ကျောင်းသားသပိတ် ဘာတွေဆက်ဖြစ်နိုင်သလဲ

သပိတ်မှောက်ကျောင်းသားများနှင့် သံဃာအချို့ မကွေးကွန်ပျူတာတက္ကသိုလ်မှ ပြန်လည်ချီတက်လာစဉ် / ဓာတ်ပုံ−ဂျေမောင်မောင်(အမရပူရ)

ပြည်သူများစောင့်ကြည့်နေသော နေပြည်တော် လေးပွင့်ဆိုင် ပညာရေးဆွေးနွေးပွဲမှာ အစိုးရနှင့် ကျောင်းသားတို့ အကြား တက်ရောက်မည့်အရေအတွက် ညှိနှိုင်းမှုအဆင်မပြေရာမှ ရွှေ့ဆိုင်းသွားပြီဖြစ်သည်။ ဖေဖော်ဝါရီ ၁၂ ရက်နောက်ပိုင်းမှသာ ဆက်လက်ဆွေးနွေးမည်ဟုသာ အဖြေထွက်၍ ပြည်သူများ စုိုးရိမ်မှု ဒီရေပိုတက်လာသည်။ဖေဖော်ဝါရီ ၃ရက်က နေပြည်တော်ရှိ ပညာရေးဝန်ကြီးဌာန၌ ပြုလုပ်ရာ၌ သပိတ်မှောက် ကျောင်းသားများဘက်က တက်ရောက်သူ ၄၀ကျော် ရှိခဲ့ပြီးအစိုးရက အစည်းအဝေးခန်းတွင်းသို့ ၂၀ဦးသာ ၀င်ခွင့်ပြုခဲ့သည်။ ထို့ အပြင် ဆွေးနွေးပွဲသို့ လာသော ကျောင်းသားများကို နေပြည်တော်စည်ပင်ဧည့်ရိပ်သာတွင် တည်းခိုခွင့်မပြု၍ ကျောင်းသားများ ကားပေါ် အိပ်စက်ခဲ့ရအောင်လုပ်ခြင်းက အစိုးရအတွက် အရုပ်ဆိုးလှကြောင်း လေ့လာသူများက သုံးသပ်သည်။ အစည်းအဝေး တက်မည့် ကျောင်းသားဦးရေ ဆွေးနွေးရာမှ အဆင်မပြေဖြစ်ပြီး ဆွေးနွေးပွဲပျက်ခဲ့သည်။

ဆွေးနွေးပွဲအဖြေ စောင့်ကြည့်နေသော ကျောင်းသားများကလည်း ဆက်လက်ချီတက်ရန် ဆုံးဖြတ်ခဲ့ပြီး နိုင်ငံအနှံ့မှ သပိတ်စစ်ကြောင်းများ ရန်ကုန်မြို့သို့ ချီတက်လာမည်ဟု ဆုံးဖြတ်ခဲ့ကာ ရန်ကုန်မြို့သို့ ဆက်လက်ချီတက်လာနေပြီဖြစ်သည်။

ထိုအခြေအနေနှင့်ပတ်သက်၍ နိုင်ငံရေးလေ့လာသူများ တွက်ဆသည့်အချက်သုံးချက် ရှိနေသည်။ ထိုသုံးချက်မှာ ဆွေးနွေးပွဲပြန်လည်စတင်ပြီး အဆင်ပြေသွားနိုင်ခြင်း၊ အစိုးရက သပိတ်စစ်ကြောင်းကို အကြမ်းဖက်ဖြို ခွဲနိုင်ခြင်းနှင့် အခြေအနေအားလုံး ရှုပ်ထွေးလာပြီးနောက် တပ်မတော်က အာဏာပြန်သိမ်းခြင်း ဖြစ်နိုင်သည်ဟူ၍ ဖြစ်သည်။

