မြန်မာ ၂ ဦး မတရားစွပ်စွဲခံနေခြင်းအပေါ် NLD နှုတ်ဆိတ် နေမှု ဝေဖန်ခံရ

ထိုင်းနိုင်ငံတောင်ပိုင်း စူရဌာနခရိုင် လိပ်ကျွန်း (ခိုတောင်ကျွန်း) ပေါ်တွင်ဖြစ်ပွားခဲ့သော ဗြိတိန်နိုင်ငံသားနှစ်ဦး အသက်ခံရမှုတွင် မြန်မာ ၂ ဦး မတရားစွပ်စွဲခံနေခြင်းအပေါ် NLD နှုတ်ဆိတ်နေမှု ဝေဖန်ခံနေရကြောင်း သတင်းရရှိသည်။ထိုင်းရဲတပ်ဖွဲ့၏ ထုတ်ပြန်ချက်များတွင် ဟာကွက်များစွာရှိနေရာ ထိုင်းသတင်းစာများသာမက ကမ္ဘာ့တင်းစာများကပါ ထောက်ပြမှုများရှိခဲ့ပြီး သမ္မတဦးသိန်းစိန်မှ အထူးကိုယ်စားလှယ်အဖွဲ့ကို စေလွှတ်ကာ ပြန်လည်စစ်ဆေးစေခဲ့သည်။ မြန်မာလူမှုကွန်ရက်များတွင်လည်း ကန့်ကွက်မှုများ ပြင်းထန်နေပြီး ဂျပန်နှင့် UK ရှိမြန်မာများမှလည်း ဆန္ဒပြမှုများ ပြုလုပ်လျက်ရှိချိန်တွင် လူထုခေါင်းဆောင် ဒေါ်အောင်ဆန်းစုကြည်နှင့် အမျိုးသားဒီမိုကရေစီအဖွဲ့ချုပ်ပါတီမှ ဝေဖန်ချက် (သို့မဟုတ်) ကန့်ကွက်ချက်ဟူသော ကြေညာချက် တစ်စုံတစ်ရာ ထွက်မလာခြင်းအပေါ် မြန်မာ့နိုင်ငံရေး ကျွမ်းကျင်သူများသာမက သာမန်ပြည်သူများကပါ စိတ်ပျက်စွာ ဝေဖန်လျက်ရှိကြောင်း သိရသည်။

ဒေါ်အောင်ဆန်းစုကြည်၏ တာဝန်မယူမှုနှင့်ပတ်သက်ပြီး စိတ်မကောင်းဖြစ်မိကြောင်း ချင်းမိုင်မှ မြန်မာ ရွေ့ပြောင်း အလုပ်သမားတစ်ဦးမှ ယခုလိုပြောဆိုခဲ့သည်။

“အမေစုကို အရင်ကအားကိုးတယ်.. ဒီကိုလာတုန်းကလည်းသွားကြိုခဲ့တယ်.. အခုတော့ အားကိုးလို့ မရမှန်း တဖြည်းဖြည်းသိလာတယ်.. ဥပဒေဆိုတာ နိုင်ငံသားတွေကို ကာကွယ်ဖို့၊ တရားဥပဒေစိုးမိုးရေးရှိဖို့ဆိုပြီး သူပဲပြောခဲ့တာပဲ… အခုတော့ ဘာသံမှထွက်မလာဘူး.. အရမ်းစိတ်မကောင်းဖြစ်မိတယ်..” ဟု ဆိုသည်။

ရန်ကုန်တိုင်းဒေသကြီးမှ NLD ပါတီဝင်တစ်ဦးမှ ဒေါ်အောင်ဆန်းစုကြည် နှုတ်ဆိတ်နေခြင်းနှင့် ပတ်သက်၍ ယခုကိစ္စတွင် အဖွဲ့ချုပ်ဥက္ကဌနှင့် ဘာမှမဆိုင်ကြောင်း၊ ဒေါ်အောင်ဆန်းစုကြည်မှာ သာမန်ပါတီ ဥက္ကဌ တစ်ဦးသာဖြစ်ခြင်းကြောင့် ဘာမှလုပ်မပေးနိုင်ကြောင်း ဖြေရှင်းထားသည်ကို တွေ့ရသည်။

