သင့်ချစ်သူက လမ်းခွဲမယ်လို့ ပြောတဲ့အခါ ဒီအချက်လေးတွေနဲ့ ပြန်ဆွဲထားနိုင်အောင် ကြိုးစားပါ

ချစ်သူနှစ်ဦး တစ်ဦးနဲ့တစ်ဦး ချစ်ရက်သားနဲ့ တကယ်လမ်းခွဲလိုက်ရတဲ့ အဖြစ်မျိုးတွေ ရှိပါတယ်။ တစ်ဖက်က စိတ်တိုတုန်းခဏပြောလိုက်တာကို အတည်ယူပြီး လမ်းခွဲလိုက်ကြပြီးမှ နှစ်ဦးစလုံး ခံစားနေကြရတာမျိုးတွေလည်း အများကြီးပါ။ ဒါ့ကြောင့် တစ်ဖက်က ငါ မခံစားနိုင်တော့ဘူး လမ်းခွဲတော့မယ်လို့ ပြောလိုက်တဲ့အခါ သူ့စိတ်ထဲက တကယ်လမ်းခွဲချင်လို့ ဖြစ်ချင်မှ ဖြစ်မှာပါ။ ကိုယ့်အပြုအမူတွေ ပြောင်းလဲလာမလားဆိုတဲ့ မျှော်လင့်ချက်နဲ့ ပြောတာမျိုးတွေလည်း ရှိနေပါ တယ်။ ဒီတော့ သူက ကိုယ့်ကို လမ်းခွဲတော့မယ်လို့ ပြောတဲ့အခါ ဒီအချက်ကလေးတွေနဲ့ ကိုယ့်ချစ်သူကို ပြန်ဆွဲထားနိုင်အောင်ဖို့ ကြိုးစားကြည့်လိုက်ပါ။၁။သူတို့ပြောချင်နေတဲ့ စကားတွေကို နားထောင်ပေးလိုက်ပါ။

သင့်အနေနဲ့ ပထမဆုံး လုပ်ဆောင်ရမယ့်အရာကတော့ တစ်ဖက်လူပြောချင်တဲ့စကားကို နားထောင်ပေးဖို့ပါပဲ။ သူကိုယ့်ကို အပြစ်တင်ချင်ရင် တင်နိုင်ပါတယ်၊ သူခံစားရတာ၊ သူဘာတွေနာကျင်တယ်ဆိုတာ အားလုံးသူဖွင့်ဟလာပါလိမ့်မယ်။ ကိုယ့်ဘက်က နားထောင်ပေးလိုက်ပါ။ တစ်ခုသတိထားရမှာက သူပြောသမျှအရာတွေအားလုံးကို ကိုယ့်ဘက်က ပြန်ငြင်းခုံတာမျိုး မလုပ်မိဖို့ပါပဲ။ သူပြောတာအားလုံးပြီးသွားပြီ ဆိုတော့မှ မေးခွန်းလေးတွေ မေးပါ။ ဘယ်လိုလုပ်ရင် သူ ပျော်ရွှင်လိမ့်မလဲ။ ကိုယ့်ဘက်က ဘာတွေပြင်ပေးနိုင်မလဲ။ လမ်းခွဲခြင်းဟာ အကောင်းဆုံး နည်းလမ်းလို့ ထင်သလား စတာတွေ မေးပါ။

၂။ တစ်ဖက်လူ ခံစားနေရတာတွေကို နားလည်မှုပေးလိုက်ပါ။

သူ့ဘက်က သူခံစားရတာတွေကို ဖွင့်ဟလာတဲ့အခါ ကိုယ့်ဘက်က သူ့ခံစားချက်ကို မလှောင်ပြောင်သင့်ပါဘူး။ လှောင်ပြောင်ပြောဆိုခြင်းဟာ သူ့အတွက် အဆိုးဝါးဆုံး ခံစားချက်တွေ ထပ်မံဖြစ်ပေါ်စေမှာပါ။ ဒါဟာ နှစ်ဦးသားလမ်းခွဲဖို့ ပိုမိုသေချာသွားစေမှာမို့ တစ်ဖက်လူ ခံစားနေရတာတွေ အတတ်နိုင်ဆုံး နားလည်အောင် ကြိုးစားရင်း သူ့ကိုလေးစားမှုရှိတယ်ဆိုတာ ပြပါ။

၃။အခြေအနေကို ပြောင်းလဲဖို့ ကြိုးစားပါ။

အပေါ်က အချက်နှစ်ချက်နဲ့ အဆင်ပြေလာပြီဆိုတာနဲ့ နောက်ဆုံးတစ်ချက်အနေနဲ့ အခြေအနေတွေကို ပြောင်းလဲဖို့ ကြိုးစားပါ။ တစ်ဖက်လူဘက်က စိတ်အေးဆေးတည်ငြိမ်လာပြီဆိုတာနဲ့ ကိုယ့်ကိုမင်းအရင်လို ပြန်ချစ်ဖို့ ဘယ်လိုကြိုးစားရမလဲဆိုတာမျိုး၊ ကိုယ့်ဘက်က ဘာတွေပြုပြင်နိုင်မယ်ဆိုတာမျိုးတွေ သူ့ကိုမေးပြီး အရင်လို ပြန်အဆင်ပြေသွားအောင် ကြိုးစားလိုက်ပါ။

Ref:mensxp.com

မေသော် 

Trend Myanmar