(အီဘိုလာ ကူးစက်သည်ဟု သံသယဖြစ်ခံရသူ ကိုဇင်မင်းဦး၏မိခင် ဒေါ်စန်းစန်းမော်နှင့် တွေ့ဆုံခြင်း)

ကူးစက်မြန် အီဘိုလာဗိုင်းရပ်စ်ပိုး ကူးစက်ခံနေရကြောင်း သံသယ ရှိသည့်အတွက် မြောက်ဥက္ကလာပမြို့နယ် ဝေဘာဂီဆေးရုံတွင် ဆေးကုသမှု ခံယူနေရသူ အသက် ၂၂ နှစ်အရွယ် ကိုဇင်မင်းဦး၏ မိခင် ဒေါ်စန်းစန်းမော်နှင့် The Voice တို့ တွေ့ဆုံမေးမြန်း ထားသည်များကို ဖော်ပြအပ်ပါသည်။Voice : ကိုဇင်မင်းဦးဖျားတာကို မိဘတွေက ဘယ်အချိန်က စသိတာလဲ။

DSSM : အာဖရိက ကနေပြန်လာပြီး ဘန်ကောက် ရောက်တော့ ဖုန်းဆက်တယ်။ သူ့အစ်ကိုက ဆက်တာ သူနေမကောင်း ဖြစ်နေပြောတယ်။ အရမ်းဖျားနေတယ်လည်း ပြောတယ်။ ဘန်ကောက် လေဆိပ်မှာလည်း သုံးခါလောက် ဆေးစစ်ခံခဲ့ရတယ် ပြောတာပဲ။ ရန်ကုန် လေဆိပ်ရောက်တော့ သူပိုဖျားလာတယ်။ ပြီးတော့ အဖျားကြီးပြီး ကယောင်ကတမ်းတွေ ဖြစ်နေလို့ လမ်းမလျှောက်နိုင်လို့ ဆိုပြီး ဝှီးချဲနဲ့ ခေါ်တင်သွားတာ တွေ့လိုက်တယ်။ ပိုးသတ်ထားတဲ့ အင်္ကျီသုံးလေးထပ် ဝတ်ထားတဲ့ ဆရာဝန် သုံး၊ လေးယောက်နဲ့ မှန်ခန်းထဲမှာ စစ်ဆေးနေတာ နှစ်နာရီခွဲလောက် ကြာပါတယ်။ ကျွန်မတို့ကလည်း ဒီဘက်ခြမ်းကနေပဲ လှမ်းမြင်နေရတာ။ ဘာပြောလဲ မကြားရဘူး။ သူ့ငယ်ချင်းတွေကတော့ လက်ဟန် ခြေဟန်နဲ့ ပြောပြတယ်။ မြင်သာမြင်ပြီး မကြင်ရဘူးပေါ့။ ထွေးထွေးပွေ့ပွေ့ မနေရဘူး။ တစ်ခါတည်း ဝေဘာဂီဆေးရုံကို ခေါ်သွားတယ်။

