‘‘ပီအာရ်ကို ပြည်ခိုင်ဖြိုးက ကျင့်သုံးချင်နေတဲ့အခါကျတော့ သူတို့က အများစုဖြစ်နေတဲ့အတွက် နိုင်သွားမှာပဲ’’ (ဦးရဲထွန်းနှင့်တွေ့ဆုံခြင်း)

ပြီးခဲ့သည့် ရက်ပိုင်းအတွင်း အမျိုးသားလွှတ်တော်အစည်းအဝေးတွင် အချိုးကျကိုယ်စားပြုမဲပေးစနစ် PR ကို ကျင့်သုံးရန် အမျိုးသားဒီမိုကရေစီအင်အားစုပါတီ (NDF) ကိုယ်စားလှယ် ဒေါ်ခင်ဝိုင်းကြည်က အဆိုတင်သွင်းခဲ့သည်။ ယင်းအဆိုကို တပ်မတော်သား လွှတ်တော်ကိုယ်စားလှယ်အားလုံးနှင့် NLD လွှတ်တော်အမတ်အားလုံးက ကန့်ကွက်ခဲ့သည်။ သို့သော် ပြည်ခိုင်ဖြိုးကိုယ်စားလှယ်အမတ်အားလုံးက ထောက်ခံသဖြင့် PR စနစ်ကျင့်သုံးရန် အဆိုမှာ အောင်မြင်သွားခဲ့သည်။ ထိုကဲ့သို့ အဆိုအောင်မြင်ပြီးနောက် PR စနစ်နှင့် ပတ်သက်၍ အသေးစိတ်ရေးဆွဲမည့် PR ကော်မရှင်တွင် ပါဝင်သည့် ဒီချုပ်ပါတီအမတ်အားလုံး နုတ်ထွက်သွားခဲ့သည်။ တိုင်းရင်းသားပါတီများကလည်း PR စနစ်ကို လက်မခံကြောင်း ကြေညာချက် ထုတ်လာကြသည်။ မကြာခင် အဆိုပါ PR စနစ်နှင့်ပတ်သက်၍ ပြည်သူ့လွှတ်တော်တွင် ဆွေးနွေးကြမည်ဖြစ်သည်။ ထို့ကြောင့် အဆိုပါ PR စနစ်နှင့် ပတ်သက်၍ ရှမ်းတိုင်းရင်းသားများဒီမိုကရေစီပါတီ သီပေါမြို့နယ် ပြည်သူ့လွှတ်တော်ကိုယ်စားလှယ် ဦးရဲထွန်းအား တွေ့ဆုံမေးမြန်းခဲ့သည်များထဲမှ ကောက်နုတ်ဖော်ပြလိုက်ရပါသည်။မေး- အရင်ဆုံးကတော့ ပြီးခဲ့တဲ့ရက်ပိုင်းက အမျိုးသားလွှတ်တော်မှာ အတည်ပြုလိုက်တဲ့ PR စနစ်ကို သာမန်ပြည်သူတွေ နားလည်အောင် ရှင်းပြပေးပါလား။

ဖြေ- PR စနစ်ဆိုတာက အချိုးကျကိုယ်စားပြုမှုပေါ့။ အဓိက နားလည်လွယ်အောင် ပြောမယ်ဆိုရင်တော့ တစ်ပြည်လုံးကို မူတည်ပြီး ပြောမယ်ဆိုရင် တစ်ပြည်လုံးမှာ မဲပေးတဲ့ မဲဆန္ဒရှင်တွေက တစ်မြို့နယ်တစ်မြို့နယ်ချင်းအလိုက် မဟုတ်ဘဲနဲ့ တစ်ပြည်လုံးကို ခြုံငုံပြီးတော့ သူတို့ အားပေးထောက်ခံတဲ့ ပါတီက ပုဂ္ဂိုလ်တွေ လွှတ်တော်ထဲမှာ အချိုးကျ ရောက်သွားစေချင်တဲ့ စနစ်ပဲ။ ဥပမာ တစ်ပြည်လုံး မဲပေးလိုက်တာ ၉၀ ခုနှစ်က NLD က ၆၀ ရာခိုင်နှုန်းရတယ်။ တစညက ၄၀ ရာခိုင်နှုန်းရတယ်ဆိုရင် လွှတ်တော်ထဲမှာဆိုရင်လည်း လွှတ်တော်ကိုယ်စားလှယ်ရဲ့ ၄၀ ရာခိုင်နှုန်း တစညက ရသင့်တယ်။ ၆၀ ရာခိုင်နှုန်းက NLD က ရသင့်တယ်လို့ ယူဆတာပေါ့။ တကယ့်လက်တွေ့မှာတော့ မြို့နယ်တစ်ခုချင်းအလိုက် နိုင်သူအကုန်ယူစနစ်နဲ့ NLD က ၈၂ ရာခိုင်နှုန်းကျော်ရပြီးတော့ တစညက ၁၀ ယောက်လောက်ပဲ လွှတ်တော်ထဲရောက်သွားတယ်။ အဲဒီမှာ တစ်ပြည်လုံး အရေးကြီးတဲ့ ဥပဒေပြုရေးကိစ္စတွေမှာ တစညက တစ်ပြည်လုံး ၄၀ ရာခိုင်နှုန်းမဲ ရရှိထားပါလျက် ဥပဒေပြုတဲ့ လွှတ်တော်ထဲမှာ အဲဒီလောက် တစညက နေရာမရတဲ့အတွက် ဒီကိစ္စမှာ အများကြီး ချွတ်ယွင်းချက်ရှိတယ်လို့ သုံးသပ်ကြတာပေါ့နော်။ တခြားနိုင်ငံတွေမှာလည်း အဲဒီလိုပဲ သုံးသပ်လာကြပြီးတော့ ဒီစနစ်ကို ကျင့်သုံးလာကြတာ။ တချို့ဆိုရင်လည်း နိုင်သူအကုန်ယူစနစ်နဲ့ ပေါင်းစပ်ပြီး ကျင့်သုံးတဲ့နိုင်ငံပေါင်း ၉၀ ကျော် ရှိပါတယ်။