အမျိုးသားလွှတ်တော်ကိုယ်စားလှယ်တစ်ဦးမှလည်း ယခင်တုန်းက တစ်ခုခုဖြစ်တိုင်း ကြေညာချက် ထုတ်ခဲ့ပြီး ယခုတစ်ကြိမ်မှ ဘာကြေညာချက်မှ မထွက်လာတာ မရိုးသားကြောင်း အခုလိုပြောခဲ့သည်။

“အရင်တုန်းက စက္ကူပေါတိုင်း ကြေညာချက်တွေ ဆက်တိုက်ထုတ်နေတာပဲ၊ မှတ်ချက်တွေ ပေးနေတာပဲ… ရခိုင်အရေး၊ မိတ္ထီလာအရေးနဲ့ အစိုးရလုပ်ဆောင်မှုတွေနဲ့ ပတ်သက်ပြီး သူနဲ့ ဆိုင်ဆိုင်၊ မဆိုင်ဆိုင် ဝင်ပြောနေတာပဲလေ.. အခုဟာက တရားဥပဒေစိုးမိုးရေးကိစ္စနဲ့ ဥပဒေအရ ကာကွယ်ရေးကိစ္စပဲ.. တာဝန်ရှောင်တာ အသိသာကြီးပါ…” ဟု ဆိုသည်။

ပြည်ပရောက် သံဃာတစ်ပါးမှလည်း “ဘာလုပ်ပိုင်ခွင့်မှမရှိရင် ကုလားကိစ္စလည်းမလုပ်နဲ့လေ၊ မပြောနဲ့လေ မလုပ်နဲ့လေ၊ ဘာဖြစ်လို့ လျှာရှည်နေရတာလည်း၊ ဒီမိုကရေစီဆို ဒီမိုကရေစီပဲလုပ်လေ မိတ္ထီလာ ဗလီပြန်ဆောက်မှပိုက်ဆံထုတ်ပေးပီး မောင်တောကဘုန်းကြီးကျောင်း ဆယ်ကျောင်း ကုလားမီးရှို့ခံရလို့ ပြန်ဆောက်တော့ ဘယ်ကုလားနဲ့အလေလိုက်နေတာလည်း အဲဒါတာဝန်ရှိလို့တာဝန်ယူတာလား ဘယ်သူက ပေးတဲ့ တာဝန်လည်း၊ အခုကိစ္စမှာ ချိုတယ် ငံတယ်လောက်တော့ ပြောလို့ ရပါတယ်လေ” ဟု မိန့်ကြားသည်။

ရခိုင်ပြည်နယ် လွှတ်တော်ကိုယ်စားလှယ် တစ်ဦးကတော့ ဒေါ်အောင်ဆန်းစုကြည်ကို အလွန်စိတ်ပျက် မိကြောင်းနှင့် လူထုခေါင်းဆောင်ဟု အမည်မခံသင့်တော့ကြောင်း ပြောဆိုခဲ့သည်။

