သံရုံးဝန်ထမ်းများ လုံခြုံရေး အီရတ်နိုင်ငံသို့ အမေရိကန်စစ်သည်များ စေလွှတ်

၂၀၀၉ ခုနှစ်က အီရတ်နိုင်ငံတွင် တာဝန်ထမ်းဆောင်နေသော အမေရိကန်စစ်သားတစ်ဦးကို တွေ့ရစဉ် (Photo - AFP)

အမေရိကန် အစိုးရသည် အီရတ်နိုင်ငံရှိ ကန်သံရုံးဝန်ထမ်းများကို ကာကွယ်ရန် စစ်သည် ၂၇၅ ဦးကို စတင်ပို့ဆောင်လိုက်ကြောင်း သိရှိရသည်။

ISIL စစ်သွေးကြွများ၏ ခြိမ်းခြောက်မှုကို ခံနေရသည့် ဘဂ္ဂဒက်မြို့တော်တွင် အမေရိကန် စစ်သည်များ စတင်တပ်စွဲမည် ဖြစ်သော်လည်း သံရုံးဝန်ထမ်းများ ကာကွယ်ရေးအတွက်သာ အဓိက ရည်ရွယ်ကြောင်း အိမ်ဖြူတော်က ကြေညာသည်။
“ဘဂ္ဂဒက်ကို ပို့လွှတ်လိုက်တဲ့ စစ်သည် ၂၇၅ ဦးဟာ သံရုံးလုံခြုံရေးတွေနဲ့ ပူးပေါင်းဆောင်ရွက်မှာပါ။ ဘာဆာရာနဲ့ အာဘီလ်မြို့တေမှာရှိတဲ့ ကောင်စစ်ဝန်ရုံးတွေက သံအမှုထမ်းတွေကို ရွှေ့ပြောင်းရေးမှာလည်း ကူညီသွားပါမယ်”ဟု အိမ်ဖြူတော်၏ ဖော်ပြချက်တွင် ပါရှိသည်။ အမေရိကန်သည် လေဆိပ်လုံခြုံရေးနှင့် စီမံခန့်ခွဲရေး ကဏ္ဍအတွက်လည်း နောက်ထပ်စစ်သည် ၁၀၀ ကို အားဖြည့်ပို့ဆောင်သွားမည် ဖြစ်သည်။

အမေရိကန် နိုင်ငံခြားရေး ဝန်ကြီးဖြစ်သူ ဂျွန်ကယ်ရီက အမေရိကန် အစိုးရ အနေဖြင့် အီရတ်အရေးနှင့် ပတ်သက်ပြီး ကောင်းကျိုးဖြစ်စေမည် ဆိုပါက မည်သည့်အခြေအနေကိုမဆို စဉ်းစားမည်ဟု ပြောဆိုထားသည်။ အီရတ်တွင် စစ်သွေးကြွများ အုံကြွတိုက်ခိုက်နေမှုအတွက် အမေရိကန်က အီရန်နိုင်ငံနှင့် ဆွေးနွေးဖွယ် ရှိနေကြောင်းလည်း သတင်းများ ထွက်ပေါ်လျက် ရှိသည်။

စစ်သားများ စေလွှတ်ခြင်းနှင့် ပတ်သက်ပြီး အိမ်ဖြူတော် ပြောရေးဆိုခွင့်ရ အရာရှိ တစ်ဦးက “အမေရိကန် စစ်မှုထမ်းတွေက အီရတ်အစိုးရရဲ့ ခွင့်ပြုချက်အရ အီရတ်နိုင်ငံထဲ ဝင်ရောက်သွားပါပြီ။ ဘဂ္ဂဒက်က အမေရိကန် သံရုံးကိုတော့ ဆက်ပြီး ဖွင့်လှစ်ထားဆဲပါ။ အမေရိကန် စစ်သည်တွေကတော့ နိုင်ငံသားတွေရဲ့ လုံခြုံရေး ကဏ္ဍအတွက် အပြည့်အဝ တာဝန်ယူ ဆောင်ရွက်သွားမှာ ဖြစ်ပါတယ်”ဟု ပြောကြားခဲ့သည်။

လက်ရှိတွင် အီရတ်စစ်တပ်နှင့် စစ်သွေးကြွများကြား တိုက်ပွဲများ ပြင်းထန်နေဆဲဖြစ်ပြီး ဘဂ္ဂဒက်မြို့တော် အနောက်ဘက် ၄၅ မိုင်မျှ အကွာတွင် စစ်သွေးကြွများ ပစ်ချမှုကြောင့် စစ်ဘက်ရဟတ်ယာဉ်တစ်စီး ပျက်ကျခဲ့ကြောင်း သတင်းများ ထွက်ပေါ်လျက်ရှိသည်။

-Ref; BBC

7Day Daily