မေး- သုံးယောက်ရှိရင်တောင် နှစ်ဖွဲ့ကွဲတဲ့အကျင့်ရှိတဲ့ မြန်မာနိုင်ငံမှာ ဒီ PR စနစ်ကို ကျင့်သုံးလို့ဖြစ်ပါ့မလား။

ဖြေ- ကျွန်တော်တို့စနစ်က လက်တွေ့ပိုင်းအရ ပြောမယ်ဆိုရင် တပ်မတော်က ဒီစနစ်ကို ကျင့်သုံးဖို့ အချိန်မတန်သေးဘူး။ အခုချိန်မှာ ဒါကို ကျင့်သုံးဖို့လုပ်မယ်ဆိုရင် နိုင်ငံရေးအရ မကျေနပ်မှုတွေ ဖြစ်လာနိုင်တယ်။ အထူးသဖြင့်တော့ NLD က ၂၀၁၅ မှာ တစ်ပြည်လုံးနိုင်နိုင်တဲ့ အနေအထားမျိုး ရှိတယ်ပေါ့နော်။ တချို့နေရာတွေ ပါးပါးနဲ့ နိုင်တာတွေ ရှိမယ်။ တချို့နေရာ အပြတ်အသတ်နိုင်တာတွေ ရှိမယ်။ နောက် တိုင်းရင်းသားပါတီတွေက သူ့ပြည်နယ်အလိုက်မှာ နေရာအနှံ့အပြား အနိုင်ရနိုင်တဲ့ အနေအထားရှိတယ်။ တချို့နေရာမှာ ပါးပါးနိုင်မယ်။ တချို့နေရာမှာ အပြတ်အသတ်နိုင်မယ်။ အဲဒီလိုအနေအထားမျိုးမှာ ဒီ NLD နဲ့ NLD ထောက်ခံသူများနဲ့ တိုင်းရင်းသားပါတီများက မကျေမနပ်ဖြစ်လာနိုင်တဲ့အတွက် တပ်မတော်က ဒါကို မကျင့်သုံးသင့်ဘူးလို့ သူတို့က မှတ်ချက်ပေးတယ်။ ဒါကြောင့် အဲဒီလို တပ်မတော်က အဲဒီလိုရပ်တည်ရင် ဖွဲ့စည်းပုံအခြေခံဥပဒေကို ပြင်ပြီးတော့မှ လုပ်ရမယ့် PR စနစ်ဆိုရင်တော့ မလုပ်နိုင်ဘူးပေါ့။ သို့သော် တခြားနည်းတွေ စဉ်းစားမယ်ဆိုရင်တော့ လုပ်လို့ရနိုင်မယ့် အနေအထားရှိတယ်။ ဥပမာအားဖြင့်ဆိုရင် ရွေးကောက်ပွဲ မဲထည့်တဲ့စနစ်နဲ့ ကိုယ်စားလှယ်ကိုလည်း အခု သတ်မှတ်ထားတဲ့အတိုင်း ဖွဲ့စည်းပုံအခြေခံဥပဒေမှာ သတ်မှတ်ထားတဲ့အတိုင်း ကျွန်တော်တို့ မဲပေးပွဲကို လုပ်မယ်။ လုပ်ပြီးတဲ့အခါကျတော့ ရွေးကောက်ပွဲဥပဒေမှာ ဘာကို ဖြည့်စွက်ပြင်ဆင်ရမလဲဆိုတော့ မဲပေးသူအားလုံးရဲ့ ၅၀ ရာခိုင်နှုန်းကျော်ရတဲ့နေရာတွေကို ရွေးကောက်ပွဲ အောင်မြင်တယ်၊ အဲဒီကိုယ်စားလှယ်တွေဟာ လွှတ်တော်အမတ်ဖြစ်တယ်လို့ ကြေညာလိုက်ပြီးတော့ ဘယ်သူမှ ၅၀ ရာခိုင်နှုန်း မရတဲ့နေရာတွေကိုတော့ ရွေးကောက်ပွဲမအောင်မြင်ဘူးလို့ ကြေညာပြီးတော့ ပါတီလိုက်စနစ်နဲ့ တစ်ဦးချင်း ရွေးကောက်ပွဲစနစ်နဲ့ မအောင်မြင်ဘူး။ အဲဒီတော့ ရတဲ့မဲတွေကို သူတို့နောက်ခံ Background မှာရှိတဲ့ ပါတီလိုက်ရှိတဲ့ မဲတွေထဲထည့်လိုက်မယ်။ ထည့်လိုက်ပြီးခါမှ ကျန်တဲ့မဲဆန္ဒနယ်အတွက်ကို အချိုးကျခွဲပြီးတော့ ကိုယ်စားလှယ် မျှဝေယူမယ်။ အဲဒီကျရင်တော့ ပါတီအလိုက်က စာရင်းပေးထားတဲ့ ဦးစားပေးလူစာရင်းအတိုင်းရတဲ့ လူထဲက ခွဲယူကြတာပေါ့။ ဒါဆိုရင် လွှတ်တော်ထဲမှာ တစ်ဦးချင်း ရွေးကောက်ပွဲစနစ်နဲ့ နိုင်တဲ့ဘက်က တက်လာတဲ့လူနဲ့ ပါတီကပေးတဲ့လူ အတူတူ လွှတ်တော်တက်တာ ဖြစ်မယ်။ လွှတ်တော်ထဲ ရောက်လာတဲ့ အရေအတွက်ကတော့ ပါတီခွဲတမ်းအရ ဘယ်နှယောက် တစ်ဦးချင်း ရွေးကောက်ပွဲစနစ်နဲ့က ဘယ်နှယောက်ဆိုတာကတော့ ကြိုတင်ပြီး သတ်မှတ်လို့မရတဲ့ စနစ်တော့ ဖြစ်လာမှာပေါ့။

