မကွယ်လွန်မီ လေးလအလို ၂ဝ၁၄ ဒီဇင်ဘာလက ထိုင်း-မြန်မာနယ်စပ် ဒုက္ခသည်စခန်းရှိ နေအိမ်၌ တွေ့ရသည့် နော်မယ်/ဓာတ်ပုံ − အန်ဆန်ဝါ/Myanmar Now
ကျွန်မရဲ့ အိမ်နီးချင်းလည်းဖြစ်၊ သူငယ်ချင်းလည်းဖြစ်၊ ကျွန်မကို ရက်ကန်းသင်ပေးတဲ့ ဆရာမတစ်ဦးလည်းဖြစ်တဲ့ နော်မယ် ဆုံးပါးသွားကြောင်း မေမေဖုန်းဆက် ပြောတဲ့နေ့ကို ကောင်းကောင်း မှတ်မိနေပါတယ်။ အဲဒီနေ့က ၂၀၁၅ မတ်လ ၁၁ ရက်။ ညနေခင်း လေပြည်လေးကလည်း တိုက်ခတ်နေခဲ့ပြီး မဲဆောက်မြို့မှာတက်နေတဲ့ ကျွန်မတို့ကျောင်းက ပြန်လာခါစအချိန်ဖြစ်ပါတယ်။ဒီလိုနေ့ရက်မျိုးကို တစ်ချိန်ချိန်မှာ ရောက်လာလိမ့်မယ်ဆိုတာ သိပြီးသားပေမယ့် ဒီလောက်မြန်မြန်ဆန်ဆန်ကြီး ကြုံတွေ့ရလိမ့် မယ်လို့ ထင်မထားမိခဲ့ပါဘူး။ ကျွန်မဝမ်းနည်း တုန်လှုပ်စွာနဲ့ ငိုကြွေးခဲ့ရပါတယ်။ လွန်ခဲ့တဲ့တစ်လလောက်ကပဲ သူ့ဆီကို ကျွန်မ သွားလည်ခဲ့တယ်။ ထိုင်း-မြန်မာ နယ်စပ် မယ်လဒုက္ခသည်စခန်းမှာရှိတဲ့ ဓနိမိုး၊ ထရံကာအိမ်လေးရဲ့ မှောင်မှောင်မည်းမည်း အခန်းငယ်လေးထဲ အိပ်ရာပေါ်မှာ လဲလျောင်းနေပြီး ဖျော့တော့ပိန်လှီနေတဲ့ သူ့ကို တွေ့ရတဲ့အချိန်မှာ ကျွန်မ အင်မတန် စိတ်မကောင်းဖြစ်ခဲ့ရပါ တယ်။
ကွယ်လွန်ချိန်မှာတော့ သူ့ အသက် (၄၁)နှစ် ရှိပါပြီ။ (၈)နှစ်နဲ့ (၁၀)နှစ်အရွယ် သားနှစ်ယောက်၊ ခင်ပွန်းသည်တို့ ကျန်ရစ်ခဲ့ပါတယ်။ သူက အမြဲတမ်းမျက်မှောင်ကြုတ်ထားသလိုဖြစ်နေပြီး မျက်နှာထားကလည်း ခပ်တည်တည်ဖြစ် နေတဲ့အတွက် သူ့အိမ်နီးချင်းတွေရဲ့ လှောင်ပြောင်စရာဖြစ်နေပါ တယ်။
သူအရင်က ကျွန်မကိုပြောခဲ့တာတစ်ခုရှိပါတယ်။ ‘‘ငါ့ကလေးတွေကို လူပီပီသသ ကြီးပြင်းနိုင်ဖို့ အခွင့်အရေးရစေချင်တယ်။ ပညာတတ်တွေဖြစ်စေချင်တယ်။ ငါနဲ့ ငါတို့အဘိုးအဘွားတွေလို ဒုက္ခ မကြုံစေချင်ဘူး။ ငါ့အတွက်က တော့ ဘာမှမပူတော့ပါဘူး။ ဘဝ တစ်ခုလုံး ဘုရားသခင်ကိုပဲ ပေးအပ်ထားတယ်။ ငါနေရဖို့လည်း သိပ်မကြာတော့ပါဘူး’’လို့ သူက ဝမ်းနည်းစွာနဲ့ အိမ်ပြတင်းပေါက် အပြင်ဘက်ကို ငေးကြည့်ရင်း ကျွန်မကို ပြောပြဖူးပါတယ်။ သူ့ ဘဝရဲ့နောက်ဆုံးနေ့ရက်တွေမှာ သူ့ကို ကျွန်မ ဘာမှမကူညီနိုင်ခဲ့ပါ ဘူး။
