နိုင်ငံတော်သမ္မတပြောရေးဆိုခွင့်ရှိသူ ဦးရဲထွဋ်နှင့်တွေဆုံခြင်း

နေဇာကျော်
၎-၂-၂၀၁၅ ရက်နေ့ထုတ် The Voice daily သတင်းစာ
---------------------------------------------------------
VOICE : လေးပွင့်ဆိုင် ဘာကြောင့်ပျက်သွားတာပါလဲ။

UYH : နံပါတ် ၁ ကတော့ ပျက်တယ်ဆိုတာထက်ဆွေးနွေးပွဲကို ရွှေ့ဆိုင်းလိုက်တယ်လို့ ပြောဖို့လိုပါတယ်။ ဒုတိယအချက် ဘာကြောင့်ရွှေ့ဆိုင်းလိုက်ရတာလဲပြောရင် ကျောင်းသားတွေဘက်က ကျွန်တော်တို့ဆွေးနွေး တဲ့ အခါ အဓိကအခက်အခဲနှစ်ခုတွေ့တယ်။တစ်ခုကတော့ဆွေးနွေးပွဲတစ်ခုတိုင်း တစ်ခုတိုင်းမှာတောင်းဆိုချက် အသစ်တွေ အသစ်တွေပေါ်လာတာပေါ့။ ပထမကျွန်တော်တို့ ၁၁ ချက်ကို ဆွေးနွေးဖို့လုပ်တယ်။ ရန်ကုန်မှာ တွေ့တဲ့အခါကျတော့ ကိုးချက်ကို အရင်ဆွေးနွေးပါလို့ပြောတယ်။ ကိုးချက်ဆွေးနွေးဖို့ ဒီနေ့တွေ့တဲ့အခါ ကျ တော့ အရင်လူ ၁၅ယောက်အပြင်ကို နာက်ထပ်လူတွေပါ လိုက်ပြီးအကုန်လုံး၃၀လောက်ထင်တယ်။ အကုန်လုံး ၀င်လာမယ်ဆိုပြီးထပ်တောင်းဆိုတယ်။ဒီလိုမျိုးတွေ ဖြစ်လာတဲ့အတွက်ကြောင့် ကျွန်တော်တို့ဘက်မှာ ဆွေးနွေး ရတာခက်တာပေါ့။

ဒုတိယ အခက်အခဲကတော့ ကျောင်းသားတွေ ကိုယ်စားလှယ်တွေထဲမှာကို က Mendate နဲ့ ကိုယ်စားပြုမှုက မသေချာတဲ့ သဘောဖြစ်နေတယ်။ ဒီမှာရှိတဲ့အဖွဲ့တွေက တစ်မျိုးပြောနေတယ်။ အပြင်မှာရှိတဲ့ အဖွဲ့တွေက ဆက်ပြီးချီတက်မယ် မရပ်နိုင်ဘူးဆိုပြီး တစ်မျိုးပြောနေတယ်။ အဲဒီအခက်အခဲ နှစ်ခုရှိတဲ့အတွက် ကြောင့်မို့လို့ပြန်ပြီးတော့မှ ကျောင်းသားတွေဘက်ကလည်း ကိုယ့်ကိုယ်စားလှယ်ကို ပြန်ပြီးတော့ရွေးပါ။ ပြန် ဆွေးနွေးချင်တဲ့အချက်တွေကလည်းသေချာပြန်ပြုစုပြီးမှလာပါဆိုပြီးတော့မှကျွန်တော်တို့ကရွှေ့ဆိုင်းလိုက်တဲ့ သဘောပါပဲ။