မေး- PR စနစ် ကျင့်သုံးမယ်ဆိုရင်တော့ ဖွဲ့စည်းပုံပြင်ဖို့ လိုအပ်လား။

ဖြေ- ဒီလိုဗျာ။ ဥပမာ ထိုင်းမှာဆိုရင် ဒီနိုင်သူအကုန်ယူစနစ်နဲ့ PR စနစ်ကို ပေါင်းစပ်ကျင့်သုံးတယ်။ နိုင်သူအကုန်ယူစနစ်နဲ့ လွှတ်တော်ထဲမှာ ၃၇၅ နေရာမှ သတ်မှတ်ပြီးတော့ PR စနစ် နဲ့ ၁၂၅ နေရာ သတ်မှတ်ထားတယ်။ အဲဒီတော့ မဲဆန္ဒရှင်တွေက မဲပေးတော့မယ်ဆိုရင် နှစ်ခါပေးရတယ်။ ဥပမာ လွှတ်တော်ကိုယ်စားလှယ်အတွက်ကို အကြိုက်ဆုံး လွှတ်တော်ကိုယ်စားလှယ်ကို ပေးရတယ်။ မည်သည့်ပါတီကဖြစ်စေ ပေးလို့ ရတယ်။ နောက်တစ်မဲကျတော့ တစ်နိုင်ငံလုံးအနေနဲ့ ကြိုက်တဲ့ပါတီကို ပေးရတယ်။ ပုဂ္ဂိုလ်အရပေးတဲ့မဲက အဲဒီပုဂ္ဂိုလ်ရသွားပြီးတော့ အများဆုံးရတဲ့လူက လွှတ်တော်ကိုယ်စားလှယ် ဖြစ်မယ်။ ပါတီအလိုက်ကို ခြစ်ပေးလိုက်တဲ့ မဲကတော့ တစ်ပြည်လုံးမှာ ဘယ်ပါတီကို ပေးတယ်ဆိုတာ ရသွားမယ်။ အဲဒါက ပါတီလိုက်ခွဲပြီး လွှတ်တော်ထဲ ရောက်သွားတာပေါ့။ ဒီမှာ သူတို့က ဘာသတ်မှတ်ထားလဲဆိုရင် နေရာ ၁၂၅ နေရာမှာ ပါတီလိုက်ပေးထားတာ ဖြစ်တဲ့အတွက်ကြောင့်မို့ ဒေသလွှတ်တော် မြို့နယ်တွေကိုတော့ ကိုယ်စားပြုခွင့်မရှိဘူး။ သူတို့က အစိုးရအဖွဲ့ ဖွဲ့ဖို့အတွက် ပါတီက ရွေးချယ်ထားတဲ့လူတွေ ဖြစ်တယ်။ အဲဒီမှာ ကွာသွားတာပေါ့။ အစိုးရဖွဲ့မယ်၊ ညွန့်ပေါင်းအစိုးရဖွဲ့မယ်ဆိုရင် အဲဒီ ၁၂၅ ယောက်ထဲက ခန့်ကြမယ်။ တကယ်လို့များ ရိုးရိုးမဲဆန္ဒနယ်ကို ရွေးလိုက်မယ်ဆိုရင် အဲဒီနေရာအတွက် ရွေးကောက်ပွဲပြန်လုပ်ရမယ့် ကုန်ကျစရိတ်ကို အစိုးရက ကျခံမယ်။ ၂၀၀၈ ဖွဲ့စည်းပုံအခြေခံဥပဒေမှာ လွှတ်တော်ကိုယ်စားလှယ်အရေအတွက်ကို ပြဋ္ဌာန်းထားတဲ့အတွက် အဲဒီလိုလုပ်ချင်ရင်တော့ ဖွဲ့စည်းပုံကို ပြင်ရမယ်။