မြန်မာ-ထိုင်း နယ်စပ်တစ်လျှောက်က ဒုက္ခသည်စခန်းကိုးခုမှာရှိတဲ့ ဒုက္ခသည်တွေလိုပါပဲ။ နော်မယ်ဟာ ဆင်းရဲမွဲတေမှု၊ စစ်ပွဲ၊ ခွဲခြားဆက်ဆံခံရမှုတွေကြောင့် အချိန်မတန်မီ ဆုံးပါးသွားခဲ့ရတာပါ။ ကရင်ပြည်နယ်က သူ့ဇာတိအရပ်မှာ နေခွင့်မရခဲ့ဘဲ ဒုက္ခသည်စခန်းက နိမ့်ကျတဲ့ ကျန်းမာရေးစောင့်ရှောက်မှုစနစ်ကိုပဲ ရခဲ့ပါ တယ်။
သူ့အဖြစ်အပျက်ဟာ ထူးထူးခြားခြားမဟုတ်ပေမယ့် ကျွန်မ ရင်ထဲမှာ အမြဲရှိနေမှာပါ။ သူ့အဖြစ်အပျက်ကြောင့်ပဲ ရွှေ့ပြောင်း ကရင်တိုင်းရင်းသား အမျိုးသမီးတွေရဲ့အခက်အခဲကို မှတ်မှတ်ထင်ထင် ဖြစ်နေပါတယ်။ ကျွန်မကလည်း ဒီအမျိုးသမီးတွေထဲက တစ်ဦးပါပဲ။
၂၀၀၆ မှာ ဒီဒုက္ခသည်စခန်းကို ကျွန်မစရောက်လာစဉ်မှာပဲ နော်မယ်ကို စတွေ့ခဲ့တာပါ။ အဲဒီတုန်းက ကျွန်မအသက်(၁၀)နှစ်။ အမေ့ဆွေမျိုးတွေက ဒီဒုက္ခသည် စခန်းဟာ လုံခြုံတယ်၊ တည်ငြိမ်မှု ရှိတယ်၊ ကလေးတွေ ပညာသင် နိုင်တယ်၊ အလုပ်အကိုင် အခွင့်အရေးတွေလည်း ရှိတယ်ပြောလို့ အမေနဲ့အတူ ကျွန်မရောက်သွားတာပါ။
နော်မယ်ရဲ့ မျက်ခုံးတွေ ကြောင့် မာရေကြောရေလို့ လူတွေကထင်ပေမယ့် သူဟာ ရိုးသား ကြင်နာတတ်သူပါ။ သူနဲ့စတွေ့ချိန်မှာ သူ့အသက်က (၃၀)ကျော် လောက်ဖြစ်လို့ အသက်အရွယ်ချင်းကွာပေမယ့် သူဟာ ကျွန်မရဲ့ ရင်းနှီးတဲ့သူငယ်ချင်းဖြစ်လာသလို ဆရာမလည်း ဖြစ်လာပါတယ်။ သူငယ်ငယ်က ကရင်ပြည်နယ် မြောက်ဘက် တောင်တန်းဒေသ ဘက်တွေမှာ နေခဲ့တုန်းက သူ့ အမေဆီကနေ ရိုးရာရက်ကန်း ခတ်နည်းသင်ခဲ့ရလို့ နော်မယ်လည်း ရက်ကန်းကျွမ်းကျင်ပါတယ်။
သူဟာ အစွန်အဖျားရွာတစ်ရွာမှာ ကြီးပြင်းခဲ့ပြီး မြန်မာနိုင်ငံ အရှေ့တောင်ပိုင်းဒေသမှာ ကရင်လက်နက်ကိုင်အဖွဲ့တွေနဲ့ အစိုးရတပ်တို့ ဆယ်စုနှစ်များစွာဖြစ်ပွားခဲ့တဲ့ တိုက်ပွဲတွေကြားမှာ ရှင်သန်အောင် နေထိုင်ခဲ့ရပုံတွေအကြောင်း ကျွန်မကို ပြန်ပြောပြပါ တယ်။
နော်မယ်က ကျောင်းစာ မသင်ခဲ့ရသလို ပြင်ပဗဟုသုတလည်း နည်းရှာပါတယ်။ သူဟာ စစ်ပွဲတွေဖြစ်၊ ဆင်းရဲနုံချာတဲ့ နေရာမှာ ဘဝရပ်တည်ရေးအတွက် လယ်သမား၊ ရက်ကန်းသည်အဖြစ် ရုန်းကန်ခဲ့ရတဲ့ ကရင်အမျိုးသမီးတစ်ဦးပါပဲ။
