မိဘတွေအနေနဲ့ စဉ်းစားကြည့်၊ ကျောင်းကိုပို့တာ ကိုယ့်သားသမီးစာသင်ဖို့လား။ ကျောင်းသားသမဂ္ဂ လုပ်ဖို့လား။ ဒီငယ်ငယ်လေးတွေ အခြေခံမူလတန်း၊ အလယ်တန်း၊ အထက်တန်းကျောင်းတွေကို ကျောင်းသားသမဂ္ဂနဲ့ အုပ်ချုပ်မယ်ဆိုတာကတော့ ကျွန်မဘယ်လိုမှလက်မခံနိုင်ဘူး

နိုင်ငံတော်သမ္မတ၏ ပညာရေးအကြံပေးအဖွဲ့ခေါင်းဆောင် ဒေါက်တာ ယဉ်ယဉ်နွယ်နှင့် တွေ့ဆုံမေးမြန်းခြင်း

လက်ရှိအစိုးရလက်ထက်မှာ အမျိုးသားပညာရေးဥပဒေနဲ့ ပတ်သက်ပြီး အငြင်းပွားမှုတွေ အများကြီးဖြစ်ပွားခဲ့တယ်။ ဘယ်အချိန်မှာ ဒါတွေပပျောက်နိုင်မလဲခင်ဗျာ။အဲ့ဒီတော့ ဘယ်အချိန်မှာ ဆိုတာထက် အခုတော့ ဆရာမတို့ လက်ထဲမှာ မရှိတော့ဘူး။ ဆရာမတို့လုပ်ခဲ့တဲ့ ဥပဒေက ၂ဝ၁၄ ခု နှစ် စက်တင်ဘာလပေါ့နော်။ ပြည်ထောင်စုလွှတ်တော်က အတည်ပြုလိုက်တဲ့ ဥပဒေ။ ဒါကို မကြိုက်ဘူး ပြောကြတယ်။ DVB ဒီဘိတ်မှာလည်း ဆရာမ ပြတ်ပြတ်သားသား ပြောခဲ့တယ်။ ဘက်မလိုက်ပညာရှင်အနေနဲ့။ ဒီဥပဒေကို မကြိုက်ဘူးဆိုရင် ဘာကိုမကြိုက်ဘူးလဲ တိတိကျကျပြောစေချင်တယ်။ ဒီမိုကရေ စီပညာရေးပြောတယ်။ ဒါဆို ဒီမိုကရေစီပညာရေးကို တိတိကျကျအဓိပ္ပာယ်ဖွင့်ပြပါ။ ဒီမိုကရေစီပညာ ရေးဆိုတာ ကိုယ်ကြိုက်သလို လုပ်လို့ရတဲ့ပညာရေး မဟုတ်ဘူး။

ကျောင်းသားတွေ တောင်းဆိုတဲ့အထဲမှာ ဖြစ်သင့်ဖြစ်ထိုက်တဲ့ ကိစ္စတွေ ပါပါသလား။ သုံးသပ်ပေးပါခင်ဗျာ။

ကျောင်းသားတွေ တောင်းဆိုတာကို ဆရာမ သဘောတူတာတွေ ရှိတယ်။ ပထမအနေနဲ့ဘတ်ဂျက်တိုးပေးဖို့ဆိုတဲ့အချက်ကို ထောက်ခံတယ်။ ဘယ်သူ့အပြစ်မှလည်း မဟုတ်ဘူး။ နိုင်ငံက ဆင်းရဲတယ်။ ဆင်းရဲအောင်လုပ်ခဲ့တဲ့သူတွေလည်း အခုမရှိတော့ပါဘူး။ အစိုးရကို ဆဲနေလို့လည်းအပိုပဲ။ နိုင်ငံဆင်းရဲ တဲ့အတွက် ဒါကိုချက်ချင်း တိုးမပေးနိုင်တာပါ။ ဘယ်နှစ်ကို ဘယ်လောက်တိုးပေးမယ်ဆိုပြီး တိတိကျကျ မပြောနိုင်ဘူး။ ၂ဝ ရာခိုင်နှုန်းဘတ်ဂျက်က ချက်ချင်းတော့ မဖြစ်နိုင်ဘူး။ မြန်မာနိုင်ငံထက်ချမ်းသာတဲ့ အင်ဒိုနီးရှားမှာတောင် ၂ဝ ရာခိုင် နှုန်းဘတ်ဂျက်ကို ပညာရေးဥပဒေ အတည်ပြုပြီး ၁ဝ နှစ်ကျော် လောက်အကြာမှ လုပ်နိုင်တယ်။

