ဘင်္ဂလားဒေ့ရှ်နိုင်ငံရှိ ပြွတ်သိပ်ကျပ်နေတဲ့ ဒုက္ခသည်စခန်းတွေမှာ နေထိုင်နေတဲ့ သိန်းနဲ့ချီတဲ့ ရိုဟင်ဂျာတွေက အကြမ်းဖက် နှိပ်စက်မှုကြောင့် ထွက်ပြေးခဲ့ရာ မြန်မာနိုင်ငံကို ပြန်ရမယ်လို့ ဝန်ကြီးချုပ် ရှိတ်ဟာစီနာက ကုလသမဂ္ဂ လူ့အခွင့်အရေး မဟာမင်းကြီး မစ်ချယ်ဘာချီလတ်ကို ပြောပါတယ်။
နိုင်ငံတစ်ဝန်း တိုးချဲ့ဖွဲ့စည်းလိုက်တဲ့ ခရိုင်တွေမှာ တရားစီရင်ရေးလုပ်ငန်းတွေ ဆောင်ရွက်နိုင်ရေးအတွက် ခရိုင် တရားရုံးအသစ်တွေ တိုးချဲ့ ဖွင့်လှစ်ခွင့် ပြုလိုက်ပြီလို့ ပြည်ထောင်စု တရားလွှတ်တော်ချုပ် ညွှန်ကြားရေးမှူးချုပ် ဦးဇော်မင်းအောင်က ပြောပါတယ်။ တစ်နိုင်ငံလုံး အတိုင်းအတာနဲ့ ခရိုင်တရားရုံးအသစ်တွေ တိုးချဲ့ဖွင့်လှစ်ခွင့် ပြုတဲ့ အမိန့်ကြော်ငြာစာတွေကိုတော့ ဩဂုတ် (၁၇) ရက်က ထုတ်ပြန်ကြေညာလိုက်ပြီ ဖြစ်တယ်လို့လည်း သူက ဆိုပါတယ်။
အမျိုးသားဒီမိုကရေစီအဖွဲ့ချုပ်(NLD)ပါတီအနေနဲ့ ရွေးကောက်ပွဲနဲ့စပ်လျဉ်းပြီး စစ်ဆေးခံရမယ့်သူတွေကို ဆက်သွယ်လို့မရတာကြောင့် စစ်ဆေးဖို့ကြန့်ကြာနေတာလို့ ပြည်ထောင်စုရွေးကောက်ပွဲကော်မရှင်ရဲ့ ပြောဆိုချက်အရ သိရပါတယ်။
ငွေစက္ကူအသစ်ထပ်မံရိုက်နှိပ်တာကြောင့် ငွေကြေးဖောင်းပွလာတယ်ဆိုပြီး ဝါဒဖြန့်နေမှုနဲ့ ပတ်သက်ပြီး ငွေကျပ် ဘီလီယံ ၄၀၀ ဟာ အသစ်ရိုက်နှိပ်ထားတာမဟုတ်ဘဲ ယခင်ကတည်းက သီးသန့်ထားရှိခဲ့တဲ့ ငွေတွေဖြစ်တယ်လို့ သတင်းထုတ်ပြန်ရေးအဖွဲ့ခေါင်းဆောင် ဗိုလ်ချုပ်ဇော်မင်းထွန်းက ပြောကြားလိုက်ပါတယ်။
သေဒဏ်ပေးတာတွေကို ဆိုင်းငံ့ထားဖို့နဲ့ ထိန်းသိမ်းခံထားရတဲ့ လူငယ်တွေအပါအဝင်နိုင်ငံရေးအကျဉ်းသားအားလုံးကို ပြန်လွှတ်ပေးဖို့ မြန်မာနိုင်ငံဆိုင်ရာ ကုလအထူးကိုယ်စားလှယ်က စစ်ကောင်စီဥက္ကဌနဲ့တွေ့ဆုံစဉ် ပြောကြားလိုက်ပါတယ်။
ဧရာဝတီတိုင်း၊ ကျိုက်လတ်မြို့နယ်မှာ ရပ်ကွက် ၁ ခုကိုအနည်းဆုံး အမာခံ လူငယ် ၁၀ ဦးထားပြီး ပြည်သူ့စစ်ဖွဲ့ဖို့လုပ်နေကြတယ်လို့ကျိုက်လတ်မြို့နယ်က ဒေသခံတွေဆီကနေသိရပါတယ်။
ဧရာဝတီတိုင်းမှာ စက်သုံးဆီရောင်းချတဲ့ဆိုင်တွေကို ဆီဆိုင်မပိတ်ဖို့၊ဈေးတင်မရောင်းဖို့၊ အကန့်အသတ်နဲ့ မရောင်းဖို့ဆိုပြီး ပူးပေါင်းအဖွဲ့တွေက လိုက်လံစစ်ဆေးသတိပေးပြောဆိုနေပြီး သတိပေးချက်တွေမလိုက်နာရင် အရေးယူမယ်လို့သတိပေးလာတယ်လို့ဒေသခံစက်သုံးဆီရောင်းဝယ်ရေးလုပ်ငန်းရှင်တွေဆီကနေသိရပါတယ်။