VOICE : လူဦးရေကန့်သတ်တာရော ဘာကြောင့်ကန့်သတ်တာပါလဲခင်ဗျာ။

UYH : မဟုတ်ဘူးလေ။ ပထမတော့ သူတို့ဘာသာလာတာပဲလေ ၁၅ ဦး။ ကျွန်တော်တို့က ဆွေးနွေးတယ်။ အဲဒီ တော့ ၁၅ဦးနဲ့ဆွေးနွေးပြီးတော့မှ ဒီနေ့ကျမှ အုပ်စုလိုက်ကြီးလာပြီး လာမယ်ဆိုတာတော့ လုပ်ထုံးလုပ်နည်းမညီ ဘူးပေါ့ဗျာ။ တကယ်လို့ သူတို့တိုးချင်တယ်ဆိုရင်တောင်မှ ဒီနေ့ဆွေးနွေးပွဲ ၁၅ဦးလာပြီးတော့မှ နောက်တစ်ကြိမ် နောက်တစ်ကြိမ်ဆွေးနွေးပွဲတွေဆိုရင် မှတ်တမ်းတင်တဲ့အဖွဲ့ဘာကြောင့် အရေအတွက် ထပ်တိုးချင်ပါတယ်ဆို တာမျိုး ပြောတာမျိုးကတစ်မျိုးလေ။

ဘာမှမပြောဘဲနဲ့ ၁၅ယောက်နဲ့တွေ့ခဲ့ပြီးတော့မှ ဒီနေ့ကျမှ လူ ၃၀ ၊ ၄၀လောက် ရုံးခန်းထဲအ၀ရောက်လာပြီးမှ အကုန်တက်မယ်လုပ်တာမျိုးက ဘယ်နိုင်ငံမှာမှ မရှိတဲ့ဆွေးနွေးပွဲ လုပ်ထုံးလုပ်နည်းဖြစ်နေတာ။ ဒါလေးကတော့ နားလည်ပေးဖို့လိုတာပေါ့။

VOICE : ဒီနေ့ထုတ်ပြန်ချက်မှာပါတဲ့ဆွေးနွေးပွဲကျင်းပရေးအသွင်သဏ္ဍာန်ကွဲတာဆိုတာ ဒါကိုပြောတာလားခင်ဗျ။

UYH : အဓိကအဲဒါတွေကို ညွှန်းတာပေါ့ဗျာ။ ကျွန်တော်တို့ဆီမှာ ဆိုရင်လည်း အစိုးရဘက်ကတက်တယ်ဆိုရင် လည်း ဦးဆောင်ဆွေးနွေးတဲ့လူက အရေအတွက်မပြောင်းဘူးလေ။ နောက်မှာမှတ်တမ်းတင်တဲ့လူ ပါချင်ပါလာ မယ်လေ။ ဒီလိုမျိုးတော့ရှိတာပေါ့။

သူတို့ဘက်မှာလည်း ဒီလိုမျိုးဖြစ်ဖို့လိုတာပေါ့။ ဦးဆောင်ဆွေးနွေးမယ့်လူက ဘယ်သူလဲ။ တကယ်လို့မှတ်တမ်းတင်ချင်ဆိုရင်လည်း မှတ်တမ်းတင်ချင်တဲ့အဖွဲ့ နောက်တစ်ကြိမ်ကျရင်တော့ မှတ်တမ်းတင်တဲ့အဖွဲ့ထည့်ပေးပါလုိ့ပြောသင့်တာပေါ့။ ကျွန်တော်တို့က ဒီနေ့တော့ ၁၅ယောက်အပြင် မှတ်တမ်း တင်ချင်တယ်ဆိုရင် ငါးယောက်ကိုဝင်ပါ။ ၂၀ ၀င်ပါလို့ခွင့်ပြုလိုက်တာ။ ခင်ဗျားတို့လည်း နိုင်ငံတကာတွေ့ဆုံ ဆွေးနွေးပွဲတွေကို သိတာပဲ။ ဒီလိုမျိုးအကြိမ်တိုင်း အကြိမ်တိုင်းတောင်းဆိုချက်အသစ်တွေ တင်တာမျိုးဆိုတာ က ဖြေရှင်းဖို့ဆိုတာထက် ဖိအားပေးမှုဆိုတဲ့ လမ်းကြောင်းကို ရောက်သွားနိုင်တာပေါ့။

VOICE : သမ္မတကပေးတဲ့ သဘောထားမှတ်ချက် အပြည့်အစုံကို သိချင်ပါတယ်။

UYH : သမ္မတကြီးပေးတဲ့ သဘောထားမှတ်ချက်ကတော့ ယေဘုယျပြောရရင်တော့ ကဲဟိုဘက်က သူတို့ဘက် မှာရော ဘာတွေကို ဆွေးနွေးမယ်ဆိုတာ အားလုံးသဘောတူတဲ့။ M endate ရောရှိသလား။ ဒီမှာဆွေးနွေးတဲ့ သူရဲ့ဆုံးဖြတ်ချက်ကို ဟိုမှာရှိတဲ့စစ်ကြောင်းတွေက လိုက်နာမယ်ဆိုတဲ့သဘောတူညီမှုမျိုးသူတို့အချင်းချင်းကြား မှာ သူတို့ရှိရဲ့လား။