မေး- ဒါဆိုရင် PR စနစ်ကို ကျင့်သုံးမယ်ဆိုရင် လုံးဝမဖြစ်မနေ ဖွဲ့စည်းပုံပြင်ရမယ်လို့ ပြောလို့ရလား။

ဖြေ- ကျွန်တော်က ဖွဲ့စည်းပုံအခြေခံဥပဒေဖတ်ပြီး PR စနစ်ကို ချဉ်းကပ်ကြည့်တဲ့အခါမှာ ဖွဲ့စည်းပုံပြင်ရမှာတော့မှန်တယ်။

မေး- တချို့ထောက်ပြတာတွေရှိတယ်။ PR စနစ်ကို တပ်မတော်သားတွေ ကန့်ကွက်ရတာက PR စနစ်ကျင့်သုံးရင် ဖွဲ့စည်းပုံပြင်ရမယ်၊ ၄၃၆ နဲ့သွားမယ်လို့ ပြောတာတွေရှိတယ်။ ဆရာ့အနေနဲ့ ဘယ်လိုထင်မြင်ယူဆလဲ။

ဖြေ- အကြောင်းရင်းတော့ ဘယ်လိုရှိတာလဲဆိုတာတော့ ကျွန်တော် သေသေချာချာမသိဘူး။ ဒါပေမဲ့လို့ အခု PR စနစ်လို့ ပြောလိုက်ရင် ရှုပ်ရှုပ်ထွေးထွေးလုပ်ထားတဲ့ PR စနစ်ကိုပဲ ကြည့်ပြီးတဲ့အခါကျတော့ ဒါကို ကျင့်သုံးမယ်ဆိုရင် ဖွဲ့စည်းပုံအခြေခံဥပဒေပြင်ရမယ်။ မဲပေးတဲ့စနစ်တွေ ပြင်ရမယ်။ မဲစာရွက်တွေ ပြင်ရမယ်။ မဲပေးပုံတွေ ပြင်ရမယ်၊ အဲဒီလိုတွေးလိုက်တဲ့အခါမှာ ကျွန်တော်တို့ဆီမှာက ဒီမိုကရေစီနည်းကျ မဲပေးတဲ့ပုံစံက တစ်ခါပဲရှိသေးတဲ့ တိုင်းပြည်ဆိုတော့ မသင့်လျော်ဘူး။ အပြောင်းအလဲတွေ သိပ်များတယ်၊ ရှုပ်ထွေးမှုတွေ ရှိနေတယ်ဆိုပြီး စဉ်းစားကြတာများတယ်။ အဲဒီလိုမျိုးစဉ်းစားရင် မှန်တယ်။ နောက်တစ်ခု နိုင်ငံရေးစနစ်၊ နိုင်ငံရေးအခြေအနေအရလည်း ၂၀၁၀ တုန်းက ခင်ဗျားတို့ နိုင်တယ်။ သူများအလှည့်ရောက်တော့ ကစားပွဲရဲ့ အခင်းအကျင်းကို ပြင်တယ်လို့ အမြင်မျိုး အများပြည်သူအများစုက မြင်သွားလို့ရှိရင် မလိုလားအပ်တဲ့ ဆူပူမှုတွေ ဖြစ်လာနိုင်တယ်လို့ တပ်မတော်က စိုးရိမ်ပုံရတယ်။ ဒါ့အပြင် တပ်မတော်ကတော့ အခုကိစ္စမှာ ဘယ်ပါတီရဲ့နောက်ကိုမှ မလိုက်ဘူး။ တိုင်းပြည်တည်ငြိမ်ရေးအတွက်၊ ဒီမိုကရေစီရေးအတွက် လွတ်လွတ်ကင်းကင်း ရပ်တည်မယ်ဆိုတာကို ကြေညာချင်တဲ့ အနေအထားလို့ ထင်ပါတယ်။

မေး- အခု PR စနစ်ကို တပ်မတော်၊ NLD နဲ့ တိုင်းရင်းသားပါတီတွေက ကန့်ကွက်ထားတယ်။ အဲဒီလို ကန့်ကွက်တဲ့ကြားက ပြည်ခိုင်ဖြိုးက ဇွတ်အတင်းလုပ်မယ်ဆိုရင် ဘာတွေဆက်ဖြစ်လာနိုင်မလဲ။

