ကချင်ပြည်နယ်၊ တနိုင်းမြို့နယ်၊ ပယင်းမှော်ဒေသတွင် ကချင်လွတ်မြောက်ရေးတပ်မတော်(KIA)အဖွဲ့မှ ဖမ်းဆီး သွားသော မှော်လုပ်သား(၅၀)ကျော်သည် အောက်တိုဘာ ၂၇ ရက်နေ့တွင် ဒဏ်ငွေပေးဆောင်ပြီး ပြန်လည် လွတ်မြောက်လာခဲ့ကြောင်း မြို့ခံအချို့ထံမှ သိရသည်။
အဆိုပါမှော်ဒေသတွင် ပယင်းမှော်၊ ချမ်းသာကုန်းမှော်၊ ဇီးဖြူကုန်းမှော်၊ ညောင်ပင်ကုန်းမှော်၊ ပိန်းနွဲကုန်းမှော်၊ နဂါးအိုင်မှော်၊ လဘူခမှော်စသဖြင့် ပယင်းကျောက်နှင့် ရွှေတူးဖော်လျက်ရှိရာ KIA အဖွဲ့မှ မှော်လုပ်သားများ အား အချိန်မရွေး ၀င်ရောက်ဖမ်းဆီးသွားခြင်းဖြစ်ကြောင်း သိရသည်။``ဖမ်းသွားတာကတော့ ကြာပါပြီ၊ အခုမှ ပြန်လွတ်လာတာ၊ အစတုန်းကတော့ လူသစ်လုပ်ဖို့ ဖမ်းသွားတာပါ၊ အစိုးရတပ်တွေ ၀င်လာတာနဲ့ Online ပေါ်မှာ သတင်းတွေ ပျံ့နှံ့နေတာကြောင့် ပြန်လွှတ်ပေးလိုက်တာလည်း ဖြစ်နိုင်ပါတယ်´´ ဟု တနိုင်းမြို့ခံတစ်ဦးက ပြောသည်။
KIA ဖမ်းဆီးခံ မှော်လုပ်သားများသည် တောထဲတောင်ထဲတွင် သွားလာခဲ့ရပြီး KIA အဖွဲ့ လှုပ်ရှားနေထိုင်ရာ စခန်းများ၌ အလုပ်မျိုးစုံ လုပ်ကိုင်ခဲ့ရကြောင်း၊ ညပိုင်းတွင် ကြိုးတုပ်ချုပ်နှောင်ထားကြောင်း၊ ထိုသို့ ဖမ်းဆီး ထားစဉ် ထမင်းပင် ၀လင်အောင်မစားရကြောင်း ပြန်လည်လွတ်မြောက်လာသော မှော်လုပ်သားတစ်ဦးက ပြော သည်။
``သူတို့စစ်သားတွေလဲ အနေအထိုင်ဆင်းရဲပါတယ်၊ ထမင်းဟင်းတောင် ၀အောင် မစားရဘူး၊ တွေ့တဲ့ရွာတွေ ကို ၀င်ပြီး ဆန်တောင်း၊ ဆီတောင်း စားနေရတာ၊ ကျွန်တော်တို့ကိုလည်း ကြာကြာ ကျွေးမထားနိုင်တော့လို့ ငွေ တောင်းပြီး ပြန်လွှတ်ပေးတဲ့ သဘောပါ´´ ဟု တနိုင်းမြို့သို့ ရောက်ရှိလာသော မှော်လုပ်သား ကိုဝင်းရွှေက ပြောသည်။
KIA ဖမ်းဆီးခံရသော မှော်လုပ်သား(၅၀)တွင် အရွယ်မရောက်သေးသော လူငယ်များလည်း ပါဝင်နေပြီး မြန်မာ နိုင်ငံ အလယ်ပိုင်းနှင့် အောက်ပိုင်းမှ လာရောက်အလုပ်လုပ်ကိုင်သူများဖြစ်ကြောင်း၊ မှော်လုပ်သားတစ်ဦးလျှင် ဒဏ်ငွေအဖြစ် ငွေ(၅၀၀၀၀)ကျပ်စီ ပေးခဲ့ရကြောင်း သိရှိရပါသည်။
ညီသစ်(မြစ်ကြီးနား)
Kachin Daily News
0 comments:
Post a Comment