ကုလကိုယ်စားလှယ်ရဲ့ မြန်မာပြည် ခရီးစဉ်က စစ်ကောင်စီကို တရားဝင်အစိုးရအဖြစ် ကုလသမဂ္ဂက အသိအမှတ်ပြုတာမျိုး မဟုတ်ဘူးလို့ ကုလအတွင်းရေးမှူးချုပ်၏ ဒုတိယပြောရေးဆိုခွင့်ရှိသူ Farhan Haq ကကုလသမဂ္ဂ သတင်းစာရှင်းပွဲတွင် မြန်မာနိုင်ငံဆိုင်ရာကုလအတွင်းရေးမှူးချုပ်၏အထူးကိုယ်စားလှယ်Noeleen Heyzer မြန်မာနိုင်ငံသို့ ပထမဆုံးအကြိမ် လာရောက်ခြင်းနှင့်ပတ်သက်သည့် သတင်းစာရှင်းလင်းပွဲမှာ ပြောဆိုလိုက်တာပါ။
PDF ကိုထောက်ပံ့သဖြင့် KIA လက်နက်စက်ရုံကို ဗုံးကြဲရန် ဘူးလက်လှဆွေက စစ်ကောင်စီကို ပြောကြားသည်။
ကျန်းမာရေးဝန်ကြီးဌာနရဲ့ ထုတ်ပြန်ချက်တွေအရ ကိုဗစ်လူနာသေဆုံးမှု နှစ်ရက်ဆက်တိုက်ရှိခဲ့တယ်လို့ သိရပါတယ်။
မိုဘိုင်းငွေကြေးဝန်ဆောင်ဖြင့် ငွေလွှဲ၊ငွေထုတ်သူကို မှတ်တမ်းတင်နိုင်ဖို့အတွက် လျှို့ဝှက်CCTVတပ်ဆင်ဖို့၊ ဒါမှမဟုတ် လျှို့ဝှက်ဓာတ်ပုံရိုက်ထားဖို့ အချက်အပါအဝင် လိုက်နာရမယ့်အချက်တွေကို ဗဟိုဘဏ်က မိုဘိုင်းငွေကြေးဝန်ဆောင်မှုပေးနေတဲ့လုပ်ငန်းတွေ၊ မိုဘိုင်းငွေကြေးဝန်ဆောင်မှုပေးနေတဲ့ဘဏ်တွေကို ညွှန်ကြားထားပါတယ်။
မြန်မာနိုင်ငံကိုရောက်ရှိနေတဲ့ ကုလသမဂ္ဂအတွင်းရေးမှူးချုပ်ရဲ့ မြန်မာနိုင်ငံဆိုင်ရာ အထူးကိုယ်စားလှယ် မစ္စနိုလင်းဟေဇာဟာ နိုင်ငံခြားရေးဝန်ကြီးဌာနပြည်ထောင်စုဝန်ကြီး ဦးဝဏ္ဏမောင်လွင်နဲ့ ဩဂုတ်(၁၇)ရက်က နေပြည်တော်မှာ တွေ့ဆုံခဲ့တယ်လို့ သတင်းထုတ်ပြန်ပါတယ်။
မြန်မာနိုင်ငံရဲတပ်ဖွဲ့ဝင်တွေအနေနဲ့ အငြိမ်းစားယူရမယ့်အသက်ဖြစ်တဲ့ အသက်(၆၀)ပြည့်ရင် သက်ပြည့်ပင်စင်ယူရမှာဖြစ်ပြီး သတ်မှတ်ချက်တွေနဲ့အညီ သက်ပြည့်ပင်စင်ခံစားခွင့်ရှိမယ်လို့ ဥပဒေကို ပြင်ဆင်လိုက်ပါတယ်။
ရခိုင်ပြည်နယ်၊ တောင်ကုတ်မြို့နယ်ရှိ မြန်မာ့သစ်လုပ်ငန်းဆင်ဝိုင်းမှ ဆင်ဖြူလေးသည် မိခင်ဆင်မကြီးနှင့်အတူ ကျန်းမာပျော်ရွှင်လျက်ရှိကြောင်း သစ်တောနှင့် သဘာဝပတ်ဝန်ကျင်ထိန်းသိမ်းရေးဝန်ကြီးဌာနက ထုတ်ပြန်သည်။
မြန်မာနိုင်ငံတွင် Facebook ကိုအစားထိုးရန်အတွက် နိုင်ငံတော်စီမံအုပ်ချုပ်ရေးကောင်စီ (နစက) အနေဖြင့် social media ပလက်ဖောင်းတခုကို တီထွင်းနေကြောင်း ဗိုလ်ချုပ်ဇော်မင်းထွန်းက ပြောသည်။
AAPP ၏ ဩဂုတ်လ (၁၇) ရက်နေ့အထိ ထုတ်ပြန်ချက်အရ မြန်မာနိုင်ငံတဝှမ်းလုံးတွင် စစ်အာဏာသိမ်းမှုကာလ ရက် (၅၆၃)အတွင်း ပြည်သူ (၂၂၁၅)ဦးအထိ အကြမ်းဖက် သတ်ဖြတ်ခံခဲ့ရကြောင်း သိရသည်။
အာဏာသိမ်း စစ်ကောင်စီက ငြိမ်းချမ်းရေး ဆွေးနွေးထားတဲ့ တိုင်းရင်းသားလက်နက်ကိုင် အဖွဲ့အစည်း ၁၀ ဖွဲ့နဲ့ ထပ်မံ တွေ့ဆုံသွားမယ်လို့ စစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင်က သြဂုတ် ၁၆ ရက်နေ့မှာ ပြောဆိုခဲ့ပါတယ်။
