လူထုဒေါ်အမာ ပြောသော ကျားဘညိမ်း

ဆရာကျားဘညိမ်းအကြောင်း စာဖတ်သူများ သိရှိနိုင်အောင် တင်ပြရန် စာဟောင်းပေဟောင်းများ ရှာခဲ့သည်မှာ ကြာပါပြီ။ ယခုတော့ အမေ လူထုဒေါ်အမာက အသေးစိတ် ရေးသားထားသည့် ဆောင်းပါးတပုဒ်ကို ဖတ်မိ၍ မကျဉ်းမကျယ် ပြန်လည် ဖောက်သည် ချလိုက်ပါ၏။

• မန္တလေးသား လက်ဝှေ့သမား

ဆရာ့ကို ၁၉၂၃ ခုနှစ်က မွေးဖွားခဲ့သည်။ ကျနော့်ထက် ၁၈ နှစ်ကြီးရာ အကိုကြီးအရွယ်ဟု ခေါ်ရမည်။ သူသည် လက်ဝှေ့ အားကစားသမား၊ အကြမ်းသမားသာ မဟုတ်၊ အနုပညာကို ခုံမင်သော အားကစား စာရေးဆရာလည်း ဖြစ်ကြောင်း လူထု သတင်းစာဟောင်းများမှ သိခဲ့ရပါသည်။ တနေ့တွင် ဒေါ်အမာက “ ကိုဘညိမ်း ရှင့်အကြောင်း အတိုဆုံး ပြောပြစမ်းပါ ” ဟု ဆိုသည်။ ထိုအခါ ဆရာ ညိမ်းက “ ၁၉၂၃ ခုနှစ်မှာ မွေး။ အရပ် ၅ ပေ ၄ လက်မ၊ ကိုယ်အလေးချိန် ၉ စတုံခန့် (၁၂ဝ ပေါင်)။ အသက်လေးဆယ် အရွယ်မှာ ကလေး ဆယ်ယောက်အဖေ။ ၂ ယောက်သေလို့ ဇနီးနဲ့ သားသမီး ၈ ယောက်ကို လက်ဝှေ့ နည်းပြဆရာအဖြစ်နဲ့ မဝတဝ လုပ်ကျွေးခဲ့ရတယ်ဗျ ” ဟု ပြောဆိုခဲ့သည်။ 

• ကျားဘညိမ်း အမည်ရခဲ့ပုံ

ဆရာမှာ ကျားထိုး အလွန် ၀ါသနာပါသည်။ ဆယ်နှစ်သား အရွယ်တွင် ညီဖြစ်သူ ကိုဘသိန်း (ချစ်ညို) နှင့် ၁၂ ကောင် ကျားထိုးရာ သူနိုင် ငါရှုံး၊ ဘတပြန် ကျားတပြန် ဖြစ်နေသည်။ ထိုအခါ မန္တလေးမှ ကျားဘုရင် ဦးဘသိန်း ရောက်လာပြီး “ မင်းတို့ ကစားပုံကလည်းကွာ” ဟု အပြစ်တင်ကာ ကျားရွှေ့နည်းများကို သင်ပေးခဲ့သည်။ ထိုစဉ်က မန္တလေးတွင် ပန်းချီဆရာများ ခေတ်စားနေသည်။ ဘရင်ကလေး၊ ကြွယ်လေး၊ ညိုလေးစသည့် ပန်းချီဆရာ တစုက သူတို့၏ ပန်းချီပုံများ အောက်တွင် ကိုယ့်နာမည်ကိုယ် လက်မှတ်ထိုးခဲ့သည်။ 

ကျားဘုရား (ခ) ကျားဘုရင် ဦးဘသိန်းကလည်း ကျားကြီး ဘသိန်းဟု လက်မှတ်ထိုးသည်။ သို့နှင့် ဆရာညိမ်းမှာ ကျားကလေး ဖြစ်လာခဲ့သည်။ ၁၉၄၇ ခုနှစ်က ကျင်းပခဲ့သော လက်ဝှေ့ပွဲတွင် ဘင်တန်ဝိတ်တန်းတွင် ဆရာ ချန်ပီယံ ဖြစ်ခဲ့သည်။ ဒီအခါ လူထုသတင်းစာမှာ “ ကျားဘညိမ်း နိုင်သွားပြီ ” ဟု ရေးလိုက်ရာ ထိုအချိန်မှ စ၍ ကျားဘညိမ်း ဖြစ်လာတယ်ဟု ဆရာက ရှင်းပြဖူးသည်။ 