ယင်းသုံးခုအနက် လေ့လာသူအများစုက အစိုးရက ကျောင်းသားသပိတ်စစ်ကြောင်းကို အကြမ်းဖက်ဖြိုခွင်းနိုင်ခြေပိုများဟု ထင်မြင် ယူဆကြသည်။ ယခင်ကဖြစ်ပျက်ခဲ့သည့် သမိုင်းနောက်ခံအချက်အလက်များကို အခြေခံ၍မှန်းဆ ပြောဆိုခြင်းဖြစ်သည်။ ကျောင်းသားသပိတ်စစ်ကြောင်းပေါ်ပေါက်လာပုံကို ပြန် ကြည့်ပါက စက်တင်ဘာ ၃၁ရက် က ပြည်ထောင်စုလွှတ်တော်တွင် အတည်ပြုခဲ့သည့် အမျိုးသား ပညာရေးဥပဒေကို ဆန့်ကျင်ကန့် ကွက်သည့်အနေဖြင့် ကျောင်းသားသမဂ္ဂများမှ တက္ကသိုလ်ကျောင်းသား လေးရာကျော်စု ပေါင်း၍ နိုဝင်ဘာ ၁၄ ရက်မှစ၍ ရန်ကုန်မြို့တွင်းလေးရက်ဆက်လှည့်လည်သပိတ်မှောက်ဆန္ဒပြ ခဲ့ကြသည်။

ထို့နောက်အစိုးရ၊ တာဝန်ရှိ သူများနှင့်တွေ့ဆုံညှိနှိုင်းရန်ရက် ၆၀ရာဇသံပေး၍ သပိတ်မှောက် ကျောင်းသားများက သပိတ်ကို ခေတ္တရပ်ဆိုင်းခဲ့သည်။ သို့သော်အစိုးရအနေဖြင့်ရက်ပေါင်း ၆၀ ပြည့်သည့်တိုင်တွေ့ဆုံဆွေးနွေး ညှိနှိုင်းပေးခဲ့ခြင်းမရှိပေ။

ရက် ၆၀အလွန်၌ သပိတ်မှောက်ကျောင်းသားများသည် ဇန်န၀ါရီ ၂၀ရက်တွင် မန္တလေးမြို့အိမ်တော်ရာ ၁၄ခန်းမှ စတင်၍ ရန်ကုန်မြို့အထိ ခရီးရှည် ခြေလျင်ချီတက်သပိတ်မှောက် ဆန္ဒပြခဲ့သည်။

ခရီးရှည်လမ်းလျှောက် သပိတ်မှောက်နေသည့် ကျောင်းသားများကို ဇန်န၀ါရီ ၂၇ရက်တွင် မန္တလေးတိုင်းဒေသကြီး တောင်သာမြို့အ၀င်လမ်း၌ အာဏာပိုင်များက တားဆီးခဲ့သည်။ ကျောင်းသားထုနှင့် ထိပ်တိုက်တွေ့တော့မည့်အခြေအနေသို့ပင် ရောက်ခဲ့ သည်။ ထို့နောက် သမ္မတရုံးဝန်ကြီး ဌာန ပြည်ထောင်စုဝန်ကြီး ဦးအောင်မင်းက ကြားဝင်ညှိနှိုင်းခဲ့ သဖြင့်ကျောင်းသားများနှင့် ဖေ ဖော်ဝါရီ ၁ရက်တွင်လေးပွင့်ဆိုင် တွေ့ဆုံဆွေးနွေးရန် သဘောတူခဲ့ကြသည်။ ထို့အပြင် ကျောင်းသားများကို တားဆီးမည့်လုံခြုံရေး အဖွဲ့ များ ဖယ်ရှားပေးလိုက်သဖြင့် ကျောင်းသားများ ဆက်လက်ချီ တက်ပြီး တောင်သာမြို့၌ ညအိပ်ခဲ့ကြသည်။

ဖေဖော်ဝါရီ ၁ရက်တွင် ရန်ကုန်မြို့စိန်ရတုခန်းမ၌ လေးပွင့်ဆိုင်တွေ့ဆုံဆွေးနွေးရာ ကျောင်းသားများတောင်းဆိုထားသည့် အမျိုးသားပညာရေးဥပဒေမှ ပြင်ဆင်လိုသည့်အချက် ၁၁ ချက်ကို မဆွေးနွေးမီ ဆွေးနွေးပွဲမူဘောင်ကိုးချက်ကို ကျောင်းသားများက တင်လိုက်ရာမှ ဆွေးနွေးပွဲ အဆင်မပြေဖြစ်ခဲ့သည်။