သူ့ရဲ့ ပထမခင်ပွန်းဟာ တိုက်ပွဲမှာဆုံးသွားပြီး သားလေးယောက်စလုံးဟာလည်း ငှက်ဖျား ရောဂါကြောင့် သေဆုံးသွားခဲ့ပါတယ်။ ၂၀၀၄ မှာ ဒုက္ခသည်စခန်း ကို ရောက်လာခဲ့ပါတယ်။ တစ်နှစ် အကြာမှာတော့ ကုလသမဂ္ဂဒုက္ခသည်များဆိုင်ရာ မဟာမင်းကြီးရုံးမှာ မှတ်ပုံတင်နိုင်ခဲ့လို့ အခြေခံအစားအစာ အသုံးအဆောင်လေးတွေကိုတော့ ရခဲ့ပါတယ်။ အဲဒီ နောက်မှာ သူ့ရဲ့ နေထိုင်ရေး တိုးတက်လာပြီး ဘဝလုံခြုံမှုကို ပထမဆုံးအကြိမ် ခံစားလိုက်ရပါတယ်။
ဒုက္ခသည်စခန်းမှာ ကရင် အမျိုးသားတစ်ယောက်နဲ့တွေ့ပြီး ချစ်ကြိုက်ခဲ့ကြပါတယ်။ ဒါပေမဲ့ သူထပ်ယူလိုက်တဲ့သူက မူးယစ်ဆေးစွဲလာပြီး ရှိတဲ့ငွေနည်းနည်းကိုလည်း ဘိန်းနဲ့အရက်အတွက် ဖြုန်းတီးပစ်ခဲ့ပါတယ်။
အဲဒီလိုဖြစ်နေတာနဲ့ ပတ်သက်ပြီး နော်မယ် အပြစ်တင်စကားဆိုတာ ကျွန်မတစ်ခါမှ မကြားခဲ့ဖူးပါဘူး။ ခင်ပွန်းအပေါ် မမှီခိုဘဲနဲ့ ရပ်တည်နိုင်အောင် ကြိုး ပမ်းခဲ့သူပါ။ သားနှစ်ယောက်က ငယ်သေးပေမယ့် အိမ်မှုကိစ္စတွေ လုပ်ရင်း အပြင်အလုပ်တွေကိုပါ လုပ်ခဲ့ပါတယ်။ သွေးနုသားနုချိန်မှာတောင် ရေခပ်၊ အဝတ်လျှော်တာတို့တွေလုပ်ပါတယ်။
ကျွန်မက သူ့အိမ်ကိုနေ့တိုင်း နီးပါးရောက်ပြီး ရက်ကန်းရက်သင်ပါတယ်။ သူစိုးရိမ်ထိတ်လန့်နေရ တာတွေအကြောင်း ကျွန်မကို တိုးတိုးတိတ်တိတ် ပြောပြပါတယ်။ သူ အပြင်းအထန်ဖျားနေချိန်မှာတော့ သူ့ဘေးနား ကျွန်မ မရှိနိုင်ဘဲ ပညာသင်ဖို့ အဝေးကို ရောက်နေပါတယ်။
ကျန်းမာရေးမကောင်းတဲ့ တခြားဒုက္ခသည်တွေလိုပဲ နော်မယ်ဟာ ရောဂါသက်သာဖို့ နီးစပ်ရာဆေးခန်းတစ်ခုကနေ အခြေခံ ဆေးဝါးလေးတွေရပြီး နေ့စဉ်အလုပ်တွေကို ဆက်လုပ်ပါတယ်။
သူ့သားအိမ်က ဇောက်ထိုး ဖြစ်နေတယ်လို့ ဆရာဝန်ကပြောပြီး အလေးအပင်တွေကိုမသယ်ဖို့ သတိပေးခဲ့ပေမယ့် ဒုက္ခသည်စခန်းမှာလုပ်ရတဲ့အလုပ်တွေက ဒါကို ရှောင်ဖို့မဖြစ်နိုင်ခဲ့ပါဘူး။
သူ့ယောက်ျားက သူ့ကိုဂရုမစိုက်တဲ့အပြင် ရောဂါကို ပုံကြီးချဲ့နေတယ်လို့တောင် ထင်ပါ တယ်။ ၂၀၁၄ နှစ်လယ်ပိုင်း ရောဂါပြင်းထန်လာချိန်အထိ အလုပ်တွေ ဆက်လုပ်နေရသေးတယ်။
နောက်ဆုံး အဲဒီနှစ် ဒီဇင်ဘာလမှာတော့ ဒုက္ခသည်စခန်းက ဆေးရုံကြီးကို တင်လိုက်ရပါတော့တယ်။ နော်မယ်ရဲ့သားအိမ်ကင်ဆာဟာ နောက်ဆုံးအခြေအနေကို ရောက်နေလို့ ဆရာဝန်တွေက လက်လျှော့လိုက်ပြီဆိုတဲ့ အကြောင်း အမေက အဝေးမှာ ကျောင်းတက်နေတဲ့ ကျွန်မကို လှမ်းပြောပါတယ်။
