အဆိုတော် သားစိုး (ဓာတ်ပုံ - ယုမွန်ကျော်/ ဧရာဝတီ)
မြန်မာသံစဉ်သီချင်းတွေ နတ်သီချင်းတွေကို Techno သံစဉ်တွေနဲ့ပေါင်းစပ် ဖန်တီးနေတဲ့ အဆိုတော် သားစိုးတယောက် အခု တခါမှာလည်း အဲ့လိုပေါင်းစပ်ထားတဲ့ တေးစီရီးတခွေ ထွက်ဖို့ ရှိပါတယ်တဲ့။
စီးရီးနာမည်ကတော့ အဆန်းပါပဲ။ “အာလူး သားကူး နှာဗူး ဂန်ဒူး” ပါတဲ့။
“အဲဒီသီချင်းက ဘယ်သူရယ်လို့ ရည်ရွယ်ထားတာ မဟုတ်ပါဘူး။ ကျွန်တော်ဘာသာတွေးမိပြီး ဒီအတိုင်းလေး ရေးလိုက်တာပါ။ ဘယ်သူကိုမှ ရည်ရွယ်ထားတာမဟုတ်လို့ တိုက်ဆိုင်မှုရှိသွားခဲ့ရင်လည်း အဲဒီသူကိုသာ ရည်ရွယ်ပါတယ်” လို့ အဆိုတော် သားစိုးက ဧရာဝတီကိုပြောပါတယ်။ ဒီတေးစီးရီးမှာ အလှူမင်္ဂလာ၊ ဗြော၊ နတ်ဒိုး၊ မီးဘေးရှောင် စတဲ့ တေးသီချင်းတွေကို ပြန်ပြီး Remix ပြုလုပ်ထားကာ Featuring အဆိုရှင်တွေအနေနဲ့ မေရှင်၊ ဘာဘူ၊ ဖြိုးကြီး၊ ချမ်းချမ်း၊ Lဆိုင်းဇီ၊ အိမ့်ချစ်၊ နဒီဝင့်နိုင်၊ ဇင်သူမိုး၊ ဆိုင်းညီရဲရင့်၊ ဗစ်တား၊ ရွာစားလေး ထက်အာကာနဲ့အဖွဲ့တို့က ပါဝင်ထားပါတယ်။
နောက်ပြီး ဘိုဘိုအင်တာတိန်းမန့်ကနေ တဆင့် ဖေဖော်ဝါရီလ ၁၈ရက်နေ့မှာ စတင်ဖြန့်ချိမှာဖြစ်ကာ အခွေဝယ်ယူအားပေးမယ့် ပရိသတ်တွေကို သားစိုးက အမေရိကန်ပြည်ထောင်စု New York မြို့မှာရှိတဲ့ OBG အဖွဲ့ရဲ့ အခွေကို လက်ဆောင်အဖြစ် ပြန်ပေးသွားမှာပါတဲ့။
ဒ့ါထက် ခေါင်းစဉ်ဖြစ်တဲ့ “အာလူး သာကူး နှာဗူး ဂန်ဒူး” တေးသီချင်းကိုတော့ အရင် သီအိုရီ အဖွဲ့ ကတည်းက လက်တွဲညီခဲ့တဲ့ အဆိုတော် ဘာဘူနဲ့ အတူတူ ရေးစပ်ထားတာ ဖြစ်တယ်လို့လည်း ဆိုပါတယ်။
“အာလူး သာကူး နှာဗူး ဂန်ဒူး” တေးစီးရီးကို လုပ်ထားတာ လေးနှစ်ကျော်ကြာပြီဖြစ်ပေမယ့်လည်း အခွေထဲက စာသားတွေကို အခုခေတ်နဲ့အညီ Current ဖြစ်အောင်လို့လည်း ပြန်လည်ဖြည့်စွက် သီဆိုထားပါတယ်တဲ့။
အခွေထဲမှာ ပါဝင်တဲ့ တေးသီချင်း စာသားတွေနဲ့ ပတ်သတ်ပြီးတော့ အဆိုတော် သားစိုးက “အခွေက အရင်ခေတ် ဆင်ဆာရှိတဲ့အချိန်ဆိုရင် ကျွန်တော့်အခွေ တစ်ခွေလုံး ဆင်ဆာထိနိုင်တယ်” လို့လည်း ပြောပါတယ်။
သင်္ကြန်နားနီးတိုင်း Remix အခွေတွေကို ဖြန့်ချိလေ့ရှိတတ်တဲ့ အဆိုတော်သားစိုးရဲ့ “အာလူး သာကူး နှာဗူး ဂန်ဒူး” ကရော ဒီနှစ် သင်္ကြန်ရဲ့မဏ္ဍပ်တိုင်းမှာ နေရာယူထားနိုင်မလားဆိုတာကတော့…..။
ယုမွန်ကျော်
ဧရာဝတီ
0 comments:
Post a Comment