Voice : သူရဲ့ အလုပ်အကိုင်အကြောင်း ပြောပေးပါဦး။

DSSM : သူသင်္ဘောလိုက်ဖို့ လုပ်နေတာ မိသားစုတွေတောင် မသိဘူး။ သူအားလုံး စီစဉ်ပြီးမှ သွားမယ်ဆိုပြီး တစ်နှစ်ခွဲ စာချုပ်နဲ့ မနှစ်က ထွက်သွားတာ။ သူ့ဖုန်းဆက်တိုင်း ပြန်လာဖို့ ပြောနေရတာ။ အခုက သက်တမ်း တစ်နှစ်တစ်လ ရှိသွားတော့ ပြန်လာလို့ ရပြီလေ။ အဲ့ဒါကြောင့် ပြန်လာတာ။ ပြန်မလာခင် မိုးသည်းထဲမှာ အင်္ကျီမဝတ်ဘဲ အလုပ်လုပ်တာ ရှိတယ်လို့ သူပြောတာ ကြားဖူးတယ်။ နောက်ပြီး အိမ်ပြန်ရတော့မယ်ဆိုပြီး စိတ်လျှော့လိုက်ပုံ ပေါ်တယ်။ အဲဒါကြောင့် အပြင်းဖျားသွားတာပါ။ ရန်ကုန်မှာ နေကတည်းက လိမ္မာတဲ့ကလေး၊ အခု နေမကောင်းတာတောင် အမေ နေကောင်းအောင်နေလို့ ပြန်ပြောနေသေးတယ်။ အီဘိုလာ မဟုတ်ပါဘူး။ ရောဂါဖြစ်နေတဲ့ အာဖရိကနိုင်ငံက လာတာဆိုတော့ သံသယ ရှိတာပေါ့။ သူ့ဆီ ဖုန်းဆက်ရင် အမြဲပင်ပန်းတယ် ပြောတယ်။ Refer (ငါးဖမ်းသင်္ဘောလိုင်း) လိုင်း ငါးဖမ်းတဲ့ သင်္ဘောလိုင်းလေ ငါးဖမ်းဗုံးတွေကို မတင်ပေးရတာ ပင်လယ်ထဲမှာပဲ လုပ်နေရတယ်လို့ သူပြောဖူးတယ်။ အမေ အရင်ကတည်း ပြန်ခေါ်နေတာ သူဌေးက ပြန်မလွှတ်ဘူး။ အခုပြန်လာရတော့ ဖျားနေတယ်။ ပိုက်ဆံတွေလည်း တစ်ပြားမှတောင် သုံးမလာဘူး။ သားလေးက အရင်က ထောင်ထောင်မောင်းမောင်း ဖြူဖြူဝဝပါ အခုတော့ ပိန်ပြီးမည်းသွားတယ်။ သူ့ရောဂါတွေကို အစားယူလိုက်ချင်တယ်။ အန်တီ့ရင်ထဲမှာ မီးတောက်နေတယ် ဘာရောဂါလဲ သေချာမှ တွေ့ခွင့်ရမှာ။ အရင်ကလည်း ဘာရောဂါမှ မရှိပါဘူး။ ဘာမှမဖြစ်ပါစေနဲ့ ဆုတောင်းနေတယ်။

Voice : ဝေဘာဂီဆေးရုံ ရောက်တော့ သူနဲ့အဆက်အသွယ် ရသေးလား မသိဘူး။

DSSM : ကျွန်မ ဆေးရုံမသွားခင် ဖုန်းဆက်ပြီး သူ့ကို ဘာစားမလဲတော့ ဆက်သွယ်ဖူးတယ်။ ဘာစားချင်လဲမေးပြီး ကြက်သားနဲ့ ငါးပိရေ တို့စရာမှာလို့ ဒီမနက် (သြဂုတ်လ ၂၀ ရက်နေ့) ပဲ ဆေးရုံ သွားတွေ့လာတာ။ လူကို တွေ့ခွင့်မရဘူး။ အထူးကြပ်မတ်ဆောင်ထဲမှာ ကလေးနဲ့ကို အခုထိ မတွေ့ရသေးဘူး။ ဖြူသလား၊ မည်းသလား မသိရဘူး။ အခုက မတွေ့ရလို့ ပိုစိတ်ပူနေရတယ်။ သားတစ်ယောက်တည်း ရှိတာ၊ အခုထိဘာမှ မသိသေးဘူး။ အိန္ဒိယကို ဆေးစစ်ဖို့ ပို့ထားတယ် ပြောတယ်။ အခုတော့ အဲ့အဖြေပဲ စောင့်ရမယ်။ ကလေးအတွက် နေပြည်တော်က ဆရာဝန်ကြီးတွေ ရောက်လာတယ်။ မစိုးရိမ်ဖို့လည်း ပြောတယ်။ အဲဒီနိုင်ငံက ဖြတ်လာလို့ သေချာစစ်ဆေးရတာပါတဲ့။

Voice : မိဘနဲ့ တွေ့ခွင့်မရဘူးဆိုတော့ သူ့ကျန်းမာရေးအတွက် ဘယ်သူက စောင့်ရှောက်ပေးနေလဲ။

DSSM : သူ့အစ်ကိုကို အစောင့်ထားရတယ်။ ကိုဇင်မင်းဦးနှင့် အတူပြန်လာတဲ့ လေးယောက်မှာ သူ့အစ်ကို တစ်ဝမ်းကွဲဖြစ်တဲ့ ကိုဇော်လတ်က စောင့်ရှောက်ပေးနေတယ်။ ကျန်တဲ့ သုံးယောက်ကို တစ်ခန်းစီထားတယ်လို့ သူတို့ပြောတာ ကြားမိတာပဲ။

(ဥမ္မလွင်)
The Voice Weekly