ဒုတိယတစ်ခုသဘောတူတာက မသန်စွမ်းတွေအတွက်အားလုံးပါဝင်နိုင်တဲ့ ပညာရေး။ ဒါကိုပထမ ဆရာမတို့ လွှတ်တော်ကိုတင်တာက အမှန်။ လွှတ်တော်က ပြန်ပြင်ဆင်တော့ မှားသွားတယ်။ ဒေါက်တာသိန်းလွင်တို့က ပြန်ပြင်တာ။ ဒါကိုလက်ခံတယ်။ ဒါပေမဲ့ နိုင်ငံဆင်းရဲတဲ့အတွက် သာမန်ကလေး တွေ အတွက်တောင် မလုပ်ပေးနိုင်သေးတော့ ဒါကို အကောင်အထည် ဖော်ဖို့အတွက်လိုသေးတာပေါ့ကွယ်။ တတိယသဘောတူတာက ကျောင်းသားသမဂ္ဂ လွတ်လွတ်လပ်လပ် ဖွဲ့ခွင့်ကိုသဘောတူတယ်။ ဆရာမလည်း ဒီမူအတိုင်းပဲရှိတယ်။ သို့ သော်သတ်မှတ်ချက်ရှိရမယ်။ ကျောင်းသားသမဂ္ဂဆိုတာ ထုံးတမ်းစဉ်လာ အရ ကျောင်းတက် နေတဲ့ကျောင်းသားတွေပဲ ဖြစ်ရမယ်။ အပြင်မှာဖွဲ့လာပြီးတော့ နိုင်ငံရေးတွေလုပ်လာပြီးကျောင်းသားသမဂ္ဂ ဖြစ်ချင်တယ်။ တချို့ကလေးတွေက လန့်တယ်လေ။ မပါရဲဘူး။ မှန်မှန်ကန်ကန်ကျောင်းထဲမှာ ရွေးကောက်ပွဲလုပ်။ ဆရာမအနေနဲ့ ဒီ့ထက်ပိုပြီး လက်ခံလို့မရဘူး။