ဖြေ- ပြောရတာတော့ ခက်တာပေါ့။ တပ်မတော်အနေနဲ့ကတော့ တတ်နိုင်သမျှ ဒီမိုကရေစီဘောင်အတွင်းက လုပ်နေတယ်။ ဖွဲ့စည်းပုံအခြေခံဥပဒေဘောင်အတွင်းက လုပ်နေသရွေ့တော့ သူကတော့ သတိပေးတာလောက်ပဲ လုပ်တယ်။ အမျိုးသားလွှတ်တော်မှာ ဆွေးနွေးတာကတော့ နိုင်ငံရေးမတည်မငြိမ်မှုတွေ ဖြစ်လာနိုင်တယ်လို့ သတိပေးတာပေါ့။ ဆိုတော့ တကယ်တမ်း အကောင်အထည်ဖော်တဲ့အခါမှာ ဖွဲ့စည်းပုံအခြေခံဥပဒေပါ ပြဋ္ဌာန်းချက်တွေ ငြိစွန်းပြီးတော့ ချိုးဖောက်ပြီးတော့ လုပ်တဲ့ဟာမျိုးဆိုရင်တော့ တပ်မတော်ဘက်က လက်ခံမှာမဟုတ်ဘူး။ သမ္မတရဲ့မိန့်ခွန်း ဖတ်လိုက်ရတာ သမ္မတကလည်း စနစ်တခုဟာ အခြေမခိုင်ခင် နောက်စနစ်တစ်ခုကို ပြောင်းလဲကျင့်သုံးတာ မလုပ်သင့်ဘူးဆိုတဲ့ အနေအထား ပြောလိုက်တယ်။

မေး- ဒီ PR စနစ်ကိုသာ ကျင့်သုံးဖို့ အတည်ဖြစ်လာမယ်ဆိုရင် အခုအချိန်မှာ ဆက်ဆံရေးကောင်းနေတဲ့ NLD ဥက္ကဋ္ဌ ဒေါ်အောင်ဆန်းစုကြည်နဲ့ ပြည်ခိုင်ဖြိုးဥက္ကဋ္ဌ သူရဦးရွှေမန်းတို့ရဲ့ ဆက်ဆံရေးက ဘယ်လိုများဖြစ်သွားမလဲ။

ဖြေ- သဘောထားကြီးကြီးထားနိုင်ရင်တော့ ကောင်းတာပေါ့ဗျာ။ သဘောထားမတူဘူး၊ မတိုက်ဆိုင်ဘူးဆိုတာက ဖြစ်လေ့ဖြစ်ထရှိတဲ့ကိစ္စပဲလေ။ မကြာခဏ အခါအခွင့်ရတိုင်း သူတို့လည်း ဆွေးနွေးကြတာရှိတယ်။ တစ်ဖက်နဲ့တစ်ဖက် နားလည်မှုရှိပြီး အဆင်ပြေချောမွေ့သွားတာရှိတယ်။ ဒီကိစ္စလည်း နားလည်ရမှာကတော့ နိုင်ငံရေးဆိုတာ ဒီလိုပါပဲ။

မေး- လက်ရှိဖွဲ့စည်းပုံအရ သမ္မတကို ပြည်သူက တိုက်ရိုက်ရွေးချယ်တဲ့ စနစ်မဟုတ်ဘဲ လွှတ်တော်က ရွေးချယ်တဲ့စနစ်ဆိုတော့ PR စနစ်ကျင့်သုံးမယ်ဆိုရင် သမ္မတကို ရွေးချယ်တဲ့နေရာမှာ အခက်အခဲတွေ ရှိမလာနိုင်ဘူးလား။

ဖြေ- မရှုပ်ထွေးနိုင်ပါဘူး။ ပိုပြီးစိတ်ဝင်စားဖို့ ကောင်းလာမှာပေါ့လေ။ လွှတ်တော်ထဲမှာ ပြည်ခိုင်ဖြိုးပါတီကလည်း အသင့်အတင့်၊ NLD က အများအပြားနိုင်မယ်။ တိုင်းရင်းသားပါတီတွေက မျှတတဲ့အချိုးဆိုတော့ တိုင်းရင်းသားပါတီတွေရဲ့ မဲပေးမှု၊ မဲရဲ့ပါဝါနဲ့ တပ်မတော်သား ၂၅ ရာခိုင်နှုန်း မဲတွေက လွှတ်တော်ထဲမှာ ပိုအားကောင်းလာမယ့် သဘောရှိတာပေါ့။ သမ္မတရွေးဖို့ဆိုရင် အဲဒီထောက်ခံမှုရမှ NLD က ဦးဆောင်ပြီးတော့ သမ္မတတစ်ယောက်တင်မယ်ဆိုရင် သူတို့ကို တပ်မတော်သားတွေက ထောက်ခံမလား၊ တိုင်းရင်းသားအုပ်စုတွေက ထောက်ခံမလား ပိုပြီးအချက်အချာကျလာတယ်။ လွှတ်တော်ထဲမှာ အဆိုတွေ ဘာတွေတင်မယ်၊ ဆွေးနွေးကြမယ်ဆိုရင် အဆိုတွေနဲ့ပတ်သက်လို့ ပြောနိုင်ဆိုနိုင်၊ ပြောတာဆိုတာတွေက အကျိုးအကြောင်းရှိရှိ ပြောနိုင်ဆိုနိုင်တဲ့ဟာတွေက ပိုပြီးတော့ စိတ်ဝင်စားဖို့ ကောင်းလာလိမ့်မယ်။ အခုကတော့ ပါတီကြီးတစ်ခုကပဲ လွှမ်းမိုးထားတဲ့အတွက်ကြောင့်မို့ အခုမြင်နေရတာက ပါတီဥက္ကဋ္ဌ တာဝန်ယူထားတဲ့ပုဂ္ဂိုလ်၊ လွှတ်တော်ဥက္ကဋ္ဌ တာဝန်ယူထားတဲ့ပုဂ္ဂိုလ်က နည်းနည်းလေး ယိမ်းပြလိုက်တာနဲ့ အဲဒီအချိုးရဲ့ရလဒ်က ဘာဖြစ်မလဲဆိုတာ ကျွန်တော်တို့က သိတယ်။ မဲပေးတာကိုတောင် စိတ်မ၀င်စားကြဘူး။ တချို့အဆိုတွေကို သိပ်နားမထောင်ကြတော့ဘူး။ ရှေ့က ခေါင်းဆောင်မတ်တတ်လား၊ ထိုင်လားကြည့်တဲ့ သဘောဖြစ်တယ်။ အဆိုတွေ မဲခွဲတဲ့နေရာမှာလည်း လျှို့ဝှက်မဲပေးစနစ်နဲ့ မဲခွဲလည်း ဥပဒေကြမ်းကော်မတီက တင်တဲ့အပေါ် မျက်စိမှိတ်ပြီး ထောက်ခံလိုက်တာပဲ ဖြစ်နေတယ်။ အဲဒီတော့ လွှတ်တော်ကလည်း ထိုင်းထိုင်းမှိုင်းမှိုင်း ဖြစ်နေတာပေါ့။ ကိုယ့်ဦးနှောက်ကိုသုံးပြီး လွှတ်တော်ကိုယ်စားလှယ်က ဆုံးဖြတ်တာမျိုး အခုလိုစနစ်မျိုးမှာ သိပ်မတွေ့ရဘူး။

