ဤသို့ အပြောခံရမလားဟု ကျွန်တော်တို့ တကယ် ပြုလုပ်ချင်လျှင် မည်မျှအထိ ဖြစ်နိုင်သည်ကို သိစေရန် ကိုမောင်မောင် (ဗိုလ်မူးချုပ်ဟောင်း သံအမတ်ဟောင်း ပြည်သူ့ အရေးတော်ပုံပါတီ မောင်မောင်) က မော်တော်ကား နှစ်စင်းဖြင့် ၀န်ကြီးချုပ် ဦးနုအိမ်သို့ သွားကာ.. 'အုပ်ချုပ်ရေး အာဏာကို ကျွန်တော်တို့တပ်သို့ ပြန်လည် လွှဲအပ်ပေးပါ။ လွှဲအပ်မပေးလျှင် နောက်ကျ ကျွန်တော်တို့ကို အဆိုးမဆိုနှင့်' ဟူသည့် သဘော သက်ဝင်သော စကားမျိုးကို ပြောသည်။
ဥက္ကဋ္ဌကြီး ဦးနုက
''လွှဲပေးပါမည်' ဟု ကတိပေးလိုက်ရသည်။ နောက်တစ်နေ့ သတင်းစာများတွင် အကြောင်းကြောင်း တို့ကြောင့် တပ်မတော်အား အုပ်ချုပ်ရေး အာဏာ လွှဲအပ်ပေးလိုက်ကြောင်း ပါလာသည်။
ထို့နောက် တပ်မတော်က အိမ်စောင့် အစိုးရအဖြစ် ဆက်လက် ဆောင်ရွက်သည်။ ထိုသို့ ဆောင်ရွက်ရင်း ဥက္ကဋ္ဌကြီး ဦးနုအား 'ကျုပ်တို့ တပ်မတော်က တကယ်ပြုလုပ်ချင်လျှင် အဲဒီလို အထိဖြစ်ပါတယ်။ ဒါပေမဲ့ မပါဝင် မပြုလုပ်ကြပါဘူး'' ဟု သိနိုင်ရန် လက်တွေ့ သင်ခန်းစာ ပေးလိုက်သည်။
ထိုမျှမက 'အစိုးရဆိုတာ တိုင်းပြည် တကယ်ကောင်းရေး အတွက်မည်သို့ ပြုလုပ်ကြရသည်' ဆိုတာကို သင်ခန်းစာပေးရန် ဗိုလ်မူးကြီး ထွန်းစိန်အား မြူအရာရှိ ပြုလုပ်စေပြီး ကျူးကျော် ရပ်ကွက်များကို အတင်းဖျက်ခြင်း၊ ရပ်ကွက်သစ်များ တည်ဆောက်ပေးခြင်း စသည်တို့ကို သင်ခန်းစာ ပေးသကဲ့သို့ ပြုလုပ်ပြသခဲ့သည်' ဟု အကောင်းမြင်ဘက်က ရေးသားထားသည်။
ပြည်သူ့အရေးတော်ပုံပါတီ ပြည်ဖုံးကားချခဲ့ရပုံကို စာရေးသူက ယခုကဲ့သို့ ရေးသားထားသည်။
'မဆလ ဆိုရှယ်တို့နှင့်တကွ တည်မြဲ သန့်ရှင်းတို့ကိုပါ ရွံအော့လျက် ရှိသော တပ်မတော်သည် ထိုစဉ်က နိုင်ငံရေး အုပ်ချုပ်မှု စက်ယန္တရားကြီး၏ အကြီးအကဲဖြစ်သော ဥက္ကဋ္ဌကြီး ဦးနုကို သို့မဟုတ် မိမိတို့၏ အဓိက ပစ်မှတ် 'Main Target' ကို (၀၃း၁၀) နာရီတွင် နောက်ဖေးတိုက်ဆွယ် ကလေး အတွင်း၌ တွေ့ရှိ ဖမ်းဆီးကြပြီး ဆလွန်းကားနှင့် စစ်ဆင်ရေးဌာနချုပ်သို့ ခေါ်သွားကြသည်။
ထိုဌာန၌ ငါးမိနစ်နား၍ ဥက္ကဋ္ဌကြီး ဦးနုအား ဆလွန်းကားရှေ့၌ ထိုင်စေကာ တာဝန်ရှိ ထောက်လှမ်းရေးက နောက်မှထိုင်၍ မင်္ဂလာဒုံ ၁၀၈ စားသောက်ရိပ်သာ Mess သို့ ၀၃း၃၀ နာရီတွင် ပို့သည်။ ဒု-ဗိုလ် မင်းအောင်စိန်နှင့် အဖွဲ့က သံချုပ်ကာကားနှင့် နောက်မှ လိုက်၍ စောင့်ရှောက်သည်။ မက်စ်သို့ ၀၃း၅၀ နာရီတွင် ဥက္ကဋ္ဌကြီး ဦးနု ရောက်ရှိသွားသည်။
ထိုအချိန်၌ နောက်ပိုင်းမှစ၍ မြန်မာပြည်တွင် မဆလ လမ်းစဉ်ပါတီမှ တစ်ပါး အခြားသော ပါတီတို့ အားလုံး ဖျက်သိမ်းလိုက်ကြရပြီ ဖြစ်ရာ 'ပြည်သူ့ အရေးတော်ပုံပါတီ' တစ်ဖြစ်လဲ ဖြစ်သော ဆိုရှယ်လစ် ပါတီသည်လည်း အများနည်းတူ ရောနှော ဖျက်သိမ်းလိုက်ရပါသည် ဖြစ်ပါသတည်း။ ဤသည်ကား ပြည်သူ့ အရေးတော်ပါတီ၏ ဇာတ်သိမ်း' ဟု ရေးထားသည်။
ဤစာအုပ်သည် အတ္ထုပ္ပတ္တိဆန်သော သမိုင်းစာအုပ် တစ်အုပ်ဖြစ်ရာ သမိုင်း အချက်အလက်များကို ဖတ်ရှု မှတ်သားကြရမည် ဖြစ်သည်….။
Messenter News Journal
0 comments:
Post a Comment