သဘောမတူတာတွေလည်း ရှိမယ် ထင်တယ်။ ပြောပြပါဦးခင်ဗျာ။

သဘောမတူတာ ဘာမှနိုင်ငံ ရေးနဲ့မဆိုင်ဘူး။ သဘောမတူတာ တွေက တခြားနိုင်ငံတွေမှာလည်း လုပ်ကိုင်လို့မရတဲ့ အချက်တွေမို့လို့ သဘောမတူတာ။ နောက်တက်လာတဲ့အစိုးရလည်း သူတို့တောင်းဆိုထားတဲ့ အချက်တချို့ကို သွားပြီး လက်ခံလိုက်ရင် အမှားကြီးမှားလိမ့်မယ်လို့ ဆရာမပြောရဲတယ်။ ကျောင်းသားတွေ တောင်းဆိုတာကို ဆရာမအနေနဲ့ ပထမဆုံးသဘောမတူတာက ပညာရေးဝန်ကြီးဌာနလက်အောက်မှာရှိတဲ့ အခြေခံပညာ၊ အလယ်တန်း၊ အထက်တန်းကျောင်းတွေကို ပညာရေးဝန်ကြီးဌာနလက်အောက်ကနေ ဖယ်ပြီး ဆရာသမဂ္ဂ၊ ကျောင်းသား သမဂ္ဂတွေအုပ်ချုပ်မယ်ဆိုတဲ့ အချက် ပဲ။ အခြေခံပညာ ကျောင်းများသည် ပညာရေးဝန်ကြီးဌာန လက်အောက်တွင်ရှိသည်ဆိုတဲ့အချက် ကိုသူတို့ဖြုတ်ထားတာ။ ဒါက ဘယ် ဖြစ်နိုင်မလဲ။ မိဘတွေအနေနဲ့ စဉ်းစားကြည့်၊ ကျောင်းကိုပို့တာ ကိုယ့်သားသမီးစာသင်ဖို့လား။ ကျောင်းသား သမဂ္ဂလုပ်ဖို့လား။ ဒီငယ်ငယ်လေးတွေ အခြေခံမူလတန်း၊ အ လယ်တန်း၊ အထက်တန်း ကျောင်း တွေကိုကျောင်းသားသမဂ္ဂနဲ့ အုပ်ချုပ်မယ်ဆိုတာကတော့ ကျွန်မဘယ်လိုမှလက်မခံနိုင်ဘူး။ ဆရာသမဂ္ဂနဲ့ ကျောင်းသားသမဂ္ဂတွေ အုပ်ချုပ်တာကို နိုင်ငံခြားမှာ အမေရိကန် ပြည်ထောင်စု ကယ်လီဖိုးနီးယားနဲ့ ဟော်လန်မှာ လွန်ခဲ့တဲ့ နှစ်ပေါင်း ၅ဝ ကျော်လောက်က ကြိုးစားဖူးတယ်။ ဒါပေမဲ့ လုံးဝမဖြစ်နိုင်တော့ ပြန်ရုပ်သိမ်းလိုက်ရတယ်။ ဒုတိယအနေနဲ့ သဘောမတူတာက ဒီအခြေခံပညာကျောင်းတွေရဲ့ သင်ရိုးညွှန်းတမ်း (curriculum) ရေးမယ့် အဖွဲ့ကို ၉ ဦးနဲ့ ဖွဲ့မယ်တဲ့။ အဲ့ဒီ ၉ ဦးမှာ လေးယောက်က ပညာရေး ဝန်ကြီးဌာနကခန့်၊ ငါးယောက်က ကျောင်းသားသမဂ္ဂ၊ ဆရာသမဂ္ဂ တွေက သူတို့ကြိုက်တဲ့ ပညာရှင်ကို ရွေးမယ်တဲ့။ အဲ့ဒါတော့ လုံးဝမဖြစ်သင့်တဲ့ဇာတ်လမ်း။ အာရှတိုက်မှာ ရှိတဲ့နိုင်ငံတိုင်းမှာလည်း အစိုးရ ဌာနတစ်ခုက (curriculum) ရေး တယ်။ ဒါက ထုံးတမ်းစဉ်လာပဲ။ (curriculum) ရေးတာက ဒေါက်တာဘွဲ့ရတိုင်း မရေးနိုင်ဘူး။ အစိုးရဘက်က သင်ရိုးညွှန်းတမ်းရေးတဲ့ ဆရာ ဆရာမတွေကသင်ရိုးညွှန်း တမ်းနဲ့ ဘွဲ့တွေရထားတာ။ ဘယ် တိုင်းပြည်မှာမှ အစိုးရကျောင်းတွေအတွက် အပြင်ကခန့်တဲ့ သင်ရိုး ညွှန်းတမ်းရေးတဲ့သူတွေ မရှိဘူး။