မေး- ဒီတစ်ပတ်ထဲမှာ ပြည်သူ့လွှတ်တော်မှာ PR စနစ်နဲ့ ပတ်သက်ပြီး ဆွေးနွေးမယ်လို့ ကြားတယ်။ ဒီလို ဆွေးနွေးတဲ့အခါမှာ အန်ကယ်အပါအ၀င် တိုင်းရင်းသားပါတီက လွှတ်တော်အမတ်တွေက ဘယ်လိုဆုံးဖြတ်ကြမှာလဲ။

ဖြေ- တိုင်းရင်းသားပါတီတွေကတော့ ပြောထားပြီးပြီ။ လက်မခံဘူး NLD ကလည်း လက်မခံဘူး ပြောထားပြီးပြီ။

မေး- ပြီးခဲ့တဲ့အမျိုးသားလွှတ်တော်မှာ PR စနစ်နဲ့ ပတ်သက်ပြီး ဆွေးနွေးတဲ့အခါမှာ အချို့သော ပြည်ခိုင်ဖြိုးပါတီက လွှတ်တော်အမတ်တွေက ကန့်ကွက်ချင်ပေမယ့် မဲပေးတဲ့စနစ်က လျှို့ဝှက်မဲပေးတဲ့စနစ်ကို မကျင့်သုံးဘဲ မတ်တတ်ရပ်တဲ့ စနစ်ကို ကျင့်သုံးတဲ့အတွက် ထောက်ခံလိုက်ရတယ်လို့ ပြောကြတာတွေရှိပါတယ်။ ဒါကြောင့် ပြည်သူ့လွှတ်တော်မှာ မဲခွဲတဲ့အခါမှာကော ဘယ်လိုစနစ်နဲ့ မဲခွဲစေချင်ပါလဲ။

ဖြေ- ဒီကိစ္စမဲခွဲတဲ့ နေရာမှာတော့ သိပ်မထူးဘူးလို့ ထင်ပါတယ်။ ဘာကြောင့်လဲဆိုတော့ ပြည်ခိုင်ဖြိုးပါတီက ဒီစနစ်ကို ကျင့်သုံးချင်နေတာကိုး။ ကျင့်သုံးချင်နေတဲ့အခါကျတော့ ပြည်ခိုင်ဖြိုးပါတီအမတ်အများစုက ထောက်ခံမှာဖြစ်တဲ့အတွက် ထိုင်ခိုင်းသည်ဖြစ်စေ၊ ထခိုင်းသည်ဖြစ်စေ၊ လျှို့ဝှက်မဲဖြစ်စေ၊ ပြည်ခိုင်ဖြိုးပါတီက အများစုဖြစ်နေတဲ့အတွက် နိုင်သွားမှာပါပဲ။ လျှို့ဝှက်မဲပေးစနစ်မှာ နှစ်မျိုးရှိတယ်။ တစ်မျိုးက မဲပေးတဲ့လူက ဘာကိုမဲပေးလိုက်တယ်ဆိုတာ မသိအောင် မော်နီတာမှာမပေါ်တဲ့စနစ်၊ နောက်တစ်နည်းက မော်နီတာကနေ ဘယ်သူဘာကို ပေးလိုက်တယ်ဆိုတာ ကြည့်လို့ရတဲ့စနစ်။ အဓိကကတော့ ဒီကိစ္စမဲခွဲတဲ့နေရာမှာ လွှတ်တော်ဥက္ကဋ္ဌအနေနဲ့ ဘယ်စနစ်ကို ကျင့်သုံးမလဲဆိုတာ ကြေညာသင့်တယ်။