• သိပ္ပံနည်းကျ လက်ဝှေ့သမား

ဆရာ ကျားဘညိမ်းသည် လက်ဝှေ့ထိုးသက် အနှစ် ၂ဝ တွင် ပွဲပေါင်း ၅ဝ ကျော် ထိုးသတ်ခဲ့သည်။ ထိုငါးဆယ်ကျော်တွင် ၇ ပွဲသာ အမှတ်ဖြင့် ရှုံးခဲ့သည်။ ကျန်ပွဲ ၄ဝ ကျော်တွင် ကျားဘညိမ်းက နိုင်ခဲ့သည်။ ထိုပွဲလေးကျော် အနက် သူ အနှစ်သက်ဆုံး ဆုဖလားပွဲမှာ သိပ္ပံနည်းအကျဆုံး လက်ဝှေ့ထိုးသူဆု ရခဲ့သည့် ပွဲပင်ဖြစ်၏။ လွတ်လပ်ရေး ရပြီးစ ၁၉၄၉ ခုနှစ်အတွင်း ကျားဘညိမ်းသည် မင်းကြွယ်၊ ဆင်မြူရယ်၊ ကီးဝှိုက်၊ စောဟာဒီ၊ မဂျစ်တို့နှင့် ယှဉ်ပြိုင် ထိုးသတ်ခဲ့သည်။ တစ်ညတွင် ကျားဘညိမ်းနှင့် စိန်ပေါလ်မှ လင်းမာဆယ်တို့ ထိုးကြသည်။ ထိုပွဲတွင် ကျားဘညိမ်းက မာဆယ်အား ရှောင်ကာ တိမ်းကာ ဘယ်ဝိုက်၊ ညာ ဖြောင့်လက်သီးများဖြင့် တစ်ဖက်လူကို အနိုင်ယူခဲ့သည်။ ဒိုင်အဖွဲ့က ကျားဘညိမ်းကို သိပ္ပံနည်းကျ ထိုးသတ်နိုင်သူဆု ပေးသည်။

အားလပ်သည့် ရက်တရက်တွင် ကျားဘညိမ်းသည် လက်ဆည်ကန်ရှိ လူထု သတင်းစာတိုက်သို့ ရောက်သွားပြီး ဒေါ်အမာ၏ စားပွဲတွင် အားရပါးရ စကားကို ဖောင်လောက်အောင် ပြောနေသည်။ သူက လက်ဝှေ့အကြောင်း ပြောရလျှင် ထမင်းမေ့၊ ဟင်းမေ့ ပြောသည်။ ဤတွင် ဒေါ်အမာက ကြားဖြတ်ကာ“ ရှင်ထိုးသမျှ ပွဲတွေထဲမှာ ဘယ်ပွဲဟာ အမြိန်ဆုံးလဲ ” ဟု မေးလိုက်သည်။ ဆရာ ဘညိမ်းက “၁၉၅၁ ခု၊ အိန္ဒိယပြည် ဖယ်သာဝိတ် ချန်ပီယံ ဗီဘို့စ်နဲ့ ထိုးရတဲ့ပွဲဟာ အမြိန်ဆုံးပဲဗျ” ဟု ဆိုသည်။ အဲ့ဒီညက အိန္ဒိယမှ လက်ဝှေ့ ၇ ဆိုင်း လာထိုးသည်။ ကျားဘညိမ်းနှင့် ထိုးသည့်ပွဲကလွဲပြီး အားလုံး ရှုံးကြသည်။ မဂျစ်၊ မျိုးသန့်၊ အောင်မြင့်၊ ဆင်မြူရယ် တို့ ရှုံးပြီး ကျားဘညိမ်း တဦးသာ နိုင်ခဲ့သဖြင့် လက်ဝှေ့ပွဲများ အပြီးတွင် အိုးဝေ သတင်းစာက “ကျားဘညိမ်း တယောက်ရှိလို့သာ ဗမာတွေ ခေါင်းဖော်နိုင်တော့သည်” ဟု ရေးလိုက်သည်။ 

“အဲဒီည လက်ဝှေ့မထိုးခင် ကျနော့်မိန်းမ မကြည်က သိပ်အစိုးရိမ် လွန်ပြီး မျက်စိမျက်နှာ ပျက်နေတော့ ကျနော်က စိတ်မပူပါနဲ့ကွာ၊ ငါနိုင်အောင် ထိုးမှာပါ” ဟု ပြော၍ စင်ပေါ်တက်ပြီး ဘို့စ်နှင့် ရင်ဆိုင် ထိုးခဲ့သည်။ ထိုအချိန်က ဘို့စ်သည် အိုလံပစ်တွင် ၂ ကြိမ် ဆုရခဲ့သော အိန္ဒိယ၏ အကောင်းဆုံး လက်ဝှေ့အကျော် ဖြစ်၏။