အဆိုပါတွေ့ဆုံဆွေးနွေးပွဲသို့ အစိုးရဘက်မှ ဦးဆောင်တက်ရောက်သည့် ဦးအောင်မင်းက တွေ့ဆုံဆွေးနွေးပွဲ စတင်နေပြီဖြစ်၍ သပိတ်ဖျက်သိမ်းပေးရန်နှင့် ပုပ္ပားအလွန်မှစ၍ လုံခြုံရေး တာဝန်ယူတော့မည်မဟုတ်ကြောင်း အကြိမ်ကြိမ်ပြောကြားသွားခဲ့သည်။

ဦးအောင်မင်းနှင့်နီးစပ်သူများ၏ ပြောဆိုချက်အရ သက်ဆိုင်ရာတာဝန်ရှိသူများက ပုဒ်မ ၁၄၄ ထုတ်ပြန်၍ သပိတ်စစ်ကြောင်းအား တားမြစ်ရန်ရှိသဖြင့် ဦးအောင်မင်းက ကြားဝင်စေ့စပ်ပေးခဲ့ခြင်းဖြစ်သည်ဟုဆိုသည်။ ထို့ကြောင့် ဦးအောင်မင်းအနေဖြင့် ပုပ္ပားအထိ တောင်းဆိုထား၍သာ ပုပ္ပားကျော်ပါက တာဝန်မယူနိုင်ကြောင်း ပြောဆိုခြင်းဖြစ်သည်ဟု ၎င်းတို့ကသုံးသပ်သည်။

သို့သော် မန္တလေးမှ ချီတက်လာသော သပိတ်စစ်ကြောင်းမှာ ဖေဖော်ဝါရီ ၁ရက်မှာပင် မနားဘဲ ဆက်တိုက်ချီတက်လာရာ မကွေးမြို့ကျော်လာသည်ထိ ကြီးကြီးမားမား တားဆီးမှုမရှိဘဲ ကျောင်းသားများ ဆက်လက်ချီတက်နိုင်နေဆဲ ဖြစ်သည်။

သို့သော် နေပြည်တော်သို့ ဆွေးနွေးပွဲတက်ရောက်ရန်သွားရောက်ခဲ့သည့် ကျောင်းသား ကိုယ်စားလှယ်များ၊ NNER ကိုယ်စားလှယ်များအား အစိုးရထိန်းချုပ်မှုအောက်တွင်ရှိသော စည်ပင်ရိပ်သာ၌ တည်းခိုခွင့်မပြုခြင်း၊ ဆွေးနွေးပွဲ ရွှေ့ဆိုင်းသွားပြီး နောက် သက်ဆိုင်ရာဒေသအသီးသီးသို့ ပြန်သည့် ကျောင်းသားများနောက်သို့ လုံခြုံရေးအဖွဲ့များ လိုက်လာခြင်းများရှိခဲ့သည်။

‘‘ကျွန်မတို့ အိမ်နားပတ်ဝန်းကျင်ပတ်ပတ်လည်မှာ ထောက်လှမ်းရေးတွေအများကြီး ရောက်နေပါတယ်။ ကျွန်မ ယုံကြည်ချက် အတွက် ဘာမဆို ရင်ဆိုင်ရဲပါတယ်’’ဟု ကျောင်းသားခေါင်းဆောင်တစ်ဦးဖြစ်သူ မဖြိုးဖြိုးအောင်က နေပြည်တော်ဆွေးနွေးပွဲအပြီး နောက်တစ်နေ့ ၎င်း၏ ဖေ့စ်ဘွတ်ခ်စာမျက်နှာတွင် ရေးသားထားသည်။

ထိုအခြေအနေကို ကြည့်ခြင်းအားဖြင့် အစိုးရက အကြမ်းဖက်ဖြိုခွင်းခြင်းမျိုး လုပ်လာနိုင်ကြောင်း နိုင်ငံရေးလေ့လာသူများကသုံးသပ်ကြသည်။