မေး- တိုင်းရင်းသားပါတီက လွှတ်တော်အမတ်လည်းဖြစ်တော့ အန်ကယ်တစ်ဦးတည်း သဘောအရဆိုရင် ဒီ PR စနစ်ကို လက်ခံနိုင်လား။

ဖြေ- PR စနစ်က အခုအနေအထားအရ ကျွန်တော့်အနေနဲ့ မဖြစ်မနေ ကျင့်သုံးမယ်ဆိုရင် မျှတဆုံးနဲ့ ရှုပ်ထွေးမှု အနည်းဆုံးဖြစ်ပြီးတော့ လွယ်လင့်တကူ ဖြစ်မယ့်နည်းကို စဉ်းစားနေတာပေါ့နော်။ ဘာဖြစ်လို့လဲဆိုတော့ သူတို့သိပ်လုပ်ချင်နေပြီဆိုတဲ့ အခါကျတော့ ဒါက ဖြစ်လာနိုင်တယ်။ ကျွန်တော်တို့ကလည်း ဆိုးဆိုးရွားရွား ဖြစ်မသွားအောင် ဥပမာဆိုကြပါစို့။ မဲတွေကို ပါတီအလိုက် ခွဲတဲ့အခါမှာ တစ်ပြည်လုံးခြုံပြီး ခွဲလိုက်ရင်တော့ ကျွန်တော်တို့ တိုင်းရင်းသားတွေက နစ်နာတယ်။ ပြည်နယ်လိုက်ခြုံပြီး တွက်ရင်တော့ နည်းနည်းသက်သာတယ်။ အဲဒီလို ကျွန်တော်တို့နစ်နာတာ နည်းတဲ့စနစ် ဖြစ်လာဖို့ စဉ်းစားနေရတာပေါ့။ စဉ်းစားပြီးတော့ တတ်နိုင်သလောက် အကြံပြုရတာပေါ့။

မေး- PR စနစ်ကို့ ဘယ်လိုနိုင်ငံမျိုးတွေမှာ ကျင့်သုံးတာတွေ့ရလဲ။

ဖြေ- PR စနစ်ကတော့ နာမည်ကြီးတာတော့ ဂျာမနီမှာလည်း ကျင့်သုံးတယ်။ အိန္ဒိယမှာလည်း အထက်လွှတ်တော်မှာ ကျင့်သုံးတယ်။ ထိုင်းမှာလည်း ကျင့်သုံးတယ်။ သူကတော့ နိုင်ငံရေးပေါ်လစီ တည်ငြိမ်အောင် တတ်နိုင်သမျှ တည်ငြိမ်စေချင်တဲ့သဘောနဲ့ ကျင့်သုံးတာပေါ့။ ဥပမာ ကျွန်တော်တို့ ဥပဒေပြုတဲ့အခါမှာ ပြည်ခိုင်ဖြိုးပါတီက လုပ်ချင်တယ်ဆိုရင် တခြားပါတီက ဘယ်လိုပဲလုပ်လုပ်၊ ကန့်ကွက်ပဲကန့်ကွက်၊ အကျိုးယုတ်နိုင်တယ်ပဲပြောပြော သူတို့အတွက် အကျိုးရှိမယ်ဆိုရင် အများစုမဲဆန္ဒနဲ့ ပြုလိုက်မှာပဲ။ အဲဒီတော့ နောက်တစ်ကြိမ် ရွေးကောက်ပွဲမှာ တခြားပါတီက နိုင်သွားရင် အဲဒီပါတီကြီးက အပြောင်းအလဲလုပ်ပြီး အဲဒီဥပဒေကို ဖျက်လိုက်ဖို့က မခဲယဉ်းဘူး။ အဲဒီတော့ အခုစနစ်နဲ့သွားရင် တိုင်းပြည်က မကြာခဏ ပေါ်လစီပြောင်း၊ ဒါမှမဟုတ် ဥပဒေတွေ ပြောင်းပြီးတော့ မတည်မငြိမ်ဖြစ်ဖို့ ပိုများတာပေါ့။ နိုင်ငံခြားရင်းနှီးမြှုပ်နှံမှုနဲ့ဆိုရင်လည်း မကြာခဏ အပြောင်းအလဲတွေ ဖြစ်နိုင်တာပေါ့။

မေး- အခု ပြည်ခိုင်ဖြိုးက အတည်ဖြစ်ဖို့ လုပ်နေတဲ့ PR စနစ်ကကော ဘယ်လိုစနစ်မျိုးလဲ။

ဖြေ- အသေးစိတ်တော့ ကျွန်တော်လည်း မသိဘူး။ ကျွန်တော်မေးမြန်းကြည့်သလောက်တော့ အသေးစိတ်ကြီး ဘယ်လိုလုပ်မယ်ဆိုတာကို မပြောသေးဘူး။ ဒီ PR စနစ်နဲ့ ကျင့်သုံးတဲ့ တိုင်းပြည်တွေမှာ နိုင်ငံရေးတည်ငြိမ်မှုရှိတယ်။ ကိုယ်စားပြုမှု ပိုပြီးတရားမျှတတယ်။ အဲဒါကို ထောက်ပြပြီး ဒါလုပ်သင့်တယ်လို့ ပြောတာပဲ ရှိသေးတယ်။ အသေးစိတ် ဘယ်လိုပုံစံကျင့်သုံးမယ်ဆိုတာတော့ လက်ရှိ တိုင်းပြည်ရဲ့ပုံစံနဲ့ သွားရမှာဆိုတော့ စနစ်တွေကလည်း အများကြီးရှိတယ်။

