မောင်ဒိုး (ကံပေါက်)
ဗေဒါနှင့်ရွှေကြာ ဆွေးနွေးခန်း
ဗေဒါ ။ ။ယူကရိန်းရဲ့ ခရိုင်းမီးယားအရေးပြီးတော့ ကျွန်တော်တို့နိုင်ငံမှာလည်း အခုတလော “၀” နယ် အရေးကို စိုးရိမ်စိတ် နဲ့ ရေးသားလာကြတယ်။ ဒါပေမဲ့ မတ်လ ၂၂ ရက်ထုတ် ဒီမိုကရေစီတူဒေး သတင်း စာမှာ စစ်တွေနဲ့မောင်တောဒေသတွေမှာ ခရိုင်းမီးယားလို ဆန္ဒခံယူပွဲလုပ်ပြီး ဘင်္ဂလားဒေ့ရ်ှက စစ်တ ကောင်းနဲ့ ပူးပေါင်းသင့်တယ်ဆိုပြီး ဘင်္ဂလားဒေ့ရ်ှနိုင်ငံထုတ် aka Tribune သတင်းစာမှာ ရေးသားထား တာကို ထပ်ဆင့် ဖော်ပြထားတာဖတ်ရလို့ တော်တော်ကိုအံ့သြဖို့ ကောင်းတယ်ဗျ။
ရွှေကြာ ။ ။ဟုတ်လား ...ဒီလိုဆိုရင်တော့ ဒါမျိုးက ရခိုင်ဒေသမှာ လက်ရှိဖြစ်နေတဲ့ အနေအထားတွေကို အခြေအနေ ပိုဆိုးအောင် ထပ်ဆင့်သွေးထိုး လှုံ့ဆော်လိုက်တာပဲလို့ ထင်တယ်။ ဆိုစမ်းပါဦး ...ဘာတွေ ဆက်ရေးထားသေးသလဲ။
ဗေဒါ ။ ။သတင်းစာဆရာ ဇီးဟန်း ခန်ဆိုသူက “ရခိုင်ပြည်နယ်မှာ ဆန္ဒခံယူပွဲလား” (A Referendum in Rakhine State)လို့ ခေါင်းစဉ်တပ်ပြီး ရေးထားတာပါ။ အကျဉ်းချုံး ပြောရရင်တော့ ရခိုင်ပြည်နယ်မှာ နေ ထိုင်သူတွေရဲ့ ၄၂ ရာခိုင်နှုန်းဟာ ဘင်္ဂါလီစကား ပြောနေကြတယ်။ စစ်တွေနဲ့မောင်တောမှာ ၉၅ရာခိုင်နှုန်း ရှိတယ်။ စစ်တွေနဲ့မောင်တောမှာ ခရိုင်းမီးယားလို ပြည်သူ့ဆန္ဒခံယူပြီး ရခိုင်ပြည်နယ်အစား ဘင်္ဂလားဒေ့ရ်ှ နိုင်ငံက စစ်တကောင်းပြည်နယ်အောက်ကို အဲဒီဒေသတွေ ပူးပေါင်းသင့်တယ်ဆိုပြီး ရေးထားတာပါ။
ရွှေကြာ ။ ။ဒီလိုတော့ ဘယ်ရမလဲဗျာ။ “ညောင်ဦးကမ်းပါးပြို၊ စမ္ပာနဂိုရ်က နွားမ ပေါင်ကျိုး” ဆိုသလိုပဲ။ ဘာမှ မဆိုင်ပါဘူး။ ခရိုင်းမီးယားပြဿနာနဲ့ ရခိုင်ဒေသပဋိပက္ခကို ဒီလိုအတင်းအကြပ်ကြီး ဆွဲစေ့လို့တော့ ဘယ်ရမလဲဗျ။ ခရိုင်းမီးယားရဲ့ သမိုင်းနောက်ခံနဲ့ ရခိုင်ဒေသနောက်ခံ အခြေအနေကလည်း လုံးဝကွဲပြား နေတာပဲလေ။ ဒီလို ပြောမယ်ဆိုရင် စစ်တကောင်းဒေသဟာ မြန်မာဘုရင်တွေ လက်ထက်ကဆိုရင် မြန် မာပိုင်နက်ထဲမှာတောင် ရှိခဲ့တာပဲဗျ။
ဗေဒါ ။ ။သမိုင်းအရ ပြောကြစတမ်း ဆိုရင်လည်း ၁၈၂၄ အင်္ဂလိပ်-မြန်မာ စစ်ပွဲမှာစစ်ရှုံးလို့ ရခိုင်ဒေသ ကိုနယ်ချဲ့အင်္ဂလိပ်ဆီ ပေးလိုက်ရပြီးနောက်ပိုင်းကျမှ ဘင်္ဂလားဒေ့ရ်ှ နိုင်ငံက ဘင်္ဂါလီတွေ ရခိုင်ဒေသကို တဖြည်းဖြည်းနဲ့ စိမ့်ဝင်လာတာပါ။ ဒီတော့ အခုချိန်ကျမှ ခရိုင်းမီးယားအရေးကို ပုံတူကူးချပြီး ဒီလိုသွေးထိုး လှုံ့ဆော် ရေးသားမှုမျိုးကတော့ မီဒီယာကျင့်ဝတ်နဲ့လည်းမညီ၊ အိမ်နီးချင်းနှစ်နိုင်ငံအကြားမှာလည်း မျက်နှာ ပျက်စရာ ဖြစ်တယ်လေ။