‘‘ဘာဖြစ်လို့လဲဆိုတော့ အခုအစိုးရတာဝန်ရှိသူတွေ အပြောအရ အရေးမယူဘူးလို့ မပြောသေးဘူး။ အစဉ်အလာအရ သူတို့က လုံခြုံရေးဘက်ကို ပိုကြည့်တယ်။ ကျောင်းသားမဟုတ်သူတွေ ပါတယ်။ သွေးထိုးပေးတယ်။ ကျောင်းသားတွေကို အသုံးချတယ်။ ဒီလိုစကားတွေကြားနေကျပါ။ နောက်ဆုံး အစိုးရဆန့်ကျင်ရေးလုပ်နေကြတာပဲဆိုပြီး မြင်နိုင်တယ်’’ဟုနိုင်ငံရေးလေ့လာသူ ဦးအောင်သူငြိမ်းက သုံးသပ်သည်။

သို့သော် သမ္မတဦးသိန်းစိန်၏ ဖေဖော်ဝါရီ ၁ ရက်တွင် ထုတ်လွှင့်သော ရေဒီယိုမိန့်ခွန်း၌ ‘‘အခုချိန်မှာဆိုရင် ဆန္ဒပြချီတက်မှုများကို ရပ်တန့်ပြီး ဆွေးနွေးမှုကို ခိုင်ခိုင်မာမာ စတင်ကြရမှာဖြစ်ပါတယ်။ ဆွေးနွေးညှိနှိုင်းနည်းလမ်းသာလျှင် လက်တွေ့ကျတဲ့ အဖြေ ဖြစ်တယ်ဆိုတာ ဆုပ်ကိုင်ထားဖို့ လိုပါတယ်’’ဟု ပြောထားသည်။

လက်ရှိ အစိုးရတာဝန်ရှိသူများက ကျောင်းသားသပိတ်စစ်ကြောင်းကို အမျိုးသားဒီမိုကရေစီ အဖွဲ့ချုပ် (NLD) နှင့် ကွန်မြူနစ်ဟောင်းများ၏ ပယောဂမကင်းဟု ကနဦးယူဆထားကြောင်း အစိုးရနှင့် နီးစပ်သူများ၊ နိုင်ငံရေးလေ့လာသူများက သုံးသပ်သည်။ ထို့ ကြောင့် ဒေါ်အောင်ဆန်းစုကြည်က အမျိုးသားဒီမိုကရေစီအဖွဲ့ ချုပ် အရန်ဗဟိုကော်မတီဝင် ဒေါက်တာသိန်းလွင်အား လေးပွင့်ဆိုင်တွေ့ဆုံဆွေးနွေးပွဲသို့ မတက်ရောက်ရန် ပြောဆိုခဲ့ကြောင်း သတင်းရရှိသည်။

သို့သော် ဒေါက်တာသိန်းလွင်မှာ လေးပွင့်ဆိုင် ဆွေးနွေးရေး တက်ရောက်ခဲ့သဖြင့် အဖွဲ့ ချုပ်၏ စည်းမျဉ်းစည်းကမ်းအရ အရေးယူမည်ဟု ကြေညာချက် ထုတ်ပြန်ခဲ့ရသည်။

‘‘ညှိမရတော့ဘူးလို့ စဉ်းစားလို့ သမ္မတကဆွေးနွေးပွဲကို ရပ်ခိုင်းလိုက်တာ။ မဖြစ်နိုင်တာတွေ တောင်းနေတယ်။ ပြဿနာတက်အောင် လုပ်နေတယ်လို့ ထင်နေတဲ့အတွက် ဆော်လိမ့်မယ်’’ ဟု တပ်မတော်ထောက်လှမ်းရေး အရာရှိဟောင်းတစ်ဦးက သုံး သပ်သည်။

‘‘ကျောင်းသားတွေ ဥပဒေကို ပြင်ဆင်ချင်တဲ့ ဆန္ဒကိုတွေ့ရ တယ်။ ဒါပေမဲ့ တည်ဆဲဥပဒေနဲ့ လွှတ်တော်နဲ့ ပတ်သက်တာတွေ ကို လေ့လာထားတာ အားနည်းတယ်။ အခြေခံဥပဒေနဲ့ ဆန့်ကျင်တာတွေရှိတယ်။ ချဉ်းကပ်တဲ့ပုံလိုအပ်တယ်’’ ဟု နိုင်ငံ ရေးလေ့လာသူတစ်ဦးက ဆွေး နွေးပွဲပျက်သွားရခြင်းနှင့်ပတ် သက်၍ သုံးသပ်သည်။