မေး- ပြီးခဲ့တဲ့ ၂၀၁၃ ခုနှစ် မကုန်ခင်တုန်းက ရွေးကောက်ပွဲကော်မရှင်ဥက္ကဋ္ဌက ပြောထားတာရှိပါတယ်။ ၂၀၁၃ ခုနှစ်မကုန်ခင် PR စနစ်ကို ကျင့်သုံးမယ်၊ မကျင့်သုံးဘူးဆိုတဲ့အဖြေ သူ့ကိုပေးမှ ၂၀၁၅ မှာ လုပ်လို့ရမယ်လို့ ပြောထားတာ ရှိပါတယ်။ ဒါကို လွှတ်တော်က အခုမှဆွေးနွေးတယ်ဆိုတော့ ၂၀၁၅ ရွေးကောက်ပွဲမှာ PR စနစ် ကျင့်သုံးဖို့ ဖြစ်နိုင်ပါ့မလား။

ဖြေ- ခုနက ကျွန်တော်ပြောတဲ့ ပုံစံမျိုးသုံးရင်တော့ ဘာမှ ထူးထူးခြားခြား အလုပ်ရှုပ်စရာ အကြောင်းမရှိဘူး။ နဂို ၂၀၁၀ ရွေးကောက်ပွဲပုံစံလိုပဲ ရွေးကောက်ပွဲကိုလုပ်မယ်။ စာရွက်စာတမ်းတွေ မဲပေးရမယ့်၊ ခြစ်ရမယ့် ကတ်ပြားတွေ အရင်အတိုင်းပဲ လုပ်ရမယ်။ ဒါပေမဲ့ ရွေးကောက်ပွဲမှာ မဲရေတွက်တဲ့စနစ်၊ ဘယ်ဆန္ဒနယ်မှာ အောင်သလဲဆိုတဲ့ မဲရေတွက်တဲ့ စနစ်ကို ပြင်လိုက်တာနဲ့ မဲရေတွက်တဲ့စနစ်မှာပဲ ပြဋ္ဌာန်းလိုက်ရင်ရတယ်။ အဲဒါက အလွယ်ဆုံးဖြစ်တဲ့အပြင် နည်းနည်းပိုပြီး ဒီမိုကရေစီကျတယ် ထင်တယ်။ ပြည်သူလူထုက မဲလာပေးတဲ့လူရဲ့ ၅၀ ရာခိုင်နှုန်းကျော်က ထောက်ခံတယ်ဆိုရင်၊ လွှတ်တော်အမတ်ဖြစ်မယ်ဆိုရင် ဒါက ပိုပြီးမျှတတာပေါ့။ ဒါကတော့ အကြမ်းဖျင်း စဉ်းစားချက်ဖြစ်ပါတယ်။

မေး- အန်ကယ့်အနေနဲ့ ဘာများဖြည့်စွက် ပြောကြားချင်ပါသေးလဲ။

ဖြေ- ကျွန်တော့်ဘက်ကတော့ သိပ်ထွေထွေထူးထူး ပြောစရာမရှိပါဘူး။ PR စနစ်ပဲဖြစ်ဖြစ်၊ ပေါင်းစပ် PR စနစ်ကိုပဲဖြစ်ဖြစ် ပြည်နယ်တွေမှာ မကျင့်သုံးသင့်ဘူး။ အခုစနစ်က လူနည်းစုတွေကို ပိုပါဝင်ခွင့်ရတယ်။ အခုစနစ်အတိုင်းဆို ပအိုဝ်းကိုယ်စားလှယ်တွေ လွှတ်တော်ထဲရောက်လာတာ PR စနစ်ကို ပြည်နယ်တွေမှာ သွားသုံးရင် လူနည်းစုကိုယ်စားလှယ်တွေ လွှတ်တော်ထဲကို ရောက်လာမှာ မဟုတ်ဘူး။ လူမျိုးစုံကို ကိုယ်စားပြုတဲ့ လွှတ်တော်အမတ်များ လွှတ်တော်ထဲ ရောက်ရှိရေးဆိုတဲ့ PR စနစ်ရဲ့ ရည်ရွယ်ချက်နဲ့ ဆန့်ကျင်ဘက်ဖြစ်သွားလိမ့်မယ်။ အဲဒီတော့ လက်ရှိကျင့်သုံးနေတဲ့ စနစ်မှာရော PR စနစ်မှာရော ချို့ယွင်းချက်၊ အားနည်းချက်တွေနဲ့ အားကောင်းချက်တွေ ရှိကြတော့ ဘယ်ဟာလုပ်သင့်တယ်ဆိုတာတော့ လွှတ်တော်က ဒီမိုကရေစီနည်းကျ ဆုံးဖြတ်တာကို နာခံပြီးတော့ အကောင်းဆုံးဖြစ်အောင် ကြိုးစားသွားဖို့ပဲ ရှိပါတယ်။

7Day Daily