အောက်မှာလည်း ကျောင်းသားတွေက အတော်လည်းများနေတယ်။ ဗကသတွေရော၊ တကသ တွေရော မြေလတ်တွေ အမျိုးမျိုးရှိနေတော့ ဒါတွေအားလုံးဆိုရင်လည်း ပြည်သူတွေမျှော်လင့်နေတဲ့ ၊ မိဘတွေ မျှော်လင့်နေတဲ့ ကိစ္စတွေဖြစ်မှာမဟုတ်ဘူး။ဒါကြောင့်မို့လို့ ကျွန်တော်တို့က သူတို့ကို အချိန်ပြန်ပေး လိုက်တဲ့သဘောပါ။

VOICE : သတင်းမီဒီယာတွေကိုရော ၀င်ခွင့်ကန့်သတ်တယ်ဆိုတာ ဟုတ်လားခင်ဗျာ။

UYH : ခင်ဗျားတို့ The Voice လည်းရှိတာပါပဲဗျာ။ ဘယ်သူ့ကိုမှ ကန့်သတ်တာမရှိပါဘူး။ သူတို့ထပ်ခေါ်လာပြီး တော့ သူတို့မီဒီယာဆိုတဲ့လူတွေပါ သူတို့ဝင်ဖို့ပြောတဲ့အခါမှာ ကျွန်တော်တို့မေးတယ်။ နောက်ပိုင်းမှာတော့ အရေအတွက်ကို ညှိတယ်။ခင်ဗျားတို့ Voice သတင်းထောက်ရှိရင် မေးကြည့်။သိပါတယ်။

VOICE : သမ္မတရုံးဝန်ကြီး ဦးအောင်မင်းကနေလည်း ဒေါက်တာသိန်းလွင်ကို NNER ကိုယ်စားလှယ် ဟုတ်၊မဟုတ်မနေ့တုန်းက NLD ထုတ်ပြန်ချက်နဲ့ပတ်သက်ပြီး မေးတယ်လို့လည်းသိရတယ်ခင်ဗျ။ အဲဒါ ဘာကြောင့် များမေးတာလဲခင်ဗျ။

UYH : ခုန ပြာတယ်လေ။ ကျောင်းသားတွေဘက်မှာ ကိုယ်စားပြုမှု ပြဿနာရှိနေလို့ NNER မှာ ဒေါက်တာသိန်းလွင်ရဲ့ အခန်းကဏ္ဍနဲ့ ပတ်သက်လို့အငြင်းပွားမှုဖြစ်နေတာ။ အရင်တုန်းကလည်း နားလည်ထား တာက NNER မှာ ဒေါက်တာသိန်းလွင် ပါနေခြင်းသည် အမျိုးသားဒီမိုကရေစီအဖွဲ့ချုပ် ပညာရေးကွန်ရက်ရဲ့ ကိုယ်စားလှယ်အနေနဲ့ ပါနေတယ်လို့ နားလည်တယ်။

ခုကျတော့ ဟုတ်ခြင်း၊ မဟုတ်ခြင်းဆိုတဲ့ ပြဿနာတွေ ဖြစ်လာတယ်လို့ အဲလိုမျိုးရှင်းပြတဲ့ သဘောမျိုးပါ။ သူရဲ့အခန်းကဏ္ဍကို မလေးစားလို့မဟုတ်ပါဘူး။ ဘာဖြစ်လို့ လဲ ဆိုတော့ ဥပဒေမပြုခင်တုန်းက စိန်ရတုသဘင်မှာလုပ်ခဲ့တဲ့ ပညာရေးဝန်ကြီးဌာနဆွေးနွေးမှာ ဒေါက်တာ သိန်းလွင်တောင်မှ သဘာပတိအဖြစ်နဲ့ပါဝင်လုပ်ခဲ့တဲ့ အစည်းအဝေးတွေရှိပါတယ်။