တတိယအချက် အနေနဲ့ ဒေါက်တာသိန်းလွင်တို့ လက်မှတ်ထိုးထားတဲ့ ဥပဒေမှာ ကျောင်းအလိုက် စိတ်ကြိုက် မိခင်ဘာ သာစကားသင်ကြားဖို့ တင်သွင်း ကြတယ်။ ဆရာမ တို့ ပြုစုခဲ့တဲ့ ဥပဒေဟာ တိုင်းရင်းသား ဘာသာ စကားကို တိုင်းဒေသကြီးကနေ စီစဉ်မယ်ဆိုတာကို သူတို့မကြိုက်ဘူး။ ကျောင်းအလိုက် ကြိုက်သလို ဆုံးဖြတ်မယ်တဲ့။ ဒါဆို စဉ်းစား ကြည့် ။ ဘင်္ဂါလီများတဲ့ နေရာမှာ ဘင်္ဂါလီစာပဲ သင်ရမှာလား။ ဘယ် သူက ဆုံးဖြတ်မှာလဲ။ ဆရာတွေ ဆုံးဖြတ်ရင်လည်း ဆရာတွေ ဆုံး ဖြတ်တယ်ဆို ပြောဦးမယ်။ တရုတ် နယ်စပ်လားရှိုးတို့ဘာတို့မှာ တရုတ်များတယ်။ ဒီတော့ နိုင်ငံတော် ပိုက်ဆံနဲ့ဖွင့်ထားတဲ့ ကျောင်း တွေက ဘင်္ဂါလီစကား၊ တရုတ်ဘာ သာစကားတွေကို မိခင်ဘာသာ စကားအနေနဲ့ သင်ရမှာလား။ ဆရာမ မွေးရပ်ဇာတိဖြစ်တဲ့ ရှမ်း ပြည်မှာလည်းတိုင်းရင်းသားပေါင်း စုံရှိတယ်။ ဆရာမတို့ပြောတဲ့ တိုင်း ဒေသကြီးအစိုးရက စီစဉ်မယ် ဆိုတာ ရှမ်းပြည်နယ်မှာ ရှမ်းစာ၊ ကချင်ပြည်နယ်မှာကချင်စာ တစ် သမတ်တည်း ပြောတာမဟုတ်ဘူး။ မြို့ နယ်အလိုက် ကျောင်းအလိုက် မျှမျှတတစဉ်းစားပေးဖို့အစီအစဉ် တွေကို တိုင်းဒေသကြီး အစိုးရတွေ ကို တာဝန်ပေးလိုက်တာ။ ကျောင်း အလိုက် စဉ်းစားရင်လည်း အဲ့ဒီဘာသာကိုသင်ဖို့ ဆရာမရှိရင် ဘယ်လိုလုပ်မလဲ။ နောက် ဘယ်အတိုင်းအတာထိ သင်မှာလဲ။ တိုင်းရင်းသားဘာသာ စကားအတွက် တစ်ပတ်မှာ ဘယ်နှချိန် ဆိုပြီးတော့ နိုင်ငံတော်က ပြဋ္ဌာန်းထားတဲ့ သင်ရိုးညွှန်းတမ်းထဲမှာ ပါပြီးသား။ လုံလုံလောက်လောက် ပေးထားတယ်။ အဲ့ဒီအပေါ်မှာ တိုင်းဒေသကြီးတွေက မြို့နယ်အလိုက်စီစဉ်ပေး။ မျှမျှတတ စီစဉ်ပေးဖို့။ ကြိုက်တဲ့ကျောင်းက ကြိုက်တဲ့ ဘာသာသင်ဆို ဒါကပြည်ထောင်စု မြန်မာနိုင်ငံတော်လေ။ ဘာသာစကားဆိုတာအရေးကြီးတယ်။ မူ တစ်ခုတော့ ရှိရမယ်။ ဆရာမ ပြောတဲ့အချက်ကို KIA က ဗိုလ်ချုပ် ဂွမ်မော်တောင် သဘောတူတယ်ပြောတယ်။ သူနဲ့ဆွေးနွေး ပြီးပြီ။ ချင်းပြည်နယ်မှာရှိတဲ့ ကျောင်းတွေကိုယ့်ကျောင်းအလိုက် ကြိုက်တဲ့ဘာသာစကားကိုသင်ဆို ချင်းလူမျိုးကိုယ်တိုင် အဲ့ဒီစနစ်ကို ကြိုက်မှာမဟုတ်ဘူး။ ဘာလို့လဲဆို တော့ ချင်းစကားက အမျိုးမျိုးရှိ တယ်။ မတူပီချင်း၊ ဖလန်းချင်း၊ တီးတိန်ချင်း၊ ဟားခါးချင်း၊ မင်း တပ် ချင်းတို့က စကားမတူကြဘူး။ ဒီတော့ကိုယ့်မြို့က ဘာသာစကား ပဲ ကိုယ်သင်ဆိုရင်လည်း ချင်းပြည်နယ်မှာ တစ်မြို့နယ်နဲ့ တစ်မြို့နယ် ပြောင်းပြီး အလုပ်လုပ်ဖို့ ခက်သွား တာပေါ့။ ဟားခါးမြို့က အောင်ပြီး မတူပီမှာ ကျောင်းဆရာရာထူး ပေါ်တယ် ဆိုရင်လည်း ဟားခါး မြို့သားဖြစ်တဲ့အတွက် ဘာသာ စကားအရ အားနည်းမှု ရှိနေမယ်။ စည်းနဲ့စနစ်နဲ့မူနဲ့လုပ်ရမှာ ဖြစ်တယ်။