အိန္ဒိယ လက်ဝှေ့အကျော် ဘို့စ်ကို ကျားဘညိမ်းက အနိုင်ယူ ထိုးသတ်သဖြင့် ဗမာလူထုက ကျားဘညိမ်းကို အထူး ချီးကျူးခဲ့လေသည်။ ထို့နောက် ၁၉၅၂ ခု ဖင်လန်တွင် ပြုလုပ်သော ၁၅ ကြိမ်မြောက် အိုလံပစ်ပွဲသို့ ကျားဘညိမ်း သွားခွင့်ရသည်။ ထိုစဉ်က ကျားဘညိမ်းမှာ အသက် ၂၈ နှစ်ရှိပြီး ကလေး သုံးယောက်အဖေ ဖြစ်နေလေပြီ။

ပြည်တွင်းပွဲများတွင် ကျားဘညိမ်း လက်ဝှေ့ထိုးတိုင်း စိတ်မချသဖြင့် ဒေါ်ကြည်က ရင်တမမဖြင့် လိုက်လံကြည့်ရှု အားပေးခဲ့၏။ ဆရာဘညိမ်း လက်ဝှေ့ထိုးပုံမှာ ရှောင်ပြေးပြီးမှ ပြန်ထိုးခြင်း မဟုတ်။ ဝေးဝေး ထွက်မထိုးဘဲ တဖက် လက်ဝှေ့သမားကို ရဲရဲဝံ့ဝံ့ ကြည့်နေပြီး သူလက်ကွက် ပျက်သည်နှင့် အဆက်မပြတ် ဝင်ထိုးနည်းဖြစ်သည်။ ပရိသတ်က ဘညိမ်းကွ . . . ကျားဘညိမ်းကွ ဟု အော်လေ သူ၏ လက်သီးထိုးချက်က မြန်လေဖြစ်သည်။

• လူငယ်လက်ဝှေ့သမားများ မွေးထုတ်

ကျားဘညိမ်းသည် အနာဂတ် မျိုးဆက်သစ် လက်ဝှေ့လူငယ်များကိုလည်း မွေးထုတ်ပေးခဲ့သည်။ မန္တလေး ဒါးတန်း ၂၅ လမ်းမှာရော၊ ၈၃ လမ်းဘက်မှာပါ လက်ဝှေ့ကလပ်များ ထောင်ထားသည်။ သို့အတွက် မန္တလေးမှ လက်ဝှေ့အကျော် ၂ဝ လောက် ထွက်လာသည်။ ရဲချစ်၊ ရဲဆွေ၊ ရဲမြင့်၊ ရဲတင့်တို့မှာ ကျားဘညိမ်း၏ တပည့်ကျော်များ ဖြစ်သည်။ ထိုမန္တလေးသားများ အပြင် ရန်ကုန်ဘက်မှ တင်ထွန်း၊ အဲလက်ဇန်းဒြား၊ ရေတပ်မှ လှရွှေတို့မှာလည်း ဆရာညိမ်း၏ တပည့်များ ဖြစ်သည်။ မွန်ပြည်နယ်၊ ကရင်ပြည်နယ်၊ ချင်းပြည်နယ် များတွင်လည်း ဆရာ့ တပည့်များ ရှိသည်။ တနေ့တွင် ဆရာဘညိမ်းက အမေမာ (လူထု ဒေါ်အမာ) အား “ဒေါ်အမာ့နှယ် ကျနော်ဟာ လက်ဝှေ့ကြောင့် ၁၅ ကြိမ်မြောက် ကမ္ဘာ့အိုလံပစ်ပွဲကို ရောက်ခဲ့ရတယ်။ ဟဲလ်စင်ကီးလည်း ရောက်တယ်။ ဘာကင်ဟန် နန်းတော်ထဲလည်း ဝင်ဖူးတယ်။ ကျနော့်ဘဝမှာ အနောက် ဘာကင်ဟန်၊ အရှေ့ တိန်အန်မြင် (တရုတ်ပြည်) ထိသွားပြီး ခေါင်းဆောင်ကြီးများနှင့် စကားပြောရတာ ဘယ်တော့မှ မေ့မှာ မဟုတ်ပါဘူးဗျ” ဟု ပြောခဲ့ဖူးသည်။

• ကျားဘညိမ်းတို့ မိသားစု

ကျာဘညိမ်းမှာ လက်ဝှေ့သမား ဘဝတွင် တက်ကြွနိုးကြားသူ ဖြစ်၏။ ဘယ်သွားရ သွားရ၊ ဘာလုပ်ရ လုပ်ရ ဆင်ခြေမပေးဘဲ လုပ်သည်။ ရတာလေး စား၊ ရတာလေး ဝတ်ပြီး ပျော်ပျော် နေတတ်သည်။ သူက လွတ်လွတ် လပ်လပ်ဖြင့် ၀ါသနာပါရာ လုပ်နေချိန်တွင် အိမ်သူဇနီး ဒေါ်ကြည်မှာ ဖတ်ဖတ်သီ မောနေခဲ့ရသည်။ ရှာရ၊ ဖွေရ၊ ချက်ရ၊ ပြုတ်ရ၊ ဧည့်ခံရ၊ အလုပ် အလွန်များသည်။