VOICE : ၁ရက်နေ့ဆွေးနွေးပွဲတုန်းက ကျောင်းသားတွေနဲ့ NNER ကိုယ်စားလှယ်တွေကို နေပြည်တော် လာ ဆွေးနွေးတဲ့အခါ စည်ပင်ဧည့်ရိပ်သာမှာ တည်းခိုပေးဖို့ စီစဉ်ပေးမယ်လို့ ပြောခဲ့ပါတယ်တဲ့။ နေပြည်တော်ရောက် တော့ တည်းခိုခွင့်မရတာ ဘာကြောင့်ပါလဲ။

UYH : မသိဘူးဗျာ။ အဲဒါကတော့ ကျွန်တော်ကတော့ ၁ရက်နေ့ဆွေးနွေးပွဲမှာ ဘယ်သူက ကတိပေးခဲ့တယ် ဆိုတာတော့ မသိဘူး။ စည်ပင်ဧည့်ရိပ်သာမှာ တည်းခွင့်ရတယ်၊မရဘူးဆိုတာလည်း ကျွန်တော်တောင်မှာ ဒီနေ့ မနက် Facebook ပါမှ သိရတာ။ စည်ပင်ဧည့်ရိပ်သာမှာ တည်းလို့မရတာက ဘယ်လိုကြောင့်လဲ ကျွန်တော် တော့ မသိဘူးဗျ။ ဒါပေမဲ့ ကျွန်တော်လည်း အဲဒီသတင်းကြားရတော့ ခင်ဗျားတို့ကိုလည်း အဲဒီတုန်းကပါတဲ့ ဦးသန့်ရှင်းတို့မေးကြည့်ရင် ကောင်းမယ်။ ဘယ်ယူက အခန်းစီစဉ်ပေးမယ်ဆိုတာ ပြောတာလဲဆိုတာတော့။

VOICE : ရက်ရွှေ့ဆိုင်းလိုက်လို့ တစ်စုံတစ်ရာ အဆိုးဘက်ကို သက်ရောက်သွားနိုင်ခြေရှိလားခင်ဗျာ။

UYH : အဲဒါကတော့ ပါဝင်ပတ်သက်တဲ့ လူတွေရဲ့ ဆုံးဖြတ်ချက်ပေါ်မှာပဲ မူတည်မှာပဲ။ ကျွန်တော်တို့ အစိုးရနဲ့ ဥပဒေပြုရေး မဏ္ဍိုင်တွေကတော့ ဒါနဲ့ပတ်သက်လို့အကောင်းဆုံး အဖြေရှာဖို့လုပ်မှာပေါ့နော်။

တစ်ဖက်က ကျောင်းသားတွေဘက်က ဦးစားပေးလုပ်ရမှာတော့ ကိုယ့်အချင်းချင်းကြားထဲမှာ အားလုံးလက်ခံနိုင်မယ့် ခေါင်း ဆောင်ကို တက္ကသိုလ်တွေက ပြန်ရွေးတာမျိုး ပြီးရင်ဆွေးနွေးမယ့်အချက်ကို တိတိကျကျသတ်မှတ်တာ။ ကိုယ့် ဘက်ကပြောချင်တဲ့ အချက်ကိုသတ်မှတ်တာပေါ့။ ဒါမျိုးလုပ်ဖို့ လိုပါတယ်။

နောက်တစ်ခုကအားလုံး ခံယူထား ရမှာက ဆွေးနွေးပွဲဆိုတာက ဒီမိုကရေစီဆွေးနွေးပွဲဆိုတာ ကိုယ်လိုချင်တာအားလုံးရဖို့အတွက်လုပ်တာမဟုတ် ဘူးလေ။ကွဲပြားတဲ့ဟာတွေကနေအကောင်းဆုံးအဖြေရှာလို့ရအောင်လုပ်တာကိုလည်းနည်းလည်ဖို့ လို သေး တာပေါ့။

ရရင်ရမရရင်ချမယ်ဆိုတဲ့ အတွေးအခေါ်မျိုးကတော့ဒီမိုကရေစီစနစ်မှာအလုပ်မဖြစ်တော့ဘူးထင်တယ်။

Ye Htut (Facebook)