ဟုတ်ကဲ့။ ဒီဥပဒေနဲ့ပတ်သက်ပြီး ဘာများ ဖြည့်စွက်ပြောချင်ပါသလဲ ခင်ဗျာ။

ဒီဥပဒေကို ခုတုံးလုပ်ပြီး အစိုးရကို မကျေနပ်လို့ ဆန္ဒပြ တယ်ပဲ ပြောချင်တယ်။ ကျောင်း သားတွေနဲ့ ရဲတွေကြား ဖြစ်တာကလည်း ဒီပညာရေး ဥပဒေကြောင့် ပဋိပက္ခဖြစ်တာ မဟုတ်ဘူးနော်။ ပညာရေး ဥပဒေက မမှားဘူး။ မှားတာတွေ ပြင်ပြီးပြီ။ ဒါကို အကောင်အထည်ဖော်ဖို့ လိုမယ်။ ကျန်တာကတော့ နိုင်ငံရေးကိစ္စ မပြောချင်တော့ဘူး။

ဆရာမအနေနဲ့ ရခိုင်ဒေသမှာ ဖြစ်ပွားခဲ့တဲ့ အငြင်းပွားမှုတွေမှာလည်း တာဝန်ယူဆောင်ရွက်ခဲ့ ဖူးပါတယ်။ လက်ရှိ ကန့်ကွက်နေတဲ့ လူဦးရေထိန်းချုပ်တဲ့ ဥပဒေကြမ်း နဲ့ပတ်သက်ပြီး ဘယ်လို ဖြစ်သင့်တယ်လို့ သုံးသပ်ပါသလဲ။ ပြဋ္ဌာန်းသင့်ပါသလား။ မပြဋ္ဌာန်းသင့်ဘူး လားခင်ဗျာ။