ရွှေကြာ ။ ။အေးဗျာ ...။ ဒီလိုပုံစံမျိုးနဲ့ဆိုရင်တော့ အနောက်ဖက် ခြံစည်းရိုးကတော့ ခါတိုင်းထက်ပိုပြီး လုံ ခြုံမှုသတိရှိဖို့ လိုလာပြီပေါ့ဗျာ။ လောလောဆယ် အနေအထားတောင်မှ ဘင်္ဂါလီရွာအချို့မှာ ကိုယ့်အိမ် ကိုယ် မီးရှို့မှုတွေ၊ လုယက်တိုက်ခိုက်မှုတွေ၊ သန်းခေါင်စာရင်း ကောက်ယူရေးကို မကြေလည်လို့ ဆန္ဒပြ မှုတွေစတဲ့ ...နှစ်ဖက်အကြား အပွန်းအပဲ့မခံတဲ့ကိစ္စတွေ ဆက်တိုက် ဖြစ်နေတော့ ဒီလို လှုံ့ဆော်မှုမျိုး ကြောင့် ဖြစ်လာနိုင်တဲ့ နောက်ဆက်တွဲကိစ္စကိုလည်း သတိထားဖို့လိုတယ်။ ဒါနဲ့ လက်ရှိ အနောက်ဖက် နယ်စပ်လုံခြုံရေးက ဘယ်လို အခြေအနေရှိသလဲ။
ဗေဒါ ။ ။နစက (နယ်စပ်ဒေသ လူဝင်မှုစစ်ဆေးရေး ကွပ်ကဲမှုဌာနချုပ်)ကို ဖျက်သိမ်းစတုန်းကတော့ ရခိုင်ပြည်နယ်ဒေသခံတွေ စိုးရိမ်မှုတွေ မြင့်တက်ခဲ့ကြတာကတော့ အမှန်ပဲဗျ။ ဒါပေမဲ့ အခုနောက်ပိုင်း ကျတော့ ရဲတပ်ရင်းတွေ ထပ်ပြီးတိုးချဲ့တာ၊ (မကဖ)လို့ခေါ်တဲ့ နိုင်ငံခြားသားများ တရားမ၀င် ၀င်ရောက် ခြင်းမှ ကာကွယ်တားဆီးရေးအဖွဲ့နဲ့ပေါင်း လူဝင်လူထွက်ကို အရင်ကထက် ပိုပြီး ဖိဖိစီးစီး လုပ်နေတာ။ နယ်စပ်တလျှောက် လုံခြုံရေးကင်းစခန်း ၃၆ ခုရှိပြီး နောက်ထပ်လည်း ၁၅ ခု ထပ်ဆောက် နေတာတွေ ကြောင့် အရင်ကထက်စာရင် သိပ်ပြီး စိုးရိမ်စရာတော့ မရှိပါဘူး။ ဒါပေမဲ့ သတိဆိုတာက ပို တယ်လို့ မရှိ ဘူးပေါ့ဗျာ။
ရွှေကြာ ။ ။အခုတလော အင်တာနက် လူမှုကွန်ရက် စာမျက်နှာတွေအပေါ်မှာ ၂၀၁၂ တုန်းက ဘင်္ဂလား ဒေ့ရ်ှနယ်စပ်မှာ ခြံစည်းရိုးကာရင်း RSO လို့ခေါ်တဲ့ အဖွဲ့ရဲ့ ဖမ်းဆီးတာကိုခံလိုက်ရတဲ့ တပ်မတော်သား တစ်ယောက်နဲ့ အရပ်ဖက် ၀န်ထမ်းနှစ်ယောကရဲ့ပုံတွေကို ဖော်ပြထားသေးတယ်။
ဗေဒါ ။ ။အခုချိန်ကျမှ ဒီလို ဖော်ပြတယ်ဆိုတာမျိုးက စဉ်းစားစရာပဲဗျ။ သတင်းတွေရဲ့ ရေးသားဖော်ပြ ချက်အရဆိုရင် အဖမ်းခံလိုက်ရတဲ့ သုံးယောက်စလုံး သေဆုံးသွားပြီလို့ ကောက်ချက် ချထားကြတယ် လေ။ ဒါကြောင့်လည်း ရခိုင်ဒေသမှာ အခြားဒေသတွေနဲ့စာရင် မောင်တောဒေသခံတွေက စိုးရိမ်မှု ပိုကြီး တယ်ဗျ။ သူတို့ဒေသက တစ်ဖက်နိုင်ငံနဲ့လည်း အရမ်းနီးကပ်နေတာကိုး။ မောင်တောမှာ အစိုးရလက်နက် ကိုင် တပ်ဖွဲ့မျိုးစုံရှိတာတောင် နယ်စပ်ရွာတွေမှာ ဓားပြမှုတွေ၊ ပြန်ပေးမှုတွေ၊ ဘင်္ဂါလီတွေ ခိုးဝင်ခိုးထွက် လုပ်တာတွေ အများကြီး ရှိနေသေးတယ်လေ။ နှစ်နိုင်ငံ နယ်စပ်ခြံစည်းရိုး ကာထားတယ် ဆိုပေမဲ့လည်း လက်ချင်းယှက်ပြီး ကာကွယ်ထားနိုင်တာမျိုး မဟုတ်တော့ ရာနှုန်းပြည့် ကာကွယ်နိုင်ဖို့ဆိုတာ မလွယ်ဘူး လို့ ထင်တယ်။
ရွှေကြာ ။ ။တကယ်တမ်း စိုးရိမ်စရာကောင်းတာက နယ်စပ်ဒေသတွေ အကုန်လုံးပဲဗျ။ ဒီနှစ်ဆန်းက လူ မျိုးခြားတွေ နယ်စပ်ဖြတ်ပြီး ကျွန်တော်တို့နိုင်ငံထဲ တရားမ၀င်၊ ၀င်ရောက်နေတာနဲ့ ပတ်သက်ပြီး ပြည် ထောင်စုလွှတ်တော်မှာ ကိုယ်စားလှယ် တစ်ယောက်ကမေးတော့ (လ၀က) ဒုတိယ၀န်ကြီးက (မကဖ) ၂၃ ဖွဲ့ဖွဲ့ပြီး ဆောင်ရွက်နေတယ်လို့ ဖြေသွားတယ်။ ဒီလိုပြောနေရင်းနဲ့ အရှေ့၊ အနောက်နယ်စပ် နှစ်ခု စလုံးကနေပြီး လူမျိုးခြားတွေ ဒလဟော ၀င်နေကြတာပဲလေဗျာ။ အရှေ့မြောက်ဒေသနဲ့ မန္တလေးလိုနေရာ မျိုးမှာဆိုရင် ပေါက်ဖော်တွေကဘဲ တဖြည်းဖြည်း လွှမ်းမိုးလာနေတာ ခင်ဗျားလည်း သိတဲ့အတိုင်းပဲ။ ရွှေ တွင်းတွေမှာဆိုရင်လည်း တရားမ၀င် တရုတ်နိုင်ငံသားတွေ မကြာခဏ ဖမ်းမိနေတာပဲ။ တချို့ မျက်နှာစိမ်း တွေများဆိုရင် ဗမာစကားကို ပြောမတတ်သာ နေရမယ်။ နိုင်ငံသားစိစစ်ရေးကတ်ကိုတော့ မသမာတဲ့ နည်းမျိုးစုံနဲ့ ခပ်တည်တည် ကိုင်ထားကြသေးတာဗျ။
ရွှေကြာ ။ ။ဒါကလည်း ကျွန်တော်တို့ နိုင်ငံမှာ လှိုက်စားနေတဲ့ အကျင့်ပျက် လာဘ်စားမှုကြီးရဲ့ ပြယုဒ်လို့ ပဲ ပြောရမှာပေါ့ဗျာ။
“မြေမျိုလို့ လူမျိုးမပြုတ်၊လူမျိုမှ လူမျိုးပြုတ်မည်” ဆိုတဲ့ဆောင်ပုဒ်က ကြားရတဲ့လူတိုင်း နားထောင်လို့တော့ အကောင်းသားဗျ။ ဒါပေမဲ့ လက်တွေ့မှာ ဌာနဆိုင်ရာ ၀န်ထမ်းတချို့ ကိုယ့်အတ္တ တစ်ခုတည်း ကြည့်ပြီး အကျင့်ပျက်လာဘ်စားမှု လုပ်နေကြတာ တွေ့ရတော့ “လူမျိုလို့ လူမျိုးမပြုတ်၊ ငွေမျို ရင် လူမျိုးပါ ပြုတ်မည်” လို့ ပြောရမလိုတောင် ဖြစ်နေပြီ။ ခြုံပြောရရင်တော့ဗျာ ... လူ ဦးရေအရ ကျွန်တော်တို့နိုင်ငံထက် အဆ ပေါင်းများတဲ့ အိမ်နီးချင်းနိုင်ငံတွေရဲ့ နယ်စပ်ခြံစည်းရိုးတွေ ကျိုးပေါက်နိုင်တဲ့ အရေးမှာ လက်နက်ကိုင်တပ် ဖွဲ့တွေရဲ့ တာဝန်လို့ ပုံမချဘဲ လူဝင်လူထွက်ကို ကြီးကြပ်တဲ့ ဌာနဆိုင်ရာတွေအနေနဲ့လည်း လာဘ်ပေး လာဘ်ယူမှုနဲ့ကင်းရှင်းဖို့ လိုတယ်လို့ ယူဆပါတယ်ဗျာ။
Mizzima News
0 comments:
Post a Comment