ကျောင်းသားများဆွေးနွေးပွဲ ကျင်းပနေချိန်အတွင်း ချီတက်နေသော သပိတ်စစ်ကြောင်းများ ရပ်တန့်ထားမည်ဆိုသော အချက်ကို ဖောက်ဖျက်ခြင်း အမျိုးသား ပညာရေး ဥပဒေတွင် ပါဝင်သောအချက် ၁၁ ချက်ကို ဆွေးနွေးမည်ပြော ဆိုထားသော်လည်း ဆွေးနွေးပွဲ စတင်သည့်နေ့တွင် ဆွေးနွေးပွဲမူဘောင် ကိုးချက်ကိုတင်ပြလာခြင်းနှင့် နေပြည်တော်ဆွေးနွေးပွဲတွင် ကြိုတင်တောင်း ဆိုထားခြင်း မရှိဘဲ လူဦးရေထပ် တိုးဆွေးနွေးခွင့်တောင်းခံခဲ့သည်ဟု ၎င်းကပြောသည်။ ဆွေးနွေးပွဲ မူဘောင်မှာ ကြိုတင်အသိပေး ဆွေးနွေးထားရန်လိုသောအချက် ဖြစ်သည်ဟု ၎င်းကဆိုသည်။ ကျောင်းသားဆရာသမဂ္ဂများ၏ တရားဝင်မှုကို လေးစားစွာအသိအမှတ်ပြုရမည်ဟု တောင်းဆိုခြင်းမှာလည်း အစိုးရက မဆောင်ရွက် နိုင်ဘဲ ဥပဒေထဲ၌ထည့်သွင်းပြီး လွှတ်တော်က ပြဋ္ဌာန်းမှသာ ရရှိမည့်အချက်ဟု ၎င်းကဆိုသည်။

သို့သော် သပိတ်မှောက် ကျောင်းသားများက အစိုးရက ယူနီယံဟု အသုံးအနှုန်းကို တီထွင်သုံးနှုန်းပြီး အသိအမှတ်ပြုထားခြင်းကို ညွှန်းဆိုပြီး ၎င်းတို့အသိ အမှတ်ပြုလိုပါက အလားတူ ဆောင်ရွက်နိုင်ကြောင်း တုံ့ပြန် ပြောသည်။

သို့သော် သုံးသပ်သူအချို့ကမူ အစိုးရအနေဖြင့် လာမည့် ဖေဖော်ဝါရီ ၁၂ ရက် မတိုင်မီ အခြား အရေးကြီးသည့် ကိစ္စများပြုလုပ် ရန်ရှိသဖြင့် ဆွေးနွေးပွဲရပ်နားထားခြင်း ဖြစ်နိုင်ကြောင်းလည်း သုံးသပ်ကြသည်။

‘‘အဆင်ပြေဖို့ များပါတယ်။ အစိုးရက ညှိနှိုင်းတဲ့ ကိစ္စမှာ အတွေ့အကြုံရှိနေပြီ။ တခြား မနိုင်မနင်းတာတွေ ရှိနေလို့၊ အာရုံစိုက်နေရလို့ ရပ်ထားတာ ၁၂ ရက်နေ့ ပြီးရင် ပြန်ဆွေးနွေးမယ်ထင်တယ်။ ပညာရေးဥပဒေနဲ့ပတ်သက်ပြီး အဆင်ပြေသွားမယ် ထင်တယ်’’ ဟု နိုင်ငံရေးဆောင်းပါးရှင် စည်သူအောင်မြင့်က သုံးသပ်သည်။

အစိုးရအဖွဲ့က ဖေဖော်ဝါရီ ၁၂ ရက်တွင် တိုင်းရင်းသားလက်နက်ကိုင်အဖွဲ့များနှင့် တစ်နိုင်ငံလုံး အပစ်အခတ်ရပ်စဲရေး စာချုပ်လက်မှတ်ရေးထိုးနိုင်ရန် ကြိုးစားလျက် ရှိသည်။

ဖြစ်နိုင်ခြေ တတိယအချက် ဖြစ်သော အာဏာပြန်သိမ်းသည့် ကိစ္စမှာ ဖြစ်နိုင်ခြေအနည်းဆုံး ဖြစ်ကြောင်း 7Day Dailyက မေးမြန်းခဲ့သော နိုင်ငံရေးလေ့လာသူများက သုံးသပ်ကြသည်။ အာဏာ မသိမ်းလို၍ နှစ် ၂၀ ကျော်ကြာ အချိန်ယူပြီး အခြေခံဥပဒေကို စိတ်ကြိုက်ရေးဆွဲ အုပ်ချုပ်နေ ခြင်းဖြစ်သည်။ ထို့ကြောင့် အာဏာသိမ်းမည့်ကိစ္စမှာ အနည်းဆုံးဖြစ်နိုင်သည့် ကိစ္စဟု ၎င်းတို့ က ထင်မြင်ယူဆကြသည်။

‘‘အစိုးရအနေနဲ့ အချိန်မရွေး အင်အားသုံးဖြေရှင်းနိုင်တယ်။ ဖြေရှင်းမှာပဲလို့ ထင်တယ်။ အဲဒီ တော့ ထိပ်တိုက်တွေ့ဖို့ များတယ်ပေါ့ဗျာ။ ထိပ်တိုက်ရင်ဆိုင်မှုတွေက ပျံ့နှံ့အုံကြွသွားခဲ့ရင်တော့ အာဏာသိမ်းနိုင်တဲ့ နောက်ကြောင်းကို ပြန်လှည့်မှာ အသေအချာပဲ’’ ဟု ABSDF မှ ပြောရေးဆိုခွင့်ရှိသူ ဦးလွမ်းဏီက ပြောသည်။

အစိုးရအဖွဲ့တွင် တွေ့ဆုံ ဆွေးနွေးရေး လိုလားသူများ ရှိသကဲ့သို့ ယခင်စနစ်ဟောင်းအတိုင်း စဉ်းစားတွေးခေါ်သူများလည်း ရှိသည်။ ထို့ကြောင့် ကျောင်းသားသပိတ်ကို အကြမ်းဖက်နှိမ်နင်းမှုများ ဖြစ်ပေါ်လာနိုင်သည်ဟု ထင်မြင်သုံးသပ်မှုများ ရှိနေခြင်း ဖြစ်သည်။

လက်ရှိ အခြေအနေမှာပင် မန္တလေးမှ ချီတက်လာသော သပိတ်စစ်ကြောင်းကို ထိန်းသိမ်းရန်ဟု သတင်းထွက်နေသော ရှေ့ပြေးကားတစ်စီး အပါအ၀င် စုစုပေါင်း ကားခုနစ်စီးနှင့် အင်အား၂၀၀ ခန့်ရှိသော လုံထိန်းရဲတပ်ဖွဲ့များ အောင်လုံမြို့နယ် ကုသိနာရုံကျောင်းတွင် ရောက်ရှိနေကြောင်း သတင်းရရှိသည်။ ‘‘သွေးထွက်ပြီးမှ ဘာမှ ရှင်းမရဘူး’’ဟု ၈၈ မျိုးဆက်(ငြိမ်းပွင့်) မှ ကိုဂျင်မီက သုံးသပ်သည်။ လက်ရှိ ကျောင်းသားသပိတ်နှင့်ပတ် သက်၍ တစ်နိုင်ငံလုံးက စိတ်ဝင်တစားစောင့်ကြည့်နေသည်။