ဘယ်ဥပဒေမဆို ပြဋ္ဌာန်းမယ်ဆိုရင် ခိုင်လုံဖို့လိုတယ်။ ဒီဥပ ဒေကိုပြဋ္ဌာန်းသင့်၊ မသင့်မပြောလိုဘူး။ ဒီဥပဒေအကြောင်း ပြောတာထက် အတည်ပြုပြီးသားဖြစ်တဲ့ မျိုးစောင့်ဥပဒေကိုပဲ ပြောချင်တယ်။ အနောက်နိုင်ငံက ပြောတယ်။ မျိုးစောင့်ဥပဒေတွေက လူ့အခွင့်အရေး ချိုးဖောက်တာတဲ့။ ဒါပေမဲ့ ဒီဥပဒေတွေကို ကြည့်တော့ သူတို့ ပြောသလို မဟုတ်ပါဘူး။ ပြီးတော့ တစ်လင်တစ်မယားစနစ်နဲ့ အဖမ်းခံနေရတာကလည်း မြန်မာတွေပဲ ဖြစ်နေတယ်။ နိုင်ငံခြားသားတွေ ပြောတိုင်းလည်း ဂရုစိုက်စရာမလိုဘူး။ လူဦးရေထိန်းချုပ်တဲ့ ဥပဒေကြမ်းကို အတည်ပြုမယ်ဆိုရင် တော့တစ်နိုင်ငံလုံးအနေနဲ့ ပြဋ္ဌာန်း သင့်တယ်လို့ ထင်တယ်။ ဘာသာရေးအရ ခွဲခြားထားတာတော့ မကောင်းဘူးထင်တယ်။ တခြား နိုင်ငံတွေကို ဥပမာယူရမယ်။ နိုင်ငံသားဆိုရင် အခွင့်အရေး မခွဲ ခြားဘဲလုပ်ရမယ်။ တရုတ်မှာလည်း ဒီလိုလူဦးရေထိန်းချုပ်တဲ့ ဥပဒေရှိတယ်။ တရုတ်ပြည်မှာ နေရာတိုင်းလည်း ဒီဥပဒေက အကျုံးမဝင်ဘူး။ လူမျိုးပျောက်လု နီးပါးတိုင်းရင်းသားတွေ ဖြစ်တဲ့ တိဗက်လူမျိုး၊ Xinjiang ဒေသက လူမျိုး၊ သူတို့ကျတော့ကလေး များ များစားစားယူနိုင်တယ်။ မြို့ပေါ်က တရုတ်လူမျိုးကျတော့ တစ်ယောက်ပဲယူခွင့်ရှိတယ်။ ဒီလို အမျိုးမျိုးရှိတယ်။ ဒါတရုတ်လို လုပ်ဖို့ပြောတာ မဟုတ်ဘူးနော်။ ကိုယ့် နိုင်ငံအခြေအနေနဲ့ သုံးသပ် ပြီးလုပ်၊ ပျောက်ကွယ်လုနီးပါးတိုင်းရင်းသားတွေက ဦးစားပေး။ ရခိုင်ပြည်နယ်မှာ ရှိတဲ့ ဘင်္ဂါ လီတွေကိုတော့ တိုင်းရင်းသားလို့ လက်ခံလို့မရဘူး။ လုံးဝမဖြစ်နိုင်ဘူး။
နိုင်ငံရဲ့တည်ဆဲဥပဒေ၊ စည်း မျဉ်းစည်းကမ်းထဲမှာ ရိုဟင်ဂျာဆိုတဲ့ လူမျိုး သတ်မှတ်မှုမပါဘူး။ သူတို့ ဒီဟာကို မကြိုက်ဘူးဆိုရင်လည်း နိုင်ငံသားမလျှောက်နဲ့ပေါ့။ သူတို့ကို လက်ခံနိုင်တဲ့ နိုင်ငံကိုသွားပေါ့။ ဒါပေမဲ့ဆရာမ ယုံကြည်တာက ရခိုင်က ဘင်္ဂါလီတွေကိုလည်း သိပ်ဆိုးရွားတဲ့ အခြေအနေ အောက်မှာ မထားသင့်ဘူး။ လူသားတွေအနေနဲ့ တန်းတူဆက်ဆံသင့်တယ်။

ယူနီဆက်မှာလည်း အကြီးအကဲတစ်ဦးအဖြစ် လုပ်ခဲ့တယ်။ တရုတ်ဌာနေကိုယ်စားလှယ် အဖြစ်လည်း တာဝန်ယူခဲ့ဖူးတော့ အတွေ့ အကြုံတွေအရနိုင်ငံတကာ အကူ အညီကိုမျှော်ကိုးနေရတဲ့ မြန်မာနိုင်ငံအတွက်တစ်ချိန်မှာ နစ်နာမှု မရှိအောင် ဘယ်လိုလုပ်သင့်ပါသလဲ။