၁၉၆၅ ခုလောက်တွင် ကျားဘညိမ်းမှာ အသက် ၄ဝ ကျော်ခဲ့လေပြီ။ ခေါင်းက ဆံပင်များပင် ဖြူစပြုနေပြီ။ ထိုစဉ် ကွာလာလမ်ပူ ဆီးဂိမ်းပွဲ သွားခဲ့ရသည်။ နိုင်ငံတကာ အကဲဖြတ် ဒိုင်တဦးအဖြစ် သွားခဲ့ရခြင်း ဖြစ်၏။ မလေးနိုင်ငံသား လက်ဝှေ့သမား တဦးက “ခင်ဗျား ဆံပင်တွေတောင် ဖြူနေပါပကောလား” ဟု ပြောလိုက်ရာ ဆရာ ဘညိမ်းက (My hair may be grey, but once, I was as good as Cassius Clay, and I was born in Mandalay) ဟု ကဗျာဆန်ဆန် ပြန်ပြောလိုက်ရာ လက်ဝှေ့အဖွဲ့များ အတော်သဘောကျ သွားသည်။

ဆရာ ဘညိမ်းမှာ မိသားစုအပေါ်တွင် အလွန် ကြင်နာတတ်သူ ဖြစ်၏။ သားသမီး ဆယ်ယောက်မွေးရာ ၂ ဦင်္း ဆုံးသဖြင့် ၈ ယောက်သာ အဖတ်တင်သည်။ အကြီးဆုံးသား ကိုဝင်းငြိမ်းက စာရေး ၀ါသနာပါသည်။ ဆန်နီညိမ်းကတော့ ပန်းချီ၊ ပန်းပု အနုပညာရှင် ဖြစ်၏။ ကိုရဲမြင့်ညိမ်းက စာရေးစာဖတ် ပန်းချီ ၀ါသနာရှင် ဖြစ်၏။ ကိုမျိုးမြင့်ညိမ်းက လက်ဝှေ့ ၀ါသနာ ပါသော်လည်း စာရေး၊ စာဖတ် လုပ်နေသည်။ သူတို့နောက်တွင် မာလာညိမ်း၊ စန္ဒာညိမ်း၊ ထွန်းမောင်ညိမ်း၊ ထွန်းအောင်ညိမ်း တို့ကို မွေးသည်။ စန္ဒာညိမ်းမှာ အသက် ၂ဝ အရွယ် လက်ခုပ်ကုန်း၌ ပျော်ပွဲစားရင်း ရေနစ် သေဆုံးခဲ့ရာ ကျားဘညိမ်း၊ ဒေါ်ကြည်တို့ အလွန် စိတ်ထိခိုက် သွားသည်။ ဤအကြောင်းများကို မျက်ရည်ဝေ့ပြီး ကျားဘညိမ်းက ဒေါ်အမာကို ပြောဖူးသည်။ ကျားဘညိမ်းလို အားကစားသမား ရှာမှ ရှားသည်။ အားကစားတွေ လုပ်ခဲ့သော်လည်း အသက် ၆ဝ လောက်တွင် အစာအိမ် အူလမ်းကြောင်း ကင်ဆာဖြစ်၍ ဆုံးပါးသွားသည်။ ၁၉၇၉ ခုနှစ်လောက်က ဆုံးခဲ့သည်။ ဆရာ ဆုံးပါးသော်လည်း သူ မွေးထုတ်ပေးခဲ့သော လက်ဝှေ့သမားများစွာ ကျန်ခဲ့ပေသည်။ သို့အတွက် ဆရာ ကျားဘညိမ်း တယောက် ကောင်းကင်ဘုံ ဘဝတွင် ၀ါသနာပါရာ လက်ဝှေ့လုပ်ငန်းများ ဆောင်ရွက်နေနိုင်ပါစေဟု ဆန္ဒပြု ဆုတောင်း လိုက်ရပါသည်။

နီငြိမ်း (အညာတက္ကသိုလ်)

မှတ်ချက် - စက်တင်ဘာ ၃ဝ ရက်နေ့ထုတ် အလင်းတန်းဂျာနယ်ပါ ဆောင်းပါးကို ခွင့်ပြုချက်ယူပြီး ပြန်လည် ဖော်ပြပါသည်။


ဧရာဝတီ

• ဧရာဝတီ