‘‘ကျွန်တော်တို့က တွေ့ဆုံဆွေးနွေးရေးကို အမြဲတမ်း တံခါးဖွင့်ထားမှာပါ။ အစိုးရဘက် အဆင်ပြေတဲ့အချိန် တွေ့ဆုံဆွေးနွေးရေး ကို တောင်းဆိုလာခဲ့ရင် ဆက်ပြီး ဆွေးနွေးသွားမယ်။ တစ်ဖက်က လည်း သပိတ်ကို ရပ်မှာမဟုတ်ပါ ဘူး။ သပိတ်မှောက်နေတဲ့ ကျောင်းသားတွေကို အကြမ်းဖက် ဖြိုခွင်းဖို့ အစိုးရအနေနဲ့ ကြိုးစားခဲ့ ရင် အစိုးရတစ်ရပ်ရဲ့ သိက္ခာပါပဲ။ ပြဿနာတစ်ခုကို ကိုင်တွယ်ဖြေရှင်းတဲ့နေရာမှာ ဒီမိုကရေစီဆန်တဲ့ အစိုးရလား၊ အာဏာရှင်ဆန်တဲ့ အစိုးရလားဆိုတာ ဒီနိုင်ငံရဲ့ လူတွေရော ကမ္ဘာကရော သိသွား မှာပါ။ တွေ့ဆုံဆွေးနွေးရေးမှာ တောင်းဆိုတဲ့ အချက် ၁၁ ချက်က ညှိနှိုင်းတဲ့နေရာမှာ ဘယ်အချက်က ဘယ်ဥပဒေမှာပါသင့်လဲဆိုတာကို အလျှော့အတင်းလုပ်ပြီး ညှိနှိုင်းသွားမယ်။ အစိုးရဘက်က စေတနာသန့်မယ်ဆိုရင် ပြေလည်သွားမယ်လို့ ယုံကြည်တယ်’’ဟု သပိတ်မှောက်ကျောင်းသား ခေါင်းဆောင်တစ်ဦးဖြစ်သော ကိုမင်းသွေးသစ်ကပြောသည်။

‘‘အကြမ်းဖက်ဖြိုခွဲရင် အထွေထွေသပိတ်ဖြစ်လိမ့်မယ်။ တစ်တိုင်းပြည်လုံး လမ်းပေါ်ထွက်လာမှာပေါ့’’ဟု ပြည်သူတစ်ဦးဖြစ်သော ကိုအောင်ကိုဝင်းက သုံး သပ်သည်။

ထို့ကြောင့်လည်း အမျိုး သားဒီမိုကရေစီအဖွဲ့ချုပ်၊ ၈၈ ကျောင်းသားများ အပါအ၀င် နိုင်ငံရေး အင်အားစုများက တွေ့ ဆုံဆွေးနွေးရေးပုံစံဖြင့် ဖြေရှင်းရန် တစိုက်မတ်မတ် တိုက်တွန်း ပြောဆိုနေခြင်း ဖြစ်သည်။

‘‘ဒေါ်အောင်ဆန်းစုကြည် ပြောတဲ့ စကားတစ်ခွန်းရှိတယ်။ စေ့စပ်ညှိနှိုင်းရေးဆိုတာ နှစ်ဖက် စလုံးက လျှော့မှဖြစ်မှာ။ ကိုယ် တောင်းဆိုချက်ကို ၁၀၀ ရာခိုင်နှုန်းရမှ သဘောတူမယ်ဆိုရင် ဒါဒီမိုကရေစီ မဟုတ်ဘူး။ အဖြေလည်းရမှာ မဟုတ်ဘူး။ အဲဒီ စကားအရ နှစ်ဖက်ညှိနှိုင်းပြီး အပြန်အလှန် သွားစေချင်တယ်’’ဟု နိုင်ငံရေးလေ့လာသူ စာရေးဆရာ ဆရာကျော်ဝင်းက သုံးသပ်သည်။

ထို့ကြောင့် လက်ရှိ ကျောင်းသားသပိတ်နှင့်ပတ်သက်၍ နိုင်ငံရေးလေ့လာသူတစ်ဦးကမူ အေးအေးဆေးဆေးနှင့် ပြီးသွားနိုင်သည်မှာ ၄၀ ရာခိုင်နှုန်းရှိပြီး၊ အကြမ်းဖျက်ဖြိုခွဲနိုင်ခြေမှာ ၅၀ ရာခိုင်နှုန်းရှိကာ အခြေအနေအား လုံးရှုပ်ထွေးသွားသဖြင့် အာဏာပြန်သိမ်းရခြင်းက ၁၀ ရာခိုင်နှုန်း ဖြစ်နိုင်ကြောင်း သုံးသပ်ပြောကြား လေသည်။

7Day Daily