ဗြိတိန်နိုင်ငံသား ကမ္ဘာလှည့်ခရီးသည် David Miller နှင့် Hannah Witheridge တို့နှစ်ဦး သတ်ဖြတ်ခံရမှုနှင့်ပတ်သက်ပြီး ထိုင်းရဲတပ်ဖွဲ့၏ ထုတ်ပြန်ချက်များမှာ ဟာကွက်များစွာရှိနေပြီး မြန်မာပြည်သူ တို့၏ လူမှုကွန်ရက်များတွင် အလျှင်အမြန် ပျံ့နှံ့လာကာ ဝေဖန်မှုများ၊ တောင်းဆိုမှုများ ပြင်းထန်လာခဲ့ရာ သမ္မတအမိန့်ဖြင့် စစ်ဆေးရေးအဖွဲ့များ ချက်ချင်းစေလွှတ်ခဲ့သည်။ ထို့ပြင် စစ်ဆေးမေးမြန်းရန် ပြည်ထောင်စု အဆင့်အဖွဲ့တစ်ခုဖွဲ့စည်းပြီး ထပ်မံသွားရောက်စစ်ဆေးရန် နိုင်ငံတော်သမ္မတရုံးက ညွှန်ကြားထားကြောင်း သိရသည်။ မနေ့က ဝန်ကြီးချုပ်ပရာရွတ် နှင့် သမ္မတဦးသိန်းစိန်တို့ တွေ့ဆုံချိန်တွင်လည်း သမ္မတမှ တောင်းဆိုခဲ့ပြီး ကာချုပ်မင်းအောင်လှိုင်မှလည်း ထိုင်းဒုဝန်ကြီးနှင့်တွေ့ဆုံစဉ် တောင်းဆိုပေးခဲ့ကြောင်း သိရသည်။

မြန်မာသံရုံးအထူးအဖွဲ့မှ ရှေ့နေဦးအောင်မျိုးသန့်ကမှ စွပ်စွဲခံ မောင်ဇော်လင်း နှင့် မောင်ဝင်းဇော်ထွန်း နှစ်ဦးလုံးကို တွေ့ဆုံခဲ့ပြီးနောက် ၎င်းတို့နှစ်ဦးကို ဝန်ခံမှုရရှိအောင် ညှင်းဆဲစစ်ဆေးမှုများရှိကြောင်း မီဒီယာများသို့ ပြောဆိုခဲ့သည်။

ဘန်ကောက်ပို့စ် သတင်းစာ၏ လက်ထောက်အယ်ဒီတာ မစ္စ Sanitsuda Ekachai မှ စွပ်စွဲမှုနှင့် ပတ်သက်၍ ပွင့်လင်းမြင်သာမှုမရှိကြောင်း၊ ဟာကွက်များရှိကြောင်း ဝေဖန်ထားသည့်အပြင် ရစ်ချက်ဘားနက် အပြည်ပြည်ဆိုင်ရာ လူ့အခွင့်ရေးဆိုင်ရာအဖွဲ့ (Richard Bennett, Amnesty International ) မှလည်း " နှိပ်စက်ပြီး ၀န်ခံခိုင်းမှုဆိုတဲ့ကိစ္စကို ထိုင်းအာဏာပိုင်တွေမှ ထိထိရောက်ရောက် ၊ ပွင့်လင်းမြင်သာပြီး မှန်ကန်တဲ့ စုံစမ်းစစ်ဆေးမှု ပြုလုပ်ရမယ်" ဟု ပြောဆိုထားသည်။

လူထုခေါင်းဆောင် ဒေါ်အောင်ဆန်းစုကြည်၊ ရှေ့နေများကွန်ယက်နှင့် အခြားလူ့အခွင့်အရေး လှုပ်ရှားသူများ နှုတ်ဆိတ် နေသော်လည်း မနေ့က ရန်ကုန်မြို့ နှင့် တိုကျိုမြို့တို့တွင် ဆန္ဒပြခဲ့ကြသည်။ ပြည်တွင်းပြည်ပရှိ ပြည်သူများမှာ နိုင်ငံအသီးသီးရှိ ထိုင်းနိုင်ငံသံရုံးများတွင် ဆန္ဒပြရန် တက်ကြွလှုပ်ရှားသူများနှင့် ရွှေ့ပြောင်းအလုပ်သမားများ အရေး လှုပ်ရှားသူများက စီစဉ်လျက်ရှိကြောင်း သတင်း ရရှိသည်။

ဇော်မျိုးဦး
မြန်မာပြည်သား