နိုင်ငံခြားအကူအညီကို အားမကိုးပါနဲ့။ အာရှတိုက်မှာ နိုင်ငံခြားအကူကိုမျှော်ကိုးပြီး တိုးတက်လာတဲ့ နိုင်ငံတစ်ခုမှမရှိဘူး။ မြန်မာ နိုင်ငံအနေနဲ့ နိုင်ငံခြားအကူဆိုပြီး မျက်လုံးမှိတ်ပြီး လက်မခံသင့်ဘူး။ ဘယ်နိုင်ငံမှစေတနာ ဖြူဖြူစင်စင် နဲ့ပေးတာမရှိဘူး။ သူတို့ အကျိုးအမြတ်ကို ရှေးရှုပြီး ပေးတဲ့ နိုင်ငံတွေချည်းပဲ။ မြန်မာ တွေကလည်း ယူသင့်မယူသင့် ကိုယ့်နိုင်ငံရဲ့ အကျိုးကို ရှေးရှုပြီး ချိန်ဆသင့်တယ်။ ဘာလို့လဲဆိုတော့ တရုတ်ပြည်သူ့သမ္မတနိုင်ငံ ရဲ့ သမိုင်းကို ကြည့်ရင် အထင်ကြီးစရာရှိတယ်။ ဘာလို့လဲဆိုတော့ ၁၉၄၉ လောက်က အင်မတန်ဆင်းရဲတဲ့ တရုတ်နိုင်ငံက အခု ကမ္ဘာပေါ်မှာ ဒုတိယစီးပွားရေး အင်အားအကြီးဆုံးနိုင်ငံဖြစ်နေပြီ။ တရုတ်ကွန်မြူနစ်ပါတီဟာ တရုတ် လူမျိုးတွေရဲ့ ရှုထောင့်နဲ့ ကြည့်ရင် နှစ်ပေါင်း နှစ်ထောင်၊ သုံးထောင်သမိုင်းတစ်လျှောက်မှာ အကောင်းဆုံးအစိုးရ ဖြစ်နေတယ်။ ဒါပေမဲ့ မြန်မာနိုင်ငံသားတော်တော်များများဟာဒီလိုမမြင်ဘူး။ မြန်မာနိုင်ငံ ရဲ့ အကျိုးစီးပွားကို ရှေးရှုပြီးကြည့် ရင်တော့ တရုတ်ကိုရန်သူလို မဆက်ဆံသင့်ဘူး။ ထိုင်းလည်း ဒီလိုပဲ။ အိန္ဒိယလည်း ဒီလိုပဲ။ စီမံကိန်းတွေနဲ့ပတ်သက်ရင် ကျောက်ဖြူ ကိစ္စမှာ ဘယ်နိုင်ငံကပဲ ရင်းနှီးမြှုပ် နှံမှုလုပ်လုပ်သတိထားစရာ အချက်တွေရှိတယ်။ တစ်ဖက်မှာ ရခိုင် ဒေသဖွံ့ဖြိုးတိုးတက်အောင် လုပ်နိုင်သလိုတစ်ဖက်မှာလည်း ကျောက်ဖြူကနေ ရေနံနဲ့ သဘာဝဓာတ်ငွေ့ လုပ်ငန်းနဲ့ပတ်သက်လို့ သဘာဝ ပတ်ဝန်းကျင် ထိခိုက်ခြင်းမရှိအောင် သတိပေးရမယ်။

သမ္မတအကြံပေးအဖြစ် ဆောင်ရွက်ခဲ့သူတစ်ဦးအနေနဲ့ နိုင်ငံတော်မှာ အရေးကြီးဆုံး ဘာတွေ ဆက်လုပ်ဖို့ ကျန်သေးတယ်လို့ ထင်ပါသလဲ ခင်ဗျာ။

ခြစားမှုကို ကိုင်တွယ်ရမယ်။ ဒါကလည်း ဟိုးအရင်ပါလီမန် ခေတ်ကတောင် မကိုင်တွယ်နိုင်ခဲ့ဘူး။ ဒါကိုရဲရဲတင်းတင်းကိုင်တွယ် ဖို့လိုအပ်တယ်။ လက်ရှိအစိုးရလည်း တချို့နေရာတွေမှာ ကိုင်တွယ်နိုင်ခဲ့တယ်။ ဒါပေမဲ့ မလုံလောက်ခဲ့ဘူး။ ဒါကလည်း အခုထိ ဘယ်အစိုးရမှလည်း ကိုင်တွယ်နိုင်ခြင်း မရှိခဲ့ပါဘူး။ ဘယ်အချိန်မှ ကိုင်တွယ်နိုင်မလဲဆိုတာလည်း မပြောနိုင်ဘူး။ အဓိက ကတော့ မြန်မာလူမျိုးတွေရဲ့ စိတ်ဓာတ် နဲ့ကလည်း ခက်တယ်။

ဘာတွေများ ဖြည့်စွက်ပြီးတော့ ပြောချင်ပါသလဲခင်ဗျာ။

ပထမ ပြောခဲ့တဲ့ အချက်တွေပါပဲ။ အမျိုးသားပညာရေးဥပဒေကို အကောင်အထည်ဖော်ပါ။ ရခိုင်ကိစ္စကိုပြတ်ပြတ်သားသားလုပ်ပါ။ ခြစားမှုကို ရဲရဲတင်းတင်း ကိုင်တွယ်ပါ။

အခုလို ဖြေပေးတာ ကျေးဇူးတင် ပါတယ်ခင်ဗျာ။

ရဲလွင်

http://popularmyanmar.com/