လိပ်ကျွန်း လူသတ်မှု၊ ထိုင်း လူမှု ကွန်ယက် CSI LA နဲ့ စကားပြန် ၂ ဦး

ထိုင်း တောင်ပိုင်း လိပ်ကျွန်း လူသတ်မှု ကိစ္စမှာ အမှုဖြစ်စဉ် ကွင်းဆက်တွေကို သဘာဝ ကျကျ သုံးသပ် တင်ပြနေတာကတော့ ထိုင်း လူမှု အသိုင်းအ၀ိုင်းတခုဖြစ်တဲ့ CSI LA ဆိုတဲ့ ဖေ့စ်ဘုတ် စာမျက်နှာ-https://www.facebook.com/CSILA90210?ref=br_tf ပါဘဲ။



CSI ဆိုတာရဲ့ အဓိပ္ပာယ် Critical Thinking = คิดอย่างมีวิจารณญาณ၊ / Skeptics = ช่างสงสัย/ Investigation = สืบสวน လို့ ဆိုထားပါတယ်။

ဒီစာမျက်နှာကို ရေးသားတင်ပြနေသူတွေကလည်း အင်္ဂလိပ်၊ ထိုင်း ၂ ဘာသာ ကျွမ်းကျင် တဲ့ ထိုင်း လူမျိုးတွေပဲဖြစ်ပါတယ်။

CSI LA စာမျက်နှာကို အခုနှစ် ဖေဖော်ဝါရီလမှာ စတင်ဖွင့်လှစ်ခဲ့ပေမယ့် အခု လိပ်ကျွန်း လူသတ်မှု ကိစ္စ ဖော်ပြမှုတွေ လုပ်လာချိန်မှာတော့ Like လုပ် ထားသူပေါင်း ၂ သိန်း ကျော် ရှိနေပါပြီ။

ထိုင်းလူမျိုးတွေက ထိုင်းရဲတွေရဲ့ လုပ်ရပ်ဟာ ထိုင်းနိုင်ငံရဲ့ ဂုဏ်သိက္ခာကို ကျဆင်းစေတာကြောင့် ဒီ စာမျက်နှာ က တဆင့် ဝေဖန် သုံးသပ်ထောက်ပြနေတာလည်း ဖြစ်ပါတယ်။ အခု အဖမ်းခံထားရတဲ့ မြန်မာတွေကိစ္စနဲ့ပတ်သက်ပြီးလည်း လူသတ်တရားခံမဖြစ်နိုင်ကြောင်း၊ ရဲတွေရဲ့
ပြောဆိုချက် ကွဲလွဲမှုတွေ၊ မူခင်း ဓာတ်ပုံတွေနဲ့ မူခင်းနဲ့ ပတ်သက်သူတွေ အပေါ် ဆက်စပ် သုံးသပ်ပြတာ အများဆုံး လုပ်နေတဲ့ အတွက် ထိုင်း သတင်းဌာနတွေကပါ ဒီစာမျက်နှာရဲ့ မှတ်ချက်၊ သုံးသပ်ချက်တွေကို အလေးထား ဖတ်ရှုတင်ပြလာ ကြပါတယ်။

CSI ရဲ့ တင်ပြ သုံးသပ်ချက်တွေဟာ မူခင်းကိစ္စကို သေချာ နားလည် တတ်ကျွမ်းပြီး စနစ်ကျတဲ့ ကြောင်းကျိုး ဆက်စပ်မှုတွေ အများအပြား တွေ့ရပါတယ်။

ဒါကြောင့် ထိုင်း လူမှုအသိုင်းအ၀ိုင်းနဲ့ ထိုင်းအစိုးရအပါအ၀င် မြန်မာအသိုင်းအ၀ိုင်း၊ နိုင်ငံတကာ အသိုင်း အ၀ိုင်း ကပါ စိတ်ဝင်စားစွာ ဖတ်ရှုနေကြတာပါ။

အခု CSI LA က ထပ်မံ တင်ပြလာတဲ့ အချက်ကတော့ လူသတ်မှု တရားခံအဖြစ် အဖမ်းခံရပြီး တရားခံလို့ ၀န်ခံထား တဲ့ မြန်မာ ၂ ဦးနဲ့ပတ်သက်ပြီး စကားပြန်လုပ်ပေးသူ ၂ ဦးကို ဘယ်သူတွေလဲလို့ မေးခွန်းထုတ် ထားပါတယ်။

ကော့စမွေမှာ ရိုတီ ( ပလာတာ) ရောင်းတဲ့ ကိုကမာနဲ့ ကိုရဲ ဆိုသူတို့ဟာ မြန်မာ ၂ ဦးကို စကားပြန် လုပ်ပေးတဲ့ကိစ္စမှာ အားနည်းချက်၊ ဘာသာပြန်လွဲမှားချက်တွေရှိနိုင်ပြီး သံသယဖြစ်စရာ တခုက ကိုကမာ ဘာကြောင့် ရဲတံဆိပ် ကပ်ထား တဲ့ အပြာ ရောင် စပို့ရှပ် အင်္ကျီ ၀တ်ထားတာပါဘဲတဲ့။




တကယ်လို့ ဓာတ်ပုံထဲမှာ ကိုကမာ ၀တ်ထားတဲ့ အင်္ကျီ အပြာမှာ ရဲ တံဆိပ်ကို တွေ့ရတာကြောင့် သူဟာ ရဲဌာနမှာ အလုပ် လုပ်တဲ့သဘောဖြစ်နေတာ၊ ဒါမှ မဟုတ် ရဲ နဲ့ တနည်းနည်း ပတ်သက်နိုင်တယ်လို့လည်း သူက ဆိုတယ်။




အဓိက သူထောက်ပြတာက မြန်မာ ၂ ဦးကို ဘာလက်မှတ်မှ မရှိတဲ့ လူ ၂ ဦးက စကားပြန်ပေးချက်မှာ ဘာ အာမခံချက်မှ ရှိမှာ မဟုတ်သလို ဘာတာဝန်ယူမှုမှလည်း မရှိနိုင်တာပါဘဲ။

ဒါကြောင့် မြန်မာ ၂ ဦးက တရားခံ အဖြစ်သက်ဆင်းသွားစေတဲ့ ဘာသာ ပြန်ဆိုချက် မလုပ်ခဲ့ဘူးလို့ တတ် အပ် မပြောနိုင်ပါပေမယ့် ထိုင်းရဲကတော့ လူသတ်မှုအတွက် မြန်မာ ၂ ဦး ၀န်ခံချက်ပေးတယ်ဆိုပြီး လူသတ် တရားခံလို့ ကြေညာခဲ့တယ်လို့ CSI က သုံးသပ်ပြတယ်။

စုံစမ်းစစ်ဆေးမှုမှာ ဘာသာပြန် မှားယွင်းမှု၊ နားလည်မှု လွဲမှားတာတွေ ရှိခဲ့လို့သာ ဒီအမှုဟာ ဟာ ကွက်တွေ ပလပွနဲ့ ဝေဖန်မှုတွေ ခံနေရတာပါ။

ဧရာဝတီ