ဒေါ်လာသောင်းနဲ့ချီပြီး အကုန်အကျခံနိုင်မယ်ဆိုရင်တော့ ရောဂါကို ကုလို့ရမယ့်အကြောင်း ဆရာဝန်တွေက ရှင်းပြပါတယ်တဲ့။ သူ့အနေနဲ့ အထည်လေးတွေရက်ပြီးတော့ ဝင်ငွေရနေတာဖြစ်ပြီး နှစ်ရက်ကြာမှ တစ်ထည်လောက်ပြီးတာပါ။
သူ့မှာ ငွေပိုမရှိသလို ဘယ်သူကမှလည်း သူ့ကို မထောက်ပံ့တာကြောင့် သူနေတဲ့ တဲလေးဆီကိုပဲ ပြန်လာပြီး နောက်ဆုံးခေါင်းချရမယ့်နေ့ကိုပဲ စောင့်နေခဲ့ရပါ တယ်။
သူ့အဖြစ်ကိုကြည့်ပြီး စစ်ပွဲ တွေ၊ ဆင်းရဲမှုတွေသာရှိပြီး ကောင်းမွန်တဲ့ ကျန်းမာရေးစောင့် ရှောက်မှုတွေ မရနိုင်တဲ့နေရာက တခြားအမျိုးသမီးတွေ ဘယ် လောက်များများ နော်မယ်လို ဒုက္ခတွေကြုံ တွေ့နေရမလဲလို့ တွေးမိပါတယ်။ အမျိုးသမီးတွေဟာ ထိခိုက်ခံရပိုလွယ်သူတွေပါ။ ရှေးရိုးစွဲနေတဲ့ ယဉ်ကျေးမှုတွေကပဲ သူတို့ကို ကြုံလာသမျှ ကံကြမ္မာကို ဆိတ်ဆိတ်နေပြီး လက်ခံဖို့ သင်ကြားပေးနေတာပါ။
ပစ်ပယ်ခံရတဲ့သူတွေ၊ သူတို့ ရဲ့အခွင့်အရေးတွေကို မသိရှာတဲ့ သူများရဲ့ဘဝဟာ ကြမ်းတမ်းလွန်းပါတယ်။ အပြင်လောကကိုကြည့်ခွင့်မရဘဲ နာကျင်မှုတွေကြိတ်မှိတ် ခံစားနေရတဲ့ ဒီအမျိုးသမီးတွေ အကြောင်း စဉ်းစားမိတိုင်း ကျွန်မ ရင်ထဲမှာ နာကျင်မိပါတယ်။ သူတို့အတွက် လွတ်မြောက်ရာလမ်း ရှာတွေ့လာနိုင်မလား။ ကျွန်မ မသိပါဘူး။ မျှော်လင့်ရုံပဲ မျှော်လင့်နိုင်တာပါ။
ဒုက္ခသည်စခန်းမှာကြီးပြင်းခဲ့ ရတဲ့ ကျွန်မမှာ နော်မယ်ရဲ့ဘဝကို လှစ်ဟပြဖို့ တာဝန်ရှိတယ်ဆိုတာ နားလည်ထားပါတယ်။ စာနယ်ဇင်းလောကကို စတင်ဝင်ရောက်လာသူ ကျွန်မအဖို့ ဒီလိုအဖြစ် အပျက်မျိုးကို မျှဝေရေးသားခြင်း ဟာ ကျွန်မတို့အသိုင်းအဝိုင်းထဲက အကာအကွယ်မဲ့ ဒုက္ခရောက်နေသူတွေအကြောင်း ဆွေးနွေးမှုဖြစ် လာနိုင်မယ်လို့ မျှော်လင့်နေတာ ပါ။
ဒါဆိုရင် သူတို့ဘဝတွေအကြောင်း ပြင်ပကမ္ဘာကလည်း တဖြည်းဖြည်း သိရှိလာပါလိမ့်မယ်။ သူတို့ရသင့်တဲ့ အကူအညီတွေကိုလည်း လူတွေက ပေးလာနိုင်မှာဖြစ်ပါတယ်။
(Myanmar Now သတင်းဌာန အလုပ်သင်သတင်းထောက် အန်ဆန်ဝါ၏ ဆောင်းပါးကို အောင်ခင်ဘာသာပြန်သည်။)
ဧရာဝတီ
0 comments:
Post a Comment